احلامي تظيع امام اعيني ???? [الأرشيف] - منتديات الجلفة لكل الجزائريين و العرب

مشاهدة النسخة كاملة : احلامي تظيع امام اعيني ????

مشكلتي

2012-12-12, 10:03

achdjane

2012-12-12, 21:26

slam alykoum

rani nchouf bli anta eli rak tdhhaya3 f7 olmek

naan bli al a7lam la tamout mahma kanatt s3iba w kbira ... w lakin ta7tadj ila sabr .. w irada

dir fi balak makach 7adja jatt men sahal ...w el9raya tatalaab jihad nafssi makach ili y7ab ya9ra ..bessa7
kaynin ili jahdou anfousshoum f djal .;wossoul ila a7lamhoum

mazal el wa9t li bac ...bs7 lazam ..matathawanch ..w 7awal b ay tari9a .. tmotivi rou7ak
taba3 les forum ta3 bac ..w la révision ..ta3ou

w kheli wa9t mo7add l tv w web

w rabi ywaf9ak

* الحلم سكر *

2012-12-12, 21:34

السلام عليكم خاوتي انا طالب بالمراسلة راح نجوز الباك هاد العام ليبر حبست فالبيام علاجال نقة غاظتني عمري نعاود فقررت نخرج واليوم الحمد لله لحقت للباك عمري واحد وعشرين سنة علابالي كبرت مي حلم حياتي ندخل لافاك للجااامعة متتصوروش خاوتي حاب نفرح يما مسكينة انا نخدم ومعنديش الوقت بزاف الجمعة ندير ليكوغ يوم كامل والايام الاخرى شوي نراجع فالمساء كي نرجع للبيت المشكلة انو النت والتلفزيون راح يظيعوني حاس بتانيب الظمير منيش حاط راسي مليح ياخاوتي واش ندير حلمي راهو راح يظيع بين يدي انا شعبة اداب وفلسفة امنيتي النجاح فالباك يارب لانه ستتغير حياتي بادن الله يارب والله حاب نفرح امي الغالية اول واحد من ولادها يدخل الجامعة دعواتكم

عمري واحد وعشرين سنة علابالي كبرت ؟.. انــدمـج أخــي بـالمـجـتمـع را تـلق روحـك انت الـصغـير بيـن نـاس فــوتت الـباك و ولادهـا كـبار مـاشي هـوما اللـي كــبار
اذا كــان حــاب الـباك بــهذا الاصــرار نـأكـدلك باذن اللـه مـع المـثابـرة راح تنـجـح مــي لازمك تتــنازل مـن وقـتك شــوية - لا لا الــحـق كــثير - راجــع و اقــرا و النـت و الـتلفـزيـون لاحــق عــليـهم
بــالمـناسبـة أخــتي فــوتت الباك فــي 96 و ما نــجحتـش بــقا فــي راسـها تــزوجـت و صـارت أم و مــسولـيات و عائـلة و و .... و فــي 2008 نــجحـت و مـا قالــتش عــلابالـي رانــي كــبـرت
حــقق حــلمك خــويا أو عــلى الأقـل حــاول و اتــعب و راح تــشوف النــتـيـجة ... و مـا تنــساش كــلنا نــدعولك
ان شــاء اللــه يا رب يــعيـنك و يــحقق لك ما تتمـنى و أكــثـر و يــفـرح الــوالدة بيـك و يــكـفي انــو نيـتـك تـــفرحــها و اللـه ربـــي راح يــكون مــعاك ان شــاء اللــه

mamia

2012-12-12, 21:42

المشكل تاعك راك قلتو انت النت والتلفزيون

لازم تقلل منهم في البداية من بعد حبسهم يولي عندك فراغ تقرا فيه

وبالنسبة للدراسة و المراجعة

نوصيك بالصلاة في وقتها وقراءة القران وكون تقدر تقوم الليل راه عندها سر عجيب في التوفيق
وكذلك الصلاة في وقتها كما يقول الحديث من يؤخر الصلاة يؤخر الله له اموره

بالتوفيق

fifiarch

2012-12-12, 22:47

اولا اخي احيي فيك ارادتك وانك حاب تنجح وتفرح والدتك ربي يحفظها بيك

شوي ارادة وان شاء الله توصل

صحيح انو الانترنت والتلفزيون لامفر منهما خاصة في وقتنا
انا ماراحش نقلك بطلهم نهائيا
لكن تقدر تستفيد منهم بطريقة احسن

حاول تدخل منتديات دراسية على الانترنت
تستفيد منهم
تلقا روحك قدام الانترنت وفي نفس الوقت تستفيد وتقرا مع جماعة اصحاب عن طريقها
تحمل دروس وغيرها

والتلفزيون تانا شوف قنوات تعليمية او ثقافية راح يفيدوك
ومع الوقت تلقا روحك تستعملهم بنفس الوتيرة لكن في اغراض تتناسب ودراستك

وربي يوفقك

7anine 87

2012-12-12, 22:57

ربي يوفقك وانشاء الله تفرح امك نصيحتى الارادة والتوكل وخلى هدفك قدامك الانترنت والتلفاز يسناو بصح الباك لا مادمتنى عندكى الارادة ووصلتى للباك ماتخسرهاش فى الاخر كمل وش بديتى

شيء من رجاء !

2012-12-12, 23:47

و أنا سيضيع عيني ذاك العمود فوق الضاد :) ( تضيع )
حياك الله أخي الكريم ، وفقك الله فيم تصبو إليه .
المفروض نصف مشكلتك حُلّت ، فقد حددت سبب مشكلتك ( التلفاز والنت ) وحددت هدفك ( إسعاد أمك ) ، بقي ينقصك القليل من الإرادة لتقسيم وقتك بالتوازن ، التلفاز لن يفر ، اصبر عليه هذه السنة ، ولعلك تستفيد من التخلص من إدمانه ، النت يمكنك استعماله للتسلية ، كما يمكنك استعماله للدراسة ، فحاول جعله الثانية ، وإن كان لديك فيسبوك وتويتر ، ... أغلقهم مؤقتا ، فمواقع الدردشة غالبا تضيع الكثير من الوقت دون الانتباه .
نجاحك متوقف على مدى إرادتك ، وثقتك بنفسك وبإمكانياتك .
وفقك الله أخي ويسر دربك و أمورك

داعية للخير

2012-12-13, 09:02

ربي يوفقك
تنقصك فقط العزيمة وهي رأس الأمر وذروة سنامه
بالتوفيق

LAMIA TEFFAL

2012-12-13, 09:36

مرحبا اخي اول شيء احييك على اصرارك على النجاح انا اطلب منك ان تحقق الحلم ليس من اجلك فقط بل من اجل امك والله ليس هناك فرحة اروع من الباك لازلت حتى الان اتدكر يوم نجاحي والله احسست ان هي لي ربحت
الله يخليك لا تحرم امك من هده الفرحة وكلما احسست انك ستهمل دراستك تدكر امك طبعا انا اعرف انه ليس سهل العمل والدراسة سيكون عليك ضغط لكن ابدا ليس مستحيل

ربي معاك خويا وربي يفرحك ويفرح امك وكل امهات إن شاء الله باولادهم

ana7777

2012-12-13, 09:38

يا اخي الكريم راهو مايهمش العمر كاين ناس داوه على 25سنة و انت مازلت شباب ، يا خويا راهي تهم الارادة وربي يوفقك و تفرح يماك العزيزة الي تعبت على جالك ومازالت تتعب و بفضل دعواتها بربي تنجح و اصبر مزال القليل

بسمة العمر

2012-12-13, 10:33

نعطيك نصيحة....دير تلخيصات على كل المواد و ما تخلي حتى جزء...هاكدا ماتكرهش بلخف من الدراسة و حتى انك تقدر ترفد الورقة معاك وين رحت...و دعاوي الوالدة مستجابة ان شاء الله

sali-sali

2012-12-13, 10:39

اهلا اخي
نقولك راك حققت نجاح كبير انك درست بالمراسلة في المراحل السابقة

انت تعرف واش هو السبب النت و التليفزيون كيما نقولوا نصف المشكلة تحلت،حاول قدر المستطاع تهتم بدراستك مانقولولكش خطيك من نات لكن خصص وقت لدراسة ووقت للراحة

ربي يوفقك و ان شاء الله هدا العام تفرح يماك و تجيب الباك

فانيسا

2012-12-13, 10:50

واحد وعشرين سنة مازالك صغير انا نعرف سيدة كانت تعمل وكي لحق وليدها للباك عاودت جوزت معاه الباك باش تشجعو هي نجحت وهو منجحش ودخلت الجامعة والعام لي فات كملت القرايا معندهاش عمر محدد وكي تحط هدف قدامك بادن الله راح توصل المهم الارادة القوية والحال مازال مافاتكش تقدر تستدرك الدروس المهم نظم وقتك وكي تقرا ركز مليح وربي ايوفقك وتفرح يماك ان شاء الله

الواثقة بالله 23

2012-12-13, 12:03

انا نعرف سيدة تخدم مديرة مدرسة ابتدائية متزوجة و عندها اولاد في مراحل دراسية متفاوتة يعني شوف حجم المسؤولية لي عندها و مع ذلك عقبت الباك و داتو و دات ليسانس و درك راهي في الماستير الله يبارك متعملش حجة بالخدمة كي تحب حاجة راح تلقالها وقت

لي ننصحك بيه انك تعقد النية مع ربي سبحانو تركز في صلاتك خاصة صلاة الصبح لانو الارزاق توزع في ذلك الوقت و قبل ما تبدا تراجع صل ركعتين باه يباركلك ربي ادعي و ابكي و اجعل نيتك خالصة لوجه الله و باه تفرح الوالدة الكريمة هكا ربي رح يباركلك و يوفقك و تزيد تدي اجر

اعمل خطة وزع وقت المراجعة حسب المواد لي عندك و حسب اوقات فراغك باه متكونش تايه و تبقى ديما عبالك وين وصلت ووش مزالك

حاول تتعب الثمار مش رح تجنيها بالاحلام فقط لازم شوية مجهود

و تاني حاول تجيب معدل مليح باه تدخل كلية مليحة و بما انك رح تدي الباك باذن الله كي تروح للجامعة لازم تحط في بالك بلي رايح لطلب العلم و التحسن مش عجال التيتر زعمة اني في لافاك

موفق

Hamza touazi05521763

2012-12-13, 12:36

جوزيتم كل خير اخوتي فالله بصراحة دعمكم لي زادني النص ربي مايحرمنا من طلتكم ونصائحكم انا نسكن فبراقي ونخدم فبودواو والله راني نزير قد منقدر تعرفو مسؤولية الشغل ومشاكله وزيد دراسة بصراحة تحس روحك خالوطة مي امنيتي بادن الله نحققها دعواتكم اخوتي فالله

soheib+206

2012-12-13, 18:27

كلامك يشبه لواحد هنا في المنتدى أسمو حمزة

هو تاني صرعنا بالحلم ديالو هههههه

المهم يا صديقي المشكل اللي راك فيه أنت

وحدك اللي تقدر تحلو

أنا مارانيش نقوللك بلي ماتزيدش تتفرج على التلفاز

ولا تدخل للنت باسكو علابالي بلي تكره

مي لازم تنظم وقتك

وقت الدراسة دراسة و وقت التلفاز و النت

عندهم وقت مارايحينش يهربو

أعرف كيفاش تنظم وقتك برك و بربي نشالله

تجيب الباك و تجيب الليسانس و كلش

كي الليوم

منهاج

2012-12-14, 10:28

السلام عليكم

الله ينجحك

حضنية28

2012-12-14, 11:20

ربي يوفقك وينجحك ان شاء الله

tinza

2012-12-14, 14:18

بارك الله فيك
ركز على هدفك لا تترك وقتا للتلفاز و النات
أو نظم وقتك و علق معلقات في غرفتك في الثلاجة في الأبواب تفكرك بهدفك
حتى في هاتفك
يمكنك مزاولة دروس ليلية في جامعة التكوين المتواصل

أسماء أماني*

2012-12-15, 21:43

Rebbi ye3awenek w ye9drek ya rebiiiiiiiiiiiii

samjit

2012-12-15, 22:11

السلام عليكم

اخي يلزمك شوية ارادة خمم لي التلفاز والنت ماش راح يفيدوك مستقبلك قبل كل شيء وكي تنجح أشبع بيهم نت والتلفاز

نظم وقتك وسجل في مكتبة خارج البيت أحسن حل هناك تربط نفسك ولا يوجد لا تلفاز ولا شيء

وأترك مجال ايضا لقليل من النت وقت راحتك أجلس فيهما

الباك راه قرب شد همتك ودير القلب متزيدش تخلص النت تتهنى منها وراء الباك خلصها

ربي يوفقك نشالله وتنجح نشالله بصح كي تقراا وتتعب نشالله