حجاب المرأة في بيت اهل زوجها [الأرشيف] - منتديات الجلفة لكل الجزائريين و العرب

جوهرة الوسط

2012-12-19, 16:08

و الله مشكلة عادت الوحدة تستهين في امور الدين على جال المجتمع هذي قصة صحبتي هي انسانة متدينة متزوجة و ساكنة مع اهل زوجها تخيلوا اهل زوجها رفضوا تتحجبها في البيت و صارت مشاكل و عادوا يقولولها راكي حابة تقسمي وديري دار وحدك و صحبتي هذه عندها 4 سلاف قالولها حديتي من حريتنا في دارنا هي درك راها حايرة كيفاش دير
اذا ممكن تناقشوني في هذا الموضوع حجاب المرأةفي بيت اهل زوجها

بيان 5

2012-12-19, 16:10

نفس مشكلة اختي تدخل ابي عندما رفضوا الامر والان ترتدي حجابها ولا احد يزعجها اقصد يجب ان يتدخل اهلها الاب خاصة

sali-sali

2012-12-19, 16:15

يا اختي المراة تضع الحجاب في بيت زوجها كيفاش راجل وجها تبان نورمال بلا حجاب قدامه

و ادا اهل الزوج راهم يشوفوا الامر انها تدير الاسباب بالحجاب باش تسكن وحدها تقولهم روحي لكاش امام و اسئلوه عن الموضوع و هكدا هوما يتعلموا شويا من الدين لي راهم جاهلينه

Lydia istanboul

2012-12-19, 16:27

لهذا افضل حل هوالسكن المستقل.......سبحان الله مكفاش قابلة تعيش مع اخوة الزوج وهي لي مسكينة حادة من راحتها على سعدها حجاب برا وحجاب لداخل و يزيدويهدرو؟؟ شوف يا سيدي زعما عار وعيب اذا لبست الحجاب و ثان يقول وحابة تقسمي و كأن لي يقسم على اهلو دار جريمة..........آه يا ربي من زواج الجزائر....ندم ندم ندم. قلها شدي في ربي و في دينك و اذا أحبك رب العباد سيحبك العباد...........

knives55

2012-12-19, 16:49

مجتمع مني غير على المشاكل

كيما دير تلقي روحك في مشكل

هذي هيا نقص الدين واش يدير يحللوا واش حبوا هما

منهاج

2012-12-19, 16:58

السلام عليكم

هي صحيح الحجاب شرع ولكن هادي راهي في وجوهم ر 24 على 24 جات على تغطي شعرهااااااااااااااااااااا

منهاج

2012-12-19, 16:59

السلام عليكم

الشرع نيشان تسكن سكن مستقل

7anine 87

2012-12-19, 17:14

ربي يهدينا يعنى المسكينة مغبونة ويزيدو عليها هى حابة طبق شرع ربي وهوما غير التخلاط حابة نفهم الزوج وش دورو انا مقلتش يتعارك بصح يحط حدود وربي يفرج عليهم وتسكن فى دار وحدها احنا كانت تسكن قدامنا وحدة كيما حالة الاخت هى سلفية بالحجاب فى الدار عجال سلبافها مش ربعة اكتر ومعاهم طفلة واف تروا ورغم انهم مشاكليين ولاعلاقة بالدين بصح هى والله ماصولها هذو المشاكل

ام ايمان16

2012-12-20, 20:16

اختي هي دير حجابها نورما في الدار
واذا تقلقو اهل زوجها منها يديرولها دارها وحدها

ربي يهدينا

أبودعاء

2012-12-24, 18:28

اسالي زوجك هو الذي يعكيك الحل

رؤيا الظلام 48

2012-12-25, 12:32

مجتمعنا ناقص وعي ديني تتحجبي في البيت قالك علاه غابنة روحها متسمعيش اغاني قال راكي معقدة فعلااااااااااااااااااااااااا نقص وازع ديني وولا واحد يبغي يتعرف على دينه اكثر حاسبين الدين غير صلاة وصوم

كاميلا

2012-12-25, 15:43

اس كل المشاكل هي التدخل في شؤون الغير وهادو واش دخلهم فيك سبحان الله الناس راهي وصلت في الاختراعات الى اقصى درجات التطور وهنا في الجزاير مازالوا يديرو ف يالمشاكل على اتفه الاسباب

كاميلا

2012-12-25, 15:45

وكي تحبي تخرجي بدارك علاش جرم؟ يخي مصيبة هاد العقلية تاع الجزايرين كون جا كل واحد يتلهى بروحه ميصراوش المشاكل الناس كامل مركزة مع بعضاها وتعس فس بعضاها

بتول8

2012-12-25, 16:13

دير الحجاب تاعها ووو دز معاهم

kamilia85

2012-12-25, 16:57

fi dar l3ila kima diri mate3jbich
telbssi hijab ygoulou rahi thez f rouha w haba toukhrej 3lina w manch menha raha taba3 f din
telbssi ygoulou rahi tbayan fi rouha w mn mafroud telbess hijab
hada hal koul wahda tekbel tousken m3a l3ila khassatan ida kan 3adadoum kbir

خولة لبابة

2012-12-25, 17:09

لازم تدير حجابها.....و لا يمكن أن تنزعه الا امام محارمها.....الله يهديهم أجمعين.......

أبودعاء

2012-12-25, 18:54

بارك الله فيك على التدخل الجميل اخت كاميلا بصح قلبك راه معمر ههههههههها ربي يجيب الخير

سدرةالمنتهى

2012-12-26, 01:08

والله مجتمع متناقض يقلك شعب الجزائر مسلم و هو لا علاقة مع الاسلام يرضاو بالعارية و لا يروضون بالمستورة المتحجبة على حساب مافهمت صراو مشاكل هي ثاني بلاك بالغت الحجاب نتع الدار ماشي نفسو نتع برا يعني ماشي 24/24 لابسة حجاب و نقاب و تتخبى من سلافها عادي تتعامل معاهم ياخي الدين معاملة شاهي تغطي شعرها و تستر روححها عادي جبات كاملين ملونين فيهم الاكمام و تحكي و تصبح و تمسي عليهم في حدود عادي كيما هاك دايرة زوجة خالي متدينة

المتفآئلة

2012-12-26, 13:05

نعم من حقها ان تتحجب .. وديننا يحثنا على هذا وللاسف هناك الكثير من النساء تجهل هذا الشيء ويخرجن متبرجات امام اخوان زوجها ..اما حل المشكلة فهي وضميرها ..ان كانت تريد ارضاء الناس على ربها او ارضاء ربها ولا تهتم بالناس لكن تعرف كيف ترضي الطرفين في ان واحد اي انت ترضي ربها و اهل زوجها وزوجها ..وهذا يررجع لشطارتها وذكائها وهي تعرف كيف تكسب رضاهم من غير غضب الله ♥

كاميلا

2012-12-26, 16:51

بارك الله فيك على التدخل الجميل اخت كاميلا بصح قلبك راه معمر ههههههههها ربي يجيب الخير

معمر كلمة متكفيش مي نتنارفا كي نشوف سلوكات كيما هكد :1:

myliss

2012-12-30, 20:27

السلام عليكم و رحمو الله و بركاته
والله العظيم صح موقف لازم الانسان يتوكل على الله و ميشوفش لهاذ الناس لانو ارضاء الناس غاية لاتدرك و ارضاء االله واجب
هي تصبر و من ترك شيئا لاجل الله عوضه الله ومن تمسك بامر من امور الله فرج عليه سبحانه لا يظلم العباد ابدا
لكن الزوج لازم يتدخل والاولى هذي الحاجة يهدرو عليها فالخطبة قال بنتنا دير حجاب فالدار هكذا يزول كل الغموض و شكرا
ربي يهديهم وهي ربي يفرج عليها

houda_jijel

2013-01-02, 14:29

السلام عليكم .هي دارت الحجاب كيما قالها ربي و زيد وين المشكل في وضع الحجاب في المنزل و زيد اهل زوجها واش ضرهم ياك هي اللي لابسة مش هوما هي اللي نقصت حريتها .ولكان مقادرينش يديرولها بيت مستقل تصبر و خلاص.و مبعد رايحين يوالفو بيها اكيد.

ندى الصبح

2013-01-25, 13:29

للاسف الشديييييد مازلنا بعاد على ديننا الاسلامي بزاف وانا كنت طرحت هذا الاشكال في احدى ردودي على الاخوات نبهتهم فيه الى ضروره ارتداء الحجاب امام اخوه الزوج ولقيت بنات قالولي على بالنا الشرع هكذا بصح ما عندناش هذي في دارنا؟!!! يعني اذا ولينا نكيفو ديننا على حساب عقليات المجتمع اكيد راح نوصلو كيما حاله هذي الاخت
الله يعينا على تطبيق شرعه اجمعين