تحطمت معنوياتي..........وتلاشت قدراتي....فما الحل يا أصدقائي؟؟؟

[nihamimo]

السلام عليكم

كيف حالكم اصدقائي الاعضاء؟؟؟؟

انا اليوم اتحدث معكم والدموع تغرقني مانيش عارفة كيفاه نتقبل الامر ......البارح شرعنا في الاختبارات وبدأنا بالأدب وعلوم شرعية فقد كنت في منتهى السرور لأنني اجبت بتفاؤل وثقة بالنفس لكنني ومع الاسف اليوم خلطتها وخبزتها في الفيزياء تعرفو واش معنى مخدمتش والله ماخدمت وراني مديكوتيا كارها حياتي بالرغم من انني البارح كامل وأنا مع الفيزياء نراجع وفي التالي خبزتها مع اني عييت ما نركزواستغليت ساعتين كامل وفي التالي معظم الاسئلة لم اجب عليها واللي مكمل عليا ديت نقاط ضعيفة في الفرض 1و2 وكملتها وجملتها في الاختبار يعني ان معدلي هادا الفصل مكان علاه نحكي فيه...........يارب.......يارب.......يارب.....واش هاد القدرة اللي طايحا عليا هاد العام من جهة الفيزياء

وفي الاخير اتمنى من كل الاصدقاء ان يساندوني ويساعدوني وينصحوني ويواسوني فانا انتهيت ......ولا تبخلو عليا بصلح دعائكم......وسؤالي الاخير هو ياترى ادا خدمت في بقية المواد الاخرى نقدر نعوض مكان الفيزياء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Narcisse95]

نقس الشئ والله راجعت مليح مليح و حليت تمارين و سيجيات و فهمت كلشي مليح لكن خبزتها ثاني ف الفيزياء و الرياضيات لكن صدقيني غادتني شويا بعدها صايي خاطر مش كي تخدمي ولا لأ في الاختبارات معناها راكي متعلمة و طالبة علم ولا لأ ... مش نهاية العالم متنسايش خسرتي اختبار ماشي الجنة صدقيني مش حاجة لي تولي تعيسة كامل هاك على جالها بالاضافة مزالك رياضيات و علوم اخدمي فيهوم مليح و اللي جابها ربي هاذيك هي

[Dz Aboubakr]

العيب الوحيد فينا اننا نراجع وقت الاختبارات فقط

معليش أختي خيرها فغيرها مخدمتيش في الفيزياء تعوضيها فالمات و العلوم بالاضافة الى المواد الاخرى ثاني طلع المعدل

ولا تنسي ان الحرب معارك فاذا خسرتي معركة لا يعني انكي خسرتي الحرب كلها

[وردة المتفائلة]

رانا كامل كيف كيف اختي
لكن لماذا اليأس ؟؟؟
مزال مواد وتعوضي فيهم وزيدي راهو الفصل الاول بامكانك تعوضي في الفصل الثاني والثالث كل طالب علم يتعثر ويفشل لكن لازم ميفشلش لازم ينهض من جديد
ويتفاءل ويعمل على البداية من جديد
ربي يوفقك اختي وينجحك ومتنسايش مزالوا مواد تقدري تعوضي فيهم وفشلك في الفيزياء ماشي نهاية العالم علاه هالاحباط كااامل ؟؟
بالتوفييييييييييييييييييييييييييق

[mimou12]

والله انا ثاااني هكااااااا راني نعاني وكرهت حياااااااتي 3 ايام وانا غير مع الرياضياات نريفيزي فيها وامس درنا اختبار خلطهااا ومكملتش نص الاسئلة وفي الفروض ثااني نقاطي طايحة راني خااايفة من المعدل وديجا تاحلي لمورال علابالي الباقي منخدمش فيه ربي يستر

[nihamimo]

شكرا اصدقائي على كل حال رسمتو الابتسامة في وجهي ربي يرسمها في وجوهكم انشاء الله ويدومها والله مشكورين بزاف طلعتولي المورال وبهدا الامل اللي غرستوه فيا غاديا نضاعف المجهود واللي فيها خير يجيبها ربي

[وردة المتفائلة]

شكرا اصدقائي على كل حال رسمتو الابتسامة في وجهي ربي يرسمها في وجوهكم انشاء الله ويدومها والله مشكورين بزاف طلعتولي المورال وبهدا الامل اللي غرستوه فيا غاديا نضاعف المجهود واللي فيها خير يجيبها ربي
العفو ولو هدا واجب
هذا ما انتظرنا منك اختي
ربي يدوم عليك البسمة

[nihamimo]

######
“ان من يذكر الصداقه دائماً
ولا ينس ابدا لاشك انه من اوفى
الاصدقاء”

[وردة المتفائلة]

######
“ان من يذكر الصداقه دائماً
ولا ينس ابدا لاشك انه من اوفى
الاصدقاء”
تسلمي
ربي يوفقك و يخليك

[fr95]

و الله الكل بالرغم انني ديما نراجع

[{ توبة }]

و عليكم السلام و رحمة الله تعالى و بركاته
إن شاء الله تكون تحسنت نفسيتك اختي الآن
لاننا رانا كيفكيف
اليوم درنا فرض تاع الرياضيات خليناها كآمل
تقول جامي قرينا و العربية ثاني
ان شاء الله نعوضوا
و مهيش نهاية المطآف

[ghagha]

حنا غدوة عندنا فيزياء ان شاء الله تكون ساهلة
ختي عوضيها في المواد الاخرى

[biba_g]

صدقيني كانك تتكلمين على لساني لكن هناك اختلاف بيني وبينك وهي انني لم اعط اهمية كبيرة لهاته المادة ولذلك نتائجي كارثية فيها

نصييحتي لك اختي بصراحة حاول ان تنسي الاختبار الذي سبق وانجزته اذا كنت مثلي فاناا جد صعوبة في ذلك وهذا ما يؤثر على مردودي في الاختبارات القادمة نسال الله التوفيق

نعم اعتقد بامكانك ان تعويضي ما ضيعتيه من نقاط في هاته المادة . لاتنسي ان المواد الادبية لها تاثير كبير على المعدل

الفيزياء مادة علمية وتحتاج الى الوقت والتركيز والحفظ والذكاء و ربما الخلل يكمن في انك اهملتي احداهما و بالنسبة لي لم اعطها وقتا تستحقه ولم احفظ ما ظننته سهلا



http://25.media.tumblr.com/tumblr_meehoec7ua1qhl5juo1_400.jpg

[ssaa66]

رانا كامل كيف كيف اختي مزالو مواد وتعوضي فيهم ان شاء الله اللي فات مات متفكريش فاللي راح وفكري فاللي جاي

[rida liberta]

لا تفشلي يا اخت مازال الفصل الثاني و الثالث و ان شاء الله تعوضيها

[كمال مسلم]

لا تنزعجي من اجل امور تاع الدنيا فكل شيء ممكن و يكون ذلك بالارادة
اتمنى لك كل التوفيق و ان كان ممكن اعطني حسابك في الفايسبككك
و ساقنعك و تكوني اكثر مثابرة وثقة في النفس حسابي انا
islamc hayai

[lilina mimicha]

moi aussi j ai pas du tt travailler en maths mais quand j ai lu ceque vs avez ecri les amis tla3li lmorale mazale la suite il fau qu on travail c tt

[lilina mimicha]

moi c lilina mimicha sur fb

[banouna]

لا تحزني أختي ليست نهاية العالم و كدلك لست الوحيدة لي مخدمتيش أنا كدلك خربتها فيزياء غاضتني شوية بعد نسيت لي فات مات و لا تنسي أن الله مقدر عليك هدا و لعل تعترك في الفيزياء يكون سببا في اجتهادك في باقي المواد اخدمي مليح و انساي الفيزياء بالتوفيق

[live & believe]

نظن نفس المشكل عند الجميع.........
ربي يسهل أختي.........الفيزياء تقدري تعوضيها بالعلوم والرياضيات....................................

[mirou.Dz]

رانا كامل كيما هكا وثاني ما تنساوش حنا علميين والعلوم ماهيش ساهلة
يعني لا زم المرى الجاية نبداو نراجعوا درونسا قبل الامتحاناب بشهر
والله حنا انا راني مصدوم من الخدمة تاعي الامتحانات هذوا وخلي ندوها عبرى

[Ranouch Runaway]

حبيبتي يا روحي يا ميمو نحكيلك قصصة صغيرة عليا

انا عاشقة للفيزياء ورياضيات والعلوم واللغات كنت في المتوسط نابغة والله كيما نحكيلك
كي رحت لاولى ثانوي كل الموازين تقلبت واساتذة صعيييييييييييبة خليني نهدرلك بكل صراحة من معدلات 17 و 18 عدت نجيب 14 ما رايكي ؟ تحطمت السنة الماضية كليا لكن استعدت قدراتي ودرت في بالي بلي كاين شيء اسموا شهادة بكلوريا نقرا على اساسوا
حبيبتي يلي فات مات فكري في امتحان غدوة وديري ربي في بالك صلي ركعتين ضرك تريح نفسيتك وبعدها خذي استراحة قليلة وروحي راجعي وش عندك منبعد وضرك يبدا فصل جديدة شدي همتك وبشريني بمعدلك ي قلبي
على فكرة انا رانيا من وادي سوف تشرفت بمعرفتك ي قلبي
ويلي فيها الخيرة ربي يجيبها
:*

[nihamimo]

والله مشكوريييييييين جزيل الشكر يا أحلى اصدقاء والله مايحس الواحد بالفشل والضعف وهو بين هاد الاصدقاء الرائعين اللي راهم يوقفو مع بعضاهم في معظم المواقف الصعبة

اتمنى لكل واحد فيكم التوفيق والنجاح والفلاح والصلاح في الدنيا والآخرة

[nihamimo]

وأخصص جزيل شكري لحبيبتي ورفيقتيranouch والل
ه انت امتالك قلال ياصديقتي وباينة من كلامك انك ناس ملاح مشكورة بزاف

انا وردة من بشار
الشعبة 2علوم تجريبية

حنونتي من بعد راني نبعتلك رسالة خاصة ونمدلك الايميل نتاعي والفايس بوك وال***** ونيميرو التلفون هكدا باه نتعارفو اكتر ونتبادلو الافكار

حبيبتي ادا اعجبتك الفكرة ردي عليا

وفقك الله ودمت في رعايته وحفظه
واككرر الشكر لك

[yumi]

ادعي ربي و ان شاء الله تعوضي

[Antar.az]

السلام عليكم و بسم الله الرحمن الرحيم أولا يجب أن لا ننظر للوراء لأننا لن نغير شيئا بل الى الأمام دائما ثانيا هل تتلاشى القدرات فقط في الفيزياء و تتحطم المعنويات يا الاهي كم نحن فارغي العقول
المهم ...... كما هو الحال مع جميع الأعضاء فأنا قصتي طويلة مع فرض الفيزياء : لم أركز أبدا منذ كنا ندرس الحصيلة الطاقوية فجاء الفرض و لم أعرف مذا أفعل
لم أستطع أن أعبر فقررت ان أعيد كتابة الأسئلة (هههههههه) ثم عرفت ان هذا غباء فكرت فكرت فكرت لا جدوى فأعطيته الورقة فارغة تماما تحتوي على الأسم و القب

المهم سأحاول أن لا أتذكر الماضي و أتمنى أن أعوضها يوم الخميس القادم ان شاء الله ................

و شكرا جزيلا

[اريج اريج]

السلام عليكم أخيتي
سوف أخبرك بشئ أنا عندي حاجة أنو نقيم روحي منخلي حتى واحد يقيمني .مثال بسيط .انا عندي في السنة الرابعة متوسط كنت نجيب 14 ورغم أني عارفة مستوايا ليس هو .والكثير من زميلاتي يجيبوا 17 و 18 لكن هذا ميهمنيش اطلاقا لاني مكتفية بكفاءاتي وقدراتي وفي شهادة التعليم المتوسط ديت 17 أنا الاولى على مستوى المؤسسة لانو بعمري لا اقيم نفسي بالمعدلات التي التي اتحصل عليها لأني أعلم أن الله لا يضيع عمل المحسنين ان شاء الله تجيبو في الباك أحسن و أحسن موفقة ان شاء الله

[ishakinyou]

هآنآآ كيف كيف آختي سنة 2 صعيبة بزآآف

[Yasmine katya]

راني كيما نتي و الله و نحلفلك القانون مطبقاتو و النتائج خبزتهم
رغم اني درت التحويلات و كلش بصح حاجة ما درتهاش , عييت ما نشكي و نبكي كرهت
كنت تاكلة على الفزياء غير هي لي طلعني ساعة خبزتها . و الله كرهنا تعبت و راجعتها و خليت اللغة الحية مع الاخير ما عملت شيء
الله يهدي الاستاذ ( ماشي اختصاصو فزيا معناه راهو يتعلم معانا )

[dhiaa05]

انا الفيزياء وبالرغم انها مادة اساسية بالنسبة لشعبتي تقني
رياضي فالاستاذ في عالم وانا في علم اخر عندما يتكلم

ابقى اشاهده واسال نفسي ماذا يقول هذا الشخص نعم
وهذا كله بسبب الاساتذة السيئين اللي قراوني في
الاولى ثانوي وبالنسبو للاختبار اللي

دارهولنا لا اعتقد ان هناك اسهل منه وبالزيادة
ماخدمتش وواش يعجبك ماحوستش نفهم تاكل بعضاها في الفيزياء

ربي ايفقك

[illissa]

[ا"لحمد لله على كل حال اختي هاذا ماكتب ربي و ان شاء الله تتحسن فالباقي المهم خلي معنوياتك عالية و تفائلي خيراا + رانا كامل كيف كيف بالنسبة ليا كانت فالرياضيات فالفرضين و مازال مكملناش الاختبارات ربي يستررررر :confused:
بالتوفيييييق للجميييييييع

[Ranouch Runaway]

وأخصص جزيل شكري لحبيبتي ورفيقتيranouch والل
ه انت امتالك قلال ياصديقتي وباينة من كلامك انك ناس ملاح مشكورة بزاف

انا وردة من بشار
الشعبة 2علوم تجريبية

حنونتي من بعد راني نبعتلك رسالة خاصة ونمدلك الايميل نتاعي والفايس بوك وال***** ونيميرو التلفون هكدا باه نتعارفو اكتر ونتبادلو الافكار

حبيبتي ادا اعجبتك الفكرة ردي عليا

وفقك الله ودمت في رعايته وحفظه
واككرر الشكر لك


يا حَبيبَتِي اُنْتِي

شُكِرَا ي رَوِّحِي عَلَى كَلاَمِكَ العسسل يا احلى مِنْ القشططة كِلاَمَكَ ذَهَبِ ي ذَهَبَ اُنْتِي وَعَلَّى رَاسِي وَاللهَ

رِبِّيُّ يُخْلِيكَ لِيَا يا بِزُونَتِي الصغنونة :*

[younes.25]

انا واش نقول اختي رانا قاع كيف كيف مخدمناش انا اليوم الفيزياء خبزتها والله التمارين قاع غلطت فيهم بصح نورمال واش ندير هادي هي انا والله دايما معها بصح الله غالب

[Ranouch Runaway]

يلي فيها الخير ربي يجيبها ان شاء الله
غير برك متنسوش ربي وتذكروه في كل خطوووووة
وفقنا ووفقكم الله وسدد خطانا

[koukou95]

لالا اختي لا داعي للحزن والياس ليست نهاية العالم اذا مازالو الاختبارات حاولي التعويض +مازال الفصل 2+3 تقدري تعوضي +تشوفي انا اليوم هردتها كي فالمات وشوية فيزياء رانا كامل في مرحلة انحطاط بصح مالازمش نياسوا حنا درنا اللي علينا واللي فيه الخير ربي يجيبو

[Amine molotov]

le problème c que traj3i sauf 9bal lles compo il faut ta9ray man lawal w diri des exercice
et je te dit que matafa9diche lispoire w cherches 3la l assbabe li makhalawakche takhadmi et peux etre changes la façon li ta9ray biha et finalement zidi thabri w 9admi l assbabe w twakli 3la rabi w matafa9diche thi9a bih comme tu dis
واش هاد القدرة اللي طايحا عليا هاد العام من جهة الفيزياء nn ca c faut
w rabi ykoun m3ak

[سوسو95]

انا كيفك بصح في العلووم

العام الي فات كنت ندي 18 فما فوق وهاد العام رني مخبزاتها

[Hibro]

السلام عليكم و رحمة الله تعالى و بركاته

و الله غير رانا كامل هكذا..الفصل هذا جاز صعيب بززاااف بصح جامي تحكم على روحك بعلامة تاع امادة مهما يكون المعامل تاعها ,,و اكيد تقدري تعوضي في المواد الاخرى ,,و كيما قلتلك انتي ما يهمكش العلامة المهم تفهمي و تنجحي ,,اصلا كامل يقولو السنة ثانية هي للي فيها التعب بزاااف و الباك ماهو الا مراجعة للسنة 2 ,,,ما لازمش تفشلي من اول العام ,,مازال الفصل الثاني و الثالث ,,,الحاجة للي نوصيك بيها ما تفقديش الثقة في روحك ,,انا و الله التجربة راني فيها و كبفك ما خدمتش في الفيزياء بالفرض بالامتحان ,,بصح مازال واقفين ..انت بذلي مجهودك و ربي ما يخيبكش ان شاء الله ,,,و ربي ينجحكم كاااامل

[الوجہ البَشوش]

ههه وكأنك تسردي قصتي انا
هذه الفترة لم ندرس الفيزياء مطلقا وأجبرنا على الاختبار
يعني اجتزناه اليوم لم يكن صعبا كثيرا ولكن تجوزناه بصعوبة
لا تيأسي هذه الحياة
يوم لك ويوم عليك
اكملي الايام
و انتظري اليوم الذي لك
فكلنا نستحمل ما يجري
لنا من جراء الكوارث التي اصبحنا فيها
الله يوفقك
ويوفقناا كامل
ان شاء الله

[ح،ـيـطـيـسْـتـه]

السلام عليكم أخيتي
سوف أخبرك بشئ أنا عندي حاجة أنو نقيم روحي منخلي حتى واحد يقيمني .مثال بسيط .انا عندي في السنة الرابعة متوسط كنت نجيب 14 ورغم أني عارفة مستوايا ليس هو .والكثير من زميلاتي يجيبوا 17 و 18 لكن هذا ميهمنيش اطلاقا لاني مكتفية بكفاءاتي وقدراتي وفي شهادة التعليم المتوسط ديت 17 أنا الاولى على مستوى المؤسسة لانو بعمري لا اقيم نفسي بالمعدلات التي التي اتحصل عليها لأني أعلم أن الله لا يضيع عمل المحسنين ان شاء الله تجيبو في الباك أحسن و أحسن موفقة ان شاء الله
نفس الشي صرا معايا انا وتخلعت في روحي
الواحد يدر الي عليه ويخلي الباقيى على ربي
لازم تكون عندك ثقة بنفسك

[MiSs MiMa]

رانا كامل كيف كيف انا ثاني و الله غير ندال نبكي و مشكلتي الكبيرة في الفيزياء
بصح واش نديرو حنا تعبنا و الباقي على ربي و علابالي دايمن يكون مع لي يتعبو و الاساتذة لي ماهمش يفهمو و يجيو يحرقونا في الاختبار و يدمرونا نوكلو عليهم ربي هادا ماكان

[batoul mohammedi]

عادي متقلقيش روحك عباد وماتت ...

[سمسم لولو]

اختي والله كلنا كيفك
حتى انا رغم المراجعة و حلولو التمرينات بصح ماخدمتش فيها هي والرياضيات بصح لا تفشلي يا اخت مازال الفصل الثاني و الثالث و ان شاء الله تعوضيها

[imi imane]

والله رانا كامل كيف كيف لكن مالازمش نفقدو الامل لاننا نعلم اننانستطيع تقديم الاحسن و الافضل فتفائلي خيرا يا عزيزتي و انشاءالله تخدمي مليح في المواد الباقية :)

[manal1995]

http://www.djelfa.info/vb/showthread.php?t=1163046

[قلبي ينبض بذكر الله]

السلام عليكم و رحمة الله..

لاحظت ..ان معظم التلاميذ في المنتدى شهدوا سقوطا في النتائج.. و الغريب انه ادى بهم الى سقوط في المعنويات..

؟؟؟؟

يقال ان المشكل اذا عم خف ..ههههه


" اقصد ان السنة الثانية صعبة مقارنة مع السنوات الخرى.. و امر طبيعي ان تسقط النتائج.."

اظن انه امر طبيعي لا يستحق تلك الاهمية لدرجة ..ضعف المعنويات..احذروا من هذا..فقد يؤئرسلبا عليكم مستقبلا..

بدلا من تستفيدوا من الاخطاء..و تستمتعوا اثناء ذلك.. فتجتهدوا..

و اهم شئ القناعة بالنتيجة مهما كانت..

اغلب التلاميذ لديهم نفس المشكلة..و انا ايضا اواجه نفس المشكلة..مع اني كنت ممتازة..و لا زلت كذلك..خانتني علاماتي..فهذا امر طبيعي لانني لسست الوحيدة من تعاني من هذا..

فقدت التركيز و التروي اثناء المتحان ..فلم اقدم كما يجب..

كلنا متفقون ان مادة الفيزياء صعبة و كذلك الرياضيات ..و بعض المواد الاخرى..رغم اننا نفهم الدروس و نحل التمارين ..و رغم اجتهادنا..ايضا ..

لكن .." ليس العيب ان يسقط المرء ..و انما العيب ان يظل ساقطا على الرض لا يحاول النهوض"

انا مستاءة ايضا من نتائجي..لكني اتمكن من الاقتناع بها..

و صراحة ..انا لا تهمني النقاط ،،اكثر من شئ(( آخر))..

و كل حسب تفكيره..

ليست نهاية العام ..و ليست نهاية العالم..و ليست نتائج امتحان رسمي..

طبيعي ضعف النتائج..لكن غريب ضعف المعنويات..

بالتوفيق..

اعزموا، و توكلوا على الله.. ،و انطلقوا ..فاجتهدوا في الفصول القادمة..


،،سلام الله عليكمـ،..

[nour el hayem]

السلام عليكم انا عضوة جديدة عجبني منتداكم حبيت نقولك ي اخت راني اكثر منك و ما نكدبش عليك معدلي ما نيش ضامناتو كنت حاسبة المشكلة فيا بصح راني نشوف كامل راكم تشكو و الله انا نفسيتي راهي مدمرة بزاف و ليت نشك في روحي واش’ مخي تبلع و لا ما نيش نفهم ولا واش يا ربي الحل وين راه

[adelmedr]

هنااااا الحل
http://www.djelfa.info/vb/showthread.php?t=1163101

[karima ikram]

okhti wllah rana kamel kif kif kitconi tektbii flijaba thsi rohek jaybatiha mais kitkhrjii bara ykalkouk shabatek bijabathom ana la math la phisiiic bima anhom sahline makhdemtch mlih fl phisiic tamrine kamel jaybatou mais flakher nsit mahawaltch raha gaydetniiiii bezaaaf nchallah maykoun ghir lkhiiiir wmazalna 2 fosol n3awdou fihom nchallah wmattkalkich

[karima ikram]

السلام عليكم و رحمة الله..

لاحظت ..ان معظم التلاميذ في المنتدى شهدوا سقوطا في النتائج.. و الغريب انه ادى بهم الى سقوط في المعنويات..

؟؟؟؟

يقال ان المشكل اذا عم خف ..ههههه


" اقصد ان السنة الثانية صعبة مقارنة مع السنوات الخرى.. و امر طبيعي ان تسقط النتائج.."

اظن انه امر طبيعي لا يستحق تلك الاهمية لدرجة ..ضعف المعنويات..احذروا من هذا..فقد يؤئرسلبا عليكم مستقبلا..

بدلا من تستفيدوا من الاخطاء..و تستمتعوا اثناء ذلك.. فتجتهدوا..

و اهم شئ القناعة بالنتيجة مهما كانت..

اغلب التلاميذ لديهم نفس المشكلة..و انا ايضا اواجه نفس المشكلة..مع اني كنت ممتازة..و لا زلت كذلك..خانتني علاماتي..فهذا امر طبيعي لانني لسست الوحيدة من تعاني من هذا..

فقدت التركيز و التروي اثناء المتحان ..فلم اقدم كما يجب..

كلنا متفقون ان مادة الفيزياء صعبة و كذلك الرياضيات ..و بعض المواد الاخرى..رغم اننا نفهم الدروس و نحل التمارين ..و رغم اجتهادنا..ايضا ..

لكن .." ليس العيب ان يسقط المرء ..و انما العيب ان يظل ساقطا على الرض لا يحاول النهوض"

انا مستاءة ايضا من نتائجي..لكني اتمكن من الاقتناع بها..

و صراحة ..انا لا تهمني النقاط ،،اكثر من شئ(( آخر))..

و كل حسب تفكيره..

ليست نهاية العام ..و ليست نهاية العالم..و ليست نتائج امتحان رسمي..

طبيعي ضعف النتائج..لكن غريب ضعف المعنويات..

بالتوفيق..

اعزموا، و توكلوا على الله.. ،و انطلقوا ..فاجتهدوا في الفصول القادمة..


،،سلام الله عليكمـ،..






merci hada lklam li ytala3 lmoural :19::19:

[يوسف الحسن]

رانا كامل كيفكيف
ربي معانا
ربي ينجح كل طالب

[عالمة الطب]

ياختي لاتيئسي من امر الله
عسى ان تحبوا شيئا وهو شر لكم وعسى ان ترهو شيئا و هو خير لكم
عليك بالصبر