دبروا عليا ثوم نبتلي

[bailassan]

السلام عليكم من فضلكم الي عندها فكرة كيفاش نحافظ على الثوم مدة اطول بدى ينبتلي و معرفتش واش نديرلو :sdf::sdf:

[ام شرفو]

اسهل طريقة قشريه و حطيه في ساشيات داخل الكونجيلاتور

[it's me]

كيما قاتلك الاخت اللي قبلي
قشري و خبي

[~ حراير ~]

و انا نقولك قشري و ارحيه و خبيه في علبة و إلى الكونجيلاتور
كي تحبي تجبدي يجيك ساهل و واجد غير بمغيرفة يتنجرلك من العلبة

[الباديسي]

اقلعي الشتلة .وضعيه في مكان بعيد عن الرطوبة.
اما قشريه وحطيه في الثلاجة راه يفقد بعض خواصه

يا نساء حتى ندبروا عليكم
؟؟؟؟؟؟؟؟؟؟؟؟؟؟؟؟؟؟؟؟؟؟
ههههههههههههههههههههههههههههههه
شكرا

[babeloued]

أنا نرابيه بعد ما نقشرو نخليه واحد الساعتين في ساشي داخل الكونجيلاتور ثم نفتتو ونرجعو للكونجيلاتور باه نقدر نتحكم في الكمية اللي نحتاجها

[bailassan]

مشكورين جميعا انا حبيت الا كاين فكرة نديرهالو باش يحبس ماينبتش على خاطر مانحبش ريحة الثوم المرحي الكونجلي و شكرا مرة اخرى للاعضاء لي عطاوني اقتراحاتهم

[وفاء سعاد]

اختي اا دائما نرحيه ونكونجليه يجيى ساهل وكى عدتي ماتشتيهش مرحي عودي علقيه في منطقة مضلمة ومافيهاش رطوبة راهو يطول ويقعد كيما راه

[pomaria_aindefla]

أنا هدا السنة يبستوا كيكان جديد

[سميحة.لد]

احنا نشمخوه شويه في الماء ثم ننقوه ونديروه في قرعه فارغه ونديروه في الكونجلي ......ويقعد كيما هو ... بل حتى الريحه تزيد تقوى والحاجه لمليحه انو مايلسقش مع بعض ..

[rahmasabrina]

Dirih fi saché nta3 kaghat(كاغط ) w khabih yab9a kima rah .jarbatha mama w najhat.

[rahmasabrina]

Bla ma tgachrih

[bailassan]

:19: يعطيكم الصحة وشكراااااااااا على الاهتمام:mh31:

[نافلة]

رايي من راي الاخوات ارحيه و كونجليه

[هندة السوفية]

اختي انا جربت رحته وقسمته على قياس ما ندير في الطبخة في طرف تاع صاشي
اومن بعد حطيته في بورتمونجي لكن الريحة حلكة الكونجرتار
اومي خرجت غسلته كامل اوقاتلي هزي عليا ثومك هههههههههههههههه
المهم هزيت البورط مونجي اوحطيتها في الكنجلاتور تاع الثلاجة
لكن فيها ما فاحش

[nihel lora]

اختي انا نحطو في الكنجلاتور بقشور كي نستحق نجبد راس صدقيني و جربي يبقى كما هوا ريحة و بنه

[tikjda]

انا ماقشرتهاش نقيتها من التراب واغسلتها او نشفتها امبعد حطيتها بلارات انتاع الزحاح ولا في ساشى