تابع لخطيبي المتكبر

[مشكلتي]

السلام عليكم اشكركم على النصائح الثمينة و جعلها الله في ميزان حسناتكم http://www.djelfa.info/vb/showthread.php? t=1129379 اما عن مشكلتي فقد حاولت كثيرا ان اجد الحل وكلما اصريت زاد الحال على ماهو عليه الا ان تنبهت ان المشكل نصفه مني والنص الثاني فيه هو انسان على مايبدو تعقد من حياة الغربة وهذا مالمحته في تكبره وانا عديمه القرار لم استطع ان اكون حازمة واقرر كانت مشاعري تتحكم في ولكن بعد مجريات كثيرة استجمعت قوتي وقررت الانفصال عنه ورغم صعوبة الامر الا اني ارتحت كثيرا فانا امراة احتاج لان اعامل كامراة وهذي حاجة مفروغ منها ان كنت اطالبه منذ الان بابسط الاشياء ولا يعيرني اهتماما ماذا سيحصل بعد الزواج ادعولي ربي انسيني واعوضني خير وربي يجازيكم اريد ان استفسر عن صلاة الاستخارة هل ممكن بعدما اتخذت قراري نصليها ونداوم عليها وشكرا

[sarra5]

rabii ykon m3ak

oui lsalat mliha dima

sali w ed3i rabi dimaaa

[زيكو زيزو]

ربي معـــــــــــــــــــاك اختي ان شاء الله

[ibrahimm]

على هذي فسختي الخطوبة

ماكان حتى مشكل كبير

و لا كي عدتي طبيبة و جميلة عندك ساهل الانفصال

[souma30]

ربي يعوضك الي خير منه
امييييييييييييييييييين

[اسعى لرضى الله]

ربي يسهل اختي وربي يرزقك باللي يستاهلك

[mohaa47]

رب يعوضك أحسن منه .................عليك بالصبر و الصلاة ............................

[hamelhatem]

ربي معـــــــــــــــــــاك اختي ان شاء الله

[abdel02]

تحبي تنسايه..
هناك ساعة في اخر الليل يتلقى الله تعالى فيها شكاوي عباده ويسمع نداءاتهم ويغفر زلاتهم ويتجاوز عن سيئاتهم...والله أنا شخصيا جربتها مع الإلحاح...والله الأمور التي تطلبينها تجيك على الثمانية تاع الصباح...جربي وريديلنا الخبر.

[sarah1424]

خيرو في غيرو كيما يقولو وربي يرزقك بلي خير منو وماتندميش مادام مهوش يحسن في معاملتك منذ البداية والي خلقو خلق غيرو وكلش بالمكتوب يا الطبيبة وربي يعوضك

[sarah1424]

على هذي فسختي الخطوبة

ماكان حتى مشكل كبير

و لا كي عدتي طبيبة و جميلة عندك ساهل الانفصال

الانفصال احسن وافضل بكثير من حياة المرار واذا كان من دكا ممش حاس بيها ومش مقدر انوثتها علاه تكمل معاه
وبما انك قلت مش مشكل كبير نقلك الي في يدو تمرة مش كيما الي ف يدو جمرة ومعانتها هي الي تعيشها حنا منقدروش نحسسو بيها

[sali-sali]

ربي يعوضك بشخص احسن منو

[**مياس تسنيم**]

قد يصعب الامر في البداية ولكن احسني الظن بالله واستخيري سيجد الله لك مخرجا

[مريم الصابرة]

السلام عليكم اختي
والله غاضني الحال بزاف خسارة علاقة كيما هذي تروح هكذاك وشعال وإنت صابرة وهو ثاني ومن بعد تفسخي لو صبرت شويا عليه إنت عارفة كاين حب ويحبك ويقدرك ممكن هذيك هي طريقتو فالتعبير عندبالك كامل الرجال يجيبو ورد ويقولو كلام حنين كاين راجل الله غالب ما يعبرش خطيبك من النوع هذا صح تغيضك إحنا النسا نحبو نحسو بالحب عليها نظلو مع المسلسلات لكن الواقع امر آخر من راي لو تزوجت على العكس راح يبينلك حبو لأنك عندو فالدار احسن من الهاتف واحسن من اي كلام وما نظنش ساهلة لا عليك ولا عليه الفراق
المهم اختي كان من المكتوب راحين ترجعو ان قرارك نهائي ربي يعوضك اختي وهو ثاني ربي يهنيه موفقة.

[الواثقة بالله 23]

السلام عليكم

صدقيني غاليتي أحسن ما فعلت في بلادك ما رح يخصك حتى شي راك مع أهلك و ناسك و عندك خدمتك و مستقبلك كي تروحي معاه لبلاد الغربة وحدكم وش رح يدير فيك أكيد رح تتعدبي متلقايش حتى لشكون تفرغي قلبك باه وحدة تغامر و تروح للخارج لازم تكون مالية يديها من راجلها و متأكدة منو لكان عاد مش مظمون الأحسن متروحيش معاه قرارك سليم جدا المهم متضعفيش و متندميش صلي استخارة و ابكي و ادعي ربي و احكمي فيه رح يعوضك باذن الله ما خير منو

قولي اللهم اجرني في مصيبتي و عوضني خيرا منها

ربي يكون معاك

كوني قوية

[amiramirna]

انا من راي الاخت مريم
الراجل يتبدل بعد الزواج للاحسن و الا للاسوء
الراجل الخشين فالمعاملة قبل الزواج يلين بعد الزواج و الاولاد
و اللي تصيب راجل غير تشد فيه
هكذا ماما تقولي
راني مخطوبة لراجل عادي ماهو شباب ماهو مزعوق
و في الخدمة كي شافونا مع بعض عاد هو الامير الفارس و كي يشوف روحو يحوسو عليه
يبدا يزيد من عندو و يحسب في روحو
ما نكذبش عليك انا نكره كي يديرو هكذاك و نقول نفسخ الخطبة و يروح للي عجبوه
و كي يروحلي القلق نخمم ما نمدهولهمش بالساهل ماهمش خير مني
ياختي انا قلت ابحثي بالاك كاين ناس تحت راسو ياثرو عليه

[mimizizi]

ana 3andi nafse elmochkil ya khti ana nabrih bezef w manich bariya nakhasreh balak yatbadale m3a lwakte besah talet 3liya

[amiramirna]

دوام الحال من المحال الواحد يصفي نيتو برك
الراجل الحنون مليح
بصح ماشي على هاذ الاساس تبحثي لانك ماراحش تصيبي هاذ الراجل
قارني بقية الخصال اللي فيه و اذا شفتيه ما يصلحش الله يفتح على كل واحد و اذا كان هاذ عيبو الوحيد ............وين راهي شطارة المرا الجزائرية اللبة اللي لسانها يداوي الجرح
الله المستعان

[abdel02]

انا من راي الاخت مريم
الراجل يتبدل بعد الزواج للاحسن و الا للاسوء
الراجل الخشين فالمعاملة قبل الزواج يلين بعد الزواج و الاولاد
و اللي تصيب راجل غير تشد فيه
هكذا ماما تقولي
راني مخطوبة لراجل عادي ماهو شباب ماهو مزعوق
و في الخدمة كي شافونا مع بعض عاد هو الامير الفارس و كي يشوف روحو يحوسو عليه
يبدا يزيد من عندو و يحسب في روحو
ما نكذبش عليك انا نكره كي يديرو هكذاك و نقول نفسخ الخطبة و يروح للي عجبوه
و كي يروحلي القلق نخمم ما نمدهولهمش بالساهل ماهمش خير مني
ياختي انا قلت ابحثي بالاك كاين ناس تحت راسو ياثرو عليه
http://us.cdn3.123rf.com/168nwm/artono9/artono91112/artono9111200175/11509193-applaudissements.jpg
لم أكن أعتقد أنه لا يزال في زماننا ناس تفكر هكذا
فبارك الله فيك وجمع الله بينكما في خير......

[amiramirna]

امين حبيبة
ياربي و يكون من نصيبك و يفرج ربي عليك و يعودو هاذ ليام منام
امين