احتقار الاساتذة للادبيين .........بين القنطة منهم والكره للشعبة

[انفال_28]

السلام عليكم .
حبيت اليوم نسالكم اذا انتم الادبيين تعانون مما اعاني منه والعديد من زملائي وذلك بسبب احتقار الاساتذة لطلاب الادب تعرفوا يقولولنا نورمالمو جامي تضحكو راكم ادبيين اندبو طول وعرض راهم دزوكم برك .
هوما في نظرهم انو القرايين يديروا علميين والله انا لما استاذة الادب شافت معدل السنة الرابعة لقاتوا 15 جات سالتني قاتلي علاه خدعتي روحك ودرتي ادبية؟ قلتلها وانتي علاه قريتي ادبية وراكي تقري فينا ضركة؟

انا اخترت هاذ الشعبة لاني حابة نروح لشعبة اللغات ان شاء الله والله كرهت نروح لليسي خاطر مرضوني بهدرتهم وهوما يندبوا وياكلوا في بعضاهم .

[بوضياف عبد الحق]

انا اخترت هاذ الشعبة لاني حاب نروح لشعبة اللغات ان شاء الله والله كرهت نروح للليسي خاطر مرضوني بهدرتهم وهوما يندبوا وياكلوا في بعضاهم .

[maya rosette]

كل حسب ميوله فأنا علمية لأني متمكنة من المواد العلمية و لا أفقه شيئا في الأدب
لكن عزيزتي عليكي أن تدركي أن الانسان هو الناجح أو الفاشل و ليست الشعبة هي التي ناجحة أو فاشلة و المهم أن تحققي نتائج في المستوى و الادبيين من بينهم الكثير من المبدعين
و الأدب شيء الذي جعل مستواه منحط هو مثل هذه الأفكار فإن ذهب كل الممتازين (و غالبية الممتازين يكونون ممتازين في كل المواد) علميين لن يبقى في الأدب إلا الضعفاء لذا يجب اعادة الاعتبار للشعبة
و أنصحك أن لا تجعلي مثل هذه الأفكار للجهلة تسيطر عليكي

[مـجيد]

في الثانوية و لا الجامعة ؟؟؟؟؟؟؟؟؟؟؟؟؟

[نميرة 08]

أختي أنا مثلك أدبية دو معدل 18 في رايك لمادااخترت هده الشعبة ؟ ببساطة لانني أحب اللغات خاصة الإنجليزية
نحن لا اتحد يحتقرنا بل يبجلونا تبجيلا لا يفرقون بين العلميين و الادبيين و لانهم أعلم بمستونانا يحفزونا
حتى و ان احتقروكم فهدا لا يعتبر سببا للتراجع بل محفزا للأفضل ان شاء الله
إدا وريلهم شظارتك في الامتحانات و خدي علامات ممتازة ليقتنعوا
لو كنت مثلك لأعجبني بالعكس لانني و ببساطة
..
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.أعشـق التّـحديْ :cool:

[houda-dz]

زالله نكل مرضونا الاساتدة أنا كرهت الليسي لي يجي متحلف طول فينا حاسبينا دواب ولا كاش حاجة كيما منفهموش ؟؟ منقراوش ؟؟؟ واللله منعرف المهم اي حالة

[JOKER 28]

والله صح كاين منها

[JOKER 28]

وقد صدق من قال : الغرب ليسوا عباقرة ونحن لسنا أغبياء؛ هم فقط يدعمون الفاشل حتى ينجح، ونحن نحارب الناجح حتى يفشل!

ربي يستر

[السراب الاخير]

مديريش عليهم اختي واصلي طريقك لانهم حابين يهبطولك المورال برك ..
لازم تبينيلهم ان الادبيين يقراو افضل من العلمي وبقرايتك تقتليهم بالبارد..
موفقة ان شاء الله

[icherak_karamila]

لا اختي مديريش على هدرتهم انا متلك جبت البيام 14 وقعدت الاستاذة تقولي علاش درتي ادبي كون درتي علوووم ودايمن تقولنا كون راكوو تستحووو انا نعرف بنات والله انهم طلعووا انقاذ في البيام ودارو علمي وكون عينا في العلمي قادرين عليها حنا مي كيما قالت الاخت انا راني حابة لغات وعندي تمكن في اللغات احسن من الرياضات واصلالا الاستاذة هادي هيا قرات ادبي علا هاديك راهي تقري اجتماعيات او عربية,,,,,,,,,,,,الخ متدريش عليهم حنا استاذتنا نلوحوها في الثقيل ونخلوها تحكي وحدها وحسبنا الله ونعم الوكيل

(ذهبنا نتعلم فاصبحنا ننتقد)

[الدلفين]

الإبداع متساوي في أيّ مجال

[انفال_28]

انا هكا قلت للاساتذة نتاع الادب والغات قتلهوم لوكان ماقريتو اداب ماراكو اساتذة اصلا فامهم مشركين في باااطل

[يسرى وهران]

علابالك يا أختي حنا أدبيين نتعاملوا مع أشخاص ولكن علميين يتعاملوا مع آلات ( عفوا اذا ازعجكم كلامي )...

[ام البنتين]

اخت العريزة انا ادبية ايضا بمعدل 18
اخترت هذه الشعبة عشقا في للادب وولها باللغات رغما انني متفوقة في المواد العلمية و رغبة مني في تغيير هذه النظرة التافهة المعاكسة للمنطق
عزيزتي اغلب السفراء و الوزراء ادبيين دكاترة القانون ادبين واعظم الفلاسفة ادبييين هذه زيادة عن الروائين والكتاب والشعراء والمترجمين والصحفيين
وانا اكثر امر يزعجني هو ان بعض اساتذة الادب و الاجتماعياات هم مخترعوا هذه الخرافات
عجبا فغهل كان هؤلاء علميين
انني اقف باستعداد وارفع القبعة لهذه الشعبة الولادة

[susan06]

oukhti ana kifek exaact la class ta3na ga3 y7e9rouh men li nedekhlou lel lycée w houma b les convocations ga3 khelik menhoum li hab ye9ra ye9ra wahdou machi obligé chikh é wlh 3andek l7a99!!

[Xeon]

و الله يا أختي نفس المشكل نواجه فيه ألاساتذة شبعوا فينا رخس و مافهمتش علآش و كاننا دواب مثلا --' انا المعدل تاعي في البيام 13 و كنت قادر ندير علمي لكن عندي قدرات أفضل في اللغات رحت ادبي و ان شاء الله في الامتحانات نعتلهم شكون هو الأدبي و ماتهتميش بزاف بالكلام تاعهم ركزي على قرايتك اختي ’ تحــــــيآتي .

[mizfaysal]

اخترت هاده الشعبة لئنه يوجد 100 قسم علوم
و 2 اداب فقط
+ لا يهمك اساتد لمن يقولكم لا تضحكو
انا اداب مي عقليتي ماشي ادابي مليار بامئة
الادبين لازم يكونو عقليين لازم يبكيو لازم يكنونو مضمرين علعام
ولكن العكس
الادبيين يطلعو و الكلاب تنبح

[rahma.b]

rabbi yjib lkhir nchallah....w rabbi yahdi les profs kima hadoo....3o9ool saghira

[النجمة الكورية]

انا اختي علمية والحمد لله مقتنعة بها لانني لا احبذ الحفاظة ومع ذلك ديما هكا نحفظ والاساتذة ماديريش عليهم زعما كامل راحوا للعلوم باش يوليو اطباء قوليلهم انا مقتنعة بيها اصلا راكي متقدريش تقراي حاجة ماكيش مقتنعة بيها حسبي الله ونعم الوكيل على هذا النوع ن الاساتذة . ويقولو الناس الجيل هذا ماش مليح
وشكرا على مشاركتك معنا مشكلتك وأرجوا ان تحققي ما تتمنيه والسلام عليكم ورحمته الله تعالى وبركاته

[kaka159]

hna Merra Chikh 9alna Ya Al adbyiiiin Normalmant Mathdroch :D

[سمية بنت الخياط]

عذرا اختي لكن العلميين لا يتعملون مع الات قد يكون للادبيين مجال اوسع في التعبير ولكن هذا لا يجعلك تقولين ان العلميين يتعاملون مع الات فالعلميون يعطون لكل رقم مجرد معنى كما ان الادبيين يعطون لكل حرف صامت وقعا لهذا فاني اقول ان لكل من المجالين مزايا وابداعات وعلى الطالب ان يختار ما يروق له ولكننا بشر ولا نتعامل مع الات حنايا مالا في الليسي انتاعنا يحترمو الادبيين بقدر ما يحترمو العلميين سبحان الله العلمي يتعامل مع الة

[mohammed lamin]

أدبي رافع راسي أحسن من علمي ما يعرف والو

[قَاسِمٌ.قَاسِم]

لا تستمعي لآهات نفسك ولا تنقصي مستواك واعملي بجد ومثابرة ولا تلتفتي لأشباه الأساتذة الذين تسببوا في ضياع الكثير من أبنائنا وبناتنا علىجميع الأصعدة النفسية والتربوية والتعليمية وحتى التواصلية
رعاك الله

[قَاسِمٌ.قَاسِم]

السلام عليكم
تدرس عندي تلميذة معدلها في شهادة التعليم المتوسط 17.؟؟ وتوجهت إلى الأدب
ووالله الذي لا إله غيره حدثني أستاذان لمادة الرياضيات أنه لا نظير لها حتى في التقني رياضي "في الرياضيات" وهي الآن تدرس لغات وهي على رأس قسمها
المهم الرغبة والإرادة والجدُّ

[هبوب]

انا ادبية بصح الاساتذة مايقلناش هكدك يقلونا كل واحد واش يفهم