اضعت استدعاء المسابقة ما الحل [الأرشيف] - منتديات الجلفة لكل الجزائريين و العرب

مشاهدة النسخة كاملة : اضعت استدعاء المسابقة ما الحل

rim-25

2012-12-19, 18:47

السلام عليكم
لقد اضعت استدعاء المسابقة الخاص بعون ادارة و لي رايحة تكون يوم السبت بجامعة قسنطينة
ما الحل
افكر ان ادهب يوم غد الى الجامعة مصحوبة بالورقة التي تثبت اني دفعت ملف المشاركة
و نقوللهم بلي ما وصلنيش الاستدعاء

عارفة بلي راني مخطئة
بصح الله غالب صرات لازمني حل
ارجو افادتي

lndmhmd

2012-12-19, 19:16

روحي وين دفعت الملف و قوليلهم ماوصلنيش الاستدعاء يعطوك واحد اخر

جمال الدين الأفغاني

2012-12-19, 19:20

السلام عليكم

عادي جدا دائما هناك نسخة للاستدعاء يمكنك ولك الحق في طلبها

وربي يوفق الجميع لما يحبه ويرضاه

"راجية الجنة"

2012-12-19, 19:57

نورمال ريمة

روحي جبي واحد اخر وقوليلهم بي مجاكش مع انها كذبة بصح ضكذبة بيضة

fateh80

2012-12-19, 20:21

تقدري تجوزي غير ببطاقة التعريف مادام قبلولك الملف راكي تلقاي اسمك في القائمة

maram.espoir

2012-12-19, 21:05

تقدري تجوزي غير ببطاقة التعريف مادام قبلولك الملف راكي تلقاي اسمك في القائمة

كلامه صحيح

boolbi27

2012-12-19, 21:22

هههههههههههههههههههه مالا عادية لي راه يقول روحي ببطاقة التعريف الوطنية ومادام قبلوك واش رايه في المدخل المؤسسة كاين الشرطة والبواب يقول لك هات الاستدعاء و بطاقة التعريف وتفضل ولا ما كنش الاستدعاء ما ندخلك وما والو ومانمشي نسول الادارة

الله غالب

طـــارق

2012-12-19, 21:43

يكون في علمك اختي انه المسابقات تقام على مدار يومين على الاقل و لكل يوم يوجد قائمة اسمية باسـآمي المترشحين ،

وعليه فآن اسمك موجود بنفس اليوم الي تتكلمين عنه ، يكفي فقط انك تتقدمي لمركز الامتحان فاليوم المطلوب مصحوبة ببطاقة

التعريف الوطنية و نسخة منها لانه احتمــال يطلبوها منك ، مع العلم اني فوتت امتحانين واحد ما لحقنيش الاستدعـآء والثاني فوتت

الامتحــآن متأخر بيومين و كلشي عادي لانه من حقك ،،، وبالتوفيــق للجميــع إن شـاء الله

فرناس وهران

2012-12-20, 07:43

ان لم تسلم لك نسخة ثانية
اذهبي ببطاقة التعريف للمسابقة لان البطاقة تثبت بانك في القائمة

rim-25

2012-12-20, 08:18

الله يخليكم
على التجاوب و الردود
بعد ما شطت و قلبي خرج على الاستدعاء
لقيتو عند الوالد

ربي يخليكم مرة اخرى
و بارك الله فيكم