فيروس بين الاخوة

[soso sirin]

الكثير من بيوتنا اصبحت تعاني من فيروس شديد الخطورة و هو المشاكل بين الاخوة سواء مشاكل بين الاخوة و الاخوات او حتى بين الاخوات و الاخوة بيما بينهم .ماهي الاسباب التي تؤدي الى هذه المشاكل.و هل هناك ندم يحدث بعد قيام حرب ضروس و احيانا تصل الى استعمال القوة و لا نكتفي بالكلام فقط .هل تستعمل اسلوب المقاطعة و كم تدوم .هل للوالدين دور في حل هذه المشاكل و قيامها.ماهي اصعب المشاكل التي تواجه الاخوة .كيف نستطيع بناء اسرة متماسكة و قوية مبنية على المحبة و الرحمة.انا هنا اريد الحديث عن الاخوة و الاخوات وهم في مرحلة النضج و ليس الاطفال او القصر .صعب جدا ان تصل بك ان تتكلم في اخيك اقسم انه شعور فضيع يقطع القلب قبل اللسان فكيف لنا ان نقضي على هذا الفيروس الخطير و كيف لنا ان نداوي جروح الاخوة دون ان يتنازل كل اخ عن كرامته.هل حينما يغيب الوالدين احدهما او كلاهما يؤدي هذا الى زيادة المشاكل و ابتعاد الاخوة عن بعضهم.اليكم الخط

[نورسين.داية]

اعتقد أن لو كل إنسان في الإطار المنزلي عرف ما له و ما عليه من إلتزامات و حقوق ...لن يكون هناك أي خلاف ......و الصراحة هي التجاوزات التي تحوي داخلها الأنانية هي التي تخلق التصادم ....... و لو بوجود الوالدين .......في بعض الحيان يكون وجود الوالدين كعدمه

ربي يهدينا و عافينا يا رب ..........سواء كنا إخوة أشقاء ....او في الإسلام

[رُقية]

يصلح الابناء ادا صلح الوالدين الاولاد كي تكون التربية مليحة والصرامة ومراقبة تصرفاتهم من قبل الوالدين ماتكونش هاد الفيروسات

[شيء من رجاء !]

حياك الله عزيزتي
الحمد لله لا يوجد لدينا هذا الفيروس في المنزل لا بين الإخوة ولا بين الكنات ، اللهم أدمها نعمة .
لكني ألاحظ وجود هذا الفيروس في المنتدى ويتنقل من قسم إلى قسم :)

[محمد...عبد النور]

السلام عليكم و رحمة الله و بركاته أختي وسيلة
كنت أسمع عن هاته المشاكل او التنافر بين الاخوة في الاسرة لكن ظننته انه مجرد سوء تفاهم عابر لا يلبث ان يذهب ادراج الرياح و لكن لمسته مرة بين اخواتي اذ احيانا تقوم الحرب الضروس لاجل اسباب تافهة او عادية و لا احد يمكن اخمادها الا بإلزامهم بالسكوت بالقوة فينتهي الامر
لكن تبقى تلك الشحنة في القلب ما تلبث ان تنفجر كلما أتيحت الفرصة لذلك
و رغم محاولات الوالدين التهدئة الا انهم لا يستطيعون اخماد الجمر الذين يشعل القلوب غيضا
و في الكثير من الاحيان و بعد استقلال كل فرد عن الاسرة يظهر ماكان في قلبه اتجاه من لا يحبه فنراهم يتحينون الفرص لاظهارها و اذا ظهرت فصعب اخمادها فقد تورث للابناء و تصبح المقاطعة في الاسرة لشخص او عدة اشخاص او يصبح تكتل ضد تكتل و هذا من الفرقة المذمومة
و حين تصير الامور الى هذا الحد فالافضل للشخص ان يلتقي بالناس في الخير و يعرف المعروف و ينكر المنكر و يعرف ما ينطق به لسانه في كل جمع من الجموع فممكن اي كلمة تحسب له او ضده
و خاصة نحن في وقت صارت فيه العلاقات الاسرية مهددة بالتفكيك و خاصة بين افراد الاسرة الواحدة
و قد علمنا ان هذا قطع للارحام التي امر الله ان توصل فنحن مسؤولون عنها لا محالة فالله واصل من وصلها و قاطع من قطعها و بعد ان يفرغ الناس من الحساب ستلقانا صلة الرحم على الصراط فيا ترى هل سننجوا من قطعنا لها ام نكب على وجوهنا في النار --نسأل الله العافية --
و ان صلة الرحل كم في الحديث -- من أحب ان ينسأ له في عمره و يبسط في رزقه فليصل رحمه -- فهي زيادة في الرزق و اطالة في العمر
فنحن احوج الى عدم تتبع العورات و التغافل عن الزلات التي قد تكون سببا في قطع الصلة
شكرا أختي وسيلة على الموضوع القيم و ربي يبارك فيك و يقر عينيك بما تحبين
ســــــــــــــــــــــــــــــــــــــلام

[perla16]

السلام عليكم
اود شكرك على الموضوع المميز والموضوع الحساس الذي انا في خضمه وحالة من حالاته ان صح التعبير
للاسف انا لم اشأ عرض مشكلتي هنا وينتابني الخجل عندما اكتب اي رد على موضوعي لكن الشيء الذي شجعني هو الردود والقسم المخصص لهذا وسبب آخر ألا وهو كثرة الضغط النفسي الذي اعاني منه يوميا وباستمرار
كيف تستغربين هذا ؟ وقصة سيدنا يوسف من أروع القصص في سور القرآن الكريم التي نأخذ منها العبر الكثيرة وكيف تستغربين وأول جريمة في الانسانية كانت جريمة قتل اخ لاخيه قابيل وهابيل
ولو تفكرنا جيدا لوجدنا ان أصل هذه المشاكل كانت شيئان أساسيان الغيرة والحقد اللذان يتحولان الى حسد قاتل
لكن نعود وأقولك لكي الذي يده في النار ليس كتالذي يده في الماء وربي يصلح القلوب
جزاكي الله كل خير

[مسلم سني]

السلام عليكم
هاته المشاكل موجودة بكثرة للأسف
واحيانا تصل بعض الشجارات إلى المحاكم ولو نبحث عن سبب وجودها نجد ان الاسباب لا تستحق كل هدا التهويل
شكرالك
احترماتي

[مريم الصابرة]

السلام عليكم وسيلة
ه المشكال في كل بيت وحتما تلقاي الذكور اكثر تعرض للفتاة يعني كانو الذكر لا يخطأ او لا يتعرض للمشاكل بعكس الفتاة لا احد معصوم
والاكبر له الحق السيطرة على حياة الأصغر وهذا مغهوم خاطئ يعني اولا لازم الإحترام وتبادل الكلام يعني وين المشكل الاخ الاكبر يخلي الثقة بينو وبين خوه او يعطي فرصة لختو تتقرب منو ماشي نخافو يا اختي لازم التربية تكون مليحة شوفي اللي يترباو من الصغر محترمين بعضاهم يكبرو هكذاك وكان يكونو صغار واعرين يبقاو في بعضاهم هكذاك شكرا

[soso sirin]

السلام عليكم
اود شكرك على الموضوع المميز والموضوع الحساس الذي انا في خضمه وحالة من حالاته ان صح التعبير
للاسف انا لم اشأ عرض مشكلتي هنا وينتابني الخجل عندما اكتب اي رد على موضوعي لكن الشيء الذي شجعني هو الردود والقسم المخصص لهذا وسبب آخر ألا وهو كثرة الضغط النفسي الذي اعاني منه يوميا وباستمرار
كيف تستغربين هذا ؟ وقصة سيدنا يوسف من أروع القصص في سور القرآن الكريم التي نأخذ منها العبر الكثيرة وكيف تستغربين وأول جريمة في الانسانية كانت جريمة قتل اخ لاخيه قابيل وهابيل
ولو تفكرنا جيدا لوجدنا ان أصل هذه المشاكل كانت شيئان أساسيان الغيرة والحقد اللذان يتحولان الى حسد قاتل
لكن نعود وأقولك لكي الذي يده في النار ليس كتالذي يده في الماء وربي يصلح القلوب
جزاكي الله كل خير

والله يا اختي راني رديت عليك اول وحدا باه نقلك ماكتبش الموضوع في جالك لانو ماشي موالفة نستعمل هذا الاسلوب لانو كون بغيت نقلك شي حاجة كنت راح نبعثهالك رسالة خاصة باه تكون بيناتنا و لا نقولهالك نيشان في موضوعك صح راني قريت موضوعك مي هذا الموضوع راه خاطيك حنونة و اذا حسيتي بلي كتبتو لانو قريت موضوعك سمحيلي بزاف ماشي انا الي ندير حاجة كيما هاذي و انا مانيش مستغربة والله لانو الشي هذا راني شايفاتو ماشي غير في دار راه في الديار كامل .و زيد انا مرات لما نتقلق من شي حاجة نكتبها و نطلب المشورة من الاعضاء هذا لا عيب و لا حرام و انا لما كتبت الموضوع ماشي معنتها انا راني مرتاحة مي انا والله تغيضني لما نلقى الخاوة يهدرو في بعضاهم و يبعدو على جال حوايج تافهين و باه نقلك حاجة سيرين اكثر مواضيعها لما تكتبها تكون معايشتها من بعيد او من قريب.و راح نعاودهالك اختي سمحيلي اذا ممكن ضريتك بهذا الموضوع

[soso sirin]

اعتقد أن لو كل إنسان في الإطار المنزلي عرف ما له و ما عليه من إلتزامات و حقوق ...لن يكون هناك أي خلاف ......و الصراحة هي التجاوزات التي تحوي داخلها الأنانية هي التي تخلق التصادم ....... و لو بوجود الوالدين .......في بعض الحيان يكون وجود الوالدين كعدمه

ربي يهدينا و عافينا يا رب ..........سواء كنا إخوة أشقاء ....او في الإسلام
مرات بعض المشاكل بين الخاوة تبدا تافهة و تتكرر بزاف و المشكل انو ماتداواش تمتم على هكا تكبر و يكبر الكره بين الخاوة و الشي الي يزيد الحالة لما ناس وخدخرين يدخلو في الموضوع و يكبرو الحالة و شكون الخاسر الخاوة بطبيعة الحال زيديلها مرات الوالدين يكون عندهم ردة فعل سلبية و مايدخلوش رواحهم .اللهم امين يا اختي .حالة اسرنا اصبحت تعكس واقعنا العربي و الاسلامي بشكل كبير
يصلح الابناء ادا صلح الوالدين الاولاد كي تكون التربية مليحة والصرامة ومراقبة تصرفاتهم من قبل الوالدين ماتكونش هاد الفيروسات
والله مرات الوالدين يديرو الي عليهم و زيادة مي لما تلقاي ناس يدخلو رواحهم بشكل فضيع و ممكن يكونو من اقرب المقربين مي كي ما قلتي لما التربية تكون مليحة يعياو يبعدو و يرجعو لانو تربيتهم صالحة الا في بعض الحالات الي يكونو الاخوة حالات خاصة
حياك الله عزيزتي
الحمد لله لا يوجد لدينا هذا الفيروس في المنزل لا بين الإخوة ولا بين الكنات ، اللهم أدمها نعمة .
لكني ألاحظ وجود هذا الفيروس في المنتدى ويتنقل من قسم إلى قسم :)

واش راكي رجاء ان شاء الله بخير ماراكيش تباني بزاف مواضيعك كاينين مي انتي غايبة .ربي يدومها ان شاء الله و يبعد عليكم كل حاجة ماشي مليحة .هي صح ممكن هذا الفيروس راه كاين مي ماتخافيش ماراهش فيروس خطير يجي و يروح بالدوا يروح ان شاء الله

[soso sirin]

السلام عليكم و رحمة الله و بركاته أختي وسيلة
كنت أسمع عن هاته المشاكل او التنافر بين الاخوة في الاسرة لكن ظننته انه مجرد سوء تفاهم عابر لا يلبث ان يذهب ادراج الرياح و لكن لمسته مرة بين اخواتي اذ احيانا تقوم الحرب الضروس لاجل اسباب تافهة او عادية و لا احد يمكن اخمادها الا بإلزامهم بالسكوت بالقوة فينتهي الامر
لكن تبقى تلك الشحنة في القلب ما تلبث ان تنفجر كلما أتيحت الفرصة لذلك
و رغم محاولات الوالدين التهدئة الا انهم لا يستطيعون اخماد الجمر الذين يشعل القلوب غيضا
و في الكثير من الاحيان و بعد استقلال كل فرد عن الاسرة يظهر ماكان في قلبه اتجاه من لا يحبه فنراهم يتحينون الفرص لاظهارها و اذا ظهرت فصعب اخمادها فقد تورث للابناء و تصبح المقاطعة في الاسرة لشخص او عدة اشخاص او يصبح تكتل ضد تكتل و هذا من الفرقة المذمومة
و حين تصير الامور الى هذا الحد فالافضل للشخص ان يلتقي بالناس في الخير و يعرف المعروف و ينكر المنكر و يعرف ما ينطق به لسانه في كل جمع من الجموع فممكن اي كلمة تحسب له او ضده
و خاصة نحن في وقت صارت فيه العلاقات الاسرية مهددة بالتفكيك و خاصة بين افراد الاسرة الواحدة
و قد علمنا ان هذا قطع للارحام التي امر الله ان توصل فنحن مسؤولون عنها لا محالة فالله واصل من وصلها و قاطع من قطعها و بعد ان يفرغ الناس من الحساب ستلقانا صلة الرحم على الصراط فيا ترى هل سننجوا من قطعنا لها ام نكب على وجوهنا في النار --نسأل الله العافية --
و ان صلة الرحل كم في الحديث -- من أحب ان ينسأ له في عمره و يبسط في رزقه فليصل رحمه -- فهي زيادة في الرزق و اطالة في العمر
فنحن احوج الى عدم تتبع العورات و التغافل عن الزلات التي قد تكون سببا في قطع الصلة
شكرا أختي وسيلة على الموضوع القيم و ربي يبارك فيك و يقر عينيك بما تحبين
ســــــــــــــــــــــــــــــــــــــلام

المشاكل كاين كاين مي لما تكون تسمع بيها برا داركم تقول عادي مي لما تلقاها في داركم تجيك صعيبة بزاف مي دايمن نقول الحمد الله الي واحد تربيتو جات صح و الله مرات لما يبدا شي مشكل سوغتو بين الخواتات تقول خلاص مانزيدوش نهدرو مي يا ربي تفوت شوية وقت تلقانا نهدرو عادي كلي ماصرات حتا حاجة و مرات كيما قلت انت يكون العياط من واحد كبير هو الحل الوحيد باه نسكتو لانو ولا واحد يبغي يسمح.اصعب حاجة هي لما تكمل المشكلة و كل واحد شاد في قلبو لانو مع الوقت راح يتحول هذا الشي لكره على هكا مرات والله كي يصرا مشكل نهدر و مانسكتش مي في ذيك الدقيقة لما نخرج كلشي مانبقى حاملة حتا حاجة و ننسى مي اذا ماهدرتش راح نخليها في قلبي و هاذي حاجة ماشي مليحة تاني الواحد مهما صرا بينو و بين خوه لازم مايدخل حتا واحد وسيط الشي الي بغى يقولو يقولو نيشان .والله مهما كانو مشاكل بين الخاوة كون الواحد يقول راه في مشكل تلقاهم كامل واقفين على راسك حتى و كون يكونو بعاد عليك بالاف الكلومترات ربي يبعد علينا و عليكم المشاكل يا رب و يهدي النفوس .شكرا على الرد و على الدعوة

[soso sirin]

السلام عليكم
هاته المشاكل موجودة بكثرة للأسف
واحيانا تصل بعض الشجارات إلى المحاكم ولو نبحث عن سبب وجودها نجد ان الاسباب لا تستحق كل هدا التهويل
شكرالك
احترماتي
المشكل انو راهي زادت بزاف و كيما قلت والله وصلت حتى للمحاكم و هذا مشكل كبير و تلقى الاسباب يا اما دراهم يا اما كلام الناس .ربي يهدينا ان شاء الله
السلام عليكم وسيلة
ه المشكال في كل بيت وحتما تلقاي الذكور اكثر تعرض للفتاة يعني كانو الذكر لا يخطأ او لا يتعرض للمشاكل بعكس الفتاة لا احد معصوم
والاكبر له الحق السيطرة على حياة الأصغر وهذا مغهوم خاطئ يعني اولا لازم الإحترام وتبادل الكلام يعني وين المشكل الاخ الاكبر يخلي الثقة بينو وبين خوه او يعطي فرصة لختو تتقرب منو ماشي نخافو يا اختي لازم التربية تكون مليحة شوفي اللي يترباو من الصغر محترمين بعضاهم يكبرو هكذاك وكان يكونو صغار واعرين يبقاو في بعضاهم هكذاك شكرا


والله يا ليليا المشكل لما الخاوة يكونو صغار مشاكلهم تكون شوية تافهة و تاني يكون للاخ الكبر كلمة هوما يكبرو كامل كل واحد و يبغي يحكم و يبغي رايو الي يفوت و يتمشى مرات الوالدين مايلقاو واش يديرو في وسطهم مي كيما قلتي مكانش كيما الاحترام المتبادل معنتها اذا الكبير قيم الصغير وهدر معاه باسلوب مليح راح الصغير يحترم الكبير.و حتا لبنات.تعرفي وقتاش المشاكل يولو يكبرو و يبعدو بين الخاوة وقت كل واحد مايسمحش و مايفوتش و كي يخلو ناس من برا يدخلو رواحهم في مشاكلهم معنتها عندي مشكل مع خويا راه يقتل فيا مادخلش روحك بيني و بينو خليه يا كلني و لا ناكلو .ربي يبعد علينا المشاكل يا ليليا والله مرات كي نشعلها انا و اختي الصغيرة تقول نقعد مانهدرش معاها شهر مي الله غالب كون مانهدرش معاها نموت راهي كيما الاكسجين عندي هههههههههه.لالا خاوتي الذراري نتقلش كي يقلقوني و مانرضاش بلخف .

[خولة لبابة]

ما اصعب الشحنة بين الاخوة......أظنّ أن هذا يعود الى التربية.......عندما ينشأ الاخوة على الاحترام المتبادل بينهم......يكبرون و الاحترام يكبر.....و هنا لن تجدي مشاكل كثيرة.......و للاسف لو رجعنا الى الاسباب لوجدناه تافهة جدا.......فالأسرة تلعب دورا هاما في هذا و لا يجب أن تعطي للكبير السلطة المطلقة لكي لا يهضم حقّ أخيه الأصغر منه....و نفس الشيء للصغير فيحترم أخاه الكبير.......

كما أنه سبحانه عظم قدر الأرحام فقال تعالى : (( يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيباً )) (النساء:1).

[سعاذ]

السلام عليكم
علبالك مكنش عايلة مافيهاش مشاكل و هذي المشاكل تختلف درجتها من عايلة الى اخري و بلاك اصعب المشاكل لي توصل باش اخ يقاطع اخوه ولا الاخ يقاطع اختو هي المشاكل لي تكون عندها علاقة بالمادة و الورث و حوايج كيما هذو هنا يتعماو العينين و كل واحد يجبد لروحو علبالك في هذي الحالة لوكان مايكونش واحد من الاخوة رزين و يتنازل على شوية من حقو من اجل حجا اسمها الاخوة لوكان ماتفراش علبالك اغلب هذو المشاكل يكونو كي يغيبو الولدين او كي يكون يهدرو بصح واحد مايسمع واش راهم يهدرو و لا كي يكون واحد من الاخوة يحب غير روحو و ديما يجبد لجيهتو و سرتو لاكان مدلل و من بكري جميع حجا يطلبها جيه بسهولة حتى على حساب خاوتو يعني في الاول و الاخير مايهمو حتى واحد غير نفسو و على جال هذا الولدين لازم من الاول يعدلو في تربيتهم لولادهم و مايميزوش بيناتهم و يحاولو ديما يقربو بينتهم و يخليو ديما كاينا حجا اسمها الحوار في الاسرة
المهم ربي يهدينا و يثبت علينا العقل و الدين
دمتم في رعاية الله و حفظه

[sali-sali]

يا اختي مشاكل الاخوة و الاخوات في الدار راهي بزاف في مجتمعنا و احيانا توصل لحاجات كبار
لكن لما يكون المحيط و البيئة وخاصة العائلة مليحة راح تلقاي هدوء و قلة مشاكل

مكاش اي بيت يخلو من المشاكل لكن عندما تكبر بين الاخوة هنا شيئ اخر

[mohamed160]

سلام عليكم ربى يهدينا

[النجمة القطبية]

بالنسبة لى خاوتى فى بداية العمر يعنى مازالو شوية مدخلوش الحياة الزوجية والمشاكل وغيرها
اما المشاكل اللى ممكن تحصل بين الاخوة فى بيتى مثلا هى امور بسيطة لا تستحق ان اكتب عنها
انا اعتقد ان المشاكل غالبا تظهر كى يكبرو ويتزجو وكل واحد يستقل بحياته
المهم اتمنى من الله ان يهدى اخوتى ويحفظهم ويبعد علينا اى مشاكل من اى نوع
ويرزقهم ببنات الحلال فى المستقبل اللى يعقلوهم ويحثوهم على الخير يا رب
اللهم امين

[SAWSAN BD.AM]

http://www13.0zz0.com/2012/11/17/19/922723136.jpg

[شيء من رجاء !]

واش راكي رجاء ان شاء الله بخير ماراكيش تباني بزاف مواضيعك كاينين مي انتي غايبة .ربي يدومها ان شاء الله و يبعد عليكم كل حاجة ماشي مليحة .هي صح ممكن هذا الفيروس راه كاين مي ماتخافيش ماراهش فيروس خطير يجي و يروح بالدوا يروح ان شاء الله

الحمد لله انا بخير وعافية ، فقط قليلا أعالج إدمانا أصابني ..
عودة للموضوع ، لعل أقسى مارأيت صراع الإخوة من أجل الأرض ، الورث .. ولدوا إخوة وعاشوا وماتوا أعداء ، والسبب والدهم غفر الله له كتب لأصغرهم الميراث

[alger1]

ان الاقارب كالعقارب شكرا على الموضوع المميز