تروسو البيبي مساعدة

[سهى 88]

]بسم الله الرحمن الرحيم

اول مرة نحط موضوع في هاد القسم لاني حبيت تعاونوني في التروسو تع البيبي
في الحقيقة مازال معرفتش جنس المولود لكن ان شاء الله الجلسة الجاية نعرف
وب ما اني اول مرة نتحط في موقف كيما هدا نتمنى تعطوني قائمة للتجهيزات باه نبد على بركة الله قبل ما نثقال بالحمل
نتمنى من المتزوجات اللي عندهم خبرة يساعدوني وثاني في يوم الولادة وش ندي معايا
وشكراااااااااااااااا[/size]

[أم أولادي*]

مرحبا اختي مبروك عليك اتمنى ان افيدك و لو بقليل
حاجة لي تبداي بيها المولود:
04 لي gرونياغ 02 يكونو خفاف و02 شوية خشان
04تريكو تبو demi manche
04 تريكو manche langue سمحيلي معرفتش نكتبهم بالعربية
03سراول يكونو مقطنين

والآن نروحو حوايج cosmitique de bébé
01coton de tige
lingette01
01lait de bébé
savon de bébé01
champion bébé01
une brosse de cheveux pour bébé
liguant pour bébé دوشيلو بيها
الآن الحوايج الصحية
دواء احمرر لسرة اذا حبيتي ديريها باش تيبس كيما انا في بنتي مادرت والو يبست وحدها
compresse
thermomètre
bonda ديريها للسرة باش ماتقيسهاش كي تبدليلو
والآن للفراش
كوات ولا couverture pour bébé
والآن حوايجك
pijama01
rob de chambre 01
slip04
les bonds خاصين بالمراة النافس يعني كبار
فولار باش تلمي بيها راسك ويقولو لعوايد تكون حمرا باش تمسحي بيها وجهك ههههههه كي تكوني عرقانة يعني بعد ماتسلكي بخير باش يتنحالك لكلف تاع الحمل
والآن حقيبة سبيتار
02لبسات تاع بيبي وماتنسايش الملابس داخلية تاعو
lingette01
01lait de bébé
chapeaux pour bébé
les couches
couverture pourbb
وانت
pijama01
rob de chambre 01
slip02
les bonds
ان شاء الله مانسيت والو كي تشوفي واش عندك قوليلي ونصيحة ماتكثريش ملابس بيبي بويسك ثمثم يكبر في شهور الاولى وزيد يدخلولو هدايا لي طلب انت حامل كل ماتتفكريني ادعي لبنتي بشفاء

[سهى 88]

شكرا اختي ربي يخليك راكي افدتيني بزاااااااف
راني كتبت لاليست اول مانعرف جنس المولود نبدا نشري

ربي يشفيلك البنوتة وتتربى في عز والديها

[ريمة89]

السلام عليكم
مبروك عليك الحمل اختي
الظاهر انوا عندك طفلة لانوا الطفل عادة مايبان فالاسبوع 13 لدلك اختي اشري
اولا لبيبي
وهدوا صور منقولين انا استفدت بزاف
http://forum.hwaml.com/imgcache2/hwaml.com_1339441326_364.jpg
http://forum.hwaml.com/imgcache2/hwaml.com_1339441326_762.jpg
http://forum.hwaml.com/imgcache2/hwaml.com_1339441327_444.jpg
http://forum.hwaml.com/imgcache2/hwaml.com_1339441327_953.jpg
http://forum.hwaml.com/imgcache2/hwaml.com_1339441327_817.jpg
http://forum.hwaml.com/imgcache2/hwaml.com_1339441328_348.jpg
http://forum.hwaml.com/imgcache2/hwaml.com_1339441329_583.jpg
http://forum.hwaml.com/imgcache2/hwaml.com_1339441329_687.jpg
http://forum.hwaml.com/imgcache2/hwaml.com_1339441329_446.jpg
http://forum.hwaml.com/imgcache2/hwaml.com_1346754443_179.jpg
http://forum.hwaml.com/imgcache2/hwaml.com_1346754444_295.jpg
هدي بعض الصور ممكن تفيدك وانا ننصحك بمنتدى حوامل هايل فيه كلش للحامل
وبالنسبة لي انا نقولك اشري الوان مثل الابيض الاحمر البرتقالي الي تكون للدكور والاناث وتانيا ننصحك تدي معاك كلش ابيض للسبيطار
واي سؤال اني هنا

[ريمة89]

وهدي للبنات
http://forum.hwaml.com/imgcache2/hwaml.com_1318427353_306.jpg
http://forum.hwaml.com/imgcache2/hwaml.com_1318427353_657.jpg
http://forum.hwaml.com/imgcache2/hwaml.com_1318428007_580.jpg
http://forum.hwaml.com/imgcache2/hwaml.com_1318428008_688.jpg
http://forum.hwaml.com/imgcache2/hwaml.com_1318428006_441.jpg
http://forum.hwaml.com/imgcache2/hwaml.com_1318428007_577.jpg
http://forum.hwaml.com/imgcache2/hwaml.com_1318428009_487.jpg
http://forum.hwaml.com/imgcache2/hwaml.com_1318428008_585.jpg
http://forum.hwaml.com/imgcache2/hwaml.com_1318428603_377.jpg
http://forum.hwaml.com/imgcache2/hwaml.com_1318428603_155.jpg
http://forum.hwaml.com/imgcache2/hwaml.com_1318428775_672.jpg
ربي يعطيك وقفة ساهلة ومبروك مقدما

[aiche]

ربي يسهل عليك الحمل و الولادة

[wassila21]

السلام عليكم أختي سهى
بالنسبة للملابس ألي تشريهم راهم البنات ساعدوك، أما بالنسبة لحقيبة المستشفى أنا راني وجدتها و ساعدتني فيها أخت زوجي لأنه عندها خبرة كبيرة ماشاء الله، أولا في كيس يكون شباب ديري زوج بونيات و تريكو دوبو و كاش كور و سروال و طرف تاع القماطة يكون مربع باش كي يزيد الصغير يفرشوها على صدرك و يحطوه فوقها و كوش وحدة برك الملابس لازم يكون لونهم أبيض باش يشوفو إذا الصغير عنده البوصفاير و زيدي معاهم 2 فوط صحية كبار و 2 ملابس داخلية، هذا الكيس أدخليه معاك للصالة ألي راح تولدي فيها، و في الحقيبة ديري إما جبة أو بيجاما مع فيزو قطن و 2 ملابس داخلية و شال خشين و تقاشر و سربيتة و صابون و مشطة و ريحة و الفوط الصحية كثري راكي تحتاجي و بنتوفة، و للمولود قرونويار وحدة برك ، سروال، تريكودوبو، قرونويار ألي تتقفل على لا كوش ، بوني ، قفازات ، لي كوش 4 حبات، صوالح القماطة ، لا سوسات، كوفيرطا صغيرة باش تلميه فيها و كوات معليش تكون قديمة باش تفرشيها في اللوندو تاع الصبيطار، هذه الحقيبة تخليها فوق السرير ديالك و تدي معاك ثاني كوفيرطا و درا و مخدة غير توصلي لغرفتك فرشي سريرك ، و ما تنسايش الدفتر العائلي و الكارني تاع الحمل و آخر إيكوقرافي درتيها ، تجنبي تاخذي معاك الذهب و البورطابل خليه عند زوجك، نهار تخرجي عجوزتك أجيبلك اللوندو ديالك و خرجي فيه المولود

هكذا موالفين يديرو في مستشفى عين الدفلى، ما نعرف إذا يتبعوا نفس النظام في كامل المستشفيات، إن شاء الله نكون أفدتك
ربي يسهلك حملك و يجيبلك ساعة ساهلة إنشاء الله

[سهى 88]

شكرا حباباتي ربي يحفضكم

[Basketteuse]

ربي يسهلك اختي ... ماشاء الله لبنات راهم كفاو ووفاو حبيت نزيد اضافات صغار ... الملابس اشريها على حسب الفصل اللي توليد فيه ادا في الصيف ماكان لاه تشري تريكو دو بو باكمام طويلة .. اشري les grenouillère بالاكمام وتكون قطنية خفيفة .. باه ما يعرقش ومن بعد يمردلك .. زيدي 3 تقيشرات و3 slipes تلبسيهملو وحدهم في السخانة ولا كي تقمطيه واشريلوا mouche bébé تحتاجيها بزاااف تنضفيلو انفو .. وبساطات لي يرقد عليهم تفرشيهملوا في لوندوا .. وزيد بساط اللي تبدليلوا فوقو الحفاضات باه ما توسخيش الفراش ..
وبالنسبة ليك من المهم ادا ناوية ترضعي تشري حمالات الصدر الخاصة بالرضاعة باه ما يطيحش صدرك راهي متوفرة في كل مكان تحتاجي اثنان في الاول . والبيجاما اللي راح تشريها كي تولدي من المستحسن تكون فيها فتحة خاصة للرضاعة باه تسهلك .. تخيلي تبقاي في كل مرة ترفعي التريكو او القندورة !!!!!!!!! ومات تنسايش تدي معاك صابون bio للمستشفى انا جربتها وكي حبيت نروح للتوالات ماكاش الماء والحالة يرثى لها ... وتاني كي ريحت شوي حبيت ننظف روحي بلا ما نستعمل الماء وكي جابولي الفطور تاني دهنت يديا برك ومن بعد فطرت وانا في بلاصتي .. ايييييه تفكرت اشري تاني tire lait معروف في الايام الاولى يتلم الحليب في الصدر ويتيبس ويكون مؤلم جداً استعمليه باه تفرغي صدرك من الحليب الزائد وادا تيبسوا بزااف أشير دواء من الصيدلية باه ينحي التيبس
علابالي كثرت عليك . بصح كلش مهم وربي يسهلك

[nina.16]

شكرا عالافادة و يا ليت تكملونا التروسو تاع الصيف