يوم عاشوراء

[le chameau]

يوم السبت عاشوراء واش هى عاداتكم ما هى الاكلات التى تقدموها احنا فى الصحراء تقريب الكل يطيبو الفول اليابس و يقع التبادل بين الاهل و الجيران و الاحباب رانى رايحه نشوف غذائي راه طاب لاخاطر نخدم على 00 8 وكى نجى نقلكم كيفاه نحضروه لاننا نديروه حلو بالتمر كى نجى نلقاكم كتبتو عداتكم و تقاليدكم

[أم أولادي*]

؟؟وعلاش عاشورا بالسبت ماشي بالخميس؟حنا نديروكسكسى ولارشتة باللحم ونديرو شربة فريك من اجل الصيام تاسوعا وعاشوراتقبل الله صيامكم وغفر لكم ماتقدم وتأخر من ذنب

[feuilleblanche17]

حنا نديرو طعام باللحم

[الامل نور]

احنا نكوني صايمين ان شاء الله نديروا شربة فريك و الطبق التقليدي رشة بالدجاج

[sarra5]

hnaa ndiro chakhchokha wela rechta wela couscous

les plats traditionelles

[crono]

حنا نديروكسكسى ولارشتة باللحم ونديرو شربة فريك من اجل الصيام تاسوعا وعاشوراتقبل الله صيامكم وغفر لكم ماتقدم وتأخر من ذنب

[ام عبيدة]

حنا نكون صايمين نديرو شربه فريك و دوزيام بلا وسلاطه

وكاين لي ما يصوموش يديرو الكسكس بالحم

راني نسني باش توريلنا كيفاش اطيبو الفول

مشكوووووووووووووره

[ام ملاك.]

حنا نديرو اطباق تقليدية ياطعام يارشتة يا شخشوخة امممممممم فكرتيني

[أم شيماءْ]

حنا نديرو الفرمسة باللحم او كسكس حنا في سطيف نقولولها بربوشة

[chirouette]

نديرو رشتة

[أم ياسين الزهراء]

اذا كتب ربي ندي شخشوخة الضفر درت تاع المسمن في محرم

[Rose19]

احنا نديروا واحد من الاطباق: بربوشة (كسكس) و لا شخشوخة الضفر و لا الفمرسة ( الرقاق او المسمن كيما يسميه البعض) و اذا صمنا (باذن الله ) نزيدو شربة فريك.

[تينا ماريا]

سلام
احنا نديرو شخشوخة ولا تريدة المهم طبق تقليدي و السهرة نديرو قشقشة (مكسرات مع حلوى ).

كل سنة و انتم بخير بمناسبة عاشوراء.

[salam algeria]

شكرا في العادة يديرو في جيهتنا شخشوخة باللحم من تاع العيد يخليو سبيسيال للعاشورة لكن في دارنا نديروها بالدجاج و ملي تزوجت ما درت عشاء عاشورة ننسى عليها لكن العام هذا بربي ان شاء الله مع المنتدى راني متفكرة

[le chameau]

شكرا حبيباتى ولو اننا عندتا تفس التقاليد نحن كذلك نذيرو العشاءتاع عاشوراء و نصيمو تاسوعا و عاشوراء ام عاشوراء و احدى عشر اما فى عاشوراء واو تاسوعا نفرقوا الفول كما قلت سابقا

[جهيدة تيارت]

صيام 9و10 نديرو الحريرة نتاع المرمز والزواجة باللحم والسلاطة والحلو والديسار
ومن بعد المخلط

[ميرثا]

حنا فجيجل نعملو بويشة

لهي خليط من دشيش وتمر وهي اكلة تركية ان شاء الله نخدموها

هد المرة ونحطهالكم الا حيانا المولى

[ام سارة ورقية]

حنا مانحتافلوش يعاشوراء
لازم نخالفو اليهود والشيعة
وبطبيعة الحال هو ليس عيد

[بريكية]

حنا مانحتافلوش يعاشوراء
لازم نخالفو اليهود والشيعة
وبطبيعة الحال هو ليس عيد
السلام عليكم يا اختي راكي غالطة حنا منحتفلوش في عشوراء علا جال اليهود ولا الشيعة حنا نحتفل لاجل انو في مثل هذا اليوم نجى الله عز وجل سيدنا موسى لهذا حنا نحتفلو وهذا مخالف تماما لشيعة الي هذا النهار عندهم نتاع حزن على الحسين ابن علي الي قتلوه صححي معلوماتك

[catia]

احنا انديرو كسكسي بالخليع انا شجصيا ما ناكلوش بصح هي عادتنا والخليع اوالقديد كيما ايسموه اخرين ايكون من اضحية العيد لهذا العام كل عام والامة الاسلامية بخير

[lamiak1]

حنا نديرو الكسكس باللحم وعادة محلية شوية لحم من العيد

[salam algeria]

حنا فجيجل نعملو بويشة

لهي خليط من دشيش وتمر وهي اكلة تركية ان شاء الله نخدموها

هد المرة ونحطهالكم الا حيانا المولى
اهلا اختي و الله فكرتيني كي كنت في الجامعة كانو يهدرولها الجواجلة لي معانا عليها نظن يديروها بالسميد و التمر و حوايج اخرين و يحشيوها في مصران و يفوروها ولا يغليوها في الماء ما نيش متاكدة صح و لا راني نخلط

[b030771]

كيف يصنع لرقاق

[Roumaissa 30]

احنا في عاشوراء و كيما كامل اهل الصحراء نقسموا الفول كاين لي يديروا مالح و كاين لي يدورا حلو
المهم كان بابا يحكيلي على تقاليد كانو زمان يتلموا كل الاطفال الصغار و يمشوا على شكل قطار و كل واحد في يدو وعاء و يطبطبوا على الديار باه ياخذوا الفول و هم يغنوا اغنية نسيتها منبعد نسقسي بابا عليها