احلامي تظيع امام اعيني ????

[Hamza touazi05521763]

السلام عليكم خاوتي انا طالب بالمراسلة راح نجوز الباك هاد العام ليبر حبست فالبيام علاجال نقة غاظتني عمري نعاود فقررت نخرج واليوم الحمد لله لحقت للباك عمري واحد وعشرين سنة علابالي كبرت مي حلم حياتي ندخل لافاك للجااامعة متتصوروش خاوتي حاب نفرح يما مسكينة انا نخدم ومعنديش الوقت بزاف الجمعة ندير ليكوغ يوم كامل والايام الاخرى شوي نراجع فالمساء كي نرجع للبيت المشكلة انو النت والتلفزيون راح يظيعوني حاس بتانيب الظمير منيش حاط راسي مليح ياخاوتي واش ندير حلمي راهو راح يظيع بين يدي انا شعبة اداب وفلسفة امنيتي النجاح فالباك يارب لانه ستتغير حياتي بادن الله يارب والله حاب نفرح امي الغالية اول واحد من ولادها يدخل الجامعة دعواتكم

[بنوتة الصحراء]

بالتوفيق اخي ان شاء الله يتحقق كل ماراك تتمناه و تفرحه يماك برك رتب روحك نقص شوي من النت والتليفزيون ان شاء الله تجيب هدا العام الباك

[ucif]

مليح انا عندي من 1995 ماعاودتش الباك راني قريب لأربعين لكن التفائل خير و مع كل هذا ماعنديش الوقت لكن راني عندي صحابي يعاودو الباك و الكل يعطولي و ينبهوني حتي كي نفقد الامل ياتي الانسان لينور على بفكرة أو بدراسة اعزم العقد وتوكل

[Hamza touazi05521763]

بارككالله فيكم جوزيتم كل خير اخوتي فالله

[horouf]

الحمد لله والصلاة على رسول الله.صلى الله عليه وسلم
أيها الأخ أعقلها وتوكل..................حاول أن تخصص فترة زمنية معينة للدراسة لابد من ذلك إجبر نفسك على هذا بالسيف عليك.....على الأقل من أجل يماك الله يحفظها.
وبعدها أوصيك وصاية ذهبية.........حاول كلما لديك وقت أن تصلي بالليل حينما تنتهي من المراجعة وأكثر من الدعاء في السجود ليوفقك الله أكثر أكثر وادعو للأمك ....والله والله لا يكون جزائك إلا التوفيق.
وآخر دعوانا أن الحمد لله ربي العالمين.

[Hamza touazi05521763]

[quote][الحمد لله والصلاة على رسول الله.صلى الله عليه وسلم
أيها الأخ أعقلها وتوكل..................حاول أن تخصص فترة زمنية معينة للدراسة لابد من ذلك إجبر نفسك على هذا بالسيف عليك.....على الأقل من أجل يماك الله يحفظها.
وبعدها أوصيك وصاية ذهبية.........حاول كلما لديك وقت أن تصلي بالليل حينما تنتهي من المراجعة وأكثر من الدعاء في السجود ليوفقك الله أكثر أكثر وادعو للأمك ....والله والله لا يكون جزائك إلا التوفيق.
وآخر دعوانا أن الحمد لله ربي العالمين.

بارك الله فيك اخي حروف بادن الله ساعمل بنصائحك اخي امنيتي فالحياة النجاح فالبكالوريا لاغير ولكني ظعيف فالفرنسية والانجليزية وانا خدام معنديش وقت بزاف ندير ليكوغ /quote]

[dznina]

ربي ينجحك خويا لعزيز وتفرح يماك باذن الله ناجح هدا العام مي نقس شوية من النت والتيليفيزيو منقولكش نحيهم مي نقس برك اعطي وقت شوية للقراية وربي تجيبو ونجيبوه كاااامل يا رب bn chance

[linda 9ata]

brabi lghali tanjah wnafarho kaml

[Hamza touazi05521763]

بارك الله فيكم خاوتي ربي يحفظكم على دعمكككككككككككم ليا الله ميحرمنا منكم

[linda 9ata]

انا تاني راح نجوز الباك

[maya rosette]

لازم تقوي إيمانك و تزيد من الإرادة و تأنب ضميرك الآن قبل فوات الأوان

[mohamed160]

لزام اتكون قوى اخى ان الله معك

[*بن عيسى*]

السلام عليكم خاوتي انا طالب بالمراسلة راح نجوز الباك هاد العام ليبر حبست فالبيام علاجال نقة غاظتني عمري نعاود فقررت نخرج واليوم الحمد لله لحقت للباك عمري واحد وعشرين سنة علابالي كبرت مي حلم حياتي ندخل لافاك للجااامعة متتصوروش خاوتي حاب نفرح يما مسكينة انا نخدم ومعنديش الوقت بزاف الجمعة ندير ليكوغ يوم كامل والايام الاخرى شوي نراجع فالمساء كي نرجع للبيت المشكلة انو النت والتلفزيون راح يظيعوني حاس بتانيب الظمير منيش حاط راسي مليح ياخاوتي واش ندير حلمي راهو راح يظيع بين يدي انا شعبة اداب وفلسفة امنيتي النجاح فالباك يارب لانه ستتغير حياتي بادن الله يارب والله حاب نفرح امي الغالية اول واحد من ولادها يدخل الجامعة دعواتك
لمادا يا اخي الكريم هدا التشاؤم ، توكل على الله فقط و حضر نفسك للامتحان من الآن ... أنا يا اخي كنت كحالتك ... اعمل يوم كامل و لكني ثابرت و تحصلت على البكالوريا و عمري 21 سنة ثم تحصلت على الليسانس و من بعدها الماجستير ....و انا الآن و الحمد لله بصدد تحضير اطروحة الدكتوراه ... عليك بالمثابرة و الجد فقط... بالتوفيق

[الجليس الصلح]

إذا أردت أن تنجح فستنجح بشرط تعمل للفكرة التي تؤمن بها وتسخر لها كل وقتك بالتوفيق لك ولكل أمثالك يحضرون للباك

[Hamza touazi05521763]

:confused::confused::confused::confused::confused: :confused:لمادا يا اخي الكريم هدا التشاؤم ، توكل على الله فقط و حضر نفسك للامتحان من الآن ... أنا يا اخي كنت كحالتك ... اعمل يوم كامل و لكني ثابرت و تحصلت على البكالوريا و عمري 21 سنة ثم تحصلت على الليسانس و من بعدها الماجستير ....و انا الآن و الحمد لله بصدد تحضير اطروحة الدكتوراه ... عليك بالمثابرة و الجد فقط... بالتوفيق
كلامك وجميع الاخوة رفع من معنوياتي نشاء الله نكون قد المسؤولية اخوتي فالله ساثابر من اجل حلمي ومن اجل فرحة امي دعواتكم

[loulou02]

بالتوفيق إن شاء الله ، و ربي يفرحك و يكملك بالخير و لكن لازم الإبتعاد نهائيا عن النت و التلفاز أو بالأحرى يجب عليك مقاطعتهما إن كنت تريد النجاح .

[rebac]

متخفش أنا قاع رطار أنا مازال مبديت نحل حتة تمرين ................. مزالك صغير خويا فرح أمك ولا تفقد تقى بربي

[Abdou83]

أسأل الله لك التوفيق و أنصحك بحسن إستغلال وقتك

نا متيقن أن حسن نيتك ستوصلك لما فيه الخير

وما خاب من دعا ربه

[Hamza touazi05521763]

بارك الله فيكم اخوتي فالله انشاء الله كلنا من الناجحين يارب دعةاتكم ولاتنسوني اخوكم حمزة

[وفاء سعاد]

ربي ينجحك ويحققلك حلمك امين يارب العالمين من طلب العلا سهر الليالي

[Hamza touazi05521763]

شكرا اختي وقاء عالمرور الطيب اتمنى واتمنى دلك ولكني مقصر تجاه دراستي حاب نسهر مي منقدرش نكون عيان

[بين الحقيقة و السراب]

أولا أخي، إن استمريت بهذا الشكل ستزيد مخاوفك.....أنت تضغط على نفسك بهذا التفكير السلبي..

يعني بدل من التفكير في كونك متأخر و مقصّر....قل "لابأس لازال هناك متَّسع من الوقت و فعلا لست متأخر..
ثم حاول وضع برنامج للمراجعة، و اعقد العزم و كفاك كلاما و تذمُرا:mad: و خالط الطلبة المتمدرسين و يا حبذا المميزين!

[إن لم تجد الجو المناسب في البيت للمراجعة يمكنك الاستفسار من الأن عن أوقات فتح مكتبة البلدية]

مع بعض العزيمة و الإرادة حتما ستنجح بإذن الله


اعزم يا أخي و توكّل على الله

(خلّيك من المنتدى، يا خي في ماي تقريبا تكملوا و ترجع لمنتداك، و ين المشكل يعني:rolleyes:)

أن تصبر بضع أشهر خير لك من أن تخسر أعواما....و اجعل في برنامجك وقتا للراحة و زيارة الاصدقاء و حتى المنتدى ان شئت


وفقّك الله

[Hamza touazi05521763]

انشاء الله اختي في الله بادن الله الباك في جوان نشاء الله في ماي باك سبور نعم علابالي الباك راهو فالجيب رانا نخمو عالمعامل لازم نخمو هكا وربي يوفقنا نشاء الله كمل شكرا لدعمكم لي اخوتي في الله

[بتول8]

هناك حل جيد
تخلص مؤقتا من التلفاز و النت حتى تكمل الباك حطهم في منزل شخص اخر
لانو الادمان صحيح صعب

[Hamza touazi05521763]

بارك الله فيكم