ادخلو نحتاجكم : غذاء لمريضة بفقر الدم

[belsim]

سلام لبنات نحب نسقسيكم على كانش ماكلة لوحدة عندها فقر الدم يعنى هذا وين بانو النتائج عطاها الطبيب الدواء كانش متعرفو وحدة كيما هكدا ولى تعرف تقولها واش دير و لا واش تاكل و ادعولها بشفاء

[ملاكــه الصغير]

اختي مكانش كيما العدس والبدنجر السكري

العدس ثم العدس كاين وصفة مليحة


حمصي العدس و من بعد اطحنيه و خلطيه بالعسل الحر وناكلو مع الصباح والمساء ملعقة وربي يجيب الشفاء

[ميمي مانو]

فمهم جدا معرفة نوعية فقر الدم، فهناك فقر الدم الناجم عن نقص الحديد، وهذا يعالج بأدوية الحديد، والأغذية التي تحتوي بكثرة على الحديد هي الكبد والطحال واللحوم البيضاء والأسماك والخضر والفاصوليا والعدس والبقدونس.
أما إن كان نقص الدم ناجما عن نقص الفيتامين ب12 فإن الأطعمة الغنية بهذا الفيتامين هي:
الحوم الحمراء، والكبد، والبيض، والسماك.
أما إن كان فقر الدم ناجما عن نقص حمض الفوليك فإن الأطعمة الغنية بهذا الفيتامين هي: الحوم، والبقوليات، والخضروات، والمكسرات، والسبانخ، والبرتقال، والموز.
نسأل الله لها الشفاء العاجل.

[فرحة العمر]

ماما عندها فقر الدم وعمتي ثاني ياكلو نفس الخلطة اللي قالت عليها الأخت ملاكه الصغير بصح يديرو المربى في بلاصة العسل الحر
http://img.al-wlid.com/imgcache/270825.gif

[batoul2000]

العدس.والطيحان...الله يشفي الجميع

[عروس البحر 2]

انا نسمع بالكبدة مليحة بزاااف والله اعلم

ربي يشفيها و يعافيها

[متشوقة للجنان]

أختي كاين الرمان مليح بزاااااااااااااااااف و دير في قرعه ماء حبات قرنفل و تبيتهم و تشرب ملماء هذاك مفيييييده ربي يشفيها و يعافي كل مرضى المسلمين آآمين

[belsim]

شكرا لكم اخواتى على الردود وربى يجزيكم انشاء الله

[nouha nounous]

الطحال مفيد جداً ربي يشفيها

[ana lina]

ربي يشفيها الحمص ثاني ارحيه وديريه في العسل الحر والبيطراف

[HadJer LaRti!sSa]

الله يشافيك ختي يارب
انا مرت وليد عمي مسكينة عندها فقر دم حاد وكانت تاكل بزاف عدس وبيان سير دوا خرجهولها طبيب
وكانت تاكل طيحان تاع كبش الا تعرفيه بزاف مليح ودك راهي صفاا ماشي بزااف يقولو طيحان مليح لعندهم لاليمي
وربي يشفيك ان شاء الله تبعي نصائح طبيب برك

[بنت الحاج]

السلام عليكم ورحمة الله وبركاته
طالعي هذا الموضوع نفس تساؤلك تم الرد عليه بالعديد من الوصفات.
شفاك الله وعافاك.


http://www.djelfa.info/vb/showthread.php?t=148266

[houaria031]

انا جربت وصفة العدس مع عسل النحل وكانت النتيجة رائعة يمكنك اكل الطيحان والشمندر وكبد الدجاج

[بنت غليزان]

العدس تحمصو و تطحنو تخلطو مع العسل الحر يأكل كل صباح على الريق
و الطيحان تطيبو نصف طياب
و ربي يشفي الجميع

[nana w]

العدس المرحي يخلط مع العسل الحر و ايضا كبد الدجاج تقليها و تاكلها بدون خبز وكل ما اكلت اكثر منها كلما استفادت منها اكثر في القضاء على فقر الدم بالشفاء ان شاء الله

[yosra23]

الى كل انسان مريض بفقر الدم ماعليه غير ياكل كبدة الدجاج مكانش كيفها توكلها ومبعد تعاود تعمل تحاليل وتشوف النتيجة وااااااااااااااو الشفاء بدن الله كدلك العدس مليح

[omkadi amina]

شوفي هاذ الوصفة جبارة باذن الله عليك بالزبيب اليمني تجي حباتو كبار شكلهم كروي ولونهم اسود كي تنود فالصباح تاكل كمشة زبيب ومعاها كاس حليب لازم مع بعض باش معدتها ما تتاثرش بحلاوة الزبيب ويلا تقدر تبيت الزبيب في كاس حليب وتغطيه هاذا انفع واحسن وكامل الوصفات الي ذكروهم الاخوات ينفعو

[sayfelha9]

السلام عليكم
لكل انواع فقر الدم لم اجد وصفة انفع كهذه
1= ملعقة صغيرة عدس احمر إن وجد تحمص وتطحن
ويضاف اليها ملعقة عسل مرتا ن في اليوم
2= شاي نبات القريص""الحريق"" محلى
بالعسل مرتان في اليوم بالشفاء