تسجيل الدخول

مشاهدة النسخة كاملة : ساعدوني ارجوكم

nassima amissan
2012-11-21, 12:01
انا طالبة من ولاية الجلفة عندي باك 2012 بمعدل 14.97 شعبة علوم بعثوني رياضيات و اعلام الي بجامعة باب الزوار و صراحة مقدرتش نكمل و كرهت لقراية صعبة جدا وصامطة و انا كنت حابة نقرا حاجة فيها علوم طبيعية :(:(:(:(
وفكرت نبلوكي العامبصح قالولي في باب الزوار صعيبة ياااااسر باش نبلوكي و فاتني تسجيل الباك و فاتتني فترة التحويلات
والله راني كل يوم نبكي حسيت حياتي تدمرت من نهار لي ديت فيه الباك عاونوني بارائكم من فضلكم
ma douce
2012-11-21, 12:27
شوفي اختي ماعندك ماتحزني مسحي دموعك وبركاينا من البكي وحياتك مادمرت ماوالوا قراي ودائما عرفي مدام الحية صعيبة يعني راكي قادرة عليها مهما مانت صعبة وماعليش عاودي الباك وقراي ماتبلوكيش عام وموفقة اختي وان شاء الله تقراي وتتخرج المهنة لي بغاها عقلك
تحياتي
nassima amissan
2012-11-21, 12:45
شوفي اختي ماعندك ماتحزني مسحي دموعك وبركاينا من البكي وحياتك مادمرت ماوالوا قراي ودائما عرفي مدام الحية صعيبة يعني راكي قادرة عليها مهما مانت صعبة وماعليش عاودي الباك وقراي ماتبلوكيش عام وموفقة اختي وان شاء الله تقراي وتتخرج المهنة لي بغاها عقلك
تحياتي


هههههههه خلاص مش رايحا نبكي :1: بصح والله غير صعيبة يا اختي و تزيد تصعاب كي تكوني تقراي في حاجة كارهتها و مسجلتش في الباك هاد العام فاتني الوقت
سطايفية بكل فخر
2012-11-21, 18:14
انا طالبة من ولاية الجلفة عندي باك 2012 بمعدل 14.97 شعبة علوم بعثوني رياضيات و اعلام الي بجامعة باب الزوار و صراحة مقدرتش نكمل و كرهت لقراية صعبة جدا وصامطة و انا كنت حابة نقرا حاجة فيها علوم طبيعية :(:(:(:(
وفكرت نبلوكي العامبصح قالولي في باب الزوار صعيبة ياااااسر باش نبلوكي و فاتني تسجيل الباك و فاتتني فترة التحويلات
والله راني كل يوم نبكي حسيت حياتي تدمرت من نهار لي ديت فيه الباك عاونوني بارائكم من فضلكم

مساء الخير غاليتي
اختي مرحلة التوجيهات الجامعية المت الكثيرين فعلمي انك لست الوحيدة التي بعثت لشعبة غير ما احبت ورغبت
ايضا اختي اعلمي ان كرهك للجامعة حالة طبيعية لانك تكرهين الشعبة وهي فترة وتعدي ان شاء الله فقط اعرفي كيفاش تسيري روحك باش متخسريش العام الدراسي
خاصة انك لم تحويلي ولم تسجلي للباك
لا تحزني على هدا اختي فعسى ان تكرهوا شيئا وهو خير لكم ربي بعدهم عليك هدا العام تعرفي نتي احسن من سبحانو؟
اختي نصيحتي ليك حاولي تقراي في باب الزوار باش غير تخرجي عامك انت سبي الاسباب وربي يعينك
ادا اعجبتك كملي فيها ادا لا العام الجاي بدلي الشعبة وديري تحويل ومتقوليش بلي مش رايحة نحبها
انا شخصيا كنت مثلك امنيتي الطب معدلي مسمحليش بيه وديموراليزيت وقررت نعاود الباك لكني مقريتلوش ومقدرتش نقرالولو لارحمة ربي و وقوف اصدقائي معايا وعائلتي كنت ضعيت الباك وقرايتي فالجامعة
لكن الحمد لله فورصيت روحي باش نقرا فالجامعة لشيء واحد اهلي لي تعبو عليا وتدريجيا وليت حبريت تخصصي وبطلت نعقب الباك ومقريتلوش وبعد مكانت الدنيا ظلمة في وجهي في اخر العام رحت عقبت الباك ونحجت فيه بلا منقرالو وايضا كلاسيت مليح في تخصصي ومدرتش تحويل والحمد لله انا الان نحب الشعبة لي نقراها وكون نجيب 19 فالباك نعاود نخيرها هي ببساطة لاني اكتشفت انو الطب حلم لكن مجالي انا وقدراتي لقيتها فالتقني

عارفة اختي طوبت الهدرة لكن نصيحتي ليك صلي صلاة الاستخارة واتكلي على ربي وروحي اقراي الرياضيات وربي رايح يعينك باش تخرجي عامك
وفي كلتى الحالتين انت الرابحة
تنجحي وتكلاسي مليح فالرياضيات
او تحولي وكي تخرجي عامك يسهلولك التحويل
بالتوفيق اختي متبكيش ومتقلقيش روزحك راهو ابتلاء من عند ربي وتفرا ان شاء الله فقط الصبر وعرفي كيفاش تسيري روحك والا تخسري عامك وانت مكي عندك باك ثاني ماوالو
بالتوفيق