فول عاشوراء

[le chameau]

بالرغم من ان الفول اليابس راه غالى عندنا بصح ما نتخلاوش عليه يوم عاشوراء المهمهاهى الطريقة 1كلغ فول يابس ولا كيما تحبي تشمخيه من الليل و فى الصباح بعد ما تغسليه ديريه فى الكوكوت زيديلو الماءملح و العظم لى خليناه من العيد و راس الحانوت و فلفل حار و كمشة تمرو خليه يطيب مليح كى يطيب حنا فى الصحراء نخرجو منو صدقة طباسا صغار لكل الجيران و شهية طيبة والله الذوق هايل حلو و مالح و حار و ما تنساوش الصيام ان الله يغفر ذنوبنا

[ام فريال]

اول مرة نسمع بهذا طبق ايبان شهي كل عام وانتي بخير

[سوسو95]

احنا تاني نديرو الفول بصح معاه غي الملح برك

[le chameau]

جربوه وتشوفو شحال بنين احنا فى دار اهلى نديروه مالح و لكن اهل زوجى يديرو الطريقة لحطيتها و الله احسن من المالح و كل عام وانتم بخير

[أم شيماءْ]

ولله طريقة جديدة
شكرا لك انك عرفتينا على عاداتكم في عاشوراء
وكل عام وانتم بخير

[ام ملاك.]

يعطيك الصحة حنونة

[scorpionoir]

اكلة جديدة عليا ان شاء الله نجربها ونشوف احنا في عاشورة نديرو بربوشة ولا شخشوخة بلحم نكونو خليناه من العيد نقولولها جنبة عاشورة

[dahbia2009]

اول مرة نسمع بهذا طبق ان شاء الله نجربها
ايبان شهي
كل عام وانتي بخير

[le chameau]

شكرا اخواتى لى تجربو تقول رايها بصراحة

[عطوفة]

ما نعرفش هذا الطبق .اعطينا كيفية تحضيره من فضلك ..

[terrou]

Meeeeerciiii

[le chameau]

الى الاخت عطوفة الكيفية رانى كتبتهلكم فى الاول

[عطوفة]

المعذرة اختي ا لكريمة ..قريت العنوان برك ..شكرا لك على هذا الطبق اللذيذ من اعماق صحراءنا الشاسعة .احبكم في الله ..

[الصوامعية]

شكرا جزيلا أختي

[le chameau]

لا شكر على واجب حنا كاين dejaلى بعتولى الفول اممممممممممممممم حار و سخون و حلو