الفاست الي هبل عليها ولدي

[maxipower]

هاد الفاستشافها ولدي في الحانوت وبغا يشريها وملقاش قدو مالا حوست في النت ولقيت هادي تشيهلها وقررت ن
خيطهالو
حابة الخياطات المحترفات يعاونوني في الباترون تاعها
للافادة ولدي عمرو 15 سنة

هيا الخياطات ماتبخلوش علينا اتحركو شويا
ههههههههههههههههههههههه
مع شكري الجزيل


http://www7.0zz0.com/2012/11/24/10/491057479.jpg (http://www.0zz0.com)

[zineb_saib]

ههههههههههههههه وحدو ولدك
ربي يحفظهولك يحب الاناقة امممممممممم هاذي وراها حاجة
راني غير نتمسخر خخخ
ان شاء الله يفيدوك الخياطات

[جيجلية]

صح شابة ربي يحفظلك ولدك

منتظرة معاك

[loubna79]

ان شاء الله تلقاي الي يساعدك في الباترون

[تجويد4]

السلام عليكم و رحمة الله


اختى فى الله حابة نقلك حاجة
انا ما ننصحكش بالخياطة لانو و الله عن تجربة العام الى فات شريت الكاشمير باش نخيط منطو و لما حددتو بالمكواة رجعلى سليما رجع خشين و الله يا اختى خسرت 500 الف بين الكاشمير لانى شريت من الغالى و لادبلور تانى شريت من الغالية و راه قاعد مرمى ماحبيتش حتى نكملو

طولت عليك بغيت نفيددك بتجربتى القماش الى عندنا ماشى من النوع الجيد حتى و لو كان غالى

و تانى خياطة الجاهز لازملها محترفة ماشى غير الباترون الى مهم حتى طريقة الخياطة و لفنسيون تلعب دور كبير

اتمنى لك التوفيق من كل قلبى
تقبلى تحياتى

[maxipower]

شكرا للاخوات على المرور

وشكر اخر للاخت تجويد4 على النصيحة لكن حابة نقولك اني شريت القماش وراح نخوض التجربة خير مايقعد محطوط

لانو الخياطة في دمي كي مانخيطش نمرض ههههههههههههههههه

وعملت تجربة في الالبسة الجاهزة خيطت روب مونطو ليا وسروال لزوجي ونال اعجابو رغم انو دوقو صعيب ومجموعة البسة لبنتاي
فادا ماعنديش مشكل في الخياطة ولافينيسيون فقط الا نقدري تعاونيني بالباترون مع خالص تحياتي

[تجويد4]

سلام اختى

لا و الله اختى انا ليسلدي تجربة فى الملابس الرجالى

انا نخدم مع لعرايس

اتمنى لك التوفيق