أسرار portable ( الناس قاع تسمع )

[عثمان13]

السلام عليكم ... صحفي من عين المكان سوف أتحدث عن ظاهرة منتشرة اليوم بكثرة في مجتمعنا ولانشعر بها ... ما هي ؟؟؟؟ إذن تابع معي :
في الحافلة (bus تاع البلاد)
ـ رن رن رن (portable )
ـ آلـــــو آلــــــو آلــــــــو
ـ قويدر ...كيراك لاباس
ـ sava لاباس الحمد لله
ـ واش كملت شغالك اليوم ؟
ـ واه خرجت الصباح على 7.00 من الدار رحت لاميري تاع " الداودية " خرجت لاقام 12 ومن بعد رحت عند الصوار .. وعاود رحت عند بنتي زبيدة رجلها ماكانش تمّ .. وعزوجتها كانت مريضة ... ورحت ورحت... وفي التالي على 11.00 روحت la banque بدر .. وراني فتحت كونت
ـ شحال فرسيت فيه ( الناس تسمع)
ـ واه فرسيت 500 مليون
ـ ايه راك مرفه يا خويا
ـ راك تعرف بعت ( partema ) لمحمد ولد عمي السعيد جارنا تاع زمان
ـ واه واه تفكرتو وقولي واش راك نوي تدير بدراهمك ؟؟
ـ راني نقول نفتح محل تاع القماش وmadame قالتلي لا نفتحوا محل تاع الحلوة .. ولدي قالي نفتحوا.. وبنتي قالتلي .... ( الناس تسمع )
...............................الحكاية طويلة
المهم المغزى من القصة أصبحت أسرار بيوتنا يا إخوان في الشوارع والمقاهي والحافلات ... وكل الناس تسمع

[مسلم سني]

السلام عليكم
هناك من يتحدث عن كل شيء وبصوت مرتفع وعنده الأمر أكثر من عادي
وهناك من يرفض التحدث أمام الملأ تبقى حسب طريقة تفكير الشخص
أخي الفاضل تمنيت لو كتب موضوعك بغير العامية لكان أفضل
مجرد ملاحظة أرجو ألا تغضب مني
شكرا لك
احترماتي

[الجليس الصلح]

صحيح المجتمع صار في تحول كبير لكن للحضيض الكل مريض يدعي العلم والمعرفة والمال والرجال والسلطةوو هدانا الله جميعا

[مريم الصابرة]

السلام عليكم اخي
ضحكتني وهي حقيقة للأسف نحتاجك كمراسل للقناة في موضوعي مراسل من عين المكان
بالنبة للهاتف هناك من يتحدث عادي جدا وكأنه في بيته والله نشوف الامر عيب ونحشم بزاف حتى وتحكي مع امي نقولها كي ننزل نعيطلك نحشم نهدر قدام الناس ويسمعو بالحكاية امي حدث ولا حرج اللي برا من الكار يسمعوها نوصيها فالطريق نقولها بالاكي تريبوندي فالكار نخبي برتابل عندي كي يصوني نكوبي تنسى روحها هههههههه
والله كيما قال الأخ مسلم سني تبقى المسألة ثقافة وتربية شكرا وبارك الله فيك

[رُقية]

الهاتف الا للظرورة حنا الاشياء حتى تمل منا وتفقد نكهتها ومعناها كل حاجة نبالغوا فيها
شكرا

[sali-sali]

ههههههههه انا عجبتني الطريقة لي حكيت بيها

بالنسبة للموضوع صحيح ،تجد المرأة او الرجل يتحدث بالهاتف امام الملأ و بصوت مرتفع كانه وحده ، بالنسبة ليا مانحبش التحدث بصوت عالي في الهاتف خاصة في الشارع

شكرا على الموضوع

[واحد من النااس]

السلام عليكم أخي الكريم
مرات اكون في مكان مكتظ بالناس فاسمع كبار السن يتكلمون بالهاتف و الكل يسمع و القي بتلك الابتسامة من كونهم يخبرون عن انفسهم الجميع و في ظنهم لا احد يستمع اليهم

فقط المشكل ان بعض الناس لا يعير الانتباه لما يتكلم في الهاتف فربما كان هناك محتال او سارق ربما اطلع على امر ما و سرقه او كشف سر قد يضر به غيره او يبتز شخص معين
ففي احد المرات شخص اشترى من شخص سيارة و اتفقا على اكمال المبلغ المتبقي و الذي يساوي 50 مليون وفي الطريق كان الشخص يتحدث مع من اشترى منه و قال له اين تسكن و سأبعث لك الان الشخص الذي يأخذ منك المال و هو يلبس جاكيث بلون كذا و سروال بلون كذا و الكلمة السر بينكم هي كذا
المهم كان هناك معهم في سيارة الاجرة محتال بمجرد ان نزل من السيارة اقتنى لباس مثل لباس الشخص الذي سيأخذ المال و استأجر سيارة و ذهب للموعد في اسرع وقت و سبق الشخص الحقيقي
أخذ الاموال و بعدها جاء الشخص الحقيقي فلم يجد شيئا و بعد اعادة ارجاع الذاكرة وجد الشخص نفسه قد افشى السر و ذهبت عنه 50 مليون لانه حسب نفسه لوحده او ان الناس لا تسمع
المهم في الهاتف نحذر كل الحذر من ذكر الاعراض و الاموال فهناك من يترصد سماع ذلك
شكرا على الموضوع و بارك الله فيك

[kheira 14]

انا عندي صحبتي تيليفون 24 ساعة في وذنهااااااا والله غير حشمة