رايحة ندير هاذو لنافس مغتربة زيدو دبرو عليا واش نزيد او نبدل [الأرشيف]

salam algeria

2012-12-15, 16:29

لبنات انا مغتربة و كاينة وحدة مغربية رايحة تولد و الحق ماعنديش علاقة كبيرة بيها لكن كي زيدت بوليدي جات و جابتلي ماكلة و لبسة و انا جديدة و ما نعرفش الناس يعني لقيتها في وقت احتجت صح للناس
راني رايحة نديرلها
كبدة مقلية و بسيسة بالعسل و المكسرات نديهملها للسبيطار
و كي تروح للدار نديلها
ميلفاي باش تفطر
شربة فريك بلحم الخروف او فارميسال بيضا بالجاج و الكفتة
شخشوخة بسكرية بدجاجة كاملة من بعد نحمرها و نديرها من فوق
خبز الدار
سلاطة منوعة
فلان كاراميل لبنتها
و الفاكهة و العصير
واش رايكم و قولولي كاش اقتراحات لاني مانعرفش واش هوما الماكلات لي يديروهم للنافس يخي هاذو نورمال ليها ما يضروش البيبي و خاصة ناس الغرب بحكم انهم قراب للمغرب

جزاكم الله عني و عنها كل خير

ام ملاك.

2012-12-15, 17:11

شوفي حنونة اذا ولدت نورمال اديلها بركوكس بالخضرة واللحم مليح ليها
ديريلها الطمينة نتاعنا مانسايش ماشي رفيس, طمينة
ديريلها الشوربات بانواعها اذا كنتي رايحة تشوفيها في ايام نفاسها والمشوشة راهي مليحة تدير الحليب
بصح اذا ولدت سيزاريان ماننصحكش تديريلها غير البويون تقريب 20 يوم ولا شهر كل خطرة بويون نتاع كاش خضرة خاطرش مالازمش يريد الوزن نتاعها على جال العملية
ربي ينوضها بخير ويشفيها باركيلها في بلاصتي

soriaalg

2012-12-15, 17:16

السلام عليكم اختي معنديش افكار اسمحيلي دخلت فقط نقولك بارك الله فيك وكثر من امثالك جزاكي الله كل خير وربي يسر اموركم ان شاء الله

الأمنيات

2012-12-15, 17:35

ادا كيما قلتي مغربية ديري لها الحريرة وعطريها راهم يبغوا الحريرة
وما تنسيش الطمينة بالمكسرات ربي يععينك
يقول المثل الي كلا دجاج الناس يسمن دجاجة يعني قومي باحسن واجب حمري لنا وجهنا كجزائريات ههههههههههههه

أنا أمهم

2012-12-15, 17:43

ربي يجازيك خير أختي , ربي يعينك و يثبت أجرك

يااااااه فكرتيني في النفاس في الغربة , و الله أحنا من المغرب العربي ككل حنان برشة على بعضنا, ربي يدوم العشرة

أختي أطبخيلها الحريرة (ما تعمليهاش حارة) , و عندهم أكلات مغربية تعتبر ساهلة (المروزية , طاجين البرقوق....) و عندهم أكلة يديروها يوم السابع (نسيت إسمها لكن يمكن إنت تعرفيها : يديرو خبز يشبه للمحاجب و بعد يقصوه و يسقيوه بشربة بالدجاج البلدي و العدس و الحلبة..)

و بصفة عامة إذا مش راح تقدميلها أكلات مغربية , ننصحك بأكلات مفيدة للمرأة النافس و تتقبلها مهما كانت جنسيتها : السمك المشوي, الكبدة و اللحم المشوي, شوربة خضار تضيفيلها حبات حلبة في آخر الطبخ...... و إذا عندها صغار ما تنسيش تهزي معاك حلويات تفرحيهم بيها.

و ربي يوفقك

salam algeria

2012-12-15, 19:32

شوفي حنونة اذا ولدت نورمال اديلها بركوكس بالخضرة واللحم مليح ليها
ديريلها الطمينة نتاعنا مانسايش ماشي رفيس, طمينة
ديريلها الشوربات بانواعها اذا كنتي رايحة تشوفيها في ايام نفاسها والمشوشة راهي مليحة تدير الحليب
بصح اذا ولدت سيزاريان ماننصحكش تديريلها غير البويون تقريب 20 يوم ولا شهر كل خطرة بويون نتاع كاش خضرة خاطرش مالازمش يريد الوزن نتاعها على جال العملية
ربي ينوضها بخير ويشفيها باركيلها في بلاصتي
اهلا اخت مونية اسمك كيما تاع مرت خالي نحبها نموت عليها
شكرا اختي لكن مافهمتش واش تقصدي بالطمينة حنا في الشرق نديرو بسيسة و هي قمح محمص او مgلي كيما نقولو و نديرولها الزبدة و العسل و درك رجعو يحطولها مكسرات
المشوشة تاني مافهمتهاش ممكن تقوليلي كيفاش تندار
ان شاء الله تولد نورمال و لكان سيزاريان راني ندير كيما قلتي بويون و ندي حوايج خرين لراجلها و بنتها
يعطيك الصحة اختي

salam algeria

2012-12-15, 19:36

السلام عليكم اختي معنديش افكار اسمحيلي دخلت فقط نقولك بارك الله فيك وكثر من امثالك جزاكي الله كل خير وربي يسر اموركم ان شاء الله
شكرا اختي هذي هي الغربة ماكانش عندنا عايلاتنا يعني لازم نقومو ببعضانا و كيما قلت خيرها سبق جاتني و هي عمرها لاشافتني غير راجلها عرف راجلي في الجامع و ماهمش صحاب بزاف ربي يجازيهم و يسرلها ولادتها و ترجع لدارها هي و البنبونة تاعها بخير و صحة

salam algeria

2012-12-15, 19:42

ادا كيما قلتي مغربية ديري لها الحريرة وعطريها راهم يبغوا الحريرة
وما تنسيش الطمينة بالمكسرات ربي يععينك
يقول المثل الي كلا دجاج الناس يسمن دجاجة يعني قومي باحسن واجب حمري لنا وجهنا كجزائريات ههههههههههههه
انت ما ناخذش رايك ههههههههههه راني ما نعرفش ندير الحريرة او بالاحرى راني نديرها بصح مش متاكدة لكان هاذيك هي البنة تاعها و ناس الغرب و المغرب بوفيسيونال فيها خايفة نديرها و نبهدل روحي هههههههههههههههه
و الطمينة ما نعرف لكان تقصدي نفسها لي نديروها حنا قمح محمص و مرحي مع الزبدة و العسل و المكسرات
و راني رايحة نديرلها جاجة بصح ما عرف لكان حابة تسمن ههههههههه ان شاء الله نمثلو الجزاير احسن تمثيل و الله دايما نحس بالمسؤولية هاذي

salam algeria

2012-12-15, 19:47

ربي يجازيك خير أختي , ربي يعينك و يثبت أجرك

يااااااه فكرتيني في النفاس في الغربة , و الله أحنا من المغرب العربي ككل حنان برشة على بعضنا, ربي يدوم العشرة

أختي أطبخيلها الحريرة (ما تعمليهاش حارة) , و عندهم أكلات مغربية تعتبر ساهلة (المروزية , طاجين البرقوق....) و عندهم أكلة يديروها يوم السابع (نسيت إسمها لكن يمكن إنت تعرفيها : يديرو خبز يشبه للمحاجب و بعد يقصوه و يسقيوه بشربة بالدجاج البلدي و العدس و الحلبة..)

و بصفة عامة إذا مش راح تقدميلها أكلات مغربية , ننصحك بأكلات مفيدة للمرأة النافس و تتقبلها مهما كانت جنسيتها : السمك المشوي, الكبدة و اللحم المشوي, شوربة خضار تضيفيلها حبات حلبة في آخر الطبخ...... و إذا عندها صغار ما تنسيش تهزي معاك حلويات تفرحيهم بيها.

و ربي يوفقك
شكرا اختي و عندك الحق الجزايريين و النغاربة يتفاهمو و هوما يحبونا بزاف لكن الحريرة ما رانيش عندي الثقة في روحي باش نديرها على هاذي قلت ندير شربة فريك لي نعرفها من صغري
و هاذك الماكلة لي هدرتي عليها جابتهالي هي كي زيدت و خفت نديرهالها و ما تخرجش كيما تاعهم خيرت الشخشوخة البسكرية لانها تشبهلها شوية
بارك الله فيك اختي

رضاك ياربي

2012-12-15, 20:23

السلام عليكم
حبيبتي انا تان مغتربة على هاديك دخلت نقولك بارك الله فيك وجعلها في ميزان حساناتك
المرا هنا سورتو ادا كانت وحدها صعيب
انا اقترح عليك كي تروحي للمستشفى ديلها كبدة ولحم مقلين في شويا زيت الزيتون ومعاه شوربة او بيون لانو راح يفيدها اما لما تخرج درلها لمسمن او البغرير نتوم ناس الشرق مشهورين بالشخشوخة خليها تدوقها
والكادو انتي واش تحبي
اما هادو كامل ميلفاي باش تفطر
شربة فريك بلحم الخروف او فارميسال بيضا بالجاج و الكفتة
شخشوخة بسكرية بدجاجة كاملة من بعد نحمرها و نديرها من فوق
خبز الدار
سلاطة منوعة
فلان كاراميل لبنتها
و الفاكهة و العصير
اعتقد بزاف اذا جبتلك هي هكا انقولك عندك الحق ديريلها كيما قولتي

salam algeria

2012-12-15, 21:02

و فيك بركة اختي تعرفي هي مادارتليش هاكا و حتى كي كنت نروح لصحاباتي مانديرلهمش هكا لكن هذي جاتني و هي ما تعرفنيش و كانت اول ولادة و اول عام تاعي و كنت وحدي و الله ماعمباليش كيفاش نشرحلك قدماش راني شافيتلها على الخير تاعها
ربي يخفف علينا كامل الغربة و كون مش الجنسية تاع الدراري(مع انهم رايحين يكتاسبوها لكن كاين حقوق للي يتولدو هنا) و العناية لي هنا نزيد في البلاد

فيفي سكيكدية

2012-12-15, 21:03

أعطيك الصحة سلمى أختي
أي حاجة أطيبيها و تديها للنافس تاكلها عندك حسنة كبيرة
والفكرة أنتاعك مليحة

salam algeria

2012-12-16, 03:26

أعطيك الصحة سلمى أختي
أي حاجة أطيبيها و تديها للنافس تاكلها عندك حسنة كبيرة
والفكرة أنتاعك مليحة
يسلمك فيفي ان شاء الله ربي يقبل منا و منكم صالح الاعمال

صفاء البحر

2012-12-16, 08:40

ماشاء الله عليك اختي وهاداو هوما الدزيرييين نتاع النيف واش نقولك الحق الاخوات ما خلاو ما نقول بصح نعاونك بافكار ممكن راح تساعديها كي تديلها كمية من لمسمنات او بغرير راح تحط في الكونجيلايتور ممكن تقدمو لضيوفها و ربي يزيد في رزقكم و هي نتمناو لها ولادة ساهلة ان شاء الله

natacabell

2012-12-16, 09:14

choukran laki okhti lah yiinak ala el khire nchalah choufi ana ndir chtitha jaja belahrour prsk dire lahlib el kasra mchalwcha berkoukess bel jaj ou bien sure tamina bezabda mabrouk mazad andha trabih besaha ou lahna

ام امجد14

2012-12-16, 11:04

الله يبارك فيك والله يكثر من مثالك

ميادة شارف

2012-12-16, 11:18

اختي ناس الغرب يديرو بركوكس بالتوابل

ادرارية

2012-12-16, 13:18

اختي نويك بلاك ديري الفلفل خاطرش يضر البيبي لانها مرضع زيدي ادي ليها الحليب والتمر لان التمر دير الحليب

salam algeria

2012-12-17, 04:08

ماشاء الله عليك اختي وهاداو هوما الدزيرييين نتاع النيف واش نقولك الحق الاخوات ما خلاو ما نقول بصح نعاونك بافكار ممكن راح تساعديها كي تديلها كمية من لمسمنات او بغرير راح تحط في الكونجيلايتور ممكن تقدمو لضيوفها و ربي يزيد في رزقكم و هي نتمناو لها ولادة ساهلة ان شاء الله
يعطيك الصحة على الفكرة راني نشوف حاجة و نديرهالها على تضايف بيها الناس لي يروحو عندها حتى لو اني متاكدة تكون وجدت كلشي لانو البيبي طول ما حبش يخرج عجبو الدفا لداخل

salam algeria

2012-12-17, 04:12

choukran laki okhti lah yiinak ala el khire nchalah choufi ana ndir chtitha jaja belahrour prsk dire lahlib el kasra mchalwcha berkoukess bel jaj ou bien sure tamina bezabda mabrouk mazad andha trabih besaha ou lahna
شكرا اختي راني خممت كون نلقى بلي ماعندهاش بزاف ناس يديرولها نروحلها مرتين و يمكن نديرلها بركوكس و شطيطحة

salam algeria

2012-12-17, 04:18

الله يبارك فيك والله يكثر من مثالك
و فيك بارك الله

اختي ناس الغرب يديرو بركوكس بالتوابل
شكرا اختي حنا ثاني نديروه لكن حنا ما نستعملوش بزاف التوابل
اختي نويك بلاك ديري الفلفل خاطرش يضر البيبي لانها مرضع زيدي ادي ليها الحليب والتمر لان التمر دير الحليب

يعطيك الصحة اختي فكرتيني في التمر قدماش نحبها لكن ماكانش هنا لي كيما تاعنا لقيت مرة برك في رمضان دقلة نور تاع الجزاير و لقيت علبة وحدة بقيت ناكل كل يوم حبة باش ما تخلصش هههههههه هنا التمر مش بنينة تحسي روحك تاكلي في الغرس

نافلة

2012-12-17, 08:01

شوفي حنونة اذا ولدت نورمال اديلها بركوكس بالخضرة واللحم مليح ليها
ديريلها الطمينة نتاعنا مانسايش ماشي رفيس, طمينة
ديريلها الشوربات بانواعها اذا كنتي رايحة تشوفيها في ايام نفاسها والمشوشة راهي مليحة تدير الحليب
بصح اذا ولدت سيزاريان ماننصحكش تديريلها غير البويون تقريب 20 يوم ولا شهر كل خطرة بويون نتاع كاش خضرة خاطرش مالازمش يريد الوزن نتاعها على جال العملية
ربي ينوضها بخير ويشفيها باركيلها في بلاصتي

ام ياسين187

2012-12-17, 08:50

مرحبا سلام هذا وين شفت لموضوع تاعك يعطيك الصحة أختي ربي يكثر من أمثالك طبعا لأخوات قالولك اللازم أنا هدرتي راها غير زيادة :1: هههه شوفي ننصحك ديلها للمستشفى بركوكس سخون أو حريرة مسمن هكا شفت وحدة مغربية دارت لصحبتها و تمر مليييح للحامل و كبدة ممكن كي تخرج ملمشفى تعرضيها و ديريلها واش تحبي هذا رأي و ألف مبروك ليها

mahdiak

2013-01-12, 15:32

لا يوجد شيئ

كريمة عضو جديد

2013-01-16, 13:32

يعطيك الصحة اختي وبارك الله فيك وكثر ربي من امثالك

kamili1

2013-01-22, 15:03

الله يرحم ولديك وولديها على التضامون الاخوى

wafameriem

2013-01-22, 17:47

بارك اللله فيك انا في بلادي و ما لقيتش اللي يقيمني في نفاسي المهم نقولك اي شيء تقديمه رايح يكون مليح
انصحك بان تقدمي لها الاكلات التي تتقنين صنعها فاذا كانت تلك الاكلات هي ما ذكرته و خاصة الشخشوخة البسكرية فانا والدتي رحمها الله من بسكرة لكن بدون الحار لانها ستكون مرضعة
دعيها تكتشف هي و عائلتها بعضا من اكلاتنا الجزائرية لذا لا داعي ان ترهقي نفسك بتحضير اكلة مغربية قد لا تحسنيها
شكرا لك يا اختي و باركي لها بالنيابة عنا جميعا

miss_santarnou

2013-01-27, 03:46

ya khoti barak allah w fik w kadrek 3la fi3l khayer wch ngolek dirilha kol mara haja tamina w sefanje w aklilha l ham w kebda bayd mecharchem dirilha leghrayef"baghrir" w baraka aalah w fik

ام احمد

2013-01-29, 16:40

السلام عليكم عزيزتي
و الله فرحتيني و اكدتيلي انو الجزائريات وين يروحو يرفعو الراس
اختي كيما قالولك البنات اليوم الاول ديريلها حاجة خفيفة حتى تخرج و من بعد طيبيلها طيابنا
راهو صحي و فرصة تتعرف عليه و اذا هي حبت حاجة من طيابهم راكي في الخدمة
و انقلك بارك الله فيك يا بنت بلادي و الله يكتر من امثالك