اللي تعرف تخدم خبز تقليدي قبائلي بالزيتون تتفضل [الأرشيف] - منتديات الجلفة لكل الجزائريين و العرب

مشاهدة النسخة كاملة : اللي تعرف تخدم خبز تقليدي قبائلي بالزيتون تتفضل

قمر الخلق

2012-11-19, 06:27

http://up.arab-x.com/May12/kO500298.gif
كيفكم
ان شاء الله في تمام الصحة والعافية والسعادة

بما أننا في وقت جمع محصول الزيتون قررت هاد العام نعمل الخبز التقليدي القبائلي اللي يديروه ببقايا الزيتون بعد عصره (اللي نسوماها بالعامية شلمة) ان شاء الله تكونو تعرفوها وتساعدوني
ما عرفتش كيفاش نخدم هاد الخبز
الله يخليكم ما تبخلوش علي يا لوكان بفكرة بسيطة

يا الله يا فحلات

هاتو واش عندكم

ام ملاك.

2012-11-19, 11:40

راني في بلاد القبايل وجامي شفتهم يخدموه اسمحيلي
بالاك النات يفيدوك

أم احمد3

2012-11-19, 11:45

انا تاني قبايلية عندنا معصرة لكن لم اسمع بهذا الخبز ان ساء الله نلقاو وحدة تعرفوا بلاك راح مع العصرنة

قمر الخلق

2012-11-22, 06:40

شكرا لكما على المرور
الخبز هذا يشبه الفطير ويعملوه بالزيتون معروف بزاف عند القبايل بالأخص منطقة بجاية تيزي وحتى بومرداس

لينا11

2012-11-22, 10:07

يا أختي انا من بجاية بصح جامي سمعت بيه
وضحي اكثر بلاك نعصر مخي ونجبدهولك ههههه

ام ملاك.

2012-11-22, 14:50

قمر الخلق

2012-11-23, 06:49

والله راني في بجاية وجامي سمعت بيه هذاك اللي قلتي عليه واسمو اموروج وياكلو بيه بالكسرة معناها يغمسو الكسرة فيه وباكلوه بصح يطيبو فيه والله ماسمعت بيها
كاين كسرة بانواع الحشيش انتاع الربيع بصح هكذا الله اعلم بالك مع الوقت نساوه مع اني ما ضنيتش خاطر عجوزتي تطيب غير الحوايج القدم ماتعرفش الماكلات جدد مي والله نسقسيهالك ونشوف بالاك كانو يديروها بكري

شكرا على الرد اختي
والله العظيم حيرتوني
هذا الخبز معروف بزاف عند القبايل ونتذكر كي كنت صغيرةكانت تخدمو جدتي
المهم هو على نفس الطريقة للخبز للي تكلمتي عليه الخبز اللي بالأعشاب الفرق فقط
يخدموه بواش يبقى من الزيتون بعدما يعصرو منو الزيت وينزعو البذور
سقسيلي وجاوبيني الله يخليك
خفت نخدمو كيما راه في راسي وما يجيش بنين

khadidja"h

2012-11-27, 12:57

انا والله ما نعرفو بصح شهيتيني ليه راني حابة ندوقو..........
بالتوفيق ليك

Farida_dz

2012-11-27, 15:41

السلام عليكم
يا اختي الواحد راه صايم زدتي فكرتيه في هد الكسرة
انا نموت عليها جي كالمحكوكة
انا نعرف ناكل بارك ما نعرفش نديرو
كيجي الوالدة تاعي نقولك على الطريقة تاعو علاباي بلي بسميد وهداك الزيتون مع زيت الزيتون مي الطريقة بالتدقييق ما علابابيش
يااااااااه مع هدا البرد تاكليها سخونة مع زيت الزيتون حاجة اخرى