مشكلة عاجلة ساعدوني في أقرب وقت

[مشكلتي]

السلآم عليكم
مشكلتي باختصار
أدرس في مدرسة التكوين المهني منذ 4 أشهر تعرفت على بعض الصديقات مجرد صداقة سطحية و فقط لآ أعرف عنهم الكثير
و بحكم أني متزوجة و عمري 22 سنة أريتهم بعض صور تصديرتي في الشهر الأول و بعد مرور مدة شهرين عادت الي فتاة تدرس معي في نفس القسم قالتلي سلفيلي القفطان ديالك شفتو عجبني نديه لخياطة تخدملي كيما هو ، و أنا نية قلتله مكاش مشكل الأسبوع الجاي نجيبهولك يعني يوم الأربعاء نديهولها و ترجعهولي بعد أسبوع ، لما سمعو بالخبر بعض صديقاتي و عائلتي قالولي ماتخافيش على ملابسك و الطفلة هاذي تقرا معاك فقط وين تعرفيها ماتخافيش كاش ماتديرلك و صح الطفلة هاذي تقرا معايا و فقط و ماشي مداصرتها مالا انا توسوست شوية خاطرش انا نية بزااف مانقدرش نقول لالا لحتى واحدة

بالنسبة ليكم كون جيتو في مكاني تسلفوهولها و لا لالا
و مارأيكم
جاوبوني بصراحة

و شكرا لكم

[عبدالله بولنوار]

وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ

[* الحلم سكر *]

لا نــسـلـف لـواحـدة ... لا نـسـلـف مــن عـنـد واحـدة ...
عــندي صــديقة واحــدة أنــتيم الــباقي كـلشي بــحدود

[*أمة الله*]

ههه و ضعتك في موقف محرج يا ختي بما انك و عدتيها ديهولها و قوليلها نستحقه ترجعهولك بعد سمانة او اقل و لا تصره تماك و سايي

[شقراء سوف]

قولي لراجلك يحلفلك عن التسلاف وممبعد الي تحب تتسلف عذرك واضح وصاحبتك قوليلها سقسيت راجلي حلفلي منسلف قطعة تخصني اسمحيلي ///////مش الناس كامل ثيقة والسلام

[yasmina31]

ما تسلفيش قوليلها راجلي ما حبش هدا الاشياء ما فيهمش حشمة

[amirateljazayer]

كيما قالولك الاخوات ..
قوليلها وعدتك باش نسلفهولك لكن راجلي مابغاش
وبصراحة اختي هاذ الخدمة تاع سلف الحوايج مشي مليحة ..
ومشي لازم تشكي ونوسوسي روحك..ماعندهم ما يديرولك
لكن مليح الانسان يحتاط في كل شيء
بالنسبة لي حوايجي كلهم اغراض شخصية مانحب حتى وحدة تاخذهم ولا تلبسهم او تلعبها حابة تخيط كيفهم وتروح نعرّس بيهم وترجع
من غير اختي حد ماياخذش اغراضي الشخصية كلها

[النجمة القطبية]

انا كى شفت عاجل جداا قلت كاش واحد راه يستنى فى حاجة مهمة كيما التبرع بالدم او استفسار مهم دخلت لقيتك تهدرى على على قفطانك هههه وعلاش عاجل امالا فى غرضك
شوفى انا رايي احسنى الظن وخليك مالوسواس وريلها المودال واحسبيها صدقة تدى عليها اجر
اتوكلى على الله وعاونيها وادا انتى موسوسة ماكالاه وخلاص
ايا وادا محبيتيش تديرى الخير قوليلها تجى نعطيها قفطانى عندى واحد جديد واش رايك :d:d

[الدر المكنون]

يا اختي احكمي حوايجك وهكذا ما تشوفي بليس ما تسمي عليه

وتدخلي في التوسويس وحتى والعلامات الولى بانت كي طرحتي السؤال

العباد تبدلو وما يخافوش ربي تمديلها على حاجة تصبحي في حاجةواحد اخرى

اقطعي الشكوك وخلقيلها اي عذر المهم ما تمديلهاش حوايجك الانسان لازم يحاذر فالوقاية خير من العلاج

وانت ادرى بحالك وحال الزميلة

كاين حل واحد اخر صوريهولها وتهناي منها تربحي اجر ومن تقطعي الشك

[wafa16]

اديلها بطاقة التعريف حتى ترجعو هههه
ختي و الله غير انتي كيما انا نفيق متاخرة
اهلك عندهم الحق تقدر ما ترجعوش و ما تزيديش تشوفيها و الا تجبدلك حكاية شيطانية حتى تولي تتعاطفي معاها
غير باش تسكتيها
الحل قوليلها دوك ما تخليهاش تستنى
قوليلها راجلي ما حبش و دارلي مشكل

[ibtissam bob]

ختي نصيحة متسلفيلهاش ومديريش ثقة في أي واحد حبت تخيط كيما هو صوريهولها من كامل الجوانب وتديه للخياطة حتى لوكان تعرفي وين تسكن متخافيش كاشما ديرلك في القفطان بعيد الشر رانا في وقت صعيب أنا ثاني كنت نية كيما نتي لي يجي نسلفلوا بصح تكاكيت لروحي وليت نتهرب منهم

[التوليب الجميلة]

non matsalfich khti koulilha rajli mahabch

[mamia]

انا ضد فكرة تسلاف الحوايج

خاصة حوايج التصديرة

واذا الحت عليك ولا حشماتك

قوليلها نجي معاك عند الخياطة لتما تشوفو واذا عندها الة تصوير تصورو وتروحي انت ومعاك القفطان تاعك

هكذا انت ترتاحي من توسويس وتكوني محشمتيش الطفلة

سلام

[لينة71]

السلآم عليكم
مشكلتي باختصار
أدرس في مدرسة التكوين المهني منذ 4 أشهر تعرفت على بعض الصديقات مجرد صداقة سطحية و فقط لآ أعرف عنهم الكثير
و بحكم أني متزوجة و عمري 22 سنة أريتهم بعض صور تصديرتي في الشهر الأول و بعد مرور مدة شهرين عادت الي فتاة تدرس معي في نفس القسم قالتلي سلفيلي القفطان ديالك شفتو عجبني نديه لخياطة تخدملي كيما هو ، و أنا نية قلتله مكاش مشكل الأسبوع الجاي نجيبهولك يعني يوم الأربعاء نديهولها و ترجعهولي بعد أسبوع ، لما سمعو بالخبر بعض صديقاتي و عائلتي قالولي ماتخافيش على ملابسك و الطفلة هاذي تقرا معاك فقط وين تعرفيها ماتخافيش كاش ماتديرلك و صح الطفلة هاذي تقرا معايا و فقط و ماشي مداصرتها مالا انا توسوست شوية خاطرش انا نية بزااف مانقدرش نقول لالا لحتى واحدة

بالنسبة ليكم كون جيتو في مكاني تسلفوهولها و لا لالا
و مارأيكم
جاوبوني بصراحة

و شكرا لكم

وعليكم السلام ورحمة الله ويركاته ..
في الحقيقة لما قريت الطلب انتاعك خفت ...لكن الواحد ما يقطع رحمة ربي...بصح ديري حذرك ...انا في رايي بيعولها وشوفيها واش تقولك ...راي فقط
والله حالتك كي حالتي نية خالصة والناس ماتخاف ربي حاشا اليعض:d:d
والله اختي نصيحتي ليك حاجة اللبسة عمرك ما تسلفيها يا تمديها يا بيعيها...وربي يحيب ساعة الخير

[حلاوة الإسلام]

امممممم أختي صدقيني لوكان جيت في بلاصك مانمدش

أنا نخااف بزااف مع انو كلشي بمكتوب ربي

لكن الواحد يتخذ الاسباب وفي هذا الوقت عاد واحد ما يتامن

نحاول دائما نلتمش الاعذااار من ومن

ااما اذا كانت صديقتي مقربة مكاانش مشكل


وربي يجيب لي فيه الخييييييييييييير

[يسرى ياسين]

رانا فى وقت مافيهش لمان ما تسلفيش حوايجك قولها راجلى ما حبش

[sarah1424]

انا حشمتني وحدة نعرفها بالوجه قاتلي سلفيني قندورة نخيط كيفها سلفتهالها ورجعتهالي وهي طفلة مليحة لكن الصراحة ندمت وبقدرة ربي منزيدش نسلف حاجتي دنيا مافيها لمان يا اختي وانا صراحة وليت منثيق في حتى حد ننصحك اعتذري منها قلها مهوش عندي دك تفهم روحا ومتسلفيش حاجتك

[سوسو الطموحة]

التسلاف تاع لحوايج راه ما يخرجش عليك ......هذا كي ما تخافي من والو .....راكي تحليلهم العين ....وتعود كل واحدة تقولك راني حابة نخيط كيما حاجتك ....راهم جايني خطابة سلفيلي من بعد تحشمي تقولي لا لا ....علاه يقولولك هذيك سلفتيلها....وانا بخلتيني....

[imi02i]

متمــــــــديش

[catia]

ان نعطيك نصيحة صوريه واعطيلها التصويرة انظن التصويرة ما تضرش وهكذا تحافظي على قفطانك وما تتحرجيش او قوليلها كيما قالولك الاخوات راجلي ما حبش

[yakoubiano]

اعن ابن عباس ، عن النبي صلى الله عليه وسلم ، قال : « كلمات الفرج : لا إله إلا الله الحليم الكريم ، لا إله إلا الله العلي العظيم ، لا إله إلا الله رب السماوات السبع ورب العرش الكريم »
عن النبي صلى الله عليه وسلم ، قال :
« دعوات المكروب : اللهم لا إله إلا أنت ، رحمتك أرجو فلا تكلني إلى نفسي طرفة عين ، وأصلح لي شأني كله ، شأن الدنيا والآخرة ، في عفو منك وعافية ، لا إله إلا أنت
»

عن علي بن أبي طالب ، رضي الله عنه ، قال : علمني رسول الله صلى الله عليه وسلم إذا نزل بي كرب أن أقول : « لا إله إلا الله الحليم الكريم
، سبحان الله ، وتبارك الله رب العرش العظيم ، والحمد لله رب العالمين »
كان رسول الله صلى الله عليه وسلم يقول إذا نزل به هم أو غم : « ياحي ، يا قيوم ، برحمتك أستغيث »
عن أسماء بنت عميس ، قالت : سمعت رسول الله صلى الله عليه وسلم يقول : « من أصابه غم ، أو هم ، أو سقم ، أو شدة ، أو ذل ، أو لأواء ، فقال : الله ربي لا شريك له ، كشف ذلك عنه »
قال عبد الله بن مسعود : قال رسول الله صلى الله عليه وسلم : « ما أصاب مسلما قط هم ولا حزن فقال : اللهم إني عبدك ، ابن عبدك ، ابن أمتك ، ناصيتي في يدك ، ماض في حكمك ، عدل في قضاؤك ، أسألك بكل اسم هو لك ، سميت به نفسك ، أو أنزلته في كتابك ، أو علمته أحدا من خلقك ، أو استأثرت به في علم الغيب عندك أن تجعل القرآن ربيع قلبي ،ونور بصري ، وجلاء حزني ، وذهاب همي ، إلا أذهب الله همه وأبدل له مكان حزنه فرجا » ، قالوا : يا رسول الله ، أفلا نتعلم هذه الكلمات ؟ قال : « بلى ، ينبغي لمن سمعهن أن يتعلمهن »
بلغنا أن رسول الله صلى الله عليه وسلم كان إذا أصابه هم أو غم أو كرب يقول : « حسبي الرب من العباد ، حسبي الخالق من المخلوقين ، حسبي الرزاق من المرزوقين ، حسبي الذي هو حسبي ، حسبي الله ونعم الوكيل ، حسبي الله لا إله إلا هو عليه توكلت وهو رب العرش العظيم »