شاركنا بأغرب عادة سمعت بها في الجزائر

[تاج المنتدى]

السلام عليكم.....الجزائر باتساع مساحتها وتعدد القبائل والاعراق التي بها تجعل ثرائناالثقافي كبير وتختلف فيها العادات والتقاليد من منطقة للأخرى
اليوم حبيت اندير هذا الموضوع باش ايكون حصوله لاغرب العادات والتقاليد التي في منطقتك او سمعت بها في منطقه من مناطق الجزائـــــــــــر....شاركونا افكاركم



راح ابدأ بنفسي...احم احم....

من اغرب ما سمعت..انه في مدينه العلمه في سطيف...العريس اذا دخل كي يخرج العروس من بيت اهلها
يقوم بضربها ضربا خفيفا على كتفها على سبيل اعلان الطاعه لزوجها

منتظر مشاركاتكم :19::19::19:
لنتعرف على اغرب العادات الجزائريه :19::19:
ولا ننسى أنها مهما كانت فهي إرث موروث عن من سبقونا "الأجداد" مع اقتراح الصواب إن أمكن
وفي إنتضار ذلك تقبلوا تحياتي الخالصة إليكم:dj_17:

[س..ع..ي..د]

حنا من بين العادات السيئة المنتشرة في منطقتنا زيارة القبة وذبح هناك من اجل البركة وهذه العادة ماشي داخل راسي انا. وثاني كاين عادة اخرى ومنها يحلفو براس مثال يقلك وراس فلان ادرت ذيك الحاجا ؟؟وكاين بزااف بصح هذوا لفكرتهم الان واذا زدت تفركت راني نرجع لهذا الموضوع المفيد شكرا اختي نبيلة تقبلي مرورى

[تاج المنتدى]

صح أخي سعيد هاد العادة حتى حنا منتشرة عندنا يحلف براس الولية و تاني كظرهم حاجة و لا كاش ما يسرا عندهم يروحو يشتكيو للولية والله غير تبقى حاير فيهم
مشكور أحي سعيد على هاد العادات الي جبتنا وإن شاء الله كتوجد عادات أخرى تطرحا علينا للأنوا هاد والله غير موضوع نقاش رائع
تحياتي ليك على المرور والرد

[عمي صالح]

بـــــــــــــــــــــــــــسم الله الرحـــــــــــــــــــــــــمن الـــــــــــــــــــــــــــــرحيم
الحمد لله رب العالمين والصلاة والسلام على أشرف الأنبياء والمرسلين وبعد:
الـــــــــــــــــــــسلام عــــــــــــــــليكم ورحــــــــــــــمة الله وبـــــــــــــــــركاته
جزأك الله خيرا على الموضوع القيم و بارك الله فيك
لعل الضرب الخفيف للحروسة أقل ضرر مما يتداول الآن الخروج في موكب مهيب بالسيارات والتجوال في الشوارع بالأبواق والمزامير والغناء والرقص معلنين ـ ما أمرنا الله بإخفائه ـ ( نصرة العروس )وما يترتب عن ذلك من محارم
والـــــــــــــــــــــسلام عــــــــــــــــليكم ورحــــــــــــــمة الله وبـــــــــــــــــركاته

[تاج المنتدى]

وعليكم السلام ورحمة الله وبركاته
نعم عمي صالح إنها الحقيقة بعينها واش نقولوا الله يهديهم وخلاص
شكرا على المرور والرد تحياتييييييييييي

[sabrina reggadi]

من بعض العادات السلبية في منطقتي هي زيارة الاضرعة للتوسل

[AMINA BBA]

السلام عليكم
أما أنا من أغرب ما رأيته في أعراس القبائل هو أنو العروسة تحط على راسها مرآة مستديرة يقولو باش تبعد عليها العين
أما في منطقتي : تحط العروسة محرمة حمراء على راسها عند خروجها من بيت باباها و ما تنحيهاش حتى توصل لدار راجلها
و كاين عادات غريبة بزاف
تقبلو مروري

أنا عندنا عادات غريبة بزاف منها : العروسة قبل ماتدخل لدار راجلها يمدولها الدهان و السكر مخلطين يرفدلها راجلها يدها و تحط هاد الخليط فوق الباب
وتوكللها ام العريس السكر باش تجي حلوة كيما السكر

[تاج المنتدى]

أختي صبرينة هاد العادة نتشرت بالبزاف ماشي غير في منطقتكم راهي وين تروحي تلقايها رغم أننا في وقت عصري متطور و فيه كل الإمكانيات من تلفزة بقنواتها وذلك من خلال فتواتها وغيرها من الوسائل السمعية البصرية وحتى المكتوبة الجرائد..........بصح الدنيا ما زالو في عماهم نقولو الله يهديهم وخلاص
تحياتي ليك على المرور وعلى ردك نورتي الموضووووووووووووووووووووووووووووع

[تاج المنتدى]

هههههههههههههه والله عادة غريبة تع الصح
صدقيني أول مرة نسمع بيها و نشكرك بالبزاف على المرور وعلى العادة الغريبة التي أخبرتينا بيها
مدبيك تقوليلي واش معناها مرآة مبيرة ؟ هل هي كبيرة ولا واش
تحياتيييييييييييييييييييييييييييييييييي

[samir2010]

من بين العادات الي تقام في منطقة آيث يعلى / القبائل الصغرى / هي الوزيعة
تعني ان ناس القرية يحطو دراهم * طبعا كل واحد على حسب القدرة * ثم يروحو يشرو بقرة او بقرتين و يذبحوهم ويوزعو اللحم على فقراء القرية
وهذا له اثر نفسي ايجابي بحيث يخلي دايمن روح المحبة منتشرة بين ناس القرى اليعلاوية

[فدائية القسام]

من بين العادات السيئة في منطقتي انو الناس يروحوا لشيخ الزاوية يتضرعوا فيه وهذا حرام في الشرع
لانو ماكانش واحد يتضرعوه الا الله سبحانه وتعالى

[تاج المنتدى]

من بين العادات الي تقام في منطقة آيث يعلى / القبائل الصغرى / هي الوزيعة
تعني ان ناس القرية يحطو دراهم * طبعا كل واحد على حسب القدرة * ثم يروحو يشرو بقرة او بقرتين و يذبحوهم ويوزعو اللحم على فقراء القرية
وهذا له اثر نفسي ايجابي بحيث يخلي دايمن روح المحبة منتشرة بين ناس القرى اليعلاوية


شكرا لك أخي سمير هادي من العادات المليحة في الجزائر تنشر التآلف والتكافل والمحبة وغيرها
تحياتي على العادة اللي شاركتنا بيها

[تاج المنتدى]

هاد العاد راهي منتشرة بالبزاف
نقولو الله يهديهم ويهدينا وخلاص
تحياتييي على المرور والرد

[prophetlover]

حنا في سطيف يحلفوا براس سيدي الخير.............وهو ولي صالح

بصح بالنسبة ليا الحلف لا يكون الا بالله

جامي حلفت وقلت وراس سيدي الخير

هههههههههههههه

[يارا نور]

حنا عندنا كي اجيبوا لعروسة من دارهم وكي توصل لدار رجلها من قبل ما يدخلوا تجي يمات لعريس و تجيب للعروسة كاس حليب امبعد كي تشربوا تعطيها ثاني الماء تشربوا امبعد ترميه موراها وهكا تقدر لعروسة تدخل لدارها لجديد
تقبلي مروري

[tabat2009]

نحن في مدينتي ((( متليلي ))) لما تصل العروس لبيت زوجها يضعون الرحى فيها حبات قمح و تقوم هذه العروس بطحنها


تفاءلا بالثبات في هذا البيت :)



و هذه العادة بدأت تنقرض عند بعض العائلات

[*جوداء*]

موضوع جميل والله اتحتولي الفرصة باش نجبد سيف الحجاج ونقول واش في قلبي
العوايد اللي ما يعجبونيش هي بعض العادات اللي يتابعوها الناس التابعين للعرف اي الولي الصالح الذي يدعونه سيدي معمر
فيه عادات غريبة وتقدر تقول انهم يشركون بالله بكل علانية ...ويلصقون بعض الامور في هذا الولي الصالح وهو بريء منها
مثلا اذا مرضت العروس او العريس بعد العرس يقولو سيدي معمر خرج فيها ؟؟؟ ويخرجوها حافية القدمين تتسول على الجيران؟؟
تسمعوا بهذي الامور ولا راني نجيب من عندي؟؟؟

[نوري32]

شكراااااااااااااا

[تاج المنتدى]

صح أختي الحلف لا يكون الا بالله نقولو اله يهديهم و خلاص كيما هنا عندنا يقولك هاداك سيدي زيان .............وهو إسم ولي صالح
كيفنا أختي يارا حنا تاني يديرو هاد العادة
تحياتي على المرور والمشاركة الطيبة
نورتو الموضوع تحياتييييييييييييييييييييييييييييييييييييي

[تاج المنتدى]

نحن في مدينتي ((( متليلي ))) لما تصل العروس لبيت زوجها يضعون الرحى فيها حبات قمح و تقوم هذه العروس بطحنها


تفاءلا بالثبات في هذا البيت :)



و هذه العادة بدأت تنقرض عند بعض العائلات





أذكر أني شاهدت هاد العادة من قبل في التلفاز صح عادة غريبة بصح ما كانش على بالي تقوم هذه العروس بطحنها


تفاءلا بالثبات في هذا البيت
أختي أنت من مدينة متليلي لكن من أي ولاية أنت بالذات
شكرا على العادة اللي قدمتيها تحياتييييييييييي

[تاج المنتدى]

موضوع جميل والله اتحتولي الفرصة باش نجبد سيف الحجاج ونقول واش في قلبي
العوايد اللي ما يعجبونيش هي بعض العادات اللي يتابعوها الناس التابعين للعرف اي الولي الصالح الذي يدعونه سيدي معمر
فيه عادات غريبة وتقدر تقول انهم يشركون بالله بكل علانية ...ويلصقون بعض الامور في هذا الولي الصالح وهو بريء منها
مثلا اذا مرضت العروس او العريس بعد العرس يقولو سيدي معمر خرج فيها ؟؟؟ ويخرجوها حافية القدمين تتسول على الجيران؟؟
تسمعوا بهذي الامور ولا راني نجيب من عندي؟؟؟


ههههههههههههههه لا يا أختي شيراز ماكيش جيبي من عندك حتى حنا عندنا هاد العادة
صدقيني عرس بنت خالي على الأبواب و زوجها ينتمي لسيدي معمر
يقلك بلي ما يدرلهاش الذهب ولازم تاني تخرج لابسة غير ستار بلأحمر ودير في جبهتها مرآة وتخرج حافية الرجلين كما الهنود الحمرهههههههههههههههههههههه
تحياتي أختي شيراز على المشاركة الطيبة نورتي الموضوع بتبادل أطراف الحديث الجميل
إسمحيلي حبيت نعرف من أي ولاية أنت

[تاج المنتدى]

هههههههههههههههههههه
مشكور أخي الشلفي على هذه المعلومة صح أول مرة نسمع بيها لكن شوي مضحكة لكن لكل منطة عادات وتقاليد وناس اخرين يعملو بيهم اخرين لا مشكووووور
أختي الشلفية وليس أخي معليش
صح العادات تختلف من منطقة للأخرى بصح انت ما قدمتنا حتى عادة ولا ماكاش عندكم
تحياتي على المرور والضحكة المطولة

[*جوداء*]

ههههههههههههههه لا يا أختي شيراز ماكيش جيبي من عندك حتى حنا عندنا هاد العادة
صدقيني عرس بنت خالي على الأبواب و زوجها ينتمي لسيدي معمر
يقلك بلي ما يدرلهاش الذهب ولازم تاني تخرج لابسة غير ستار بلأحمر ودير في جبهتها مرآة وتخرج حافية الرجلين كما الهنود الحمرهههههههههههههههههههههه
تحياتي أختي شيراز على المشاركة الطيبة نورتي الموضوع بتبادل أطراف الحديث الجميل
إسمحيلي حبيت نعرف من أي ولاية أنت
والله صح ههههه
عجبتني هذي الهنود الحمر
وكيفاش مايديرلهاش الذهب
خاسرة في لافار معاه قوليلها تبدل هههه
انا من شلف ختي

[biba hanouna]

مشكورين كلكم

[تاج المنتدى]

هههههههههههههههههههههه ما عندها ما تبدل طفرت يومين اللي فاتو كنت في العرس
ضحكت عليها كون شفتي أختي شيراز ولات كما زعيم الهنود الحمر غير ماهيش سوداء زعماك نطليها بالحموم ههههههههههههههههههه هكدا تولي كيفهم
الذهب قالك فيي دارو ويديرلها كما تحب
تشرفت بمعرفتك على بالك من كلامك شيراز شكيت فيك بلي شلفية على داك لسولتك
تقبلي تحيات أختك نبيلة الشلفية كاش عادة قوليلي عليها

[نسيم الجود]

الف مبرووووووووووووووووووووووووووووووووووووووووووووووو وووووووووووووووك

[*جوداء*]

هههههههههههههههههههههه ما عندها ما تبدل طفرت يومين اللي فاتو كنت في العرس
ضحكت عليها كون شفتي أختي شيراز ولات كما زعيم الهنود الحمر غير ماهيش سوداء زعماك نطليها بالحموم ههههههههههههههههههه هكدا تولي كيفهم
الذهب قالك فيي دارو ويديرلها كما تحب
تشرفت بمعرفتك على بالك من كلامك شيراز شكيت فيك بلي شلفية على داك لسولتك
تقبلي تحيات أختك نبيلة الشلفية كاش عادة قوليلي عليها
:1:
حرام عليك علاه ضحكتي عليها واش بيهم الهنود الحمر ههههههه
قوليلها غير قطعي لياس كي تروحي للدار ماكان لاذهب لاوالو غير التسياق والماعن:1:
وانا ايضا متشرفة بمعرفتك اخت نبيلة وكي نلقى كاش عادة راني نجيبها نخبر بيها عمي صالح راه حاكم قسم شباب هذا وين اكتشفتو:19:

[النينجا الغامض]

جزاك الله خيرا على هذه العادات

[تاج المنتدى]

:1:
حرام عليك علاه ضحكتي عليها واش بيهم الهنود الحمر ههههههه
قوليلها غير قطعي لياس كي تروحي للدار ماكان لاذهب لاوالو غير التسياق والماعن:1:
وانا ايضا متشرفة بمعرفتك اخت نبيلة وكي نلقى كاش عادة راني نجيبها نخبر بيها عمي صالح راه حاكم قسم شباب هذا وين اكتشفتو:19:



هههههههههههههههههههههههههه ما عندنا ما نقولو فيهم الله يسترهم من العين:rolleyes::rolleyes::rolleyes::rolleyes:
خلاص رايح نتصل بها وكاش جديد فيما يخص الذهب راني نخبرك شيراز جابلي ربي كما قلتي قلبوها للماعن والنشاف والقدام هههههههههه
مارسي تحياتي العطرة ليك حبيبتي شيراز :19:

[تاج المنتدى]

الف مبرووووووووووووووووووووووووووووووووووووووووووووووو وووووووووووووووك


الله يبارك فيك ياسر
بصح على بالك راني زعفانة منك على خاطر بدلت إسمك للأنو إسمك نحبو بزاف بزاف:mad:

[*جوداء*]

ههههههههههههههههه
قوليلها شيراز مسلمة عليك وقاتلك قعدتي ماكان لاذهب لاوالو

[نسيم الجود]

الله يبارك فيك ياسر
بصح على بالك راني زعفانة منك على خاطر بدلت إسمك للأنو إسمك نحبو بزاف بزاف:mad:


سلامي اليك يا أخت نبيلة أنا صح اسمي ياسر
لكن غيرت اسمي لللأسباب


:19::19::19:لقد طال غيابك عن المنتدى ...مع تحياتي...:19::cool:

[تاج المنتدى]

ههههههههههههههههه
قوليلها شيراز مسلمة عليك وقاتلك قعدتي ماكان لاذهب لاوالو


الله يسلمك مبلغ إن شاء الله
رايحة نقولها واش قلتي شكيت كما راكي تقولي لا ذهب ولا هم يحزنون ههههههههههههه
تحياتي :mh31::mh31::mh31::mh31:

[تاج المنتدى]

سلامي اليك يا أخت نبيلة أنا صح اسمي ياسر
لكن غيرت اسمي لللأسباب


:19::19::19:لقد طال غيابك عن المنتدى ...مع تحياتي...:19::cool:




خلاص فهمتك مانيش رايحة نزعف منك هههههههههههههههه:):)
طال غيابي على خاطر كنت في زيارة عائلية
بصح البحر هاد المرة عندكم هههههههههههههه

[هبة الله اريج]

السلام عليكم
شكرا للموضوع
نحن في تبسة عندا عرش يحلفو براس سيدهم الكبير
و يقولو و راس سيدي عبيد كان...............................و يقول الحاجة تاعو
هذه من اسوا العادات رغم انو الحلف الا بالله تعالى

[تاج المنتدى]

شكرا أختي جلسين صح الحلف يكون إلا بالله

نقولو الله يهديهم
تحياتي على المشاركة الطيبة

[نسيم الجود]

خلاص فهمتك مانيش رايحة نزعف منك هههههههههههههههه:):)
طال غيابي على خاطر كنت في زيارة عائلية
بصح البحر هاد المرة عندكم هههههههههههههه
http://www.ennaharonline.com/ar/thumbnail.php?file=1871_1169302871_285889798.jpg&size=summary_medium (http://www.ennaharonline.com/ar/specialpages2/adam_et_hawa/26026.html)


البحر في جيجل أحلى

[تاج المنتدى]

http://www.ennaharonline.com/ar/thumbnail.php?file=1871_1169302871_285889798.jpg&size=summary_medium (http://www.ennaharonline.com/ar/specialpages2/adam_et_hawa/26026.html)


البحر في جيجل أحلى


و أنت الأحلى خلاص غادي نروح نوجد روحي ونجي عندكم نفوت عندكم يمات 1236374]http://www.ennaharonline.com/ar/thumbnail.php?file=1871_1169302871_285889798.jpg&size=summary_medium (http://www.ennaharonline.com/ar/specialpages2/adam_et_hawa/26026.html)

[نسيم الجود]

أهلا بك في كل وقت

راني نسنى فيك

[نسيم الجود]

أهلا بك في كل وقت

راني نسنى فيك

[تاج المنتدى]

أهلا بك في كل وقت

راني نسنى فيك


الله يسلمك
إنشاء الله يا رب غير كما اليوم نزوركم ونتعرف عليكم كثير متشوقة :rolleyes::rolleyes::rolleyes:
مع تحياتي

[رفيدة5]

حنا من عاداتنا نمدو للعروسة كاس حليب كجي تدخل لدار عجوزتها و سمعت عادة الشاويين انهم اللوسة تقرص العروسة و تاكل من مغرف العروسة و طبسيها باش تزوج وراها

[تاج المنتدى]

حنا من عاداتنا نمدو للعروسة كاس حليب كجي تدخل لدار عجوزتها و سمعت عادة الشاويين انهم اللوسة تقرص العروسة و تاكل من مغرف العروسة و طبسيها باش تزوج وراها

صح أختي رفيدة هادي تع العروسة يمدولها كاس حليب كجي داخلة لدار عجوزتها منتشرة بزاف حنا تاني عندنا عادة حليب مع التمر
بصح تع الشاوية هادي اول مرة نسمع بها أشكرك جزيل الشكر على خاطر عرفتينا بعادة جديدة في جزائرنا العميقة
عادة الشاويين انهم اللوسة تقرص العروسة و تاكل من مغرف العروسة و طبسيها باش تزوج وراها[/quote]
هههههههه مليحة بزاف الكنة جيب معها الزهر
تحياتي على المرور والمشاركة الطيبة

[الشاوي الحر]

عادة الشاويين انهم اللوسة تقرص العروسة و تاكل من مغرف العروسة و طبسيها باش تزوج وراها
ماكانش منها
عمرها ماصرات ماعندناش هاذ العادات
ثبتي روحك

[** مريم **]

بارك الله فيك . نحن في تنس / جهة الشلف يقولوا يزوجوا المرا على عادات سيدي معمر ( والي في المنطقه بكري ) المرا تخرج حفيانة من دار باباها كي تروح عروسه !! لكننا في عائلتنا ما نتبعوش هذه الامور.

[kamel rahma]

بارك الله فيك على الفكرة

[AMINA BBA]

بارك اللله فيكم فعلا مجتماعتنا مليئة بالعادات السيئة

[سارة 18]

حنا عندنافي الغرب و بالخصوص في مستغانم كي يروحوا يخطبوا كاش طفلة ويقدمولهم القهوة يخونوا فنجان ويخبوه تحت الجلابة........علاش؟
باش الطفلة تكون ديما تحت يديهم.....
شكر من اختكم عاشقة زاهر:19:

[عبد الغفار1986]

رانى نسكن فى تماسين "ورقلة" عدنا زاوية والغريب انه كاين واحد الصنف من الناس كي ايجو يزوروا هذه الزاوية اول ما يدخلو الى المنطقة بعيد علىالزاوية اينحوا سباطهم ايقولو بلي هذى بقعة طاهرة "كلها جامع فى رايهم"

[khaledmissi]

العوايد هي اللي تحافظ على التميز .وتسلكنا من العولمة اللي تعني الانسلاخ وعدم الشعور بالانتماء. لكن العادة اللي فيها لحرام والشرك مادابينا .نبعدوها واللا نعدلوها .
ومن العوايد : في التسليم على الكبير في السن أو الشيخ في العلم : نحب < نقبل > رأسه أو كتفه

وبالمناسبة نكي لكم قصة العربي والقاوري .هدا الأخير زاخ على العربي وقالو : احنا اكثر منكم حضارة .والدليل نديرو قيمة كبيرة للكلاب ودكر ما يقدمون للكلاب........
رد عليه العربي : صح انتوما تربو الكلاب وتزعكو والديكم و احنا نعزو والدينا .وما نفرطوش في الكلاب

[حلاوة_87]

صح عادات غريبة وكما ذكرت الاخت عاشقة زاهر في مستغانم يسرقو فنجان وما زال هذ العادة لانه جدتي الشهر الماضي خطبت لخالي كي جات قاتلي خبي الفنجان حتى يوم العرس مديهولي....ضحكت وقلتلها انت سرقي وانا ندي اثم معاك
والله عادة غريبة فعلا

[airakaz90]

اغرب العادات فى منطقتنا-* اولاد خالد*- ان فى ليلة الزفاف يقوم العريس بكسر صحن من الزجاج او الفخار ولا اعرف سبب هده العادة

[بقة الحاج]

رأيت أن الناس عندما يأخذون الميت إلى المقبرة يحلقون °حلقة° ويقرؤون القرآن بصوت مرتفع

[تاج المنتدى]

شكرا لكم جميعا على الردود والعادات اللي قدمتوها صراحة ما كانش عل بالي بيها خلاص
تحياتييييييييييييييييييييييييييييييييييييييييييييي ييييي

[ماهرة]

من العادات السيئة في منطقتنا او بالاحرى في عروش انهم في الاعراس وكي روحو باه يحنو للعروس لازم اهل العريس يسرقو كاس او فنجان من اهل العروس والشرط ان لا يعرف اهل العروس ذالك حتى نهاية العرس
اظن انها عادات سيئة او انا متاكدة من ذالك
تقبلو مروري

[jk_djanet]

حنا عندنا مصيبة في جانت مشي عادة: كي يبغي يتزوج العريس يلزملو 2 بعاير و كابا شبه معمرة بالذهب وليلة العرس لازملو يعرض كامل المدينة للعشى ويصرف دراهم بقيمة 80 مليون تقريبا.....الخ
ربي يهدينا ويهديهم :sdf:

[أتال]

من العادات السيئة أيضا إذا خرج العريس من بيته ليلة زفافه يقوم أصحابه وأهله بالإعلان بطريقة عشوائية كإستعمال رنات السيارات والصراخ والبارود إلى ساعات متأخرة جدا وهذا ماينافي قيمنا الدنية.
أيضا زيارة المقابروالأضرحة .
الجلوس في المقاهي والقيل والقال............................................ ....


شكرا أخي على الموضوع

[تاج المنتدى]

شكرا لك على المشاركة الطيبة
تحياتي على الرد وعلى العادات التي أتيتنا بها

[تاج المنتدى]

آميييييييييييييييييييييييييييين
ههههههههههههههههههه همالا أنتم راكم تتوخذوا مشي تتزوجوا هههههههههههههههه
تحياتي على هاذ العادة عفوا أخي كما سميتها المصيبة

[تاج المنتدى]

سمالا فهما جي ديك العائلة تزوج بناتها كامل يلا فنجال ما قعدش في الدار خلاوهممممممممم هههههههههه
تحياتي أختي ماهرة على هاد العادة صراحة ما كانش على بال بيها لولاك

[الطموحة للجنان]

شكرااااااااااااا

[تاج المنتدى]

بوركت على المرور لكن كان أجمل لو شاركتينا الموضوع للأنو رائع

[مجيد 88]

اغرب عادة سمعت بيها هي انو عندنا كي يجي يبني واحد دار كي يحفر الارض باه يدير الساس كي يحفر يرمي قطعة من الذهب ويطلع بعد الساس
لا ادري لماذا

[*جوداء*]

اغرب عادة سمعت بيها هي انو عندنا كي يجي يبني واحد دار كي يحفر الارض باه يدير الساس كي يحفر يرمي قطعة من الذهب ويطلع بعد الساس
لا ادري لماذا
هذي عادة شابة مجيد نجي عندكم نتبع اللي يطلعوا الساس وانا طلعت نهاري :1:
موضوع جميل جدا:19:

[مجيد 88]

هذي عادة شابة مجيد نجي عندكم نتبع اللي يطلعوا الساس وانا طلعت نهاري :1:
موضوع جميل جدا:19:


هههههههههههه مرحبة بيك عنا في كل وقت على الراس والعين وانا اني معاك نتبعوهم في زوج

[تاج المنتدى]

و أخيرا شفت ردط على أحد مواضيعي أخي مجيد
واش نقلك خويا هادي عادة و لا خليني لازم نجي معاكم كما قتلك أخت شيراز
تحيتي ليك على العادة الهائلة ههههههه شرفني كثير مرورك

[تاج المنتدى]

شيراز وقيلا نتحول هاك من جهة مجيد راها كاين المعيشة تماك هههههههههه تحياتي حبيبتي

[*جوداء*]

شيراز وقيلا نتحول هاك من جهة مجيد راها كاين المعيشة تماك هههههههههه تحياتي حبيبتي
ههههههههه
شفتي؟
معلابالكش اذا كان عندنا في شلف عادة كيما هكذا؟

[أم نور]

اغرب عادة عندنا في احد منا طق بسكرة هي ان اهل العريس يقولو لاهل العروسة اماينة واذا ما قالوهاش مايدوش العروسة

[تاج المنتدى]

أواه شكيت ما كاش عندنا شيراز كون راني مرفهة هههههههههههه تحياتيييييييي بالاك نبدوها منا هاك

[*جوداء*]

اغرب عادة عندنا في احد منا طق بسكرة هي ان اهل العريس يقولو لاهل العروسة اماينة واذا ما قالوهاش مايدوش العروسة
شفتي لبنى ؟اذا جاوك ناس من بسكرة الشابة وماقالولكش ماينة عليك ..صافي قعدتي :1:

[تاج المنتدى]

غير قعدتي و برك راها ..............هههههههههه شكرا أخحم أم انور على المشاركة الطيبة أماينة

[*جوداء*]

اه سمحيلي قلتلك لبنى ...اسمك نبيلة صح ولا غلطت تاني؟

[تاج المنتدى]

يا ويلي شيراز تنسي إسمي يا الشلفية نبيلة ولا صاليحة كما تحبي حنونة

[مجيد 88]

و أخيرا شفت ردط على أحد مواضيعي أخي مجيد
واش نقلك خويا هادي عادة و لا خليني لازم نجي معاكم كما قتلك أخت شيراز
تحيتي ليك على العادة الهائلة ههههههه شرفني كثير مرورك

هههههههههه حتى انت مرحبا بيك على الراس والعين نقلك نديروا فاها فرقة خاصة غير للعادة هذي هههههههههههههه

[مجيد 88]

وعلابالك عنا عادة اخرى باعد مايكملو يتلعوا الدار يدير في اعلى منطقة عجلة سيارة او قرن كبش

[أم نور]

غير قعدتي و برك راها ..............هههههههههه شكرا أخحم أم انور على المشاركة الطيبة أماينة

ههههههههههههههههههههههههههههه تعيشي حنونة انشاء الله متقعديش وحضريني للعرس ياش نقلك اماينة ههههههههههههههههههههههههههههه

[mouloud88]

حتى حنا عندنا ما يسمى بالدندون يعني رجال يبداو يدوروا في الشوارع ويهللوا يعني يقراو قصايد والدراري الصغار يتبعوهم كل ما وقفوا تحت باب اي دار يخرجولهم المعروف متل الدراهم ولا دقيق ولا تمر يعني حاجة ماتفسدش اذا طولت والغريب في الموضوع انك عندما تديلهم يبداو يدعولك بنجاح وقاع لانتي باغياتو حتى اذا مامديتيلهمش وكي تمديلهم ما يدهوش قاع يرجعولك منو شوية يقولك اديها منين جبتيها متل الدقيق يدي منو ويرجعلك شوية يقولك رجعيه للشكارة لي جبتيه منها باش ربي يدير البركة
تقبلوا مني المرور وشكرا اختي ع الموضوع نتمنى مواضيع اخرى خليك دائما متألقة

[tamazight-92]

رائعة يسلموا ايديك
tanmirt

[habibe_34]

:dj_17:موضوع شيق اخوتي عندنا نخن في برج بوعريريج تختلف العادات حسب العائلات فعائلتي ليس عندها شيء من العادات السيئة لحد علمي لانه في عرسي لم ارى سوى شيء واحد حيرني و هو اعطاء العروس الدهان يعني الزبدة تضعها عند الباب و تدخل ثم اعطتها امي حبة حلوى فقط.

[أم سهيــر]

الردود كلها رائعة .. حنا فى جيجل كى نجيبو لعروسة نعطولها السكر و اللبن باش تقعد ديما حلوة .. أما العادات الغريبة ما عندناش أضن ؟؟؟؟؟؟؟

[last mohikan]

:1:
حرام عليك علاه ضحكتي عليها واش بيهم الهنود الحمر ههههههه
قوليلها غير قطعي لياس كي تروحي للدار ماكان لاذهب لاوالو غير التسياق والماعن:1:
وانا ايضا متشرفة بمعرفتك اخت نبيلة وكي نلقى كاش عادة راني نجيبها نخبر بيها عمي صالح راه حاكم قسم شباب هذا وين اكتشفتو:19:

وعلاه هذا الشي لازم الذهب قبل ماتروح مش بعد ماتروح للدار
:)

[الزهراء البتول]

في منطقتي لحد الان لم اسمع بعادة غريبة
ولكن من عاداتنا في العرس تقدم ام العريس حبات من التمر والحليب للعروس

[hakou_40]

ههههههههههههههههههه زعمى عجلة سيارة 5 بالارقام العربية "ابعدو في العين" سبحان الله العظيم

[شقراء الوحات]

و عادة شايب عاشور المنتشرة في الوادي و ورقلة والتي تظهر في ايام عاشور

[souha1]

احنا من العادات عدنا العروس تمشي وتفرق الحلوى في زوادات صغيرة للبنات الي مازالوا موش متزوجين

و تاني يقرصوها مسكينة بغفلة - يعني اذا جاتها وحدة تسلم لازم تقرصها ههههه الي تكون موش متزوجة طبعا
و تاني ياكلو معاها في طبسي واحد واش تتعشى في ليلة زفافها في در باباها

و تاني ما يخلوهاش تشطح ابدا الا بعد ما يديرولها الحزام ليلة الجمعة

يقولك بعد ما تتحزم باش راجلها هو الي يحكم فيها اما اذا شطحت قبل الحزام هي الي تحكم فيه ههههههههه


وكاين مناطق قبل ما تدخل للدار تكسر بيضة فوق الباب ؟؟؟ احنا ما عدناش

وكاين الي تجيب حنة وتحطها فوق الباب ؟؟

احنا تجيب زبدة وسكر و تحطها فوق الباب

وكذلك حاجة مليحة

ليلة العرس لازم تجيب لزوجها هدية معتبرة شوية
و هو تاني يجيبلها هدية

[تاج المنتدى]

وعلاه هذا الشي لازم الذهب قبل ماتروح مش بعد ماتروح للدار
:)

خويا العزيز حنا عندنا واحد الناس و إسمهم المعامريين ما ييدروش الذهب للعروسة قبل العرس ويلا صرا هادا راح كاش ما يصرا في العرس و لا بعد العرس هادي هعاداتهم و كاين بزاف صوالح فيهم تحياتيييييييييي

[تاج المنتدى]

و عادة شايب عاشور المنتشرة في الوادي و ورقلة والتي تظهر في ايام عاشور


شكرا على العادة لكن ممكن تشرحينا اختي واش معناها واش يعملوا في شايب عاشوراء هادا مع تحياتييييي

[تاج المنتدى]

تاني ما يخلوهاش تشطح ابدا الا بعد ما يديرولها الحزام ليلة الجمعة



يقولك بعد ما تتحزم باش راجلها هو الي يحكم فيها اما اذا شطحت قبل الحزام هي الي تحكم فيه ههههههههه



عادة شابة بزاف اختي

شكرا لك على العادات الرائعة بزاف ما كنتش نعرفه




شكرا سوها


احنا من العادات عدنا العروس تمشي وتفرق الحلوى في زوادات صغيرة للبنات الي مازالوا موش متزوجين



و تاني يقرصوها مسكينة بغفلة - يعني اذا جاتها وحدة تسلم لازم تقرصها ههههه الي تكون موش متزوجة طبعا

و تاني ياكلو معاها في طبسي واحد واش تتعشى في ليلة زفافها في در باباها

كيف ما يديرو عندنا بصح حنا ما يقرصوهاش سمالا يخلوها كامل زرقاء من جلدها مسكينة اللا حنا عندنا يشدو جلالها من الوراء هكدا باش يلحقوها ............والله عادات رائعة تحياتيييييييييييييي

[نايل الجغط]

بــــسم الله الرحمــــــــــــــــــــان الرحــــــــيم

و الصلاة و السلام على المصطفى الأمين أما بعد :

المتجول في مدينة غرداية يلاحظ جلياً اللباس التقليدي الذي يرتديه سكانها ، لكن الغريب في الأمر هو أن يحمل العريس ليلة عرسه اي ليلة دخوله على
عروسه و هو حامل سيف كبير و كأنه ذاهب ليقابل عدو ، أولم يكن جديراً به أن يحمل معه باقة ورد لمحبوبته . نسأل الله العافية

[شعاع الامل]

السلام عليكم ورحمة الله وبركاته
يعطيك الصحة موضوع جيد
احنا عندنا في مسيلة كي يعودوا رايحين يطهرو لولد يعلقو راية حمرة فوق الدار
هدا مكان
وشكرا

[elbarmoh]

السلام عليكم
بارك الله فيك

[need+]

السلام عليكم

أصبح الموضوع مخصصا للأعراس وعاداتها ههههههههههههههه

والله اعجبني كثيرا
:19:
لاسيما بعض العادات الغريبة لكنها ممتعة
:1:

سأوافيكم ببعض عاداتنا في القريب العاجل هيهيهي
:mh31:

تحياتي

[ملكة المنتدى]

االسلام عليكم ورحمة الله تعالى وبركاته
كاين العرس المختلط نساء ورجال وكذلك الرقص المختلط
شكرا على الموضوع الرائععععععععععععععععععععععععععععع

[اسامة سيف]

من بين العادات السيئة تحضير ولية عظمى - الحضرة - يدعى فيها كل من هب ودب على اساس طلب الغيث ولكن الامر المدهش هو مصاحبة هده الوليمة بالدف والقايطة والرقص الجماعي . وهدا مما يفنده الشريعة الاسلامية.

[hakou_40]

كل شيئ على سنة الله ورسوله هنا في خنشلة

[ميلود الأسمر]

أغرب عادة رأيتها هي عندما تهطل الامطار و بغزارة مع الرياح تقوم احدى النسوة بحمل قصب ملوحة الى السماء و هي تزغد لابعاد الاذى المترتب عن العاصفة
حتى شكيت بلي رانا ليزانديان

[omeaya]

ان اغرب عاده مرت علي وهي عندما يموت شخص من هديك الدار في اليوم السابع وكما يقولون السبوع يشعلو شمعه ويحطو كاس ماء يقولو روحوا تولي في هاد النهار وانا حصلت معاي شخصيا انو عندما مات ولد حماي لقيتهم شاعلين الشمعه وحاطين كاس ما حسبتهم نساوها شاعله وانا كنت وحدي في الغرفه نرضع في ولدي ومن بعد دخلت خالتي وطلبت منها طفيها هنا فهمتني علاه خلاوها شاعله ونخليكم تتخيلوا حالتي في هاذيك الساعه خوف عمري ما حسيت بيه من قبل وكاني في فلم تاع رعب و هد العاده شفتها عند اهل مستغانم الله يسترنا من الجهل والخرافات

[عبدالرحيم75]

تحية طيبة الى رواد هذه الصفحة ،حيث اثناء مروري شد إنتباهي عنوانها المشار اليه بأغرب العادات والتي أيقضت فيا أغرب ما شاهدت عيناي من خلال تجوالي الكثير والدائم لشتى مناطق الوطن بحكم العمل ،وأنا معزوم - مـعـــروض - عند أحد الأصدقاء بمناسبة زواج أخته وكان ذلك اليـوم الذي وصلت عنده بعد مشقة السفر - منطقة من مناطق الجزائر لا داعي لذكرها - مصادفا لمجيئ أهل العريس وإحضارهم الخروف - شــاة الــحلال - فبعد فرحة الإستقبال والضيافة الكريمة ،ظننت أنهم سيشرعون في ذبح الخروف كما في كامل التراب الوطني ،لكنهم بعد إنزاله تقدموا أهل العروس من ماسك الخروف وطلبوا منه أن يسلمه لهم ليدخلوه الى أم العروس ،قلت ممكن أن تكون عادة عادية - نورمال - لكن تفاجأت بأن الغرض من إدخال الخروف هو أن تركب العروس عليه ويمشي بها خطوات ،وذلك لجلب الحظ وأن تعيش العروس مع الرجل محترما ومطيعا لها ويشاورها في كل كبيرة وصغيرة وحول كل نازلة وصاعدة
دهشت ،وأنا أسمع هذا التحليل الدقيق من كبار العشيرة وهم فارحين ، ( لا أخفيكم ) قلت في نفسي كيف لي أن أحترم زميلي وأقطع مسافة تزيد عن 670 كلم للوصول إليه ،واذا به سيطعمني من لحم خروف ركبت عليه العروس ،والله الذي لا إلاه إلا هو لا يكون هذا أبدا ،حينها أصطنعت أعذارا وأستسمحتهم وقفلت راجعا ..........................................ترقبوا أغرب الغرائب من عادات العجائب
* أســتـسمــحــكم عــــذرا إن كــــانت هـــــذه القـصــة قـــد نغصـــت علــيكم *

[hadjer jiji]

احنا عادة القبائل عندنا العروس كي تجي لدار زوجها اتروح تعمر الما في جرة و تمشي حفيانة :24::24::24::24::24::24::24:

[nasmahan34]

من اغرب العادات اللي عندنا هنايا 1_ما يسمى بالشكيمة و هي انو العريس لما يروح يخرج لعروسة من دار باباها يقوم اخوها الاصغر بسرقة مفتاح سيارة العروس و ما يرجعوش حتى يعطيه العريس مبلغ مالي يصل حتى 5000دج
و ثاني عادة ان العريس ليلة الحنة و قبل ما يحني يعطولو صحن من المسمن ياكل و يجب على احد الشباب اللي يكونو معاه لما يكون ياكل و على غفلة منو يخبطلو الصحن من يدو يطيح يتكسر يخلعو لكن لم افهم المعنى في ذلك

[حمزة 2685]

السلام عليكم ..

في المنطقة اللي سكنت فيها انا منذ مدة فقط .....لقيت عقلية جديدة .

وهي انو العريس كي يجي داخل لدارو يدخل بظهرو . marche àriere

تقبلو مروري

شكرا

[F.safsoufa]

اغرب ما شفتو في منطقتي انو التوارق كي تدخل العروسة يستاناو حتي يشوفو شرفها على القماش الابيض امبعد يروحو يرقصو بيه

[وسام المؤمنة]

السلام عليكم

من بين العادات المتواجدة في منطقتي و التي بدأت بالاندثار هو انه عندما يبلغ الطفل السنة يقومون بحلق رأسه و ترك بعض من الشعر وسط الرأس وكل عائلة ولديها شكل الشعر الذي تتركه كاين العائلة لي تخلي مربع كاين الي دائرة كاين لي شكل يشبه المقلاة صدقوني يعني الولد تعرف عايلتو من شكل تلك القصة ههههههههههههههههههه و ضروك راهي الامود هههههههههههصح كاين منها

[moh34bba]

هذا معلومة صحيحة اخي.ونحن اهل برج بوعريريج كان منذ زمن غير بعيد هذه العدة مع انها اندثرت ولا يعرف بها الا القليل من كبار السن ...وانا سمعتها من الوالدةولكن للتنويه.....(( هذه العادة تدخل من باب الاخذ على الاخر ايضا وباب الالفة وتضفي جانب من الطرفة والمرح في العرس من الطرفين الزوج والزوجة رغم ان البعض يراها قاسية الا انها والله جد مضحكة وانا رايتها بام عيني )) ...................والسلام على اهل الاسلام........moh

[الزبرجد]

أسوأ عادة رأيتها و أراها في كل ربوع الوطن هي التصديرة

كيفاش يا عجابة .......روبة بعشر ملاين يلبسوها نهار و طيش

و كيفاش العروس بدل الراحة من عناء الكورتاج و التمسخير هذاك تزيد يكملو عليها :...بدلي قشك و ديري دارة قدامنا

أتمنى من كل قلبي كما يتمنى ذلك أي شاب جزائري و كما تتمنى ذلك نسبة معتبرة جدا من البنات اللاتي لا يهمهمن التباهي ..

أن تزول هذه العادة ........و ماذا بيا قبل أن أتزوج :1:

أرفعو يديكم وقولو آمين

[lila0312]

ana fi 3ars ta3 wahda familatna ki jaw yadiwha f l cortege jabo m3ahom kasba w m3alak fiha 3lam ahmar za3ma balak bach yban bali l3ars balak
w tani , kayna 3ada ydiroha ll wlad asghar li ytawlo bach yanatko mala yjibohom chwiya mn alsan ta3 kabch l3id w lazam 7 ,kol lsan mn dar
rahi ghir f l3id li fat daratha wahda l wlidha rana nasanaw f anatija il ntak rani nkolkom
hhhhhhhhhhhhhhhhhhh

[لالة مريومة]

نحن عندنا في القبائل عندما تكون العروسة على وشك الخروج من بيت والديها
يكون الوالد برفع كتفه امام الباب وتخرج العروسة اي ابنته من تحت كتفه
وهاذا يعني انه لم يعد ممسؤولا عنها وتنقلت من حمايته الى حماية زوجها

[asma4]

هههههههههه
نحن عندنا اذا حكيتي يدك في الوسط يعني الدراهم رايحين يدخلوك
اغرب عادة

[النويري]

أحنا عندنا العروسة ما تشوفش والدها شهر بيها الحشمة زعما

[لقاء الجنة]

انا الحاجة اللي مافهمتهاش و اللي مانبغيهاش زيارة القبور و الولية و القبة و...............و..........

[امين صالح]

اسوء عادة شفتها ، التبراح بزاف في العراس و هذا بدفع النقود طبعاَ في عوض الي يعانو بيهم العرسان هذا للتباهي

[انتصار17]

من العادات التي رايتها عندما تدخل الزوجة لبيت زوجها ياتي اهلها ويرشون الماء امام رجليها يقولون كي لا تخرج ابدا من بيت زوجها

[أمامة]

:confused::confused::confused::confused::confused: احنا عندنا العروسة نهار العرس كي تجي داخلة لدار راجلها ااااااتعطيها عجوزتها دهان وتلصقو فالحيط تاع الكوزينة ومبعدا تدور علي الشميني ولا الطابونة 7مرات بصح مانعرف علاهونهار السبوع لازم هي ديرلهم الشخشوخة

[_أمل جديد_]

و الله هذه العادات في عصرنا الحالي تعتبر ضربا من الجهل
ولكن أجدادنا كانت نيتهم حسنة
و بعض الأقوال التي قالوها الزلنا نستدل بها حتى الآن

[محمد قصي عبدالمعز]

حزام العروس صبيحة الدخلة السبب.............؟؟؟؟؟؟؟؟؟؟؟؟؟؟؟؟؟؟

[omo mazen]

ahna fi alauress mina al3adate fi al3orsse hathouk anssa ya3ni khalate wa 3amate wa khawatate la3rossa ali lahgouha aldar la3riyess kamel lazem mamat la3reyesse ta3tihoum drahem wa hatha bazef 3la la3riyesse maskine en plus alghadwa hathik lazem irouhou ijibou mamat la3roussa wa yadiwalha tomobilate bazef wa ki tossal ya3tiwaha mableghe kbir mina drahem en plus iraj3oulha rjel tah alham wa khali les gateaux wa alhalwa
natmana tatkablou mocharka ta3i wa choukrane jazilen lalkoul

[اسلام بن السعيد]

انا غرب عادة هي تزليحة نتع السراويل
يطيحوا سراويلهم حتى تبان الملابس الداخلية ديالهم ربي يهديهم

[الزبرجد]

التصديــــــــــــــــــــرة تاع الهم :1:

[بستان الورود]

علابالك انا من العلمة وهاذي اول مرة نسمع بان هاذي العادة موجودة عندنا ويديرها الراجل.......اللي سمعتها العكس انو المراة هي اللي تعمل وحد الحركة باه دير راجلها مثل حقيبة اليد ......

[ghani.bad]

عادة سيئة للغاية
ليلة الزفاف يقوم العروس بتفريش قطعة قماش بيضاء(قميص)تحت العروسة لكي تتبلل بدم فض البكارة(استغفر الله)،ثم يقوم العريس بإخراجها للملأ حتى يتاكدوا ان:
1-المرأة عفيفة
2-الراجل فحل و ذارقاز(الله اكبر)

اعتقد انه من عمل شياطين الإنس و الجن

[بلقاسمي1991]

جنا بعشعاشة منتشرة عنا عدة عادات من بيها إقامة الحفلات للأضرحة وهذا لا يجوز في الشرع

[آوْتَآرُ الصَمْتـ]

والله صــــــــــح عندكم عاداااااات غريبة بزااااااااااااف

مي كااين بزاااااااااف عاداات ماشي مليحــــــة قااع ان شاء الله تتـــــــــــــبدل

اممممم بالنسبة لينـــــــا احناا ف جيجل و الحمـــــــــــد لله مااكاانش حتى حاجـــــــة غريبــــــة و لا ماشي مليحــــــــة

et quand نتفكر كاش وحدااااااا نديير رد r

merçiiiii bcp pour le thééémee

salaaaaam

[darine1987]

انا شفت بعض الرجال عندما يتحدثون عن المرأة يقولوا حاشاك .
حديث معاوية بن جاهمة أنه جاء النبي صلى الله عليه وسلم فقال :
يا رسول الله أردت أن أغزو، وجئت أستشيرك ؟ فقال: "هل لك من أم"؟ قال نعم: قال: "فالزمها فإن الجنة تحت رجليها" رواه النسائي
لا حول ولا قوة الا بالله

[الاستاذ سالم]

السلام عليكم
كل منطقة ولها عادات غريبة فمثلا احنا عندما يروحوا اهل العريس يجيبوا العروسة تقوم وحدة من اهل العريس تسرق فنجان نتاعع قهوة
ومن بعد كي يرجعوا ويتفرق الغاشى يعطوه للعروسة
وثاني كاينة عادة اخرى في صبيحة العرس يعطوا للعروسة طيب القهوة ورجلها تكون مربوطة
يقولو باه ما تطلقش وتبقى لاصقة في الكانون

[قمر الزمان رؤية]

السلام عليكم و رحمة الله

الموضوع شيق و ممتع للغاية

شكرا جزيلا لك

[manso.83]

من العادات المنتشرة والغريبة عند الميزاب هو ضرب العريس قبل الدخول على عروسته وهناك حتى من جرح وأصبح في حالة خطيرة لكن لم أفهم لماذا؟..

[dadi1]

السلام عليكم ورحمة الله وبركاته
العادة السيئة ان الانسان اصبح يتوكل في كل شيء على انسان مثله ونسي انه لقضاء ح:mad:اجته ما له غير الله سبحانه وتعالى
فلنتوكل على الله تقضى حاجاتنا:rolleyes::cool: