الإخْتٍبَارَاتــ قصــص وَ مأًسي ! [الأرشيف] - منتديات الجلفة لكل الجزائريين و العرب

مشاهدة النسخة كاملة : الإخْتٍبَارَاتــ قصــص وَ مأًسي !

زكرياء ابن الجزائر

2012-12-06, 19:37

السلام عليكم ورحمة الله تعالى و بركاته

بدأنا الإخبارات بمادة الرياضيات الموضوع يحتوي على 3 تمارين التمرين الاول و الثالث متأكد انها صحيحان التمرين الثاني عليه 9 نقاط ههه جربت معه و لم افهم فقط سؤال في النهاية و لكن جربت حظي فقط إن شاء الله 14 او 15
العربية ديرت كلش و لكن للاسف اعطاولنا سؤال قالك ماهي الوظيفة النحوية لهذه الكلامات انا رحت شرحتهم ههه و في الاخير ستمعهم يقولو كيفاش عربت هذايك الكلمة و انا كنت اعرف إعرابها للاسف إن شاءالله ايضا 14 او 15 تكفيني
التاريخ و الجغرافيا ديرت كلش إن شاء الله علامة كاملة هي و الإنجليزية التربية الإسلامية ايضا الفرنسية هاذي المرة زهرتلي خدمت مليح و كان ساهل إن شاء الله ايضا علامة مليحة العلوم ساعتين و انا نكتب و نكتب و نكتب عمرت ورقة الإختبار كاملا و زدت من عندي ورقة مزدوجة و نص هكذا تفهم هذيك الاستاذة باش نعمرلها عينيها ههه اأنهينا هذه الإختبارات بإختبار الفيزياء و يا له من إختبار دارو فينا المنكر ههه القسم كاملا لم يعرف من اين ابدا و جات الاستاذة لي دارت الموضوع قالتلنا ديرتلكم حاجة اوريجينال !! ماهذا ههههه إن شاء الله نلحق المعدل فيها برك .
المهم انا في الفروض خدمت نوعا ما إن شاء الله نتحصل على معدل 14 او 15 يكفيني و إن شاء الله تكونو خدمتو خير مني
سلام

Narcisse95

2012-12-06, 19:41

ان شاء الله فيها البركة مادام عرق جبينك

زكرياء ابن الجزائر

2012-12-06, 19:45

معك اختي إذا جاءت ساحمد الله تعالى صراحة ديرت كامل واش قدرت ، اكيد اعترف و ساقول انني لم اكن دائم المراجعة بل كنت اراجع قبل الفرض بيومين او ثلاث هذا هو الخطا الذي إقترفته الدروس فاهم كلش و لكن في التطبيق اواجه صعوبات ربما عائدة لنقص التمرن المهم انا الان عرفت السبب و إن شاء الله في الفصل الثاني ساعمل على تطوير نفسي من هذا الجانب ، الحمد لله لي عندنا فرصة اخرى هه و املي في الفصل الثاني التحصل على تهنئة :]

نعمة القدوس

2012-12-06, 20:21

أهلـــاأ

الحمد لله أنك خدمت أخي

أنا تاني عانيت مع هادو الاختبارات معاناة مايعلمها غير ربي
ان شاء الله نخرجو منها بأقل الأضرار

زكرياء ابن الجزائر

2012-12-06, 20:27

أهلا أختي نعمة هاذي غيبة هه
إن شاء الله تكوني خدمتي بما انك تفرغت للدارسة فقط على عكسي ههه ضيعت الكثير من الوقت هنا و هناك المهم إن شاء الله فيها خير .

نعمة القدوس

2012-12-06, 20:32

بيك يعيّشك

والله في الحقيقة، زعما تفرغت للدراسة
ولكن كي وصلت للحق { الاختبارات } ضاع كلّ الجهد
فقط عندي أمل أن تعبي هذا ماش رايح يروح سدى
وهذا ما يعزّيني

الإختبارات درت شكشوكة في أوراق الإمتحان
ربي يستر برك

زكرياء ابن الجزائر

2012-12-06, 20:35

نعم إن شاء الله تكون علامات في المستوى و ان يضيع جهدنا مثلما حدث معي مرة في فرض الفزياء صراحة اصبت بإحباط كبير راجعت و حليت و راجعت و رقدت على 2 و فهمت مواضيع كثييرة في النهاية التوتر نال مني و لم استطع التركيز اخطاء تافهة نالت مني للاسف المهم نتعلم من أخطاءنا

cosx

2012-12-06, 20:37

بالتوفيق لك وان شاء الله تنجح

همسة ◕‿◕ برآءة

2012-12-06, 23:44

و عليكم السلآم أخي و رحمة الله و بركآته..

ممم معليش مآدآمكـ قآنع ربّي يعطيكـ على قدّ جهدكـ و مآ تتمنى

أنآ الأخرى عآنيت أيّمآ معآآنآة في هذآ الاختبآر
أخطآآء تآفهة تشعرني بالفعل أني غبيية :confused:
خصوصاً في الريآضيآت..

و أكثر مآ يسوؤني ، الفيزيآء ><
غآضووني بعض الأسئلة مآ حرّكتش فيهم القلم
برغم نعرف الطريقة ، و طول السآعتين كآتبة القوآنين قدآمي في ورقة الأوسآخ و قآعدة غير نخزرلهم
و كلّو نتيجة التوتر ، فقدت التركيز تمآآآماً

نآهيكـ عن تلكـ الظروف التي مررنآ بهآ
اااه تخيلو في هآكـ البرد ، الأقسآم لخرين بلي فورنو
و قسمنآ بالعكس لي فورنو حآبسين ، لآ و زيد يخرّجو في المآء
القسم ولّى برررْكة المتوكّل :D

ااه يزّيني من الشّكآيآت بركـ
بالتوفيق خويآ و ربّي يجيب الخير
...

roro roro

2012-12-06, 23:59

معااااناة مشتركة

والخدمة شوية مارانيش قانعة بكل بساطة وكيما قالت الاخت همسة براءة أخطاء فادحة في الرياضيات

نوجد روحي نهار التصحيح لكن راني موجدة اجابتي للأستاذ يجي هدر نقولو
عذرا لكن لا حدود للغباء d:

ان شاء الله ما يضيعلناش جهدنا برك

بالتوفيق ان شاء الله تلحقها 15

سيريناد

2012-12-07, 05:27

انا البارح بدات الاختبارات و راني في حالة توتر مايعلمها الا الله
جوزنا علوم كاان جد صعب و ماقدرتش نحدد العلامة اللي راح نديها
و الفرنسية كان سهلا نوعا ما و انا كيما قالت الاخت لا حدود للغباااء نسيت سؤال عليه نقطتين من اسهل مايكون
داقتليي و حبطلي المورااال للأخييير
ربي يجيب اللي فيه الخير برك

Nàr_iMèNèr

2012-12-07, 07:53

حنا منكر كبير داروووووه فينا

بن زرام

2012-12-07, 09:19

تعبت لكن اضنني لن انال ما اطمح اليه
لكن كما يقال لا حياة مع الياس ولا ياس مع الحياة
ويقال يوم الامتحان يكرمالمرا او يهان
ويقال ايضا من الصعب ان تصل الى القمة لكن من الاصعب الحفاض عليها

تقبلو تحية اخيكم كمال

{ توبة }

2012-12-07, 10:41

و عليكم السلام
اتمنى ان تحصل على علامات ترضيك
و انا بذلت جهدآ كبيرا
لكن لا اظن اني ساحقق ما كنت اطمح له
شكرآ لك على الموضوع

Life as a Rainbow

2012-12-07, 11:45

لقد كانت اختباراتنا جد صعبة لكن نحمد الله على كل شيء

زكرياء ابن الجزائر

2012-12-07, 13:27

بالتوفيق لك وان شاء الله تنجح
بارك الله فيك اختي النجاح لنا جميعا إن شاء الله :]
و عليكم السلآم أخي و رحمة الله و بركآته..

ممم معليش مآدآمكـ قآنع ربّي يعطيكـ على قدّ جهدكـ و مآ تتمنى

أنآ الأخرى عآنيت أيّمآ معآآنآة في هذآ الاختبآر
أخطآآء تآفهة تشعرني بالفعل أني غبيية :confused:
خصوصاً في الريآضيآت..

و أكثر مآ يسوؤني ، الفيزيآء ><
غآضووني بعض الأسئلة مآ حرّكتش فيهم القلم
برغم نعرف الطريقة ، و طول السآعتين كآتبة القوآنين قدآمي في ورقة الأوسآخ و قآعدة غير نخزرلهم
و كلّو نتيجة التوتر ، فقدت التركيز تمآآآماً

نآهيكـ عن تلكـ الظروف التي مررنآ بهآ
اااه تخيلو في هآكـ البرد ، الأقسآم لخرين بلي فورنو
و قسمنآ بالعكس لي فورنو حآبسين ، لآ و زيد يخرّجو في المآء
القسم ولّى برررْكة المتوكّل :d

ااه يزّيني من الشّكآيآت بركـ
بالتوفيق خويآ و ربّي يجيب الخير
...

نفس المشكل حدث معنا و لكن الحمد لله قبل الإختبارات القسم اصبح بركة ههه إن شاء الله يكون خير فقط :]
معااااناة مشتركة

والخدمة شوية مارانيش قانعة بكل بساطة وكيما قالت الاخت همسة براءة أخطاء فادحة في الرياضيات

نوجد روحي نهار التصحيح لكن راني موجدة اجابتي للأستاذ يجي هدر نقولو
عذرا لكن لا حدود للغباء d:

ان شاء الله ما يضيعلناش جهدنا برك

بالتوفيق ان شاء الله تلحقها 15

إن شاء الله احققها و تحققين انت العلامة الي راهي في بالك

انا البارح بدات الاختبارات و راني في حالة توتر مايعلمها الا الله
جوزنا علوم كاان جد صعب و ماقدرتش نحدد العلامة اللي راح نديها
و الفرنسية كان سهلا نوعا ما و انا كيما قالت الاخت لا حدود للغباااء نسيت سؤال عليه نقطتين من اسهل مايكون
داقتليي و حبطلي المورااال للأخييير
ربي يجيب اللي فيه الخير برك
عادي اختي حدث معي نفس الامر في فرض الفيزياء الاولو بسبب التوتر فقدت التركيز و راحتلي 6 نقاط بطريقة تافهة صراحة الامر احبطني كثيرا و لكن الحمد توجد فرصة ثانية و ثالثة سنعوضها بإذن الله

حنا منكر كبير داروووووه فينا

السلام عليكم عوضيها اختي في الفصل الثاني و أرهم قدراتك :]

تعبت لكن اضنني لن انال ما اطمح اليه
لكن كما يقال لا حياة مع الياس ولا ياس مع الحياة
ويقال يوم الامتحان يكرمالمرا او يهان
ويقال ايضا من الصعب ان تصل الى القمة لكن من الاصعب الحفاض عليها
تقبلو تحية اخيكم كمال
معك حق اخي عليك ان لا تيأس فكلنا نمر بعقبات و هنالك العديد من الادلة و الشواهد عبر التاريخ لأناس لم ييأسوا و حققوا امورا غيرت مجرى البشرية ، الحمد لله توجد فرصة ثانية اخي إستغلها أحسن إستغلال :19:

و عليكم السلام
اتمنى ان تحصل على علامات ترضيك
و انا بذلت جهدآ كبيرا
لكن لا اظن اني ساحقق ما كنت اطمح له
شكرآ لك على الموضوع

أهلا اختي كما سبق و قلت توجد فرصة ثانية عليك ان تظهر لهم قدراتك الحقيقية

لقد كانت اختباراتنا جد صعبة لكن نحمد الله على كل شيء
نعم نحمده الله في كل الاحوال و سنعوضها في الفصل الثاني :] ;)

" نورة "

2012-12-07, 13:34

karima ikram

2012-12-07, 13:40

انا المواد العلمية خاصة الفيزياء والرياضيات كل الطرق لي خدمت بيهم صحاح مي فالفيزياء نسيت التحويلات كامل ماحولتش + المات ماخدمتش ملييح المواد الادبية لاباس العلوم الطبيعية أحسن بكثير من الفيزياء والرياضيات كامل تعبنا وحضرنا ولي كاتبهلنا ربي اهلا ومرحبة بيهاااا
وما التوفيق الامن عند الله

super ranouch

2012-12-07, 14:12

زكرياء ابن الجزائر

2012-12-07, 14:13

اهلا اخي
اولا اتمنى لك التوفيق وان تلقى ما خدمت واجتهدت من اجله
ثانيا انا ايضا مثلك ومثل جميع الاصدقاء هنا نبذل مجهودا كبيرا واصلا انا حاسة روحي هذا العام نخدم اكثر من عام ليفات لانني تعودت وخلاصت راحتلنا الرهبة لكن هات اللي يفهمنا والله غير نخدم ونخدم على العلامة الكاملة ومبعد نلقى النقطة مختلفة كليا
وش عنديروا لازمنا نستحملوا ونبطل هالشكايات نشكوا لربي هو عارفنا وعارف وش في قلوبنا

ربي يوفق الجميع
بارك الله فيك التوفيق لي و لك و للجميع
نعم لقد بذلنا مجهودا كبيرا ، السهر النهوض صباحا المراجعة حتى انا اهملت الاكل ههه معجزة و حدثت هه
المهم إن شاء الله لن يضيع جهدنا سدى أنا احيانا نخدم على المعدل نجيب 17 ههه و العكس صحيح و الله غير التوقعات دارت فيا المنكر و لكن للاسف دائما اجد نفس اعود و اتوقع و احسب المعدل في معظم الاحوال نطيح فيه ههه

انا المواد العلمية خاصة الفيزياء والرياضيات كل الطرق لي خدمت بيهم صحاح مي فالفيزياء نسيت التحويلات كامل ماحولتش + المات ماخدمتش ملييح المواد الادبية لاباس العلوم الطبيعية أحسن بكثير من الفيزياء والرياضيات كامل تعبنا وحضرنا ولي كاتبهلنا ربي اهلا ومرحبة بيهاااا
وما التوفيق الامن عند الله

السلام عليكم اختي
ارى ان السبب هو قلة التركيز ويعود سبب هذا الاخير إلى التوتر انا اسبوع كامل خايف و لكن الحمد لله تحكمت في التوتر نوعا ما و أرى أنني أيضا خدمت في العلوم احسن من البقية و الرياضيات اييضا مليح و لكن الفيزياء حكاية اخرى إن شاء الله يكون فيها خير لأن أستاذتنا إنسانة طيبة للغاية قالتلنا نعاونكم :] إن شاء الله فيها خير علينا اجمعين و لا تنسوا الدعاء اليوم ربما يجي دعاءنا في الساعة المستجابة :]

زكرياء ابن الجزائر

2012-12-07, 14:15

السلااام عليكم انا بديت الاختبارات بالعربية كانت الاسئلة نوعاا ما صعبة بصح خدمت شويا تاع 14 انشاءلله شريعة خدمت ملييح 17 هاكداك رياضيات خدمت ملييييح و علووم تاني خدمت الحمدلله تاريخ وجغرافيا كان نوعاا ما سهل ميي الكاااارثة الكبرى كانت في الفيزييياء اصعب موضوع شفتو في حياتي المهم انشاءلله نلحق هاكداك كاش 14 :mh31:
و عليكم السلام و رحمة الله تعالى و بركاته :]
أرى انها نفس قصتي ههه المشكل الوحيد كان في الفيزياء إن شاء الله نجيبوا علامة تصون الشرف هههه بقية المواد الحمد لله :]
;)

يوسف الحسن

2012-12-07, 14:18

سلام عليكم
انا تعبت بزاف مخدمتش والوا لانوا كانوا صعاب بزاف
ربي يستر
وادعولي

karima ikram

2012-12-07, 14:19

ان شاء الله مايكون غير الخير ومازالنا 2 فرص مانضيعوهمش

waf13

2012-12-07, 15:07

والله يا جماعة راه عندنا نفس المشكل هههههههه كلنا تلقينا صعوبات
انا سوفريت فالويك اند وعييت من الحفيظة مابقيت ندير واااااااالو من غير الحفيظة والتمارين والله بزااااف خاصة التاريخ والجغرافيا يكتبلنا جريدة هههههههههه ومن التالي يقولنا كي تجاوبوا ديروا واش راكم فاهمين ماديروليش من الكراس وزيد الشخصيات يقولنا ديروهم من عندكم هو كامل مايعييش راسه هههههههه وختمها فالاختبار عطانا واحد الشخصيات جامي لسمعنا بيهم ووحد المصطلحات غريبة وانا كيما العادة قعدت نخربش ونكدب عليه هههههههههه المهم جاوبت كيما كنت عارفة وفااااااااهمة نتمنى ندي مليح
الرياضيات تقرينا استاذة من هادوا الجداد وش نحكيلكم القسم الاخر عندهم استاد قدييييم وهو اللي دارلنا الموضوع نتاع الاختبار وهو يموت على القيمة المطلقة هههههه التمرين 2غير على الدوال والقيمة المطلقة وانا من حسن الحظ كنت نراجع مع القسم هداك ووراولي كيفاش نحل اما زملائي مافهموا فيها االو
العلوم مليحة وطوييييييييلة الانجليزية انا جاتني ساهلة بعكس صحاباتي اللي قالو مافهموا والو
الفرنسية شوية واعرة فيها مصطلحات مانعرفوهمش والاسئلة متعلقين بيهم العربية دارتلنا نص نتاع ابو نواس هههههههه الخمر والمجون يااااااااي على هداك النص مخربش لكن صافا خدمت
الفيزياء خدمت فالفيزياء لكن الكيمياء عطاتنا سؤال صعيب كامل ماعرفنالهش
التربية الاسلامية تخيلوا قالتلنا لوكان نلقى غير خطا واحد فالاية 4 نقاط راحوا عندها اما تدي 4 او 0 ماكانش فالوسط لازم كامل مانغلطوش وطبعا كانت كواااارث ثحاباتي كامل راحتلهم 4 نقاط ههههههههههههه
الله يستر وتكون النقاط والمعدلات مليحة

زكرياء ابن الجزائر

2012-12-07, 16:26

سلام عليكم
انا تعبت بزاف مخدمتش والوا لانوا كانوا صعاب بزاف
ربي يستر
وادعولي
و عليكم السلام إن شاء الله يكون خير اختي و يارب و تنجحي

ان شاء الله مايكون غير الخير ومازالنا 2 فرص مانضيعوهمش
السلام عليكم امين علينا عقد العزم فقط :]

والله يا جماعة راه عندنا نفس المشكل هههههههه كلنا تلقينا صعوبات
انا سوفريت فالويك اند وعييت من الحفيظة مابقيت ندير واااااااالو من غير الحفيظة والتمارين والله بزااااف خاصة التاريخ والجغرافيا يكتبلنا جريدة هههههههههه ومن التالي يقولنا كي تجاوبوا ديروا واش راكم فاهمين ماديروليش من الكراس وزيد الشخصيات يقولنا ديروهم من عندكم هو كامل مايعييش راسه هههههههه وختمها فالاختبار عطانا واحد الشخصيات جامي لسمعنا بيهم ووحد المصطلحات غريبة وانا كيما العادة قعدت نخربش ونكدب عليه هههههههههه المهم جاوبت كيما كنت عارفة وفااااااااهمة نتمنى ندي مليح
الرياضيات تقرينا استاذة من هادوا الجداد وش نحكيلكم القسم الاخر عندهم استاد قدييييم وهو اللي دارلنا الموضوع نتاع الاختبار وهو يموت على القيمة المطلقة هههههه التمرين 2غير على الدوال والقيمة المطلقة وانا من حسن الحظ كنت نراجع مع القسم هداك ووراولي كيفاش نحل اما زملائي مافهموا فيها االو
العلوم مليحة وطوييييييييلة الانجليزية انا جاتني ساهلة بعكس صحاباتي اللي قالو مافهموا والو
الفرنسية شوية واعرة فيها مصطلحات مانعرفوهمش والاسئلة متعلقين بيهم العربية دارتلنا نص نتاع ابو نواس هههههههه الخمر والمجون يااااااااي على هداك النص مخربش لكن صافا خدمت
الفيزياء خدمت فالفيزياء لكن الكيمياء عطاتنا سؤال صعيب كامل ماعرفنالهش
التربية الاسلامية تخيلوا قالتلنا لوكان نلقى غير خطا واحد فالاية 4 نقاط راحوا عندها اما تدي 4 او 0 ماكانش فالوسط لازم كامل مانغلطوش وطبعا كانت كواااارث ثحاباتي كامل راحتلهم 4 نقاط ههههههههههههه
الله يستر وتكون النقاط والمعدلات مليحة

إن شاء الله تجي علامات مليحة الأسبوع القادم سيكشف كل شيئ إن شاء الله نحقق جميع علامات مرضية و السلام عليكم :]

radjaa jojo

2012-12-07, 17:33

السلام عليكم انا راني نشوف في هادا الفصل ما يبشرش بالخير
مي ان شاء الله ندي معدل 14 ولا 15 على الاقل
اولا في الرياضيات حسيت روحي خدمت مليح و الفيزياء ثان خدمت مي راحتلي في تمرين الكيمياء نقولو كاش 14
و العلوم زعما لي فاهمتها مليح ماعلابايش شحال ندي ما قدرتش نقيم روحي مام في الاجتماعيات
و الادب قالتلهم كامل ارقدو كي حطولي الاختبار حسيت روحي هندية هههه
الانجليزية مخدمتش مليح صعبوهولنا بزاف تقرينا وحد القبايلية مسمومة مي الفرنسية شويا مليح
المهم نشالله ربي يجيبها على خير و نجيبو كامل معدلات ملاح

حاملة القران سمية

2012-12-07, 19:40

زكرياء ابن الجزائر

2012-12-07, 20:24

كلنا واجهنا صعوبات و لكن هذه هي الدنيا هي لن تتنظرنا لهذا علينا ان نسايرها و ننسى مامضى مستحيل ان يمر مشورانا الدراسي كاملا بدون مشاكل ما علينا سوى ان نعرف كيف نتعامل مع هذه المشاكل و لكل واحد منا طريقته الخاصة في التعامل مع هذه الاخيرة هنالك من يهرب منها و يقضي معظم وقته في اشياء تافهة حتى لا يتذكر هذا المشكل أنا أصنف هذا النوع من الجبناء لأنهم بهذه الطريقة لن يحققوا تقدما في أي مجال من حياتهم فبدون الخطاء لن يتقدم و لن يتقدم غيره و هنالك في الجهة الاخرى من يواجه المشاكل مباشرة و يعيش بشكل واقعي اصنف هذه المجموعة مع الشجعان و اكيد هم من سيحققون النجاح ، مثال عن هذا قصة حدثت لسيف جوبز اكيد تعرفونه الرئيس الراحل لشركة ابل الامريكة هو من اسسها و كلنا نعلم ان الشركة تبيع اسهم يعني إجمتع عليه العديد من اعضاء الشركة و قرروا إخراجه بعد قيامه بعدة اخطاء هناك يقول انه بعد طرده من الشركة ذهب لغرفته قفل الباب جلس في الظالم و بدا يفكر و يفكر و بعدها وقف من جديد وقال ساعود و هكذا كان الحال عاد للشركة و اصبح احسن مما كان و أصدر منتوجات غيرت طريقة حياتنا فهو معروف انه رجل ذو خبرة في التعامل المهم لنقفل هذا القوس ، فلو ببقيت اتكلم عن الامثلة عبر التاريخ لن اتوقف ، ما علينا سوى شحذ الهمم من جديد و العمل و إن شاء الله النتيجة تساوي النجاح .