انا محتارة ساعدوني

[mnaya ljana]

السلام عليكم اخواتي انا مخطوبة ومفتحين عليا وخطيبي عرفتو في الاول كان يحبني ومباعد شافني في الجامعة مع واحد

كان يحوس يخطبني فهم الموضوع غلط بلي راني نخون فيه افترقت انا وياه لمدة عام ومبعد اتصل بيا ورجعنا لبعضانا وبعدها جا وخطبني ودرنا الفاتحة ، كنت فرحانة بزاف المهم صارت علاقتو بيا باردة ميتصلش يشتمني وحتى يضربني ومبعد قررت باه نخليه غيرت رقم هاتفي وقررت نبعد عليه , وفي وحد النهار جاني لمقر الخدمة نتاعي يحاول فيا باه نرجع ليه ونا اصريت باه ننهي معاه علاقتي وفي كل مرة يحاو لني ومبعد قلتلو اوعدني باه تتغير باه نرجعلك وعدني ومرت الايام ........................وانا كل مرة نتعلق بيه نحسو بلي راهو بعيد عليا

وكنت نحلم يقلي كلمت نحبك ومايقولهاليش , ميخرجنيش مايسقسيش حتى على احوالي كل مايعيطلي يفتعل المشاكل

وانا لما نتصل بيه قلي راني خدام ولا كنت راقد والله كرهت ومانيش عارفة واش ندير .عاونوني عيت من التفكير

[tinza]

هذه هي نتائج الخيانة
والقلب عندما يبرد لا يسخن مجددا
أنت تضييعين في وقتك

[فرح حياتي]

ما فهمتش يا اختي راكي مدايرة فاتحة يعني زوجتو شرعا وكي تبطلو غغير هكاك؟؟؟؟؟؟؟ وكيفاش يضربك؟؟؟؟؟؟؟؟؟؟؟؟؟؟؟
سبحان الله........
سؤالي لك هو اين اهلك من هدا؟؟؟؟؟؟؟

[المتيقنة بالله سارة]

ربي يفرج عليك اختي

[ANNA LEULMI]

هاذي علاقة باينة من اولها هلدي ما زال ماروحتيلوش ومبعد كيفاه من الاحسن انك تبعدي بلاك يجي مكتوب خير وعليك بصلاة الاستخارة بصح صدقيني الزواج ليه الثقة و خاصة الاحترام مكانش راح تتعبي ياسر صدقيني يجي واحد ينسيك في كلشي خاصة ادا كلن زوج صالح ان شاء االه ثيقي فيا هدرتي عن تجربة

[nibrasse76]

هذا باغي ينتقم منك ويضيعلك وقتك ....

[مريم الصابرة]

السلام عليكم اختي
اولا كيفاه تسمحيلو يضربك ما عندو حتى حق باه يضربك لو زوجتو في دارو عادي لكن خطيبك ما عندوش الحق يضربك
ومسالة طريقة معاملتو ليك ما راهش جادي معاك ما عندوش ثقة فيك من نهار شافك خلاص وهذا قراراتو مهتزين مرة يولي ومرة يروح أختي هذي حياة راهي تمر وإنت تضيعي في وقتك احكي معاه يسقم طريقتو او تفارقو نهائيا وما توليش ليه كان طيحتي بقيمتك من اول مرة راه يوالف يهينك ويعرفك تولي ليه خمي مليح
اما التحواس والخرجات فأنت في غنى عنها تخيلي تحوسي وتخرجي ومن بعد يفارقك ما تقليليش مفتحين وجايزلي شرعا لالا اختي ما راكيش زوجتو وبزاف بنات تمسخرو بيهم وكانو مفتيحن عليهم يعني ردي بالك المهم اختي حطيه عند امر الواقع وما تعيطي ما تحوسي عليه وخليه يعيط عامليه بالبرود اللي بعامل فيك به وشوفي موفقة.

[mohamed160]

السلام عليكم اخواتي انا مخطوبة ومفتحين عليا وخطيبي عرفتو في الاول كان يحبني ومباعد شافني في الجامعة مع واحد

كان يحوس يخطبني فهم الموضوع غلط بلي راني نخون فيه افترقت انا وياه لمدة عام ومبعد اتصل بيا ورجعنا لبعضانا وبعدها جا وخطبني ودرنا الفاتحة ، كنت فرحانة بزاف المهم صارت علاقتو بيا باردة ميتصلش يشتمني وحتى يضربني ومبعد قررت باه نخليه غيرت رقم هاتفي وقررت نبعد عليه , وفي وحد النهار جاني لمقر الخدمة نتاعي يحاول فيا باه نرجع ليه ونا اصريت باه ننهي معاه علاقتي وفي كل مرة يحاو لني ومبعد قلتلو اوعدني باه تتغير باه نرجعلك وعدني ومرت الايام ........................وانا كل مرة نتعلق بيه نحسو بلي راهو بعيد عليا

وكنت نحلم يقلي كلمت نحبك ومايقولهاليش , ميخرجنيش مايسقسيش حتى على احوالي كل مايعيطلي يفتعل المشاكل

وانا لما نتصل بيه قلي راني خدام ولا كنت راقد والله كرهت ومانيش عارفة واش ندير .عاونوني عيت من التفكير
انا كون جيت فى مكنوا ما نهدارى امعاك من نهارى لى شتك مع الخطيب الثانى والله عيب عليك انتى محطوبة ومفتحى وراكى تحواسى على المعجبين ربى يهديك هدا الانسان راه يمشى بقلبو كون جيت نعرفوا نقلوا اخطيك منها كاين افضل منك يالف

[sali-sali]

راكي تقولي خاطبني وراه يتصرف معاك هكدا
اولا ماحقهش يضربك
شوفي حاولي انتي تهدري معاه وتناقشيه،ادا ماحبش ارسليله اي احد تثقين فيه يكلمه

ادا ماحبش و مزاله على طبيعته هنا كل واحد في طريقو راكي درتي لي عليك

[جمال الدين الأفغاني]

السلام عليكم

«كل ابن آدم خطاء، وخير الخطَّائين التوّابون »

الشاب خطبك ثم وجدك مع شخص فبالنسبة له لقد أخطأتي

عليك بالتوبة من خطئك وطلب السماح منه وأكيد مادام يحبك سيسامحك

وقد رجع اليك بعد مدة كما قلتي فهو يؤكد أنه يحبك حقا

أنت رجعت له وأصبح يعاملك معاملة ليست لائقة فهو قد أخطأ في حقك الآن

أنتي عليك أن تطلبي منه أن يكف عن معاملته السيئة لك فإن تاب وطلب السماح

وأكد ذلك بالفعل فبها ونعمة وإن أبى فلتضعوا النقاط على الحروف إما إمساك بمعروف

او فراق بمعروف والله المستعان

[نورسين.داية]

مشكلتكي أنه تربطكي معه علاقة رسمية ......يعني لا ينقصكما إلا العقد المدني

شوفي أختي هذا النوع لا يحلها معه إلا رجل الدي هو والدك أو اخوكي ....بالتالي إحسمي امرك وما تبقايش تبعي فيه

لأن هذا الإنسان لا يعرف بعد ماذا يريد .

وفقكي الله أختي

[panpouna]

يا اختي اعدريه ماهيش ساهلة على الراجل يشوف خطيبتو مع واحد راهو مليح كي عاود ارجع ليك دركا لازم تساعفيه لاخاطرش مازال ماهوش داير ثقة فيك لازم الصبر و نصيحة ما تزيدي توقفي ولا تهدري مع حتى راجل في الجامعة ولا في بلاصة واحدوخرا حتى السلام ما تقوليهش هاكدا تتهناي وتهني راجلك

[نورسين.داية]

يا اختي اعدريه ماهيش ساهلة على الراجل يشوف خطيبتو مع واحد راهو مليح كي عاود ارجع ليك دركا لازم تساعفيه لاخاطرش مازال ماهوش داير ثقة فيك لازم الصبر و نصيحة ما تزيدي توقفي ولا تهدري مع حتى راجل في الجامعة ولا في بلاصة واحدوخرا حتى السلام ما تقوليهش هاكدا تتهناي وتهني راجلك

هي لم تقل انها خانته .......................ممكن كان مجرد حديث علمي ................علاش حنا دايمن نفسرو ا لأمور بطريقة عكسية ، و لا ننسى انها طالبة جامعية ، الأكيد ان تكون لها علاقات زمالة مع زملائها الذكور في الجامعة

او في رأيكم على جالو تقطع كل علاقاتها .......................................؟؟؟؟؟ و الله مليحة هاذي ........

[sarl02]

والله اتحير كيفاش البنت ترضى اتحط نفسها في مواقف امخلطة مثل هذه.

[ايمان نور الجزائر]

احييي عليناا.....باين بلي مازال شادهالك هاديك العفسة
ومن جيهة اخرى رجع ليك
من الافضل تتفارقو لانو راكم واصلين للموحال

[sarah1424]

yodrbek?????? wyechtmek?????? wmazelti m3ah !!!!!!! c bizarrelboyout assrar amma manakderch n9olk koun jit f mkanek wech ndir lakhater ana mayetjara2 hatta inssan yhez idou 3lia wida darha yanssani lel2abad rabbi yehdik wnanshek hada yodrbek men dukka alr demain tkouni sa femme wech ydirlek ??,,
okhti je te conseil khali 9adrek 3ali wbaadi alih

[ما فهمت والو]

هذه هي نتائج الخيانة

والقلب عندما يبرد لا يسخن مجددا
أنت تضييعين في وقتك


السلام عليكم\اخي صحح التوقيع تاعك انا لله وانا اليه راجعون مش ان لله

[biologie2001]

هدا اللي يسبك و يضربك و انت مازال موصلتيش لدارو ما فيه حتى خير....

[سمية محمد عطية]

كان ما لازم يشك فيك ابدا ويستخبر في وقتها هنا خلاص

خطيبك فقد فيك الثقة والدليل تصرفاته معك نقولك قبل ما توقع الفاس في الراس وتزوجي ويبدا يحطم في حياتك اتركيه اتركيه اتركيه
العلاقة الزوجية الاساس فيها الثقة ثم الثقة ثم الثقة تخيلى نفسك وانت تعيشي معاه ويشك فيك في كل شيء راح حياتك تنهار امامك وحينها يكون الثمن غالى اما تواصلى حياة الجحيم او تضيفي الى اسمك لقب مطلقة
انا نخوف فيك باش تبعدي عليه حياتك هي اغلى شيء تملكين والمجازفة خليها بعيد بعيد
واش نقولك فكري مليح واتخدي القرار الدي يخدم مصلحتك بالدرجة الاولى من حقك تعيشي متهنية وزيد على هذا قلتى يضربنى

نقولك بلى راكى انت ضعيفة معاه وناكدلك هذا كيفاش تسمحلك نفسك وتخليه يمد يدوا عليك
لما تصبحي زوجته راح يعلقك ويوريلك الويلات
مرة سمعت الداعية تستفتيه امراة في بنتها تزوجت 5شهر وزوجها يشتمها ويضربها تعرفي واش قالها
انقضي ابنتك من بين يديه يقصد بها الطلاق
انت مازال ما فاتكش الحال تقدري تلقاي الراجل اللى يحترمك ويدللك لكن انت لازم تكونى قوية وما تتنازليش على حقوقك مهما يكن

انشاء الله يفرج ربي همك ويفرحك وما تشوفي غير الخير

[bibo2289]

علابيها برتو

[haciba2]

salam alikoum
okhti ana ndhon ano rah ydhel fik matkblich hadh 3la rouhk, c vrai ghlti yasser machi klil, w likin houya mach ghadi yensalk hadh elghalta
khalih wa rabi i3wadhk kheir, c difficile ani fahma w lakin rabi fih elkheir tekli 3lih

[Hamdi Capello]

الأخت صراحة الخطأ تاعك أنت كيفاه مخطوبة وشرعا عندك زوج وفي الأخير يلقاك مع واحد في الجامعة وتقولي خطيب سابق صراحة هذا شخص مشا معاك بقلبوا ونيتوا واآن راكي تلومي فيه وتقولي هو المخطأ خسارة عليك نورمالمون كيما هو صبر عليك أصبري عليه والوقت ينسي كل شيئ خطيبك هذا مزال مجروح

[kaderkader1541]

هي لم تقل انها خانته .......................ممكن كان مجرد حديث علمي ................علاش حنا دايمن نفسرو ا لأمور بطريقة عكسية ، و لا ننسى انها طالبة جامعية ، الأكيد ان تكون لها علاقات زمالة مع زملائها الذكور في الجامعة

او في رأيكم على جالو تقطع كل علاقاتها .......................................؟؟؟؟؟ و الله مليحة هاذي ........
بالله عليك أيُ زمالة تتحدثين عنها
البنت في الجامعة تمشي مع الرجال و عاااادي لا حرج في ذلك ؟؟؟
و يمكن يتصلوا بها في الهاتف و الاب يرى ذلك و يسأل امها مع من تتكلم و ترد الام مع زميلها
البنت تنهي مشوارها الدراسي و تدخل عالم الشغل و تتحدث مع زملائها في العمل
و الاب يرى ابنته تتحدث في الهاتف فيسأل امها يقول مع من تتكلم ابنتك و ترد الام بكل ثقة مع زميلها يا الحاج
و الاب الغيور !!!! يرد احذري ان لا يكون زميلها و ترد الام مرة اخرى لا تخاف يا الحاج زميلهاااااااااااا
باغي نعرف واش حكاااية زميلها هل هو في خانة المحارم ( اخ ،عم ، خال ،ابن أخ ، ابن أخت ،طفل ) فهوموني
البنت مخطوبة و شافها خطيبها مع رجل اخر بغض النظر عن براءة العلاقة او العكس
الرجل يغااااار و معه كل الحق
.

[knives55]

هذ ليس جل ولن يكون رجل أنت تضيعين نفسك مع هذ الشخص

أخطيك منوا نهايا

[mnaya ljana]

حبيت نوضح الامر لبعض الاخوة الي ردو """"" انا لم اخنه """"""" واش جاب سيرت الخيانة

[lola22]

واش راح انقلك اختي في زوج غلطتوا وفي زوج اتهاونتوا في علاقتكم نورنالمو زوج يجبوا بعضاهم يحكو كلش لبعضاهم ومالايخبوش خلاص غلىبعضاهم الامور الشخصية
واهم حاجة الاحترام والثقة باسكو اذا مكانش هذو في زوج والله ما يكون الزواج الصالح
المهم ان شاء الله ميكون غير الخير واذا شايفة روحك مكيش قادرة بعدي عليه وقةليلو ربي يكملك
ومام انتي ربي يكملك ويجيب اللي فيه الخير .

[lola22]

وبصراحة الرجولة مهوش يجي يضربك ولااعيط عليك
اسمحيلي مي انا قلت اذا هك وقبل الزواج يدير كيما هكة امالا بعد ما تتزوجيه كفاه ؟؟؟ظ
انقلي حاجة اخطيك منوا خليه يروح ربي يهنيه والله اذا اتزوجتيه راح يضل يجبدلك على هالقصة ولا تلقاي روحك في غلطة كبيرة
مدامك ضرك الراي في ايدك اعرفي كفاه تتصرفي
احنا مجرج اراء واقتراحات وانتي تعرفي صلاحك وما تخمميش بقلبك برك حنونة خممي بعقلك مليح باسكوا اللي يحبك يحبك قبل وبعد الزواج وطول عمروا يحبك .


ربي يفرحك وفيها خيرة اختي

[أنيس 7]

على حسب ما فهمت انك ارتكبت خطا اولا لانك كنت على وشك الخطوبة و ليس من حقك الحديث مع اي كان و لاي سبب كان حتى و ان لم تكوني مخطوبة و ثانيا لانكي لم تتعاملي مع الذي الحدث كما ينبغي فحدث سوء التفاهم و هو الذي عكر الاجواء بينكما او كيما يقول المثل العين اللي عماها ما يداويها لان الثقة بينكما انكسرت و بالتالي كل ما حدث بينكما بعد الحادثة هي محاولة اعادة بعث الثقة من جديد لكن على ما اعتقد أنو فات الحال و على الرغم من هذا ليس من حقه أن يتعامل معك بتلك الطريقة فلماذا لا ياخذ كل واحد طريقو اذا ماتوالمتوش هذه مضيعة للوقت
و استعيني بمن هم اكبر سنا بمن فيهم اهلك فهم أصحاب المشورة و أعانك الله

[zaza22]

اتركيه ودعيه تزوجي كل الوضائف الا الشر

[أبودعاء]

شوفي يا اخت الزوج هذا يحبك بزاف و في نفس الوقت شاك فيك بزاف معنى الحب يجيب الشك ولكنه شاف بعينوا
الحل يجب ان تنزعي الشك من دماغه في مدة لا تكون طويلة واذا لم يكف عن الشك تتزوجين من بعد يكون طلاق حتما
الشك يخرب البيوت ياوااااااااااااااا كل واحد يروح في حالوا تقبلي مروري

[أبودعاء]

قالك سقسي المجرب و متسقسيش الطبيب الله يبارك مكاش لي بخل عليك عطينالك حلول و لكن الحل الصائب تقلينا عليه متخلناش هكدك
نزيد نعاونك شوفي خيروا و شوفي شرو ا شكون الى غلب و خضي القرار

[رؤيا الظلام 48]

ربي يفرج عليك

[mnaya ljana]

شكرا لكم جميعا على الردود راني ندير في الاستخارة ومانيش نحكي معاه في التليفون صح في الاول جاتني صعيبة لكن الان الحمد لله .حتى هو مرهوش يتصل بيا
واليوم راهو ارزقني ربي بخدمة لكن مانيش على بالي كيفاه ندير نبدا العمل بلامنقلو ولا نعيطلو والله احترت ؟؟؟؟

[أبو فاروق]

سيناريو مسلسل جزائري