ساعدوني خطيبي جنني

[khadidjaouahab2012]

السلام عليكم
عندي مشكل مع خطيبي بعد العقد حب يدير الفاتحة ويعطيني الشرط لكن هو لا يملك المبلغ امطلوب على هادي طلبلي باش ندبرلو شوية دراهم انا في الوقت الحاضر منقدش ندبرلو وهو محبش يفهم وراه يضغط عليا كل يوم مشاكل انا قلتلو مرانيش مقلقة عالفاتحة وجد روحك بعقلك كيفاش ندير معاه

[فاطمة1987]

لم افهم هل يطلب منك مالا ليعطيه لكي غريب امره واين ولي امرك اختي الغالية

[faraday_dz]

كاين مناطق الفاتحة تكون قبل الدخول بيوم او يومين واذا هذا من عاداتكم قنعيه انك تحترمي العادات و مجبتيهاش من راسك
والا وليك هو لي يقنعوا
وزيد الشرط علاه مزروب بيه وغلطوا انوا طلب مساعدة منك وهذا خطا كبير للراجل الله اعلم واش تفكيرو
على كل الله يفرج و يهديه

[khadidjaouahab2012]

hou teleb elmabelgh ka dayn men baad yereje3ou bechewiya

[faraday_dz]

اذا كان عندو مدخول ممكن بشرط يكون تعاون وبسترة
اما اذا بدا بنية التهرب من المسؤولية انا فرايي ما يحقلوش يحملك مسؤولية او يضغط عليك

[sarl02]

واش محنو للزواج كي موش قادر عليه وزيد مالقوق حاب يدي من عندك دراهم المهر ...والله يا الرجلة غير طاربيها الحمام كيما اقولو.

[دعاء المحبوبة]

صراحة
تعجز الكلمات امام هذا الموقف
ربي يكتبلك الي فيها الخير

[أم شيماءْ]

هذا غير منطقي تماما الشرطهو الي يدفعو يدبر راسو
حذاري تمديلو قبل الزواج طلب منك الشرط وكي تزوجو واش يطلب يتحمل المسؤولية من الان

[kamilia85]

alh alh youtleb menk enti!!!!!!!!!!!
ida ma3ndouch 3lah mazroub w ida mazroub yessalaf mn jiha oukhra ...3lah lazem mnk nti ??

[اكرامو26]

اسمحلي اختي بصح كي تمديلة صافي راحة تدفعي على روحك واسمحلي الصراحة هدا الكلام ماشي جاي كامل من الحق انو هو يدبر راسو كيراه مزروب ايمالا علاش رايح يتزوج الزواج مسؤولية كبيرة لازم يهيا نفسو ليها

[sali-sali]

كيفاش هدي انت تمديله دراهم الشرط نتاعك
كون روحتي انتي خطبتيه ودفعتي فيه وخلاص

علاه راه مقلق هكدا،انا شكيته راه محتاج دراهم في امور غير الفاتحة
واش قلقه كاين لي يفتحو اسبوع قبل العرس وعادي

[موج و صخر]

انا من راي : لا تعطيه المال
لانك انت قادرة تعطيه هذا المال بدافع حبك له
و هو مرةاخرى بعد الزواج سيعيّرك بذلك
قولي له اني صابرة حتى تدبر امورك

[hfhgffgvf]

و الله شيئ غريب صح فهمنا ما عندوش بصح يروح يسلف من جيهة اخرى بصح باه يطلب منك و يزيد يزيرك هدا ماشي مقبول و ماهوش من الرجولة المهر من حق الرجل من تعبو وادا ما قدرش يتسلف من عند اقاربو ماش من عند الي رايح يمدولها و لا كيما يقولك راه يطبق في المتل الي يقول من لحيتو بخرلو

[nibrasse76]

بصراحة هذا لا ينوي اكمال الزواج اصلا ...بل يعتبر الخطبة مشروع للاسترزاق ...واكيد انه فعلها كثيرا مع غيرك ...يعني يأخذ واش كتب ربي ..ثم ينسحب من المهمة .هذا النوع من النصب والاحتيال موجود ومنتشر ...من باب الحذر يجب اخذ الاحتياط .

[مريم سلمى الجزائرية]

السلام عليكم و رحمة الله و بركاته
أختي الكريمة كما يقال في أمثالنا الشعبية "كل دار لها باب" و أنت أختي لك ولي أمر من واجبك نحوه إعلامه واستشارته في كل كبيرة و صغيرة تتعلق بهذا الموضوع ،فتحظي بالإحترام اللازم من طرف الجميع
و تتقي شر الإهانات المتمثلة في هذا الطلب السخيف.

[لحن الفرح]

السلام عليكم
هذا محتال يا اختي اياك منه .

[شاملة لينة]

تكلمي مع الأسرة عن ظروفه ... والوالد يكلمه في أمر المهر و لا يبالغ فيه ( لأنه ممكن منطقتكم المهر فيها غالي) وهكذا تكوني في مرتبة عالية في عينه.............. أما تعطيلو الدراهم وهو يرجعهم من بعد فهذا غير معقول.
( هذا حاب يكون كيما الهند المرأة هي اللي تقدم المهر هههههههههههههههههههه.... آسفة كنت أمزح فقط).
أنت أدرى بوضعه إذا فعلا محتاج أو يكذب...............

[شقراء سوف]

العنوان كان من الاحسن ساعدووووووووني خطيبي يستغلني والباقي تفهميه وحدك

[sarah1424]

Hada lyoum mazemlti makich martou wf darou 9alek a3tini demain nchalah k tezewjou kifeh rayh ykoun m3ak y3awal alik tossorfi 3lih ? N9olk ma soeur khammi mlih m3a rohk hadi mech caractere nta3 rjal wrabbib yssahlk att twalfih tmedilou

[maiar]

انا نقولك ما تمديش مش محتمة نهار يلم صواردو يدير الفاتحة انا الشرط تاعي مدهولي من ورا الفاتحة بشهر ربي يسهلكم

[amirateljazayer]

كيفاش عقدتي قبل ما يعطيك الشرط؟؟؟؟؟؟؟

[مسلمة وافتخر17]

بدون تعليق

[khalida lana]

comment!!!!!!hh

[تالا تسنيم]

على السلامة أختي الكريمة

ياك في الأصول تكون............... الخطبة ................ و من بعد .......... الملاك او المحط الي هو المهر............ و من بعد العقد
و في الأخير الفاتحة ليلا و حنة العروس نهار الي بعدو...
و مباشرة يليها العرس اذا كان مخطط له أو معوض بسفر العرسان............... احنا هاكة عندنا.......... و انتي من اي منطقة أختي.... شا نقول لك أختي قولي له ما عنديش و هي فرات .............. ربي يقدر الخير و يحفظك و يسقم سعدك

تقبلي تحياتي

[hadyle]

الطلب تاعه غير منطقي وغير مقبول
كيفاش تعطيه الدراهم باش يدفع فيك حتى واركم عاقدين مشي من حقه

ربي يجيب الخير

[عذراء الجبل18]

وشبيه هذا ؟؟؟؟؟؟؟؟ على الأقل ميقحمش روحو في الزواج وهو ماوش قادر عليه والكارثة يزيد يطلب منك دبريلو هاذي محنة كبيرة
ربي يصبرك الرجولة عندها مواقف

[لينة71]

السلام عليكم
عندي مشكل مع خطيبي بعد العقد حب يدير الفاتحة ويعطيني الشرط لكن هو لا يملك المبلغ امطلوب على هادي طلبلي باش ندبرلو شوية دراهم انا في الوقت الحاضر منقدش ندبرلو وهو محبش يفهم وراه يضغط عليا كل يوم مشاكل انا قلتلو مرانيش مقلقة عالفاتحة وجد روحك بعقلك كيفاش ندير معاه

بالاك اختي تقعي في الفخ هو لازم يفهم راها جايتتو مسؤولية ولا زم يتحملها وهو لي يجيب الشرط مش انتى لانو ادا عاونتيه تعودي طول عموك وانتي تعاونيه وغدوة يعودو عندك اولاد كيف الحل...ولا تتسرعي في الزواج كيما يقولو ناس بكري اللياللي يقصب على كسرتو ياكلها نية .....لازم تفهميه هو الي حاب يتزوج بيك يعني المسؤوليلة جاينك يالا تحزم وتوكل على الله...وربي يهنيكم...احمدى ربي راه بيناك كل الشيئ قبل الوقت اعرفي كيفاه تمشي برك والله يعينك:19::19:

[biba04]

ههههههههههههههههااااااااااااااااااااااهههههههههههه ههههههههههههههههههاااااااااااااااااااااااااااااااا اههههه
سمحيلي ختي كي قريت موضوعك ضحكني وين راح عقلك هذا راجل ولا خلي راجلي ومن سلفلوش
ههههههههههه

[fati alg]

انا نشوق بلي ماش من حقو يطلب منك المال و زيد هاد المال راح يمدهولك
انا ننصحك اختي انظري في هذا الامر جيدا

[faty05]

غير الخير يا اختي
ماش هكذا يا بعدا
حاب يسلف يسلف علا روحو من عند خوه و لا صاحبو
و زيد انتي مش مزروبة
قوليلو وجد روحك و طم صواردك و يرحمها ربي وقت ما وجدت هديك هيا
بصح اذا زير عليك قوليلو نقودي ماراهمش عندي و راني سلفتهم قبل ما تطلب مني
وزيدي خبري باباك يا اختي به يعرف بلي راه واقف معاك به ما يتماداش في طلبو
راه حاب يزوج امالا يتحمل مسؤوليتو وحدو
و ربي يصلح لحوال