ابي و زواجي

[مشكلتي]

انا فتاة ابلغ من العمر 24 سنة مشكلتي ان ابي و في هدا العمر لايرغب في تزويجي رغم انهائي لدراستي و كل من تقدمو لي على خلق و دين قالي لازم تخدمي و تديري المستقبل ديالك مع اني لست رجلا مطالبا بالعمل لاعالة عائلته
و لا ارغب بالزواج برجل استغلالي يتزوجني لاجل السيارة و الراتب يعني اريد ان اكزون كما انا
ابي طبيعته عصبي و لايحب النقاش حاولت امي ان تكلمه لكنه رفض مجرد سماعها و انا حشمت نهدر معاه في الموضوع و ما راهش حاب يفهمني يعني لازم نخدم و ندير مسكن و سيارة باش نتزوج نتاجاتي راهم يبولادهم

[نبراس الصداقة]

ربي يهدييه هاذا مانقول
نظرته غالطة مئة بالمئة
يعني مابين تديري السيارة و الدار
يكون العمر فات
وش تنفع السيارة و المال كي يكون الانسان وحدو
اذا عندك خوك قريب منك خليه يحكي معاه
ولا عمك يتفاهم معاه قولي لأمك وهي تحكي مع عمك و لا خالك و لا خوك
المهم شخص بالاك يسمع منه
ويخليه يرجع في قراره هذا لأنه ظلم ليك
والفرص تع انسان قويم مش دايما كاينة
يعني الخدمة الرجال مالقتهاش يحبك انت تخدمي وزيد تديري التاويل
بزااااااااف عليك
ربي يهديه و ييسر أمر زواجك
يا رب
حاولي تفهميه و توصلي رايك بلا ماتدخلي انت
وبلا مايغضب منك
وأكثري من الدعاء
والصلاة
فالدعاء له مفعول السحر
فالله قادر على ان يقلب رأي والدك بين ليلة و ضحاها
دمت بود
ولا تقولي يا رب لي هم كبير
بل قولي يا هم لي رب كبير
فكما يسر امر دراستك و نجاحك فهو قادر أن يقر عينك بالزوج الصالح
الذي يعينك على أمور دينك و دنياك
اسفة على الأطالة
اختي
ربي يهنيك ان شاء الله

[تاج الرونق]

رانا عندنا نفس المشكل انا ثاني مؤخرا تقدملي شخص على خلق و عجبني لكن بابا ما حبش قال حتى نخلص قرايتي و نخدم أنا العام لجاي نخلص لقرايا
كامل عجبهم هدا الشخص هدروا معاه كامل واحد ما قدر عليه صليت صلاة الإستخارة مرة وزوج و ثلاثة ما كاين والو
واش نقولك ربي يهديهم هوما راهم يخمموا على مصلاحتنا بصح على على حساب حياتنا
ربي يفك أزمتك و أزمتي
ربي يسهلك

[abdel02]

جيبيلو من يحشم منهم.

[potwer]

قولي لامك تجيبله واحد من اخوته او واحد كبير من العائلة يحشم منه ابوك ويكلمه في الموضوع

[ايمان نور الجزائر]

هذا الزمان لي رجعنا فيه
لازم تجيبلو ناس عندها ثقافة وتعرف تحكي يقنعوه بللي لازملك تتزوجي

[محب السلف الصالح]

غفر الله لنا وله

[plusfort11]

وآسفاه على رجالاة هذا العصر ( من جاءكم من ترضون دينه وخلقه فزوجوه، إلا تفعلوا تكن فتنة في الأرض وفساد كبير) فاتقوا الله يا اشباه الرجال ولا تكونوا ممن يبحث عن زوجة عاملة تقضي وقتها مع زملائها أكثر من زوجها , بل ممكن ان يعرف عنها زميلها اكثر من زوجها ( لا أعمم لكن أقسم على وجود حالات كثيرة , فأسأل مجرب ولا تسأل طبيب)
عذرا لكل رجل وتحية اجلال واكرام لكل ربة بيت غارت منها الأمم.

[شقراء سوف]

اصبح السكن والسيارة و المال هو مستقبل الفتاة ونسو انو الزواج والزوج هو سندها ربي يهديهولك

[سمية محمد عطية]

من رايي انك تشوفي انسان من العائلة اوممكن الاقارب والاصدقاء هذا الشخص تكون فيه مواصفات الاقناع ويكون عنده راي عند ابيك يعنى ابوك يحتارمو ا ويقدر كلمته صح هو اللى يحلك المشكل او ابعتي رسالة لامام المسجد اللى يصلي فيه باباك واطلبي منه ان يقدم درس او خطبة في هدا الموضوع بدون ان يعرف اسمك وان شاء الله راح تاجرين على عملك وتستفاد الكثيرات الله يهدي الاباء الله يهديهم

[aminahassiba]

ادا كتبهالك المولى ما يوقفها باباك

ماشي مكتوبك او هدا ماكان او مكتوبك ما زال ما جاش او مزالك صغيرة

[MaX32Dz]

ذكريه بهذا : ( من جاءكم من ترضون دينه وخلقه فزوجوه، إلا تفعلوا تكن فتنة في الأرض وفساد كبير ''
الفتنة و الفساد ..

[nibrasse76]

نفس ما قاله احد الاولياء لمن جاء يخطب ابنتيه ....لن ازوجهما حتى نذوق دراهمهم ....استغلال وجشع اعمى ...المشكل كي نقولولكم ان من يرغب بامراة عاملة فهو طماااااااع ...النساء ما يعجبهم الحال .
هذه هي نتائج تحرر المراة ـــ من عبودية الله ــ واختيارها للاختلاط والخروج للشارع ...فوقعت في عبودية البشر ...بل واقرب الناس اليها .

[مناد بوفلجة]

السلام عليكم

مشكلتك حلها بسيط جدا

قولي لأبيك أنك ستتنازلي له بمرتبك الشهري كله بعد زواجك
و قولي له حتى يطمئن قلبه ، بأنك ستكتبين ذلك عند الموثق

و أعطيه وثيقة

و أضيفي له بأنه إن رفض الخطيب ، فلن يتحصل على فلس من مرتبك الشهري


يعني ، خيريه بين زواجك و مرتبك الشهري يكون له
أو عدم زواجك و لن يأخذ فلس من دراهمك


و بعدما تتزوجين ، أتركي العمل


و هناك حل آخر :
خيريه بين تركك للعمل أو قبول الخطيب و الزواج
و أنظري ماذا سيختار


أشخاص بمثل عقلية والدك يحتاجون إلى الإصرار من أجل تحقيق الأهداف

و الله يسهل
و الله يكون في عونك

[1954مريم]

السلام عليكم اختي ربي يهدي والدك ولكن نقولك حاجة شئ جكيل ان تتزوج الفتاة وتبني دار وتستقل بحياتها وتنجز وتنتج وتكون هي الامر والناهية في بيتها ملكة وشئ جميل ان تجتمع مع النساء ويحكوا على اولادهم وتقول ولدي فعل وفعل او تسمع انها فلتنة جات مع زوجها البارح وراحت كلها عبارات رنانة تشتاق اليها الفتاة حتى ترضى الغرور الانثوي .
وكذلك احيانا ننظر للزواج من منظور نكون ام ومستقلة وصحباتي كامل بولادهم ايه ياختي كل هذه اشياء جميلة وجميلة جدا .
لكن الواقع مر وصعيب جدا ليس كا نتوقعه
فانا لا الوم والدك ولا اعطيه كل الحق اجيانا بعض الاباء من كثرة ما راوا من مشاكل واهانات للبناتهم والمحاكم والطلاق والتشرد اصبح يخاف وعنده هاجس العمل والبيت والسيارة والله ما تلومي والدك للو تنزلي للميدان تحسي بنار اللي داخل باباك .
وهو ممكن من كثر الخوف عليك اصبح عنده هاجس العمل .
وكاين اباء خلاف لا يهم المهم بنتو تتزوج وخلاص ولا يفكر في بعد ذلك يقولك المهم انا وصلتها لدار راجل ومن بعد هي وقدرها .
وبين هذا وذاك ضاع الكثير ومرض الكثير

نعطيك قصصص وانت احكمي عندي تلميذة عندي باباه متدينة ظاهريا لحية وقميض فكريا الله اعلم
تزوجت بنته مواليد 86 لان راه مطلقة بطفلين الاول خرجت به وهو عنده 4 اشهر في البطن وبعد مشاكل واهمال ورجعت حملت رجعت لدارباباها لان زوجها لم يرى ابناءه ورفع دعوة قضائية اهمال زوجية ورفض يطلقها لازم تدفع له حق الطلاق حلع يعني
هذا العام بنته مواليد 96 اواخره زوجها بواحد جاء صدفة وربي يجيب الخير هنا لاب لم يقول ان الاولى في مشاكل نتريث لا قال كل وحدة ومكتوبها .
اب اخر وهو اب لصديقتي
اختها لكبيرة تزوجت بواحد من ولاية نعروفين رجالها بالوعارة شربها الخل كما نقولوا الاب قسم يمن انه لن يزوجو بناته من تلك الولاية
الاقدار صديقتي حبها استاذ من تلك الولاية ومن ايام اتها تدر س معه خطبها ورفضوا الاب

كرر المحاولة ولاب درجة سبوا قالوا لا خلاص غير انت لن تتزوجها وكان لاب كان حاس بشئ خاص
هو ل تريها الله يبارك الجمال والثقافة والشكل الخارجي كما قلتي اخر طراز .
صديقتي تخطبت وعقدت ززاجها على واحد اخر حدث مشكل بطل الزواج رجع الاستاذ وخطبها وحطهم في الامر الواقع وصديقتي وقفت في وجه بابها قلت لهم ياهو يا نهرب ولا نقتل روحي
راكن تساغلو افيا وكذا وكذا كانت عنده سيارة تعاونت مع لاب وشراها ليها بعد اخذ ورد جلس معها ابوها
قالها يابنتي انا مش نستغل فيك انا خابف عليك وراه حدسي مخوفني قالت ل لا
المهم تم الزواج وراحت الاساتذة للاساتذ
تم ما توقعه الاب لان راهم في 19 سنة زواج حياتها جحيم لا يطاق السيارة تباعت والنقود اخذها دراهما ياخذها هو وما خفي اعظم
لان لا تحكي لاهلها اي شئ تعرفي لماذا لانها هي من قررت وقالت كل البنات راهم بديارهم غير انا تشوفوا فيا ممول للعائلة .

لذلك اختي ارزاني واستخيري وثقي في ابيك راه من الخوف عليك

روحي للمحاكم وشوفي واش راه صاير والرجال صعاب لا يظهر على حقيقته من اول مرة هنام من يتظاهر بالتدين الشكلي اما الفكري الله يعيين
هناك من يتظاهر بالثقافة والامانة لكن التعمال الله يستر

الزواج ياختي مش لحظة تقول فيها ابن لامه ماما وزوج يقولك تعالى نخرجوا نحوسوا .
الزواج راه مسؤولية كبري عقلك واستخيري ربك وادعيه يرزقك الزوج الصالح التقي لنقي

والله راك تسمعي قضايا الطلاق راسك يحبس على امور تافهة وتافهة حدا حدا .
ان شاء الله ربي يقدر ليك الخير ويسعدك الدارين يارب

[المتيقنة بالله سارة]

يا ختي راهي حالتي كيما حالتك ....دون اذنى اختلاف..قالك بابا مهوش داير في بالو بناتو يتزوجو قالك ما نمدهم للرجال يذلوهم.........ربي يهديه راني نتعذب بسبب تفكيرو......ربي يفرج عليك وعليا وعلى كامل المغبونات

[TOKYO]

نقولك يجب اختك او امك تتصل باخوك احسن يفهمه و يوضح امر
ربي يسهلك ان شاء الله

[nadineisraa]

ديري ثقة في ابيك وماتتحمسيش للناس ابوك اعرف الناس بمصلحتك راكي تشوفي فيه مليح بصح نظرة اباك اصوب وراه شايف الي ماكيش شليفتيه انت ابوك رباك وعلمك نطيعه طاعة عمياء ولو نبقى عانس طول عمري راه حابك ماتتبهدليش وماتحكميش على ظاهر الناس اكيد راه سقسى عليه وماعجبوش وموش حاب يقول لكم تاكدي لو جاءه رجل بمعنى الكلمة لن يرفض اي اب ماهيش حكاية خدمة راكي تزوجي وتعرفي حكمة اباك وتفكيره من بعد

[nesma.sabah]

اكيد نظرة ابوك في مصلحتك لكن من الشرع اذا انتي حابة تتزوجي اعلميه بالامر مش من حقو يوقف في وجه سعادتك مي صدقيني هو راجل وراه يشوف في نظرة الرجال ذروك للزواج قليل لي نيتو مليحة الا من رحم ربي

[الأستاذة حياة]

ونا تاني نظم صوتي للاخوات اللي قالولك باباك ما يبغيلك غير الخير واكيد راه شاف فيهم عيوب وما يناسبك حتى واحد منهم امالا اصبري وديري ثقتك في باباك

[mohaa47]

الله يهديه........................قولوا آمين..................