اريد ان اعرف وقت العجن بpétrin

[فوزية1975]

كم هو وقت العجن بالعجانة وهل نستعملها فقط في سرعة ضعيفة
اسمحولي شريتها جديدة وما نعرفش كيفاه يعجنو بيها

[*ام رامي*]

عادي اختي
بعد ما تحخطي كامل المكونات بلي بالماء وخلطي بيدك حتى تتلم ما تخليش السميد او الفرينة في القاع ناشفين ثم شغليها على السرعة 1 اذا كانت كسرة لان عجينتها ناشفة والسرعة 1 او 2 اذا كان مطلوع لان عجينته شوية مرخوفة مدة 15 دقيقة تكفي وعلى السرعة 3 اذا كان عجين مسمن لانه رخو
اما الخفق البيض ومكونات القاطو السائلة السرعة 6 اي القصوى
الكسرة والقاطو بعد اضافة الفرينة استعملي القطعة k والمطلوع والمسمن استعملي قطعة العجن الرقيقة والخفق استعملي القطعة الخاصة بالخفق

[ام ملاك.]

لازم تشوفي الكتيب اللي جا معها هو اللي يعطيك قع المعلومات خاطرش كل بيترا كيفاش انا كانت نتاعي لازم تعجني على سرعة عالية ونتاع سلفتي لازم تعجني على سرعة قليلة وكل واحدة عندها الكتاب نتاعها يبينلك كيفاش
وعلى الدليك الوقت انت تمسي بيدك وشوفي اذا تزيديلو ولا تحبسي ومن الافضل كل 5 دقائق حبسيها شوية ترتاح قيس 2 دقايق من بعد كملي العجن اذا كان مطلوع ولا مسمن ولا محاجب يعني العجينة اللي تتعجن بزاف
باش ماتخسرلكش
كلشي مبروك

[سارة زهرة]

kolchi mabrouk

[ام سامي15]

الف الف مبروك

اختي حطي المكونات نتاعك و خلطي بالمفتاح لي يشبه للحرف k


و ممبعد ركبي المفتاح الثاني الخاص بالعجن

و اعجني و خمس دقائق و خليها ترتاح و زيدي خمس دقايق
المهم كل عجينة على حسب

بالنسبة للسرعة


المفتاح الخاص بالعجن ما تتعدايش السرعة 2


المفتاح لي على شكل حرف k
السرعة 3 او 4



مفتاح الضرب


السرعة 5 او 6



و زيدي اقراي الكتاب راح تستفادي أكثر