رايكم يهمني

[مشكلتي]

السلام عليكم وحمة الله وبركاته

انا شاب عمري 27 سنة تعرفت على فتاة تكبرني ب 10 سنوات واعجبت بها لكن المشكلة كيف اصارح والدتي وهل سيرحمني المجتمع

اذا كنتم مكاني ماذا تفعلون هل ابتعد عنها

ما رايكم شكرا

[شقراء سوف]

مدام قلت هل ابتعد عنها فراك داير 50 بالمية بش تكمل معاها والباقي بش تبعد عليها /// متخممش في راي المجتمع لانو من راي والدتك متزيدش ///يعني بش ترفض // بالتوفيق

[المتيقنة بالله سارة]

اذا كانت فيها مؤهلات الزوجة الصالحة لك ولي تقدر تقنع بها والدتك فبها ونعمة...أما المجتمع فلا تأبه لانو ارضاء الناس غاية لا تدرك

[sarah1424]

pour moi je suis contre cette relation
rahi ktar mennek b 10 ans bezéff nn

[hfhgffgvf]

عادي ادا كنتو متفاهمين انا تاني نعرف بنت تزوجت بشاب اصغر منها ب 14 سنة راه عندهم 4 سنين ملي تزوجو و راهم عايشين عادي صح في البداية صراولهم مشاكل مع الاهل و خصوصا البنت و زيد هدرت الناس الي شرقو و غربو بيها لكن هوما ما داروش عليهم و راهم عايشين كاي زوجين و البنت راهي عادي مع دارهم و ربي يجيب الي فيه الخير

[اسعى لرضى الله]

متشوفش للناس

الناس لا جبت وحدة صغيرة يقولك خلا اللي في عمرو وجاب وحدة نتيجة بنتو عليها كثرت العنوسة علاه ميزوجش وحدة قد عمرو ولا كثر منو


ولا جبت وحدة كثر منك يقولك واش بيه هدا هبل خلا البنات الصغارات الزينات وجاب وحدة قد مو

يمالا روح دير واش يخرج عليك خاصة لا شفت بلي راح تتفاهمو وراح تبني اساس صحيح تاع زواج يدوم وتكون هاني معاها

ربي يهنيك وربي يجمعكم في الحلال

[faty05]

استخر الله علام الغيوب

[knives55]

شوف اخير فارق السن ليس مشكل

أذهب اليها وتحدث معها اولا اذ هيا قبلت فلا تسمح لأحد بوضع حاجز بنك وبينها

فالمجتمع مليئ بثرثرين عدمي الفائدة فلا تأبه لهم هذه حياتك أنت ليس هم


وتكل على الله


وربي يوفقك في زوجكم ان شاء الله ويدوم العشرة بينكما

[sali-sali]

بالنسبة ليا 10 سنوات راهي بزااااااااف

لكن :
شوف انت روحك اذا راك متاكد 100/100 انك تقدر تعيش معاها و تكمل معاها، وحاول مع الوالدة نتاعك لانو في الاخير القرار لك وحدك

[مريم الصابرة]

السلام عليكم اخي
لو كان السن شرط شكون خير من الرسول عليه الصلاة والسلام كان قادر يتزوج ببنت بنوت وتزوج بالسيدة خديجة وعلى بالك شعال كبيرة عليه الناس والمجتمع يا اخي خليك من الناس المهم راحتك إنت المرا مليحة ولقيت فيها المواصفات إتكل على ربي وخليك من الناس علاه إنت كي تتزوج دير الفوط للشعب واش دخلهم والله نكره اللي يقولي الناس والمجتمع شوف إنت واش يريحك إنت راح تعيش معاها
بالنسبة للوالدة حاول تقنعها ونعرف بزاف متزوجين برجال اصغر منهم وكاين اكثر منك كبيرة بال 15 سنة وعايشين عادي جدا موفق ومن رأي إتكل على ربي

[leila ben]

فارق السن ليس شرط من شروط الزواج فمع مرور الوقت لايمكن تمييز أي الزوجين أكبر من خلال الشكل اذا راك مقتنع بأخلاقها وأنها الزوجة التي تسعد معها لاتنظر يمينا وشمالا لأن كثرة السؤال تخسر النية قنع برك أهلك باللين لأنهم أول من يقف في وجهك
ونقول لكل انسان يعارض راه يقطع في المكتوب خلو الناس تتزوجhttp://www12.0zz0.com/2012/12/05/09/151630459.gif

[رمز الامل]

استخر الله و ربي ينور طريقك
بالتوفيق

[wafaa26]

مسالة الزواج ما يتدخل فيها حتى واحد ......ما عليك غير تخمم مليح و تحسبها مليح و حاول تخزر للمواصفات الايجابية اللي خلاتك تختارها كزوجة مستقبلية و ما تعطيش قيمة لكلام الناس اللي ما يدي ما يرد و في الاخير القرار يرجع ليك وحدك ...

[فاطمة1418]

فارق السن كبير بينكم فكرا جيدا و حكم عقلك لكي لا تندم لاحقا

[منهاج]

السلام عليكم

ادا كانت مكتوبك راح تديها سواء الناس بغات ولا رفضت

بصح يا ناس ما راناش نعيشو في مجتمع مثالي لدرجة ما نديروش عليه ، ادا هو ما يديرونجاش هي راح تحس بالنقس

وفارق السن والله كلام الناس ما يرحم ادا حد تزوج وحدة كبيرة عليه بعام الناس ما خلاتهمش يعيشو بسلام ،

فما بالكم بعشرة

ربي يقدم لي فيه الخير

[hoda zakaria]

اذا تحبها ومقتنع بيها وعلاش لالا في الأول رايحة الوالدة ترفض لكن اذا الحيت عليها من بعد تغير رايها عندي اخي تزوج من امرأة تكبره سنا بعشر سنين في الأول والديا ماوافقوش ولكن حارب عليها وعمل العرس ودروكا الحممد لله غيرو رأيهم فيها ويحبوها كبنتهم لأنها انسانة خلوقة وطيبة وجابت ولد تاني باه نزيدلك يعني لازم انت تكون مقتنع اما راي الاخرين مايهمش لانك انت رايح تعيش معاها وليس هم

[شاملة لينة]

لا تقدم على أمر و لاتفاتحها في الأمر إلا إذا كنت متأكدا من قرارك وقبول الوالدة.....
وإذا كنت مترددا فابتعد أفضل

[meryame03]

أرى أن تتأكد أولا من مشاعرك إتجاهها لأن إتخاذ هذا القرار ليس بالسهل ،أنا أعرف شخص تزوج بإمرأة أكبر منه ب6 سنوات فقط رغم رفض أهله والأن بعد مرور ثماني سنوات على زواجه بها أصبح يختلق المشاكل حتى يطلقها لدرجة انه اصبح يخجل أن يخرج معها،خوفا من ملاحظات الناس.وهذا لأن شخصيتهه ضعيفة وإستطاعت أراء الناس أن تغير فيه.

[ملاك العاصمية]

أخي الكريم لن أقول لك أن الامر عادي أو انه مستهجن
خد ورقة وقلم ضع الامور التي جعلتك تعجب بها وتحبها في قائمة
وضع الامور التي لا تعجبك فيها في قائمة أخرى
وقارن بينهما
ان وجدت ان الشيء الوحيد او العيب الوحيد هو سنها وما عدا ذالك فكلها حسنات
فأقول لك وجه العالم من اجلها
لانننا قلما أصبحنا نلتقي بأناس نتوافق معهم
ما دمت اعجبت بها فهذا دليل على انها تملك صفات جيدة وهناك توافق بينكما
حاول مصارحة اهلك بهدوء ولا تحاول ارغامهم
فالشدة تولد الشدة
وبالين تذيب أشد الصخور
ربي يوفقكم
وان كان لك فيها خير فالله سيكون معكما

[Hamza touazi05521763]

صلي صلاة الاستخارة وخمم مليح اخي قبل متحكي مع امك وكلام الناس مديرش عليه بزاف وبلاك تندم فالمستقبل

[فاطمة1987]

فرق السن كبير يعني كي تكون عندك 37 هي يكون عندها 47 فكر جيدااااااااااااااااااااا