انصحوني ,,, سلفتي ولات جارتي

[الملكة]

.......................

[sarl02]

ياخي حالة ياخي اتقول راكي رايحة اتوكليها وترفديها فوق راسك ..وامبعد كي ولات جارتك رايحة تاكلك؟؟ ياخي راهي تسكن في منزلها الخاص وكل واحد في حدو ...زيني النية وخليك مالحيلة والتفكير الناقص باش يفتح عليك ربي من واسع ابوابه.

[sali-sali]

علاش اغلب النسا يحبو غير نفسهم واش هدي الانانية
نورمالمو عجوزتك في مقام امك وادا قعدت عندك كامل حياتها وماهوش مشكل

تقول رانا رايحيين نقعدو غير حيين ومانموتوش

انا مانظنش سلفتك سامطة لهدي الدرجة ممكن تجيك ضيفة لكن مش لدرجة كل وقت
ايا قوليلي انتي ماتروحيش ضيفة عنهم
بكل صراحة يستقبلوك مليح و لا لا؟؟

[sali-sali]

علاش اغلب النسا يحبو غير نفسهم واش هدي الانانية
نورمالمو عجوزتك في مقام امك وادا قعدت عندك كامل حياتها وماهوش مشكل

تقول رانا رايحيين نقعدو غير حيين ومانموتوش

انا مانظنش سلفتك سامطة لهدي الدرجة ممكن تجيك ضيفة لكن مش لدرجة كل وقت
ايا قوليلي انتي ماتروحيش ضيفة عنهم
بكل صراحة يستقبلوك مليح و لا لا؟؟

[مريم الصابرة]

السلام عليكم اختي
منك صح سلفتك ودبري رايك معاها من حقك ما تجيش تزورك ولو نشوف الامر عادي قادرة تحطي منمها العين تفهمها لكن عجوزتك تضايقت منها وإذا مرضت او ما عندهاش دار ترميها إسمحيلي في هذي اختي ولو كنت خدامة عادي روحي تخدمي وهي راهي فالدار هذي دار وليدها كيما دارك
مانعرف واش نقولك ممكن جيبي حاشاك كلب وحطيه عند الباب وهكذا ما يقربوش وما رانيش نتنسخر لأانو ممكن فالحالة هذي ما يجوش ليك لأنو راكي تقولي سامطين يعني ما راهمش رايحين يتحركو على سلفتك عادي بينك وبينها لكن عجوزتك والله حبست من راسي كيفاه تتضايقي منها وإسمحيلي هذا راي إنت حرة موفقة

[كاميلا]

ههههه عذرا بصح ضحكتيني
اوكي سلفتك مدام عندها دارها حطيلها حد باش متصمطش بروحا
لكن اختي عجوزتك بالاكي وتولهي ديريلها جاست ماشي مليح هذي ام زوجك وشبيك تقعد كيما تحب دار وليدها بصح الاخريات سلفتك عندهم ديارهم يروحوا يضيفو فيهم هههه
وزيد يا اختي ربي يهديك هذا هو الزواج ماذا تضنين ؟ واحد ميجيك ؟ حطي في بالك دخلتي لعايلة جديدة لازم تندمجي معاهم وان لم تريدي
ومادامك تعملي راكي في النهار في العمل وفي الليل في الدار كيفاش رح تضيف هاد السلفة؟
وزيد عجوزتك راضيها وكي تجيك راح تنحي عليك تحكملك لولاد وتهنيك شوية

[ما فهمت والو]

السلام عليكم
لوكان كنتي زوجتي وسمعت منك هاد الهدرة قسما بالله ما تزيدي ساعة معايا في الدار تلمي قشك و ترجعي لدار والديك حنونة لانو اللي ما تقبلش اهلي ما نستحقهاش زوجة
يجو خاوتي و والدتي و يقعدو شهر اتنين عشرة و ماكان حتى مشكل و ادا ما قبلتيش انظن دار باباك راها مفتوحة

[ما فهمت والو]

وزيد عجوزتك راضيها وكي تجيك راح تنحي عليك تحكملك لولاد وتهنيك شوية
من مساويء الزوجة العاملة حتى مستوى التفكير ينحط لدرجة لا تقارن
ام الزوج كي تزور ولدها باش ترتاح ترجع تعاون تحكم الاولاد
ربي يهدينا برك
اللي تخمم هكدا في امي تبقا في دارها خير

[رُقية]

الله يهديهم ويهدينا اللهم امين

[#31#MAKADAM]

السلام عليكم
لوكان كنتي زوجتي وسمعت منك هاد الهدرة قسما بالله ما تزيدي ساعة معايا في الدار تلمي قشك و ترجعي لدار والديك حنونة لانو اللي ما تقبلش اهلي ما نستحقهاش زوجة
يجو خاوتي و والدتي و يقعدو شهر اتنين عشرة و ماكان حتى مشكل و ادا ما قبلتيش انظن دار باباك راها مفتوحة

العن ابليس ما صرا والو :1:

[شقراء سوف]

نتخيل في هدرتك هاذي تقولها مرت خويا علينابعد ميتزوج يااااااااااااربي قداش كلامها يكون جارح مهما نكونو صعاب معاها لانو في الاخير دار خويا ونحبو نروحو ونجو عليها لا والي غطات وفرشت منرضاش لميمتي تقول عليها كنة لا راحت ولا جات كلام كيما هذا
ياااااااااارب مطيحناش في عقليات كيما هكذا ولا تحطنا في مواقف كيما هكذا يااااااااربي ولا تجعلنا نقولو كلامك هذا

[abdelwahed.wahi]

دار خوها و دار وليدها........الله يحنن لقلوب.

[ما فهمت والو]

العن ابليس ما صرا والو :1:
يا اخي هدا هو الحل لنسا اخر زمان كيما هادي اللي يقيس عايلتي بهدرة راه قاسني انا و ما نتساهلش معاه

[ما فهمت والو]

كلام في غير محله

[ميمي مانو]

ماكل هذا الاخت طلبت رأيكم وانتوما درتو على بغضاكم ؟؟؟؟؟؟؟؟؟؟
اختي مدامها جارتك يعني طولت ولا قصرت راح تروح لدارها وسلافاتك وعجوزتك علاه تربطي زيارتهم لبنتهم بزيارتك علاه محتم كي يجيوها يجيو عندك ؟؟؟اكيد لا انت ممكن الخطأفي طرح مشكلتك انك ماعرفتيش تشكي والكل فهموك غالط على هدا مكيش راح تستفادي شئ وكل الردود راح تكون ضدك فأول كلمة ممكن الانسان يردلك بيها بعد ماسمعك تشكي من الجار راح نذكروك بوصايا الرسول في حق الجار
سلاااااااااام حاولي اذا فهمناك غالط صححي الموضوع واذا هذا قصدك ربي يهديك ويحنن قلبك

[ام ملاك.]

حبيت نفهم حاجة المشكلة اللي طرحتها امراة ماشي راجل واش دخل الرجال بيننا؟؟؟؟؟؟؟؟؟
شوفي اختي اذا كان على سلفتك حطي حدود معاها برك واذا كانت مليحة نورمال اذا قصرتي معاها
واذا على عجوزتك اذا جات بالعكس لازم تفرحي بيها والله غالب راهي تعرف بللي انت راكي خدامة وماشكيتش رايحة تقولك حبسي خدمتك على جالي انت ربي يعاونك وهي دار وليدها
مالازمش تكرهي الناس بزاف وتخيلي تكون يماك حابة تجيك ويقول راجلك نفس الهدرة اللي قلتيها على يماه؟؟؟؟؟؟
ماتحطيش روحك في مواقف وتديري مشاكل من والو اللي تقدري عليها ديريها واذا ماقدرتيش راكي في دارك
الله يهنيك

[الباتنية 19]

ياخي حالة ياخي اتقول راكي رايحة اتوكليها وترفديها فوق راسك ..وامبعد كي ولات جارتك رايحة تاكلك؟؟ ياخي راهي تسكن في منزلها الخاص وكل واحد في حدو ...زيني النية وخليك مالحيلة والتفكير الناقص باش يفتح عليك ربي من واسع ابوابه.


تمنيت لوكان كانت الحكاية مقلوبة يعني مثلا رجل يتحدث على نساباتو واش كنت راح تقولو:confused::rolleyes:

[imi25]

السلام عليكم
حاولي اكسبي عجوزتك وكلش راهو يفوت والدنيا ماش دايمة مهما دارت فوتي ومدامك خدامة ساعة على ساعة اشريلها حاجة لاشة خمار او جوارب لشتاء
اما عن سلفتك لازم يكون حدود متحكيلهاش اسرارك بصح لكان جات عند في امسية قومي بيها ديريلها سنيوة تاع قهوة ولكان طيبتي حاجة مليحة وتقليدي ابعتيلها صحن او في مناسبات كالاعياد ابعتيلها بصح خلي حدود معاها متكتريش الهدرة ,,,,,,, وعيشي حياتك عادية متعسيهاش بزاف واش دارت واش شرات اي خرجت اي راحنت ,,,,,,,,,,,,,,,على خاطر راكي تمرضي وتهبطي النيفو تاعك مدامك خدامة راكي قارية وواعية
ربي يوفقك ويهنيك

[جمال الدين الأفغاني]

السلام عليكم

مع ان الموضوع قد حذفته صاحبته لكن من الردود يمكن ان نفهم مضمونه

أقول كلمة واحدة فقط النبي صلى الله عليه وسلم كان يوصيه جبريل عليه السلام بالجار

حتى ظن انه سيورثه وقد قابل النبي صلى الله عليه وسلم جاره وهو يهودي

إساءته بالإحسان حتى دخل الاسلام بسبب معاملة النبي له

وهذا يهودي وقد عامله هكذا فما بالك جارتك مسلمة ومن الأهل

يعني أظن أن حساباتك تحتاج الى مراجعة والله المستعان

ملاحظة : إخواني اعلموا ان هناك العشرات ممن يقرؤون

ردودكم وفيهم الصغار والكبار الجزائريين وغير الجزائريين

فماذا بيكم تعطوا صورة جيدة وحسنة عنكم بردودكم

لا أن تجعلوا من ردودكم تعطي صورة عكسية مع ان

الجميع فهيم الخير لكن لحظة الغضب يجب السيطرة عليها وإحسان الظن

قدر الإمكان لنتجنب المشاحنات التي لا تقدم شيئا بل تزرع النزاعات بلا فائدة

والله المستعان