اريد ارائكم

[مشكلتي]

السلام عليكم ورحمة الله وبركاته
صار عندى عامين وانا متزوجة ولدي بنت ...اعيش في فرنسا الان ...المكتوب مع العلم اني لا تهمني الفرنسا وقى الاول لم اكن اريد ذالك والمكتوب غلبني وقضاء الله وقدره والحمد لله...انا في نعمة والحمد لله ....لا اعمل ماكثة في البيت...لكن عندي اهلي من ابي هو في الحقيقة كل ما نزورهم يعمرولي راسي ويقولولي علاه ما تخرجيش وحدك واقضي مصروفك وحدك وراه زوجك حاب يغلق عليك ومش حابك تتعلمي وتعودي مغلوقة في دارك وحدك..ووووووو.... ندخل لداري مقلقة حتى نعود مش مليحة مع زوجي....لكن انا نيى خلاص ما عندي حاجة في الخرجة ولا في اللبسىة....ولكن في بعض الاحيان نحب نلبس وزوجي ما يحب يعطيني النقود ولا يخرجني.....بصح الغالب انعفس على قلبي ونقول ماعليش راه يفرج ربي.....بصح الناس دايما تعمر فيا......
وانا مليحة مع الزوج عادة يخرجني ونقول خلاص هاني مليحة....وتتعاود نفس الاشكالية...لم افهم مادا افعل....وهادو الناس حابيني نعود كيما صحاب فرنسا نخرج ونلبس وووو....وانا نخاف الله ونحب نطيع الزوج انتاعي......اسفة على الاطالة افيدوني باراءكم...وبارك الله فيكم مسبقا

[مراد12345]

أبقي كما أنت

أنت بحالتك رائعة

[أم احمد3]

يريد الزوج ات يراك عاقلة لما ياكد انك رائعة ستفغعلين كل ما تريدين بالثقة ان شاء الله طبعا

[amira19]

جامي تسمعي للناس ...................اطيعي زوجك هو جنتك و نارك ...........كي تعودي هانيه معاه الدنيا و ما فيها

[¸.•`هيآمْ*`•.¸]

ma lazemch tssam3i l ness paske hadi hyaték l khassa

en + houma ma 3labalhomch bik éske raki heureuse fi hyaték ou nn

nti wahdek li 3labalék (للبيوت أسرار )

déja mach lkharja men dar w shoping hia la belle vie

ki tkouni mtfahma m3a rajlék hadik hia

salam :)

[شقراء سوف]

يا اختي انتي واش اداك تحكيلهم عن حياتك في فرنسا حتان تولي عدهم المساحة يعمروك //// منين عارفينك تخرجي ولا متخرجيش تلبسي ولا متلبسيش ؟؟ باينة انتي الي تحكي واهذا اخر الكلام يجيبلك غير توسويس وتكسار الراس /// احفظي غير كلمة الحمد لله راني لباس مدامك عايشة ولباس وربي يهنيك ويهون عليك غربتك

[ما فهمت والو]

يا اختي علاش انت صغيرة حتى تسمعي لهدرة الناس؟
ابقاي كيما انت راكي رائعة مادام زوجك باغيك هكدا ما تسمعي لحتى واحد

[شيء من رجاء !]

اعملي كما يقول المثل ( وذن من طين ووذن من عجين ) ، مجاراتهم سيدخلك في متاهة أنتِ في غنا عنها ، خاصة وأنكِ كما قلتِ لست من هواة اللبس والخروج كثيرا .. حافظي على حياتك وهدوءها ، ولا تبالي بكل مايقال .. خاصة في الغربة وفي بلاد أجنبية ، يصبح القابض على دينه كالقابض على الجمر .

[روجين]

اطيعي زوجك و وثقي صلتك بالله عز و جل و كل باب تاتيك منه رياح الوساوس اغلقيه

[rosa allia]

أضم رأي لأي الإخوة والأخوات إذا كنت مرتاحة وراجلك كافيك أنت وبنتك مالا علاه تحوسي على البلا والمشاكل أرضاي بمكتوب ربي خاصة بما أنو باين عليك ماعندك حتى مشاكل مالا علاه حتى تخلقيها وتخربي دارك وياخي تعرفي إرضاء الناس غاية لاتدرك، يعني حتى وكنت تخدمي رايحين يقولولك علاه وكيفاه.مالا أربحي راحة بالك خير

[النجمة القطبية]

والمشكل وين راهو
اذا انتى مقتنعة بوضعك الحالى وزوجك مقتنع وحياتكم جيدة ومستورة واش دخل اقاربك فى الموضوع
وانتى اين شخصيتك واين قناعاتك وكيفاش تتاثرى بسرعة هكذا
اما ان كنتى مترددة اصلا من البداية فهذا امر اخر
اكسبى زوجك وعيشى والبسى فى بيتك فى حدود الاحترام
وربى يوفقك

[بن جابر]

لا تلتفتي إليهم فإذا تدمر بيتك لن ينفعك احد....إتقي الله في نفسك ودينك وزوجك وأولادك.
أثبتي أختي الكريمة وحاولي العيش كما تحبين ليس كما يحب غيرك.
ومن ترك شيئا لله عوضه الله خيرا منه .

[الزيتون]

حافظي على هذه الفطرة السليمة

[زهرة الاركيد]

هذه ليست بالمشكلة ابدا ومذا تفعلين بالخروج

[oum hamza]

السلام عليك اخيتي ورحمة الله وبركاته يا اختي لا تسمعي لهم والله لو اتبعتي كلامهم ستخسرين دينك ودنياك وخصوصا في هذه البلاد والله انا مثلك وساعات كلام الناس يشككني في اسلوب معيشتي ولكن سرعان ما استيقض من غفلتي احمد الله على نعمة الله التي انا فيها فزوجي شايل كل مشاكل البيت الخارجية وانا كالملكة معززة مكرمة في بيتي كل شيء ياتيني بلا تعب ولا عناء اليس هذا افضل للمرأة وخصوصا في هذا البلد اللعين٬ أما عن اللباس فأنت وذوقك لا تسمحي لأي مخلوق في التدخل في امورك،وطيعي عزيزتي زوجك واحرصي على بيتك وفقك الله وثبتك على دينك في هذه البلاد

[*نآدرة~]

تعرفي حاجة،الانسان من طبعة يغير،وكي يغير يولي يدير في حوايج ماهيش مليحة
انا نخاف نظلم هاذ الناس ونقولك راهم غايرين منك بالصح كل المؤشرات تدل على ذلك،راكي هانية مع راجلك،عايشة في فرنسا اللي هما حاسبينها جنة،انت عاقلة مايخصك والو...هما ما يلقاو كيفاش يديرو باه يخسرولك حياتك يبداو يهدرو في هذرة ماعندها لا ساس لا راس،تعرفي والله غير راكي هايلة كملي كيما هاك اطيعي زوجك وما تزيديش تسمعي لشياطين الانس لي هدفهم تخريب البيوت برك،راكي عايشة في نعمة معناها ما تظليش تزعفي في زوجك وصدقيني أكيد لوكان تطلبي منو يخرجك ويشريلك ويحوس بيك رايح يطيعك ويلبيلك رغباتك
الله يرزقكم الذرية الصالحة ويهنيكم والله يثبتك

[بنت الرّحّل]

وعليكم السلام ورحمة الله وبركاته
أختي الكريمة الإنسان حين لا يكون عنده عقيدة في الشيء يهتز بسرعة لمجرد انتقاد أو تعيير أو انتقاص يضعف ويتوسوس ويشعر أنه فعلا ناقصومخطئ
لكن حين تكون نظرته ثابتة وقاطعة يكون كما يقال :
يا جبل ما يهزك ريح

الحياة عقيدة وجهاد يا أختي ..
مادمت تعرفين وتؤمنين بأن وضعيتك هي السليمة وهي الصح
فجاهدي دونها ودافعي عنها ...
ولا تسمحي لأحد مهما كان التدخل في هذا الأمر

ثم أخشى أن تكوني أنت التي تظهرين الضعف أمامهم والتذّمر من زوجك أو من بعض التصرفات
أخشى ذلك وهذا خلق سيّئ للغاية في المرأة فمثلا تسألها واحدة لماذا لا تشتري كذا تقول لها زوجي لا يقبل
فتبدأ الثانية بالتحليلات وتنهال عليها لماذا مع من أنت متزوجة ولماذا يتحكم فيك وأنت كيف ترضين بهذا ..إلخ
فهذه هي المخطئة لأنها في البداية تتصرف من منطلق حكم السجان على السجين وليس من أنه اختيارها وهي راضية به وسعيدة لأن زوجها هكذا
وأنا أعرف كثيرا من النساء بمجرد ما ينتقد الناس أزواجهن لا يدافعن عنهم
أو يمشين معهم في خط الكلام وتقول إحداهن أنه فعلا يحرمها ويظلمها مع أن هذا حقه وواجبه في نفس الوقت
ثم هو يكرمها بهذا ولا يظلمها
ماذا تفعل المرأة تتسكع في الأسواق .. وتتحدث مع الباعة ..
ماذا تجني من هذا ...؟

لا شيء ...

كوني قوية وصارمة ولا يؤدي بك الأمر إلى السكوت والإذعان
ولا تسمحي لمثل كلامهم باختراق قلبك أبدا ...
وحافظي على كرامة زوجك مهما كلفك الأمر ولا تهديريهاوهي خيانة له وعدم وفاء لهأن تسمحي لأحد بأن يغتابه ويتهمه بسوء
وبكل صراحة تأكدي أنك أنت من تصنعين صورة زوجك أمام أهلك وتجمليها بل وتعطينه قدره
وبقدر إخفاقك في صناعة صورته بقدر ما يكون الأهل أو غيرهم متجرئين عليه في غيبته وعليك في حضرتك

عموما احذري من هذا إن كنت سببا فيه بطريقة غير مباشرة وصححيه في الأيام المقبلة

أتمنى لك التّوفيق في حياتك أختي الكريمة

[catia]

انا انقوللك ربي يهدي هذا الناس اللي حبوا ايخربولك دارك عن غير قصد اذا كان زوجك امليح امعاك او يحتارمك وامهنيك واش اديري برا بلا بيه زوجك لوكان حاب وحدة تخرج اوتدخل وحدها وتقضي او تلبس ووو كان اتزوج بقاورية حطي عقلك في راسك واحافظي على دارك اوربي ايبقي عليك السر والستر عليك وعلى كل نساء المؤمنين

[دلع المنتدى]

براي ماتهتميش بكلام الناس ف ارضائهم غايه لاتدرك
ابقي على ماناتى ولاتسمعي لهم

[انغام المنى]

ديري الي يخرج عليك متسمعي حتى لواحد

[يوسف مهدي]

حياتك مع رروجك وبيتك وأولادك وليس مع الناس فإن واجهتك الصعاب فلن تجدي إلا زوجك فأنت لباسه وهو لباسك وكلام الناس خذي منه الطيب وأتركي منه االخبيث

[mitrochka]

بسم الله الرحمن الرحيم

أختي انت لي عايشه مع زوجك وتعرفي طبيعة علاقته معك، والاخرين ديما يحكموا إمَّا على المواقف أو المظاهر لي يشوفوها
لا تتأثري بما يقولوا مادامك مرتاحة فهذا هو الأساس

[عذراء الجبل18]

فيقي متعمريش راسك بهدرة الناس والله يضيعوك , اسمعي لهدرت راجلك برك
راكي هايلة هكذا والله جامي تتوسوسي ماعندك ماتدير بالخريج واللبسة ليسونسيال راجل راهو معاك

[knives55]

سبب تشتت اسر وخرابها هوما هذ النوع من الناس

يا اختي راكي معزز مكرمة في دارك ممكن رجلك ميسور الحال

مايلحقش حق لبسة الغالية وامورة اخرا

وناس هذا حبينك تولي علمنية

يعني تسرحي في شارع بدون اذن زوجك وتفسدي دراهم فيما لاينفع ولا يضر

والله انا نقولك اخطيك من كلامهم

راه في اخير انت لضعي موش هوما

واذ حابة زوجك يدرلك واش حابة بدون ما تكسريلوا راسوا

اقتليه بظرافة وحنان وتهلي فيه مليح

وشوفي نتيجة

وشكرا

[sabounimanal0]

اول حاجة كلام الناس اللي من و من ما تاخديهش بعين الاعتبار و ما تخليهش اساس تخممي بيه في حياتك كيما يقول المثل "سهل عليك ان تنصح الاخرين لكن صعب عليك ان تنصح نفسك" قد تكون نية هؤلاء الناس في ثلاث فروع: اما النصيحة لمجرد النصيحة او النصيحة بنية الخير لك او قد تكون بنية الايداء" لدا عزيزتي مهما ينصحوك راهم ينصحوك من وراء الزجاج و لا احد غيرك يتواجد في عقر دلك الزجاج يعني لا احد غيرك يعرف الخير او الشر لنفسه .... اجلسي مع نفسك في هدوء و راجعي افكارك متحلية بروح الايمان برب هدا الكون فانه لا ينسى احدا و لن يخيب ضنك انشاء الله.....كوني كما انت و لا تكوني عجينة تتشكل باراء الاخرين .

[ياسمين92]

السلام عليكم حبيبتي
نصيحتي ليك انك ما تسمعيش لهاد الناش خاطر راهم ناويين يخربولك دارك يعني حنا ما علابالناش واش كاين في قلوبهم بصح مادام راهم يسببولك مشاكل مع راجلك فلازم ما تسمعيش منهم اوكي
ثانيا الدنيا ماشي غير خرجة و لبسة حنونة هو صح كامل الناس يحبو يلبسو مليح و يخرجو ديما بصح و الله ما هاداك هو الصح يا ختي
مادام راجلك يخرجك مين داك و يشريلك وعلاش تضاربو
اصبري و حمدي ربي و اتعودي من الشيطان و ربي بنتك و احسني الى زوجك و صوني دارك و اهتمي بدينك هاديك هي الدنيا و ما فيها
ربي يهنيك اختي