الرئيس عبد العزيز بوتفليقة يرقص على أنغام ((القرقابو))

[صالح القسنطيني]

السلام عليكم و رحمة الله و بركاته

هذه صورة للرئيس و هو يرقص أمس بولاية ورقلة

http://www.ennaharonline.com/ar/thumbnail.php?file=affiche_798335578.jpg&size=article_medium



ما رأيك؟؟؟؟

[سليم_الجزائر]

يعرف يرقص على كل النغمات والفاهم يفهم

[وشَـ،ـآحْ الـصـِـبـآا]

هههههههه ...........الله يهدي اللي صورها ما لقى ما يصور
لا تعليـــق

[كمال الاسلام]

وعليكم السلام ورحمته الله وبركاته




بد يحتفل من الان علبالوا بلي رابح رابح




الله يستر

[سلاف26]

اليوم رقص في ورقلة و غدوة يرقص في .........على أفعاله ربي يهديه

[الصديق عثمان]

لم يكن يرقص على نغمات القرقابوا بل كان يرقص على أصوات المطبلين في كل الأنحاء ........... والله لست أدري هل صرت غبيا فلا أفرق بين الجاد والهازل أم أن الشعب يحب أن يتغابى لأنه مظطر لهذا

[messaoud17]

خلوه يرقص ، راه زاهي ...
يرقص خير ما يدير حاجة أخرى <<>>>

[سلاف26]

خلوه يرقص ، راه زاهي ...
يرقص خير ما يدير حاجة أخرى <<>>>

عندك الحق يرقص هو خير ما يرقصنا حنا على أنغام التجهيل و الفقر و ..............لكن للأسف الكل يرقص على تلك الأنغام

[سليم_الجزائر]

وعليكم السلام ورحمته الله وبركاته





بد يحتفل من الان علبالوا بلي رابح رابح





الله يستر

لقد اصبت هذي المرة التانية الاولى عندما عرفت الدجاجة تاع ساموراي وين كانت رايحة

[نصرو]

ما مغزى الموضوع ؟

[sami19280]

لا اله الا الله محمد رسول الله

[أمـــ الجزائرـــــــــال]

ما مغزى الموضوع ؟

سؤال وجيه جدا

[*أنسام*الجنة*]

.......................... ؟؟؟؟؟؟؟؟؟؟؟؟؟؟:confused::confused::confused::confu sed::confused:

ما فهمت والوا
سؤال وجيه جدا
انا كذلك اريد الجواب عليه

[هبةالرحمان1982]

لا اله الا الله ولاحول ولا قوة الا بالله
هذا الذي يمكنني قوله

[صالح القسنطيني]

يعرف يرقص على كل النغمات والفاهم يفهم

بارك الله فيك أخي سليم (( و الفاهم يفهم، و الأبله يبات يخمم))

هههههههه ...........الله يهدي اللي صورها ما لقى ما يصور
لا تعليـــق

-------------------------------------------------------


وعليكم السلام ورحمته الله وبركاته





بد يحتفل من الان علبالوا بلي رابح رابح





الله يستر


صدقت أخي كمال..... كون جا في قلبه أدنى مثقال شك من خسارته .......... مضنيتش راح يشطح........



اليوم رقص في ورقلة و غدوة يرقص في .........على أفعاله ربي يهديه


جزاك الله خيرا بنت الأصول.......... و اللهم اهد ولي امرنا و ارزقه البطانة الصالحة..

لم يكن يرقص على نغمات القرقابوا بل كان يرقص على أصوات المطبلين في كل الأنحاء ........... والله لست أدري هل صرت غبيا فلا أفرق بين الجاد والهازل أم أن الشعب يحب أن يتغابى لأنه مظطر لهذا


بارك الله فيك أستاذنا الصديق، و قد صدقت فأتباع كل ناعق ((قد عزفوا سنفونية ضحك عليهم بسببها الأموات قبل الأحياء)) و استنكرها (الأصم قبل السليم))

[صالح القسنطيني]

خلوه يرقص ، راه زاهي ...
يرقص خير ما يدير حاجة أخرى <<>>>

صدقت ههههههههههههههههههه


ما مغزى الموضوع ؟

سرني مرورك مشرفنا، و ليس لي أي خلفية - فلست خارجيا و الحمد لله - و إنما هو مجرد موضوع أطرحه للنقاش لا غير.
و لست من الذين يطبلون في الحملات الإنتخابية...... أصلا لا أنتخب......

لا اله الا الله محمد رسول الله

نعم الكلام ما قلت، و بارك الله فيك.

لا اله الا الله ولاحول ولا قوة الا بالله
هذا الذي يمكنني قوله

نعم الكلام ما قلت و جزاك الله خيرا.

[وشَـ،ـآحْ الـصـِـبـآا]

بارك الله فيك أخي سليم (( و الفاهم يفهم، و ألبله يبات يخمم))



انت تليقي كون داوك ((تصرفقي)) و نو يشطح ....
))
تتقال والداب
يا بن قسنطينة
وأنت تليق لوكان جيت تشطح معاه هههههههههههههههههههههههههههههههههههههههههههههههه
تشطح أنت فالعراس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أه أنت حقا أخونا هههههههههههههههههههههههههههههههههههههههههههههههههه ههه
راني مني صح






































































نتمسخر برك
هههههههههههههههههههههههههههههههههههههههههههههه

[أختكم في الله]

وعليكم السلام ورحمة الله شفت الصورة ضحكت يا أخي صالح
بالصح فهمني وش دار بوتفليقة ...........؟؟؟ والله ماهو طالع عليا النهار.

[*جوداء*]

والله اللي نعرفوا عبد العزيز زهواني من الاول..عندو الصح خلي يزهى ...اللي فقلبوا يديرها

[صالح القسنطيني]

وعليكم السلام ورحمة الله شفت الصورة ضحكت يا أخي صالح
بالصح فهمني وش دار بوتفليقة ...........؟؟؟ والله ماهو طالع عليا النهار.

بارك الله فيك، أقعدي هكا خير متفهميش خير لخطر كون نبدو نفهمو نضوخو ههههههه

والله اللي نعرفوا عبد العزيز زهواني من الاول..عندو الصح خلي يزهى ...اللي فقلبوا يديرها

ايه عندك حق، و عندك حق تسانديه لخطر انت ((صاحبة الحذاء الذهبي))..................تفرت في لي كما حنا...

[أختكم في الله]

نسقسي سلاف ..........راها تتبع في السياسة.

[صالح القسنطيني]

نسقسي سلاف ..........راها تتبع في السياسة.



ايه سقتيها......... و انت كفاه حازة ((كلاشينكوف)) و متفقهي في سياسة شيء ههه

[أختكم في الله]

ههههههههههه..........باه نخلعكم .

[سرور.]

فرحان بروحو ، على خاطر خدم كلش و ما خاصنا والو غير نشطحو برك؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!..................

[نورالدين17]

هو يجيد فن الرقص ..........ونحن نجيد فن التطبيل والتزمير .....

[سرور.]

و اليوم هو يرقص بجيجل
معه حق لما لا يرقص مادام يوجد من يحضر العرس...................

[عادل الجلفاوي]

لا تعليق
ممكن يكون عاااااااادي وممكن لالالالا

[ابوانس 22]

وعليك السلام ورحمة الله
خطيك ...من السياسة يا سي صالح ...
ولكن مادمتم مررت من هنا اقولك
ان هده الرقصة ربما هي تقليد رئاسي قبل الانخابات اتيكت يعني ...حيث رايت باراك اوباما يرقص في حملته الانتخابية
ولكن نتاعنا فور عليه بزاف

[اسيا بنت الواحات]

مساء النور
انا مانفهمش مليح في السياسة ,بصح خليه يرقص
فرحان بنجاح سياسته , فعاصمة البترول ورقلة كي تدخلها تحسب روحك في واشنطن وهذي دعوة مني ارواحو تشوفو ورقلة كي راهي دايرة ماشاء الله ماعدناش ومايخصناش
الطرقات تتحفر 100 مرة في العام تقول يحوسو على كنز علي بابا

ماتفوتوش الفرصة :mh31:

[salma02]

و عليكم السلام
ايه هذا واش خصنا
قع القطاعات جربهم لازم يعطيها بشطحة تع الحملة

[صالح القسنطيني]

جزاكم الله خيرا عبدا عبدا و بارك الله فيكم فردا فردا

[المُصمم]

ما مغزى الموضوع ؟
رايح نقلك مامعنى هذا :
نهار تعيش 25 سنة في دار السلطان (ملي كان وزير للخارجية إلى الآن ) مع 10 سنوات منها وأنت السلطان وتضمن 5 سنوات أخرى راك تعرف وش معناها
حاب يموت وهو رئيس
بـــــــــــــــــاي
مجرد رأي

[مصطفى ابو عزيز]

اليوم رقص ولا حساب وغدا حساب ولا رقص
لن يدوم الرقص الى الابد انظر القدام واش كاين

[دموع الحيــاة]

الله يديم الفرحة " أقصد الرّقصة "
Bonne Continuation

[aissa2008]

اته مفعم بالنشاط والحيوية واضن انه يتحدى من يقولون انه ليس بصحة جيدة للعهدة 3

[وشَـ،ـآحْ الـصـِـبـآا]

ويقولو بوتفليقة مادار والو والله ماكاينة حاجة مادارهاش
هدم الديار شرد البطاطا فزمان الشادلي مازادتش على 30دج ودرك راهي ف 70 دج
كيفاه مادار والو

[العائد اليكم]

حنا شعب لو كان يحكمهم حتى عمر بن الخطاب يطيحوا فيه
اتنهى عن خلق وتاتي مثله****عار عليك ادا فعلت عظيم
بالك واحد منكم لو كان يحكم البلاد خير سبحان الله

[mascara]

[QUOTE=kemoukh belkassem;889958]حنا شعب لو كان يحكمهم حتى عمر بن الخطاب يطيحوا فيه
اتنهى عن خلق وتاتي مثله****عار عليك ادا فعلت عظيم
بالك واحد منكم لو كان يحكم البلاد خير سبحان الله[/QUOTE

عمر بن الخطاب رضي الله
عنه قال لو تضيع دابة في الصحراء أنا مسؤول عليها ونخشى الله تعالى ان اكون قد قصرت
هذا كلام صحابي جليل
ما بالك بانسان او بالاحرى شباب بطال يعاني اصبحت الجزائر طبقتين طبقة غنية واخرى فقيرة

لا مجال للمقارنة بين عمر بن الخطاب وهذا الرئيس من فضلك اخي بلقاسم

شكرا اخي صالح على الموضوع

[العائد اليكم]

[quote=kemoukh belkassem;889958]حنا شعب لو كان يحكمهم حتى عمر بن الخطاب يطيحوا فيه
اتنهى عن خلق وتاتي مثله****عار عليك ادا فعلت عظيم
بالك واحد منكم لو كان يحكم البلاد خير سبحان الله[/QUOTE

عمر بن الخطاب رضي الله
عنه قال لو تضيع دابة في الصحراء أنا مسؤول عليها ونخشى الله تعالى ان اكون قد قصرت
هذا كلام صحابي جليل
ما بالك بانسان او بالاحرى شباب بطال يعاني اصبحت الجزائر طبقتين طبقة غنية واخرى فقيرة

لا مجال للمقارنة بين عمر بن الخطاب وهذا الرئيس من فضلك اخي بلقاسم

شكرا اخي صالح على الموضوع


يا اخي عمر بن الخطاب قالها او حتى بوتفليقة قال "الفلاحين نحيولهم الديون" او حنا شعب لو كان جا عمر بن الخطاب في وقتنا لو كان قالو يهدر برك او بالاك انت خير من رئيسنا لو كان ترشحت وشفناك واش تدير فيها لسالنا فيه 500كم والفعايل 00000000000000000000000000000000000000000000000000 00000000000000000000000000000000000000000000000000 0

[badi09]

هدا وراهو حاب يحكم البلاد

[سرور.]

[quote=mascara;889972]


يا اخي عمر بن الخطاب قالها او حتى بوتفليقة قال "الفلاحين نحيولهم الديون" او حنا شعب لو كان جا عمر بن الخطاب في وقتنا لو كان قالو يهدر برك او بالاك انت خير من رئيسنا لو كان ترشحت وشفناك واش تدير فيها لسالنا فيه 500كم والفعايل 00000000000000000000000000000000000000000000000000 00000000000000000000000000000000000000000000000000 0


و علاه خويا ؟ نسكتو خير ؟؟؟؟؟؟؟؟؟؟
رانا نهدرو واش كاين ما راناش نتبلاو عليه و لا راك تغطي فالشمس بالغربال.................................
و إذا على الترشح ما عطاوناش فرصة راهم شادين فيها بيديهم و سنانهم
هم يقولون كما قال ابو سفيان في فلم الرسالة:
شبا ب مكة يحكمون شيوخها؟؟؟؟؟؟؟؟؟؟؟؟؟؟؟؟؟؟؟؟؟

[صالح القسنطيني]

جزاكم الله خيرا و بارك الله فيكم واحدا واحدا....

و لي الكثير من الملاحظات على ردود بعض الأعضاء........... لكن ........................؟؟؟؟؟؟

[تسنيم..]

لماذا هذا الكلام.....أقسم أن الجهل السياسي أصبح منتشرا هذه الأيام و نحن بأمس الحاجة إلا من يفهم معنى السياسة و الوطن و الديمقراطية و المواطنة و حتى المسؤولية

إن لم تكن عالما بكل ما يحدث في الساحة السياسة عن حق فلا تقل ما لست أهلا بقوله
على الأقل إفهم معنى المسؤولية و كن مسؤولا عن كلامك




اللله يهديكم

[محـ العاصيمي ــمد]

الإخوة هنا راهم دايرين معركة انا نقوللكم حاجة وحدة برك


لعن الله ساس يسوس

والسلام

[تسنيم..]

واش قصدك محمد؟؟

[محـ العاصيمي ــمد]

هذا قول لشيخ الاسلام ابن تيمية رحمه الله

حيث يلعن فيه السياسة والخوض فيها

فالسياسة لأهلها وليس لعامة الناس مثلنا فنحن لا نستطيع الحكم على المظاهر فقط ولا نملك معطيات دهاليز الساسة

ولا نملك من الأمر شيئا سوى الدعاء والتضرع إلى الله عز وجل بأن يقيد لهذه الأمة امر رشد يعز فيه اهل طاعته ويذل فيه أهل معصيته

[تسنيم..]

و هذا ما طلبته من الأعضاء

لا تحكمو من فراغ

[بشير مراد]

إذا كان ربّ البيت بالدف ضاربا فلا تلومنّ الصغار إذا رقصوا .
أليس رقص الشيوخ من خوارم المروءة ؟
وإنّ سفاه الشيخ لا حلم بعده وإنّ الفتى بعد السفاهة يحلم
ولكن لا لوم عليه لأنّ الطبالين والزمارين كثيرون .

[ayaas]

يا خويا بشير كلامك كبير و موزون
امبصح شوف للناس في الحفلات و السهرات واش يديرو
وزيد شوف انواع الشطيح تاع تلفزيون الاخت خليدة ( ثقافة جزائرية تقليدية عربية اسلامية .. تاع الصح)
و يزيد يجينا الاخ المحبوب "بالخادم" و يقولنا ماكانش المنافس ليه في جزائر 35 مليون ...
يعني ماكنش واحد يعرف يشطح خير عليه

انا في رأيي
حكيم صالحي يعرف يشطح خير عليه

[korabika87]

رقصة الفوز

[falcon13]

عادي عادي هذه شطحة شعبية , يعني تشجيع للتراث والعادات القديمة والتمسك بيهاا


عااااااااش سيادة الرئيس :1: ..

[صالح القسنطيني]

عادي عادي هذه شطحة شعبية , يعني تشجيع للتراث والعادات القديمة والتمسك بيهاا


عااااااااش سيادة الرئيس :1: ..


ايه ربي يطولو في عمره و يرزقه بطانة الخير و يوفقه لكل خير ((( سيادة الرئيس))))

ههههههههههههههه

[العائد اليكم]

اخي من الامارات اهلا بك في منتدانا لكن كفانا استهزاءااا .فقط ادكرك اننا شعب قام بثورة ضحى من اجلها مليون ونصف مليون شهيد اي ان شهدائنا فاقوا عدد سكانكم حاليا واستهزائك بفرد من شعبنا هو استهزاء بنا
يقول المثل الشعبي "واش جاب الساقية لبحر الطوفان"
اما عن الاخ القسنطيني احيي فيه مواضيعه القيمة ومشاركاته الغنية واراءه السديدة فقط اقول له ان كان علمك غزيراا وادبك حريراا ووطنيتك قصديرااااااا فلا تنتظر مني تقديراااا
حتى اصبح لي ماعندهم تاريخ يضحكوا علينا
اخوك بلقاسم الغيور على وطنه
http://www.q8boy.com/images/bijulpzbh6f32uwvtuc.gifنموت وتحيا الجزائرhttp://www.q8boy.com/images/bijulpzbh6f32uwvtuc.gif


*****ان لم تفهم انظر الى صورة توقيعي*******

[عذراء الهضاب]

خليه يرقص والشعب يصفق والفناها هذه اللقطة ولكن ربي يهديه الشعب ضايع وهو يرقص يضحك علينا والله يا صوتي ما يديه واحد

[نور]

هو يرقص على فرحته لنجاح بالعهدة؟؟؟؟؟؟؟؟؟؟؟؟؟؟؟؟؟؟؟؟؟ و نحن على ماذا سنرقص
لم أعد أشاهد الاخبار لأنها تخدم سياسة و لا تأتي بما يحث في انحاء العالم
أشكرك أخي

[صالح القسنطيني]

اخي من الامارات اهلا بك في منتدانا لكن كفانا استهزاءااا .فقط ادكرك اننا شعب قام بثورة ضحى من اجلها مليون ونصف مليون شهيد اي ان شهدائنا فاقوا عدد سكانكم حاليا واستهزائك بفرد من شعبنا هو استهزاء بنا
يقول المثل الشعبي "واش جاب الساقية لبحر الطوفان"
اما عن الاخ القسنطيني احيي فيه مواضيعه القيمة ومشاركاته الغنية واراءه السديدة فقط اقول له ان كان علمك غزيراا وادبك حريراا ووطنيتك قصديرااااااا فلا تنتظر مني تقديراااا
حتى اصبح لي ماعندهم تاريخ يضحكوا علينا
اخوك بلقاسم الغيور على وطنه
http://www.q8boy.com/images/bijulpzbh6f32uwvtuc.gifنموت وتحيا الجزائرhttp://www.q8boy.com/images/bijulpzbh6f32uwvtuc.gif


*****ان لم تفهم انظر الى صورة توقيعي*******



السلام عليك و رحمة الله و بركاته

أما عمن وجهك له الخطاب فأنا لم أنتبه لبلده، و قد ظننته جزائريا لأنه لهجته التي كتب لهجة جزائرية و ذلك ظاهر

و اما عن الوطنية فانا لم أطرح الموضوع للاستنقاص و الاستهزاء -عياذا بالله - و إنما اردت معرفة بعض أفكار ((الأعضاء))

و اما عن تلك الكلمات التي وجهتها لي فأخبرك باني سافرت و لما رجعت لوطني الحبيب ((بكيت)) في مطار العاصمة و أمام الناس ((من شدة فرحتي))

فلا نخلط بين حبنا لوطننا و بين سكوتنا عن العيوب التي نراها من ((.................))

[مسعد17]

هههههههههههههههههههههههههههههه
بصحتوا 10 سنين وهوو يخدم من قلبواا
وعندواا الحق يرفه على حالواااا
هع هع هع هع .....

[madjid-307]

بدووووووووووووووون تعليق

[madjid-307]

الكبر والجياااااااااااااحح هههههههههههههههههههه.........

[زهيرة]

رقصه على القرقابو دليلا على حبه للجزائر واعترافه بتقاليده وكذلك ليبن لهم لا فرق بين شمالنا وجنوبنا


هذا فخر لأهل الجنوب ...أحسن من أن يرقص على موسيقى غربية؟؟؟؟؟؟

[العائد اليكم]

السلام عليك و رحمة الله و بركاته

أما عمن وجهك له الخطاب فأنا لم أنتبه لبلده، و قد ظننته جزائريا لأنه لهجته التي كتب لهجة جزائرية و ذلك ظاهر

و اما عن الوطنية فانا لم أطرح الموضوع للاستنقاص و الاستهزاء -عياذا بالله - و إنما اردت معرفة بعض أفكار ((الأعضاء))

و اما عن تلك الكلمات التي وجهتها لي فأخبرك باني سافرت و لما رجعت لوطني الحبيب ((بكيت)) في مطار العاصمة و أمام الناس ((من شدة فرحتي))

فلا نخلط بين حبنا لوطننا و بين سكوتنا عن العيوب التي نراها من ((.................))

اخي صالح عليك السلام ورحمة الله وبركاته وجبورته وملكوته ومغفرته لكن لدي توضيح
1-هل لو وضعناك رئيسا لنا تدبرلي خدمة مع اني طالب جامعي وساتخرج قريبا ام تعطيها للي تعرفوا
2-انظر فقط في منتدانا الغالي وادهب الى المواضيع التي يكتبها اخونا الغالي "الامير" صاحب المنتدى وانظر الى كلمات الشكر والثناء التي يكتبها بعض الاعضاء الدين يستهزؤون بالرئيس انا لا اقول لا يستحقها لكن اقول فقط اننا بطبيعتنا نحب التشيات.فلو ان الرئيس كان امامك هل كنت تقول له ما كتبته
3-اقترح من تريده رئيسا واكتب موضوعا عنه وسترى كيف ستكون الردود واحد معاه والاخر ضده الاخر يحكي طرائف عليه والاخر يهددك بسحب عضويتك من المنتدى
4-انا لا اشكك في وطنيتك لاني لا اعرفك لكن الوطنية لا يعني ان تبكي حين تعود للبلاد, الوطنية ان تبقى في البلاد حين يفر باقي العباد
5-فقط اقول للدين يكتبون عن هده المواضيع ان يضعوا اسماءهم لنقيس نسبة رجولتهم,لاننا نعرف ما حدث في العراق عندما كان صدام حي الكل يمتدحه ويشيتولوا لكن عندما مات الكل يقول الله لا يردوا
6-فقط الشيئ الدي يحيرني
لمادا لا ندكر الايجابيات فقط نركز على السلبيات
7-هده ارائي لاتدل انني مع الرئيس فقط لا احب النفاق حتى لو امديت في دمك لعدوي فهدا لا يمنعني من دمك
8-تقبلوا مني فائق الاحترام والتقدير ويا اخي صالح نتمنى ان تكون رئيسنا ولا تنسى ان تدبر خدمة لكامل الشبا ب والا فستصبح موضوعا لمنتدى ما في زمن ما
ادكرك فقط اني من الدين يهتمون بمواضيعك وهدا لا يعني اني اكرهك لانك ان لم تكن اخا لي فانت صديقي

********من اخ معدب في الارض********


لو لم اكن جزائريا لاخترت ان اكون جزائريا

[حمـ 0418 ــزة]

سلام لك أخي صالح

[يوسُف سُلطان]

لان مواضيعك ثقيلة ...فهي لا تلبث تقبع بهذا العمق الغائر ......ولكن ليس لها الا ان تطفو اذا البحر هاج .....