لا خير في قوم لا يتناصحون ولا خير في قوم لا يقبلون النصيحة

[wantedb13]

السلام عليكم يا خاوتي يهمني بزاف رايكم ..
انا شاب من العاصمة تحصلت هاد العام على ليسانس في العلوم الاقتصادية في دالي ابراهيم و ترشحت للماستر و تم قبولي
المهم ضرك حبيت نسقسيكم لوكان نلقى وضيفة مثلا متصرف اداري هنا نكمل نقرى ماستر ( عامين ) و نسمح فالوضيفة ولا نسمح فالماستر و نقبل بالوضيفة ؟ صح راهي تالفتلي اعطونا رأيكم ياو اتكلم ماتخليهاش في قلبك مع تحياتي .

[maam24]

أكمل أخي دراستك أصلا الماستار عام وفقط ومن بعد تبقى المذكرة ....المستقبل كله في الماستار وخصوصا اذا كان سنك ما زال صغير و الخدمة تجي تجي وانما الماستار ما تلقاش مستقبلا ....موفق

[عيسى قيرش]

وفقا لظروفك الخاصة ، اذا كنت تقدر تكمل كمل احسن والا فالوظيفة مهمة كذلك اتمنى لك التوفيق فيهما معا

[wantedb13]

شكرا على المرور ربي يحفضك خويا وي مازالني صغير سوية قريب ندير 23 سنة مشكووووووووور

[SIDALI1308]

le mieux est les deux à la fois

[!?زين الدين?!]

اخي من الاحسن ان تقبل بالوظيفة ويمكنك العمل ومواصلة الدراسة كما ان الدراسة لا تنهي ويمكنك في اي وقت مواصلة الدراسة اما العمل فانه يصعب يوم بعد يوم وهو في طريق الانقراض

[CHRA82]

rouh takhdem khouya ,,meme le master mawali ya3ni walou elghachi koul rahou ble master ,,,w doctorat raj3ate ki le bac ga3 les université am ymadou fih chaque année !!! mabkach espoire fles etudes universitaire en algerie ....asma3 klami ani fawate hyati fles etudes doka je cheche un travail makane walou crois moi ..sinon tu peu bloké tn poste une année rouh akra la premeier année deuxieme année tu as la these bon courage

[sabounimanal0]

لوكان جيت انا منك نحكم في الخدمة و القرايا نكملها من بعد. انا تاني رايحة نكمل بربي انشالله العام هدا و لما يسقسيوني تكملي ولا لا نقوللهم نخدم اولا.بالتوفيق اخي

[wantedb13]

صحيتووو خاوتي هاكدا عل الاقل تكون عندي نضرة و شكرا مرة اخرى

[فرناس وهران]

اخي الكريم كل و رايه
لكنني ان كنت انا كنت ساتوظف ان نجحت في مسابقة قبل النجاح في الماجيستار ثم بعد ان اتثبت في منصبي اتابع دراستي
و ان كنت قد نجحت في الماجيستار و قضيت نصف مشوار الدراسة اكمل الدراسة ثم افكر في العمل
وان كنت قد قد نجحت في كليهما في وقت واحد اختار العمل

[yacine-08]

اخي الكريم من الافضل العمل في عقود ما قبل التشغيل و تدرس في نفس الوقت

هكدا اكتسب خبرة خاصة بعد انتهائك من الدراسة و في نفس الوقت تطلع النيفو تاع ديبلوم تاعك

واستخر الله واتكل عليه فانه لا يخيب عبده .

[wantedb13]

اخي الكريم من الافضل العمل في عقود ما قبل التشغيل و تدرس في نفس الوقت

هكدا اكتسب خبرة خاصة بعد انتهائك من الدراسة و في نفس الوقت تطلع النيفو تاع ديبلوم تاعك

واستخر الله واتكل عليه فانه لا يخيب عبده .

انشاء الله خويا ربي يجازيك

[tgv16]

انا حكمت الخدمة وسمحت فالقرايا --- ليسانس متصرف اداري ومستار متصرف اداري وين راهو الفرق

[فرناس وهران]

كاين فرق اخي
ليسانس متصرف صنف 12
ماستر متصرف رئيسي مفتش مركزي صنف 13
ماستر لديك مكانية دخول الدكتراه ماغديش نشرحلك راك عارف من بعد
عندك ماستر عندك نقطة زائدة في التوظيف على اساس الشهادة
اخي الكريم فقط الوضع راه صعب من الناحية المالية باش تكون عاطل عن العمل
اخي صاحب السؤال
استخر الله و تسبب في رزقك و احسبها اخي ورقة و قلم و لا تنتظر
بالمناسبة هل تملك الاعفاء ؟؟

[فراشة الجلفة]

اخي الكريم انا كنت موظفة في اطار عقود ما قبل التشغيل ،ونجحت في الماسترفخيرت بين الامرين نظرا لبعد المسافة بين الوظيفة والدراسة
ولغبائي اخترت الدددراسة والان اكملت الدراسة واندب حظي لكن قدر الله وماشاء فعل
فخذالعبرة من قصتي.اذااستطعت ان تجمع بين الاثنين وبالمثابرة والعمل تستطيع ذلك,وان كان ولابد فاختر الوظيفة

[wantedb13]

كاين فرق اخي
ليسانس متصرف صنف 12
ماستر متصرف رئيسي مفتش مركزي صنف 13
ماستر لديك مكانية دخول الدكتراه ماغديش نشرحلك راك عارف من بعد
عندك ماستر عندك نقطة زائدة في التوظيف على اساس الشهادة
اخي الكريم فقط الوضع راه صعب من الناحية المالية باش تكون عاطل عن العمل
اخي صاحب السؤال
استخر الله و تسبب في رزقك و احسبها اخي ورقة و قلم و لا تنتظر
بالمناسبة هل تملك الاعفاء ؟؟

صحيح اخي عندك الحق لكن عندي سورسي برك و هاد العام نزيد نجيبو لأني ماركي ماستر يعني راني ضامن سورسي تاع عامين

[wantedb13]

اخي الكريم انا كنت موظفة في اطار عقود ما قبل التشغيل ،ونجحت في الماسترفخيرت بين الامرين نظرا لبعد المسافة بين الوظيفة والدراسة
ولغبائي اخترت الدددراسة والان اكملت الدراسة واندب حظي لكن قدر الله وماشاء فعل
فخذالعبرة من قصتي.اذااستطعت ان تجمع بين الاثنين وبالمثابرة والعمل تستطيع ذلك,وان كان ولابد فاختر الوظيفة

يا الفراشة يعطيك الصحة على رايك . لكن كل واحد نقصر معاه يقنعني بوجهة نظر ديالو سوا العمل او الدراسة المهم شكرا راح نديرها في بالي الحالة ديالك شكرااااااااااا