اللي موالفة تخدم الديول تدخل تساعدني أرججججججججججججوكم

[zaklam]

سلام حبيباتي
كل محاولاتي لصنع الديول باءت بالفشل
شريت مقلة خاصة بليكراب و شريت البانسو تاع القليان و جربت ديول المقلة أكثر من مرة لكن :mad::mad::mad:
جربت تاع المري و والو
أعطوني السر من فظلكم
طبقت طريقة ام كوثر بالتفصيل لكني ما نجحتش

[souads]

اختي حطي المقلاة على نار هادئة وكي تسخن انزعي مقلاة وادهنيها بالعجين بسرعة ثم ضعيها على النار وانزعيها كي تشوفي الحواشي ماهومش لاصقين في مقلاة

[souads]

بالنسبة للعجينة نحتاجو فرينة وملح وماء بارد باكي ماتتكربعش الفرينة
وبانسو ولا فرشاة باه نخدمو بيها



نخلطو العجينة تكون جارية شوية يعني خاثرة ثم ندهنو المقلاة تاعنا بالبانسو بسرعة وغير تنشف انحيوها

[سمراء الدنيا]

اختي انا عندي مدة طويلة نعمل الديول هو في منتهى السهولة

عبري كاس ماء حطي عليه كاس فرينة و قرصة ملح و خلطي بالفرشيطة
و اذا حسيتس العجينة ثقيلة زيدي شوي ماء... حطي طاجين ماء على النار
و فوقو مقلاة تيفال =طريقة البان ماغي....=كي يغلي الماء و تحمى المقلة
بلا ما تدهني .....غطسي البانسو في العجين ومسحي بيه المقلة كل مرة حتى
تشكلي دائرة كي يطلعو لحواشي شويا نحيها.... و دهنيها بالزيت قبل ما
تحطي فوقها واحدة اخرى و غطيها ببلاستيك باش ما تنشفش
و غالبا ما تنجحلكش الاولى و من بعد راهم ينجحولك باذن الله
بالتوفيق

[dahbia2009]

اختي انا نعمل نفس طريقة الاخت سمراء الدنيا
رمضان كامل وانا نعملهم اعملي كيلة ضغيرة وكل مرة عودي حتى
ينجحولك باذن الله
بالتوفيق

[*ام رامي*]

كيما قالوا الاخوات ان شاء الله تنجحي هذه المرة فيهم

[zaklam]

شكرا لكل من نصحتني
اختي انا عندي مدة طويلة نعمل الديول هو في منتهى السهولة

عبري كاس ماء حطي عليه كاس فرينة و قرصة ملح و خلطي بالفرشيطة
و اذا حسيتس العجينة ثقيلة زيدي شوي ماء... حطي طاجين ماء على النار
و فوقو مقلاة تيفال =طريقة البان ماغي....=كي يغلي الماء و تحمى المقلة
بلا ما تدهني .....غطسي البانسو في العجين ومسحي بيه المقلة كل مرة حتى
تشكلي دائرة كي يطلعو لحواشي شويا نحيها.... و دهنيها بالزيت قبل ما
تحطي فوقها واحدة اخرى و غطيها ببلاستيك باش ما تنشفش
و غالبا ما تنجحلكش الاولى و من بعد راهم ينجحولك باذن الله
بالتوفيق

ربما تكون المشكلة في طريقة وضعي للخليط فالمقلاة ارجو ان تشرحي لي بالتفصيل الممل اذا لم يكن هناك ازعاج حبيبتي
لأنه انا العجينة تتكسرلي و تلصقلي فالمقلاة
يعني ندير كوش وحدة او 2 باش ما تتكسرش؟؟؟
و نستنى حتى يغلي الماء او تم تم؟؟؟؟؟؟
القدرة اللي نحطها من تحت تكون معمرة او نص نص؟؟؟؟؟
النار هادية او قوية؟؟؟؟؟
البانسو نفوت بيه او نحط بيه العجينة كيما الطريقة تاع بكر؟؟؟
و الله حرت وعلاش ماحبتش تصدقلي مع اني ناجحة في كل المعجنات و الحمدلله

[ام عبد الرزاق]

بالفعل جربت الطريقة تاع البان ماغي ونجحت فيه شكرا لكن على هدا المنتدى

[zaklam]

ياريت كل وحدة تعطيني الرابط اللي خدمت بيه وصدقلها
مشكوووووورين يا طيبين

[souads]

كي تتكسر معناها انك طيبتيها بزاف ومقلاة لازم تكون تيفال وكي تنزعي ورقة ديول مباشرة غطيها لانها تنشف من هواء وتتكسر

[ام عبد الرؤوف]

انا درت ديول وخرجولي كيماتاع السوق
الطريقة التحضير عبار دقيق رقيق
نصف عبار فرينة
قليل من الملح
ماء للعجن
انا خديت للعبار كاس انوكس الكبير يجوك 2 دزينات
نمر الى العجن حطي في سحفة كل المقادير ماعادا الماء ثم ابداي باضافة الماء تدريجيا حتى تتحصلي على عجينة تشبه عجينة السفنج او الخفاف بصح شويا جارية ماشي بزاف ولازم تخلي لعجينة ترتاح قليلا باش تتعلك

[ام عبد الرؤوف]

الان نمر الى طريقة تحضير الديول انا نستعمل مقلة تيفال ومن الاحسن لي عندها سنوة تاع النحاس تكون افضل حطي المقلات فوق نار هادئة ثم خدى قليل من العجينة قد حبة مندارين واطلي المقلاة بالعجينة و كوني خفيفة فالعمل ماتخافيش الحرارة ماشي قوية ومريحاش تتحرقي ومبعد كي تطلي كامل المقلة رجعي العجينة لي بقات في يدك للسحفة وبعد 5 ثواني او اقل تبدا الحواف تصعد ارفعي الديول عاى دربة ماشي بشوية باش تتنزع كي الورقة ومن ثم وضعيها في سنوة وغطيها بفوطة وخدى فوطة اخرى ومسحي بها المقلاة واعيدي الكرة مرة اخرى حتى تنتهى من العجينة
نصيحة ما لزمش تفشلي الادرتي الديول اللولين وجاوك ماشي شابين ولا مقطعين مع المداومة ركي تنجحي وتولي انتي هي الشاف هاهاها.
نتمنى تجربي هذه الطريقة وترديلي بلخبر

[فايزة1207]

اختي ام عبد الرؤوف ماديريش لا زيت لا بيض معا العجينة

[sali-sali]

كاين مقلة نتاعهم تتباع و ساهل باش تخدمي بيها
وتاني ماعلاباليش ادا تستعملي الشحم ولا لا تمسحي بيه المقلة احسن من الزيت

[ام عبد الرؤوف]

لا يا اختي فايزة ماديريش البيض ولا الزيت ديري غير كيلة سميد رقيق + نصف كيلة فرينة + الماء +قليل من الملح وعجنيهم كيسفنج ولا الخفاف و خلي العجينة ترتاح هاذا هو السر باش جي معلكة .

[فايزة1207]

شكرا على الرد ربي يحفظك

[ام عبد الرؤوف]

امين يارب العالمين انا وجميع المؤمنين والعفو حبيبتي واي حاجة مافهمتيهاش انا فالخدمة

[موسى2207]

نزيد اختي نتعك كي ديري كمية ويبقالك الورقات كيفاه تخبيهم ف المجمد ولا في الثلاجة

[الامل نور]

نزيد اختي نتعك كي ديري كمية ويبقالك الورقات كيفاه تخبيهم ف المجمد ولا في الثلاجة

حطيهم في كيس بلاستيكي و اذا كنت رايح تعمليهم غد منداك حطيهم في الثلاجة
لكن اذا حبيتي تستعمليهم في المستقبل حطيهم في المجمد

[ليلى القسنطينية]

بارك الله فيكم على النصائح القيمة
جعلها الله في موازين اعمالكن الصالحة

[amouna.sem]

merci bcpppppppppppppppppppppppppppppppppp

[ام إثري]

هاليك طريقتي المعتمدة ودايما يصلحولي ان شاء الله تنجحلك الطريقة


http://www.djelfa.info/vb/showthread.php?t=504497

[hadjerbb]

بالتوفيق حتى انا حبا نتعلمهم بصح الاعضاء راهم فادونا بزاف

[amoulabtb]

إن شاء الله تنجحي

[zineb_saib]

ربي ييسرلك اختي

[عروبتي]

اختي المقلة نتاعك ماتحطيهاش ديراكت على النار بل حطيها في حمام مائي (بان ماري) كيما الاخت ام اثري
http://www12.0zz0.com/2011/02/08/11/733655783.jpg