اشغال البيت

[perla16]

السلام عليكم ورحمة الله تعالى وبركاته اعضاء هذا المنتدى
سؤالي للبنات ؟كيفاش ديروا في المنزل وكيفاش شغل الدار مقسمينوا خاصة اذا كنتوا في بنات بزاف ؟
راني في محنة كبيرة ماشي شغل الدار اللي زعفني زعفني المرض نخدم في الدار بزاف والشغل علىيا لان امي مريضة وعندي خياتي زوج يخدموا استاذة وطبيبة ميقيسوا والوا وشغل الدار عليا كي قتلهم لازمكم تخدموا يا لةكان في الويكاند سبوني وهانوني وقالولي انت مرا تاع دار قاعدة في الدار لا خدمة لا والوا امالا انتيا اللي تقومي بيها غاضتني روحي بزاف والشيء اللي زاد زعفني اني مرضت من الخدمة بحساسية المنظفات اللي ممكن تتطورلي الى اقزيما درك ولاو يديا كون نقيسهم بالشاموا بزاف نولي ف حالة لكلاب البومادات الي مدهمل يالطبيب مفعوله سحري بصح كون نزيد نقيس يوليلي المرض وليت نحشم بيديا كي نغلط ونقيس الى درجة انني خطبوني وشافوهم هكاك لا لشيء لانني انا اللي خدمت في خطبتي شغالات الدار كامل انا اللي درتها الى آخر دقيقة باش صاوبت روحي وعدلت روحي وهوما داروا السبة بالخدمة وحدة ماجاتش وحدة جات الدقيقة الاخيرة
الصيف اللي فات يديا من الالم والنزيف الي يصرالي من الحكة كي نحكهم يديا تحجروا وليت منقدرش نحركهم حق الله تعالى مي قلب خواتاتي محجر اكثر من يديا بل وداروا المشاكل لامي لازم تولي تغسل المواعين واش وراها راهي في الدار حسبي الله ونعم الوكيل حسبي الله ونعم الوكيل

[meriem hanin]

اولا نرحب بيك اختي كعضو جديد معانا و سعداء جدا بانضمامك لينا في هاذ المنتدى الي اكيد رايحة تلقاي راحتك معنا كيما لقيتها انا بعد ماكنت ضايعة
ثانيا نهنيك على شجاعتك و صبرك و كونك مدبرة منزل بامتياز -مع الوقت الي رانا فيه قليل الي تخدم شغل الدار- و الله نحييك تحية كبييييييرة و فخورة جدا بيك
خواتاتك الله يهديهم و انتي ماراكيش تخدمي ليهم و الا تخدمي عليهم انتي راكي تقومي بواجبك المنزلي كربة بيت و اتاكدي بلي ربي سبحانو راهو يشوف فيك و ياااجرك على عملك
يقول رسول الله صل الله عليه و سلم :
أيما امرأة رفعت من بيت زوجها
شيئاً من موضع إلى موضع تريد به صلاحاً
إلا نظر الله إليها،
ومن نظر الله إليه لم يعذبه

و بالنسبة ليديك ماتفرطيش في عمرك استعملي ديما القفازات و داومي علة استعمال زيت الزيتون و الله ليها مفعول سحري و ربي معاك ان شاء الله
تقبلي تحياتي و متشرفة بمعرفتك اختي الغالية

[sarra5]

wechbik a bentiii

kifek kifhom

kon jit ana ldar n9alebha 3lihom

rir hadi li mana9belhach

ntii mrida mala khlas ma3andhom mayahadroo

mala 9olilhom khadmetkom mahich lia

w hata haja matetfakrouni biha mala khlas

makayen hata hadra

kon hata jaw ymedoulek draham t3awen bihom rohak n9olo balak

mais hado ki 3ado heka khlas croix rouge 3lihom

w mamak 9omi biha normal hadi lazem 3lik w ajrak kbir 3and rabi

[perla16]

اولا نرحب بيك اختي كعضو جديد معانا و سعداء جدا بانضمامك لينا في هاذ المنتدى الي اكيد رايحة تلقاي راحتك معنا كيما لقيتها انا بعد ماكنت ضايعة
ثانيا نهنيك على شجاعتك و صبرك و كونك مدبرة منزل بامتياز -مع الوقت الي رانا فيه قليل الي تخدم شغل الدار- و الله نحييك تحية كبييييييرة و فخورة جدا بيك
خواتاتك الله يهديهم و انتي ماراكيش تخدمي ليهم و الا تخدمي عليهم انتي راكي تقومي بواجبك المنزلي كربة بيت و اتاكدي بلي ربي سبحانو راهو يشوف فيك و ياااجرك على عملك
يقول رسول الله صل الله عليه و سلم :
أيما امرأة رفعت من بيت زوجها
شيئاً من موضع إلى موضع تريد به صلاحاً
إلا نظر الله إليها،
ومن نظر الله إليه لم يعذبه

و بالنسبة ليديك ماتفرطيش في عمرك استعملي ديما القفازات و داومي علة استعمال زيت الزيتون و الله ليها مفعول سحري و ربي معاك ان شاء الله
تقبلي تحياتي و متشرفة بمعرفتك اختي الغالية

شكرا جزيلا على الترحيب اختي مريم
صابرة وخايفة صبري ينفذ في الاول والخير انا انسان من دم ولحم ومنيش ملاك غاضتني وصل بيا الحال مرضت ولا شفقة ولا رحمة بكلمة طيبة

[perla16]

wechbik a bentiii

kifek kifhom

kon jit ana ldar n9alebha 3lihom

rir hadi li mana9belhach

ntii mrida mala khlas ma3andhom mayahadroo

mala 9olilhom khadmetkom mahich lia

w hata haja matetfakrouni biha mala khlas

makayen hata hadra

kon hata jaw ymedoulek draham t3awen bihom rohak n9olo balak

mais hado ki 3ado heka khlas croix rouge 3lihom

w mamak 9omi biha normal hadi lazem 3lik w ajrak kbir 3and rabi


قلتلهم انا كيفي كيفكم في الدار وساكنين فيها كامل وحدة ماهي مخيرة على الاخرى وقتلهم اذا انتوما ماش قاعدين ديروا واجباتكم الخاصة بيكم في المنزل يعني كل وحدة تغسل صحنها اللي تاكل وفيه وفراشها تهزه والله يا اختي فراشهم وغرفهم وليد صغير ميخليهاش هكاك ولقاوني نخدم وساكتة من نهار خلصت قرايتي وانا نخدم على سبب واحد موحال نشوف يما تخدم وهي مش قادرة موحال
يما قاتلي خلاص مادام محبوش يعاونوا في الدار خليلهم حوايجهم لا غسيل ولا تنظيف وغرفهم خليها وراني باذن الله رح نتعامل معاهم كهدا والشيء اللي غاضني كي مرضت قالوا راهي تلعب فيها وستوتة انا حساسية كون ما يسترش ربي رح توليلي اقزيما وهوا يستشفاو فيا تقول اني ضرتهم مانيش ختهم
وكي نقولهم يد وحدة متصفقش يقولولي احنا نسا خدامات وماناش بونيشات انتيا فارغة شغل وش تقعدي ديري بلا شغل دار انا منحبش نعاندهم يما مريضة ورح نزيد عليها
حسبي الله ونعم الوكيل

[تيماء الله]

سلامي اختي الكريمة شافاك اله واعانك يا حبيبتي شكون ما يفدش من شغل الدار الي ما يفضش
بالصح عندي ليك دباروة ما جدام خواتاتك ما يخدموش في الدار هما يتعاونو ويسلكولك وحدة تعاونك هكاك خليها تنطغف وانت افرزي وطيبيي والله غير المعينة مليحة وربي معاك
:19::19:

[nesma.sabah]

تامني والله راكي خير منهم المراة لي مش ناقية مهيش مرا العكس انتي كي ديري دار تلقاي روحك و ساجية الله يبارك شوفيهم هوما كي يديرو نهار وحداخر وفي خاطر يماك احملي كلش وراه ربي يشوف متفرطيش في عمرك ديري قفازات بلاستيك راهم غير هوما

[موج و صخر]

ابنتي الحبيبة بيرلا
لما قريت موضوعك
دعيت لك من قلبي
ربي يشفيك و يشفي امك
و ان شاء الله تتزوجي في اقرب وقت تتهناي من المشاكل
بما انك بارة بامك نقول لك يعطيك الصحة و الهناء و السعادة
و الله غير انت الي تربحي و تنالي كل خير ان شاء الله بسبب برك بامك
اما هنّ يجيهم نهار و يفطنوا و يندموا على افعالهم
اما بخصوص يديك استعملي القفازات و لا تفرطي فيهم ابدا
مع الدواء ان شاء الله تبراي
سلامي

[sarl02]

سبحان الله العظيم لهذه الدرجة وصلت المعاملة بين الاخوة والاخوات والله تقول لم يحملهن بطن واحدة.

[خولة لبابة]

بالنسبة لأخواتك...الله يهديهنّ.....اتركيهنّ و هنّ لوحدهنّ سيكتشفنّ اجحافهنّ في حقّك ......و انتي عندما ستصلين الى دار زوجكي.....كنت قد تعوّدتي على أشغال البيت لوحدكي.....هكذا لكي لا تتركي أم زوجكي تعمل و لا شيء........و تلبّين كل طلباتها...ههه.....استمري و كوني بارة بوالدتكي........و الله سيجازيكي خيرا.....بالنسبة ليديكي استعملي قفازات و اهتمي بصحتكي أكثر....أما تنظيم الوقت.....فحاولي أنتي تقسيم وقتكي.....فلا يمكني أن أخبركي عن تنظيمي أنا....لأنه ليس نفس الشيء.....فأنا طالبة و انتي أحسن منّي ماكثة في البيت......اصبري و احتسبي الأجر......الله يرزقك بالزوج الصالح ان شاء الله.......و اعانكي الله يا اختاه......

[sali-sali]

يماك ،باباك مايهدروش معاهم؟؟

حاولي تغيبي على الدار ايام وشوفيهم بلا بيك كيفاش يولو...روحي عند عمك،عمتك و لو ليوم واحد
يا اختي كون جيت في بلاصتك والله يخلصوها غالية
نورمالمو الويكاند يعاونوك ،هدو زعما قاريات و يخدمو
الله يهديهم و لا يهنيك منهم

[رُقية]

انا اختي لي كنت متقاسما معاها شغل تزوجت فهاد الصيف امالا غي انا لي تخدم فالدار مانخلي ماما دير والو عندي كي نود صباح شوية بكري ندير القهوة ونشوف شاندير فطور ايا ونتلها بالبيوت حنا عندنا دارنا كبيرة فيها 2 صالات كبار بزاف واول كبير 4 بيوت وكوزينة فيها 10م على 4 بصح حنا ماشي بزاف انا وخيي وماما وبابا لغبرة نتلهالها مرة على مرة وغسيل الملابس فالماشينا وعندي وقت للمنتدي وللتلفزة وللمطالعة وللعائلة وشكرا

[perla16]

سلامي اختي الكريمة شافاك اله واعانك يا حبيبتي شكون ما يفدش من شغل الدار الي ما يفضش
بالصح عندي ليك دباروة ما جدام خواتاتك ما يخدموش في الدار هما يتعاونو ويسلكولك وحدة تعاونك هكاك خليها تنطغف وانت افرزي وطيبيي والله غير المعينة مليحة وربي معاك
:19::19:

وعليكم السلام ورحمة الله تعالى وبركاته كون نقولهم هكدا منقدرش نصور واش راح يصرا نولي انا منسواش ونولي حسادة لانهم خدامين وانا لا
شكرا جزيلا

تامني والله راكي خير منهم المراة لي مش ناقية مهيش مرا العكس انتي كي ديري دار تلقاي روحك و ساجية الله يبارك شوفيهم هوما كي يديرو نهار وحداخر وفي خاطر يماك احملي كلش وراه ربي يشوف متفرطيش في عمرك ديري قفازات بلاستيك راهم غير هوما

نعم اختي بصح انا منيش خدامة عليهم من الان فصاعدا حوايجهم كامل مندورش بيهم وصلت لصحتي رح تروح مني وانا صغيرة على جالتهم على جالت والديا معليش وراهي بر بالوالدين بصح علاجالت ناس تهيني ابدا تخيلي وصل بيهم الحال يكذبوا عليا في مرة الاخت الكبيرة هادي كبيرة انا اللي نظفت الحمام ويما شافتني وخرجت ولات كي جات هي ملقاتهاش "يما" كي جات يما تكذب عليها وتقولها كي مرحتش نخدم نظفتلك الحمام حاشاك يما هبلتها قاتلها خافي ربي بركاي بلا كذب راسها مقدرتش ترفدو حسبي الله ونعم الوكيل

[perla16]

ابنتي الحبيبة بيرلا
لما قريت موضوعك
دعيت لك من قلبي
ربي يشفيك و يشفي امك
و ان شاء الله تتزوجي في اقرب وقت تتهناي من المشاكل
بما انك بارة بامك نقول لك يعطيك الصحة و الهناء و السعادة
و الله غير انت الي تربحي و تنالي كل خير ان شاء الله بسبب برك بامك
اما هنّ يجيهم نهار و يفطنوا و يندموا على افعالهم
اما بخصوص يديك استعملي القفازات و لا تفرطي فيهم ابدا
مع الدواء ان شاء الله تبراي
سلامي

شكرا جزيلا وانا ايضا لما قريت ردك حسيتك ام لي ثانية ربي يعيشك ان شاء الله يبرا جرحي المعنوي اهو اللي مازال يحرق اكثر من المادي بارك الله فيك


سبحان الله العظيم لهذه الدرجة وصلت المعاملة بين الاخوة والاخوات والله تقول لم يحملهن بطن واحدة.

بل اكثر ولا تستغرب الضراير ميديروش هكدا

بالنسبة لأخواتك...الله يهديهنّ.....اتركيهنّ و هنّ لوحدهنّ سيكتشفنّ اجحافهنّ في حقّك ......و انتي عندما ستصلين الى دار زوجكي.....كنت قد تعوّدتي على أشغال البيت لوحدكي.....هكذا لكي لا تتركي أم زوجكي تعمل و لا شيء........و تلبّين كل طلباتها...ههه.....استمري و كوني بارة بوالدتكي........و الله سيجازيكي خيرا.....بالنسبة ليديكي استعملي قفازات و اهتمي بصحتكي أكثر....أما تنظيم الوقت.....فحاولي أنتي تقسيم وقتكي.....فلا يمكني أن أخبركي عن تنظيمي أنا....لأنه ليس نفس الشيء.....فأنا طالبة و انتي أحسن منّي ماكثة في البيت......اصبري و احتسبي الأجر......الله يرزقك بالزوج الصالح ان شاء الله.......و اعانكي الله يا اختاه......

شكرا جزيلا

[perla16]

يماك ،باباك مايهدروش معاهم؟؟

حاولي تغيبي على الدار ايام وشوفيهم بلا بيك كيفاش يولو...روحي عند عمك،عمتك و لو ليوم واحد
يا اختي كون جيت في بلاصتك والله يخلصوها غالية
نورمالمو الويكاند يعاونوك ،هدو زعما قاريات و يخدمو
الله يهديهم و لا يهنيك منهم

بابا كون ينوضلهم يخلطهم في بعضاهم ويما كرهت منهم مبقاش معاهم هدرة هادوا قاتلهم اخدموا قالولها هادي دارك ماشي دارنا تتخيلي هذا؟ هذا ولد ميقولهاش لامه حتى انا قارية اختي لكني بطالة راني في الدار حالتي حالة جميع الناس بناات وذكور
شكرا جزيلا

انا اختي لي كنت متقاسما معاها شغل تزوجت فهاد الصيف امالا غي انا لي تخدم فالدار مانخلي ماما دير والو عندي كي نود صباح شوية بكري ندير القهوة ونشوف شاندير فطور ايا ونتلها بالبيوت حنا عندنا دارنا كبيرة فيها 2 صالات كبار بزاف واول كبير 4 بيوت وكوزينة فيها 10م على 4 بصح حنا ماشي بزاف انا وخيي وماما وبابا لغبرة نتلهالها مرة على مرة وغسيل الملابس فالماشينا وعندي وقت للمنتدي وللتلفزة وللمطالعة وللعائلة وشكرا

ربي يخليلك اختك ان شاء الله نغير كي نشوف هكدا انا مرات نقول كون غير جيت وحدي في الدار معليش منيش وحدي ناكل نشرب ونستعمل في الدار حتى نخدم وحدي مرات نبكي نبكي ونقول علاش صاري فيا هكدا راني مدرت والو في دنيتي محرقت جوامع ما اذيت ناس نرد لقلبي ونسكت خايفة نخلصها بمرض خبيث عافاكم الله من هاد الغم

[wafa16]

لازم يماك تهدر معاهم كي قاعدة في الدار لازم تخدميهم
تخدمي يماك بالسيف عليك بصح هوما تاني ماراهمش في فندق ياكلو و يشربو و يرقدو
لازم تقسمو الواجبات بيناتكم ويماك هي اللي لازم تتدخل

[isyami]

االسلام عليكم
صحيح أنك ستكونين أفضل يوم تتزوجين لأنك تحسنين كل أعمال البيت، و صحيح أنك افضل منهن...و لكن لا يغرنك هذا الكلام لأنه سيجعلك خادمة لهما و سينهك العمل جسدك و هذا ظلم.
أختي جوهرة ،حافظي على بريقك حتى لا يبلى.لست مجبرة على القيام بكل شؤون البيت و بخاصة ما تعلق بهما
لا تغسلي ثيابهما، و لاتحضري لهما قهوة أو شاي المساء ، لا تغسلي فراشهما، لاتقدمي لهما شيئا بعد عودتهما من العمل فأنت ايضا كنت تعملين طوال اليوم.
إذا تذمرتا ، كما قالت أحدى العضوات قبلي ، فلتستأجرا مساعدة بيت، و إلا أتركي لهما كل ما تعلق بهما

أما عن يديك ، فأتساءل لماذا تستعملين المنظفات بهذا الشكل؟ من قال أنه يجب استعمال ماء جافيل يوميا؟ من قال أنه عليك استعمال بودرة الغسالة لغسل الملابس باليد؟و..و..و
يمكنك أن تكوني نظيفة دون استعمل هذه المواد المضرة

لمساعدتك اقول، عليك بزيت الزيتون يوميا في الليل، و في الصباح عليك بالفازلين و استعيني بالقفازات بعد أن تكوني قد وضعتي فيها شيئا من بوردة التالك حتى لا تلتصق ببشرتك و كذلك لا تيبس

موفقة يا جوهرة:1:،

[تيماء الله]

سلامي اختي مي قوليلي علاه ما خممتيش فلي يعاونك في الدار احنا هنا كامل د
ايرينها والحمد لله تشوفي كاش وحدة ثقة
وربي معاك
:19:

[شاملة لينة]

أختي أنت ماكثة في البيت وتقومين بشؤون البيت.
وهما ترفضان المساعدة............ أنت من عودتهما ذلك الخطأ منك. اهتمي بأمك بالدرجة الأولى. ثم قومي بالواجبات الأخرى الأهم ثم المهم.
( كيما تقول أمي الخدمة نتيجة العمر أي أنها لاتنتهي إلى الممات).
ثانيا كيفاش تسمحي لروحك تغسلي لهم حوايجهم وترتبي غرفتهم.
أنت واحدة اسمحليلي * نية* .............. كاين رجال يحشمو باش يقولو لأختهم اغسلي الحوايج ورتبي الغرفة هم يقوموا بهذا وحدهم .
جارتنا عاملة عندها 4 أولاد ذكور صدقيني كل وجبه واحد يغسل المواعين وكل مرة واحد يغسل الغسيل للعائلة كامل في الغسالة.
ويرتبو معاها الغرف يد بيد.
المعاونة ماشيع عيب.
إذا رفضوا مش مشكل اهتمي بأمك ونفصي العمل عليهم تدريجيا باش يتعودو بشوية
.أما عن المنظفات كيما فهمت انتم عائلة صغيرة.. يعني الأوساخ ماراحش تكون بدرجة كبيرة.
لا تستعملي المنظفات. يكفيك الماء والصابون.. المهم المكان يكون طاهر.... أختي صحتك بالدنيا.
وما تفلفيش روحك اما تأخري عمل ماراحش يهرب.
أخيرا حل المشكل عندك كوني شوية أنانية معاهم. شوية أنانية ماتضرش مع النوع نتاعهم

[perla16]

لازم يماك تهدر معاهم كي قاعدة في الدار لازم تخدميهم
تخدمي يماك بالسيف عليك بصح هوما تاني ماراهمش في فندق ياكلو و يشربو و يرقدو
لازم تقسمو الواجبات بيناتكم ويماك هي اللي لازم تتدخل

قالت امي وهدرت ماعندها ماديرلهم الوحدة قد الوحدة كبار كيفاش تضربهم؟ رانا عيينا منهم


االسلام عليكم
صحيح أنك ستكونين أفضل يوم تتزوجين لأنك تحسنين كل أعمال البيت، و صحيح أنك افضل منهن...و لكن لا يغرنك هذا الكلام لأنه سيجعلك خادمة لهما و سينهك العمل جسدك و هذا ظلم.
أختي جوهرة ،حافظي على بريقك حتى لا يبلى.لست مجبرة على القيام بكل شؤون البيت و بخاصة ما تعلق بهما
لا تغسلي ثيابهما، و لاتحضري لهما قهوة أو شاي المساء ، لا تغسلي فراشهما، لاتقدمي لهما شيئا بعد عودتهما من العمل فأنت ايضا كنت تعملين طوال اليوم.
إذا تذمرتا ، كما قالت أحدى العضوات قبلي ، فلتستأجرا مساعدة بيت، و إلا أتركي لهما كل ما تعلق بهما

أما عن يديك ، فأتساءل لماذا تستعملين المنظفات بهذا الشكل؟ من قال أنه يجب استعمال ماء جافيل يوميا؟ من قال أنه عليك استعمال بودرة الغسالة لغسل الملابس باليد؟و..و..و
يمكنك أن تكوني نظيفة دون استعمل هذه المواد المضرة

لمساعدتك اقول، عليك بزيت الزيتون يوميا في الليل، و في الصباح عليك بالفازلين و استعيني بالقفازات بعد أن تكوني قد وضعتي فيها شيئا من بوردة التالك حتى لا تلتصق ببشرتك و كذلك لا تيبس

شكرا جزيلا على النصائح بارك الله فيك وهذا ما سأقوم به طبقته البارح واليوم يا اختي ومسلكتش على خير انا غير نخاف على يما درك راهو الكلام الزايد والتشراك راهم يقولولها واشمن خدمة حسبي الله ونعم الوكيل


موفقة يا جوهرة:1:،



سلامي اختي مي قوليلي علاه ما خممتيش فلي يعاونك في الدار احنا هنا كامل د
ايرينها والحمد لله تشوفي كاش وحدة ثقة
وربي معاك
:19:

يشوفو هوما مادامهم خدامات وميقيسوش البرا انا اللي عليا مادامني في الدار وما نروح منها رح نبقى نقوم بوالديا واخي الصغير وهوما ربي يسهل عليهم كرهتهم وكرهت سيرتهم ميحشموش تاهع مشاكل
بارك الله فيكي وجزاك الف خير

[perla16]

أختي أنت ماكثة في البيت وتقومين بشؤون البيت.
وهما ترفضان المساعدة............ أنت من عودتهما ذلك الخطأ منك. اهتمي بأمك بالدرجة الأولى. ثم قومي بالواجبات الأخرى الأهم ثم المهم.
( كيما تقول أمي الخدمة نتيجة العمر أي أنها لاتنتهي إلى الممات).
ثانيا كيفاش تسمحي لروحك تغسلي لهم حوايجهم وترتبي غرفتهم.
أنت واحدة اسمحليلي * نية* .............. كاين رجال يحشمو باش يقولو لأختهم اغسلي الحوايج ورتبي الغرفة هم يقوموا بهذا وحدهم .
جارتنا عاملة عندها 4 أولاد ذكور صدقيني كل وجبه واحد يغسل المواعين وكل مرة واحد يغسل الغسيل للعائلة كامل في الغسالة.
ويرتبو معاها الغرف يد بيد.
المعاونة ماشيع عيب.
إذا رفضوا مش مشكل اهتمي بأمك ونفصي العمل عليهم تدريجيا باش يتعودو بشوية
.أما عن المنظفات كيما فهمت انتم عائلة صغيرة.. يعني الأوساخ ماراحش تكون بدرجة كبيرة.
لا تستعملي المنظفات. يكفيك الماء والصابون.. المهم المكان يكون طاهر.... أختي صحتك بالدنيا.
وما تفلفيش روحك اما تأخري عمل ماراحش يهرب.
أخيرا حل المشكل عندك كوني شوية أنانية معاهم. شوية أنانية ماتضرش مع النوع نتاعهم

نفس كلام امي وراني نطبق فيه خلاص طفح الكيل منهم وعلى سيرة الرجال والله اخي الصغير موالف يعاوني في الخدمة ويرتب غرفته المشكلة تاعهم كي ننطق على حقي يعايروني اني قاعدة في الدار وبدون عمل واني منعرفش معنى العمل تقول رانا نسا سلاف عايشين في دار وحدة والا ضراير انا خلصت قرايتي وقاعدة في الدار حالي حال كل الناس
المشكل في مشاكلهم اللي متخلصش والكذب اللي يكذبوه عليا تخيلي غرفة اختي كي الكوري كي كنت نوظبها ومتشوفنيش تحسب باللي امي اللي دارتها متقول والو وكي تشوفني وانا اللي نوظب فيها تشريهالي وتولي تقول ضاعولي حوايجي وتجي تقلبها راسا على عقب حسبي الله ونعم الوكيل

[staifia]

السلام عليكم اختي العزيزة
مرحبا بيك معانا وان شاء الله تلقاي راحتك معانا ,,,,
اولا شوفي يا ختي خدمة الدار والله ما تضر كيما الكلام اللي تسمعيه منهم صح او لالا ....؟؟
انتي راكي تخدمي على امك المريضة ربي يشفيهـــا ويعافيهــــا ,,,,
اللي عليك تخدميه ,,, وهما زعما قاريات وخدامات , وبلا فهامة اسمحيلي على هادي الهدرة ,,, لاه لي يخدم ويقرا ما يدير والو ....؟؟
انتي متخدميش عليهم ,,, يعني خلي حوايجهم هكداك غرفتهم وملابسهم ,الحوايج لي يخصوهم ,,,
اكيد الدار متقدريش تخليها هكداك ,,, هادي هي
ويديك متفرطيش فيهم اجري على روحكـ ,,, استعملي قفازات كي تكوني تخدمي ,,,,
وربي يكون معاك ويفرج عليك ويرزقكـ بالزوج الصالح ,,,
تحيتي ..

[شاملة لينة]

نفس كلام امي وراني نطبق فيه خلاص طفح الكيل منهم وعلى سيرة الرجال والله اخي الصغير موالف يعاوني في الخدمة ويرتب غرفته المشكلة تاعهم كي ننطق على حقي يعايروني اني قاعدة في الدار وبدون عمل واني منعرفش معنى العمل تقول رانا نسا سلاف عايشين في دار وحدة والا ضراير انا خلصت قرايتي وقاعدة في الدار حالي حال كل الناس
المشكل في مشاكلهم اللي متخلصش والكذب اللي يكذبوه عليا تخيلي غرفة اختي كي الكوري كي كنت نوظبها ومتشوفنيش تحسب باللي امي اللي دارتها متقول والو وكي تشوفني وانا اللي نوظب فيها تشريهالي وتولي تقول ضاعولي حوايجي وتجي تقلبها راسا على عقب حسبي الله ونعم الوكيل



على حساب كلامك راهم رافضينك وينظرو ليك بنقص.
قوي شخصيتك شوية واللي حبك حبيك واللي أهانك ابتعدي عنه فالسكوت عن الأحمق جوابه.... وما يهمكش لما يلقاو الناس من فاميلتكم الدار مش مرتبة رتبي الصالون والكوزينة وغرف خاوتك الذراري أما اخواتك لا حبسي عليهم الدلال ... وهذي وهي أمك حية حقروك .....................
وأن شاء الله زوجك يعوضك شوية حنان وفقك الله

[* الحلم سكر *]

بصراحة أنا لو مكانك نهتم الا بأمي و واجباتي المنزلية ماعدا أمور المنزل الخاصة بيهم .. خلي الخدمة تنفعهم كلنا خدامين مي سبحان اللـه لا ضــرر و لا ضــرار
انتي ما تقلقيش روحك ديري في بالك راكي تدي أجر خدمتك لأمك و بزيادة راكي تتعودي على الشغل و راح تلقاي روحك كي تتزوجي ان شاء اللـه أمالا غيري نظرتك جربي كامل واش ما تعرفيش و تعودي على الخدمة ليك ماشي ليهم و كيما قتلك خليلهم بيتهم و ملابسهم هما يدبرو راسهم فيها
ادعي ربي يحفظ عليهم النعمة اللي راهم يتكبرو بيها على خلقو سبحان الله ...من كان في نعمة و لم يشكر خرج منها و لم يشعر
ربي يهديهم و يديك و الحساسية غير ما كلاه تخليها تتفر فيك صحتك أولا
و الأهم اربـحي انت دعـــوة خــيـر من يماك و هما ما يهمكش في كلامهم خلي الــوقت يفيقهم و ربي معاك

[نورسين.داية]

سبحان الله الدنيا هاذي كل إنسان و همومو ....................................ربي فرج عليك أختي

[élena]

موضوعك المني كثيرا...لكن يجب عليك ان تلتفتي الى حياتك أنت ايضا..يجب ان تحافظي على صحتك..مظهرك..شبابك...مش عيب انك تخدمي في الدار..العيب أنك سمحت من حقك بزاف....كيما قالت الاخت روحي غيري الجو أحيانا...غيري من شخصيتك ماتكونيش ساهلة معاهم..هاذو مش تاع خير..اسمحيلي على التعبير..

[perla16]

السلام عليكم اختي العزيزة
مرحبا بيك معانا وان شاء الله تلقاي راحتك معانا ,,,,
اولا شوفي يا ختي خدمة الدار والله ما تضر كيما الكلام اللي تسمعيه منهم صح او لالا ....؟؟
انتي راكي تخدمي على امك المريضة ربي يشفيهـــا ويعافيهــــا ,,,,
اللي عليك تخدميه ,,, وهما زعما قاريات وخدامات , وبلا فهامة اسمحيلي على هادي الهدرة ,,, لاه لي يخدم ويقرا ما يدير والو ....؟؟
انتي متخدميش عليهم ,,, يعني خلي حوايجهم هكداك غرفتهم وملابسهم ,الحوايج لي يخصوهم ,,,
اكيد الدار متقدريش تخليها هكداك ,,, هادي هي
ويديك متفرطيش فيهم اجري على روحكـ ,,, استعملي قفازات كي تكوني تخدمي ,,,,
وربي يكون معاك ويفرج عليك ويرزقكـ بالزوج الصالح ,,,
تحيتي ..


ربي يجازيك اختي بارك الله فيكي وهو كذلك :mh92:

[perla16]

على حساب كلامك راهم رافضينك وينظرو ليك بنقص.
قوي شخصيتك شوية واللي حبك حبيك واللي أهانك ابتعدي عنه فالسكوت عن الأحمق جوابه.... وما يهمكش لما يلقاو الناس من فاميلتكم الدار مش مرتبة رتبي الصالون والكوزينة وغرف خاوتك الذراري أما اخواتك لا حبسي عليهم الدلال ... وهذي وهي أمك حية حقروك .....................
وأن شاء الله زوجك يعوضك شوية حنان وفقك الله

يعلم الله يا اختي راني كل يوم ندير في تمارين لنفسي باش نقدر نتحمل وتقوى شخصيتي اكثر واكثر ان شاء الله اختي بارك الله فيك

[شقراء سوف]

مافيها والو كان خدمتيهم راهم اخواتاتك ربي يخليكم لبعضاكم ان شاء الله اخدمي بدون مقابل اجرك على الله متستني منهم والو والله حاجة مليحة تتعلمي كبر القلب والصبر والسكاااااااااااااتتتتتت بالطريقة هذه على الاقل كي تتزوجي تلقاي روحك موالفة على كلش خدمة الدار والصبر على الي عايشين معاك وربي يشفيلك والدتك ويهنيها عليك // انا كبيرة في الدار قلبي مقطع و غايضتني امي كي نزوج من تلقى يعاونها راهي ناس كامل بهمومها متقلقيش روحك

[حياتي نبع امل]

يا اختى الله يقدرك ويعينك تاسفت والله لوكان جا فيهم الخير يبان في يماهم نورمالمو يديرو خدامة للدار وانت تقعدي للطياب وليماك
شوفي قومي بيماك وخوك وبنفسك برك هوما تان نسا يغسلو حوايجهم وينقو بيوتهم وحدهم
لوكان جاو يفهمو كل يوم يجيبولك حويجة معاهم ماشي الاهانة و و و و و
الله يهديهم
انت كملي اجري على روحك وما تخليش يديك يلحقو يولو في حالة اشري قفازات تاع شغل وغسيل ومسيح وقفازات تاع الطياب كي تغسلى الخضر ولا الفاكهة هكدا يديك ما يمسوش الما باش تبراي بلخف وما تاثرش عليك الحساسية انا هكداك دوك ولات عندي الاكزيما في يديا وراكي شفتي واش دير فيك الحكة حتى يولي الدم يسيل منهم وما نقدرش كامل نحركهم الحمد لله دوك مع الدوا والقفازات راني الحمد لله
الله يعينك ويقدرك ما تقنطيش روحك ومرحبا بيك مع خواتاتك رانا هنا كاشما احتجت نعاونوك يالوكان بالدعاء

[perla16]

بصراحة أنا لو مكانك نهتم الا بأمي و واجباتي المنزلية ماعدا أمور المنزل الخاصة بيهم .. خلي الخدمة تنفعهم كلنا خدامين مي سبحان اللـه لا ضــرر و لا ضــرار
انتي ما تقلقيش روحك ديري في بالك راكي تدي أجر خدمتك لأمك و بزيادة راكي تتعودي على الشغل و راح تلقاي روحك كي تتزوجي ان شاء اللـه أمالا غيري نظرتك جربي كامل واش ما تعرفيش و تعودي على الخدمة ليك ماشي ليهم و كيما قتلك خليلهم بيتهم و ملابسهم هما يدبرو راسهم فيها
ادعي ربي يحفظ عليهم النعمة اللي راهم يتكبرو بيها على خلقو سبحان الله ...من كان في نعمة و لم يشكر خرج منها و لم يشعر
ربي يهديهم و يديك و الحساسية غير ما كلاه تخليها تتفر فيك صحتك أولا
و الأهم اربـحي انت دعـــوة خــيـر من يماك و هما ما يهمكش في كلامهم خلي الــوقت يفيقهم و ربي معاك


شكرا جزيلا اختي الكريمة غلى الرد لولا ردودكم لازدادت حالتي سوءا


سبحان الله الدنيا هاذي كل إنسان و همومو ....................................ربي فرج عليك أختي

وربي يفرج هم كل انسان اختي ان شاء الله

[perla16]

موضوعك المني كثيرا...لكن يجب عليك ان تلتفتي الى حياتك أنت ايضا..يجب ان تحافظي على صحتك..مظهرك..شبابك...مش عيب انك تخدمي في الدار..العيب أنك سمحت من حقك بزاف....كيما قالت الاخت روحي غيري الجو أحيانا...غيري من شخصيتك ماتكونيش ساهلة معاهم..هاذو مش تاع خير..اسمحيلي على التعبير..

صحيح اخت يوهذا ما افكر فيه الذهاب عند خالي يسكن في ولاية اخرى وتمضية بعض الوقت هنالك لكني افكر في الذهاب مع امي


مافيها والو كان خدمتيهم راهم اخواتاتك ربي يخليكم لبعضاكم ان شاء الله اخدمي بدون مقابل اجرك على الله متستني منهم والو والله حاجة مليحة تتعلمي كبر القلب والصبر والسكاااااااااااااتتتتتت بالطريقة هذه على الاقل كي تتزوجي تلقاي روحك موالفة على كلش خدمة الدار والصبر على الي عايشين معاك وربي يشفيلك والدتك ويهنيها عليك // انا كبيرة في الدار قلبي مقطع و غايضتني امي كي نزوج من تلقى يعاونها راهي ناس كامل بهمومها متقلقيش روحك

لا اريد مقابل ولا اريد حتى كلمة لكن الكيل طفح لان كل شيء اقوم به يقابلوه بالمعايرة والاساءة وليس من واجبي خدمتهم لاني كيفي كيفهم في المنزل واجباتي هي واجباتهم انا تغاضيت عن هذا ونخدم وساكتة لكن عندما مرضت توقعت انهم يحنوا عليا ولو بكلمة بالعكس ارى الجفاء والشماتة والتعالي والكبرياء
لذلك قررت ان اعمل في اطار امي وابي واخي لست ملاكا لابقى واتحمل كل هذا

[perla16]

يا اختى الله يقدرك ويعينك تاسفت والله لوكان جا فيهم الخير يبان في يماهم نورمالمو يديرو خدامة للدار وانت تقعدي للطياب وليماك
شوفي قومي بيماك وخوك وبنفسك برك هوما تان نسا يغسلو حوايجهم وينقو بيوتهم وحدهم
لوكان جاو يفهمو كل يوم يجيبولك حويجة معاهم ماشي الاهانة و و و و و
الله يهديهم
انت كملي اجري على روحك وما تخليش يديك يلحقو يولو في حالة اشري قفازات تاع شغل وغسيل ومسيح وقفازات تاع الطياب كي تغسلى الخضر ولا الفاكهة هكدا يديك ما يمسوش الما باش تبراي بلخف وما تاثرش عليك الحساسية انا هكداك دوك ولات عندي الاكزيما في يديا وراكي شفتي واش دير فيك الحكة حتى يولي الدم يسيل منهم وما نقدرش كامل نحركهم الحمد لله دوك مع الدوا والقفازات راني الحمد لله
الله يعينك ويقدرك ما تقنطيش روحك ومرحبا بيك مع خواتاتك رانا هنا كاشما احتجت نعاونوك يالوكان بالدعاء

الحمد لله لقيت اللي حاس بالم مرضي شفتي اختي العزيزة هاديك الحكة والالم الفضيع والدم الذي يسيل ويديك يتحجروا والله العظيم هاداك الالم اقل من الم البغض وسوء المعاملة اللي اتلقاها
انا بحاجة للدعاء فمالي الا الله ووالديا وانتم اخواتي الكرام الحمد لله بكم قوية عزيمتي

[pomaria_aindefla]

سجيلي في فرع الحلويات أو الحلاقة في مراكز تكوين المهني الفريب منك أو في مدرسة خاصة لتعليم الحلويات على تخرجي شويا في المساء تفرجي على روحك أو في الدروس المسائية إلا قالولك أين وجدت هده الفكرة قولي لهم في المدياغ قالوها . العاصمة يوجد بها مدلرس لتعلسم الحلويات تبارك الله . الله يرزقك بوليد الخلال

[nada_05_]

قلتلهم انا كيفي كيفكم في الدار وساكنين فيها كامل وحدة ماهي مخيرة على الاخرى وقتلهم اذا انتوما ماش قاعدين ديروا واجباتكم الخاصة بيكم في المنزل يعني كل وحدة تغسل صحنها اللي تاكل وفيه وفراشها تهزه والله يا اختي فراشهم وغرفهم وليد صغير ميخليهاش هكاك ولقاوني نخدم وساكتة من نهار خلصت قرايتي وانا نخدم على سبب واحد موحال نشوف يما تخدم وهي مش قادرة موحال
يما قاتلي خلاص مادام محبوش يعاونوا في الدار خليلهم حوايجهم لا غسيل ولا تنظيف وغرفهم خليها وراني باذن الله رح نتعامل معاهم كهدا والشيء اللي غاضني كي مرضت قالوا راهي تلعب فيها وستوتة انا حساسية كون ما يسترش ربي رح توليلي اقزيما وهوا يستشفاو فيا تقول اني ضرتهم مانيش ختهم
وكي نقولهم يد وحدة متصفقش يقولولي احنا نسا خدامات وماناش بونيشات انتيا فارغة شغل وش تقعدي ديري بلا شغل دار انا منحبش نعاندهم يما مريضة ورح نزيد عليها
حسبي الله ونعم الوكيل
هتا انا حكايتي كيما حكايتك كملت قرايتي وراني مدايرة بري اومبلوا اختي وحدة طبيبة ولخرى تقرا فالجامعة ما يحركوش مغرف بصح ندير كيما قالتلك يماك مانغسلهم حوايجهم مانقيلهم الغرف تاعهم كيما مايكونش بابا مانطيبلهمش كي ندير قاطو ولا خبز الدار مانمدلهمش يدو معاهم للخدمة ولا الجامعة اذا طلبو مني حاجة مانقضيهالهمش بصح مانسبهم ما نكثر الهدرة معاهم.
والنتيجة لي تقرا فالجامعة عدلت روحها ولخرا مازالت بصح بدات تحس.
وربي يهديهم ويهدي لبنات كل ديما نقول خواتاتي مانحبلهم غير الخير بصح خلي نميزرهم شوية باش يفيقو قبل مايزوجوا ويعايروهم الناس.

[perla16]

سجيلي في فرع الحلويات أو الحلاقة في مراكز تكوين المهني الفريب منك أو في مدرسة خاصة لتعليم الحلويات على تخرجي شويا في المساء تفرجي على روحك أو في الدروس المسائية إلا قالولك أين وجدت هده الفكرة قولي لهم في المدياغ قالوها . العاصمة يوجد بها مدلرس لتعلسم الحلويات تبارك الله . الله يرزقك بوليد الخلال

السلام عليكم اختي سآخذ بنصيحتك باذن الله نعم ف يالعاصمة يوجد العديد العديد من المدارس الخاصة لهذه التكوينات بارك الله فيكي




هتا انا حكايتي كيما حكايتك كملت قرايتي وراني مدايرة بري اومبلوا اختي وحدة طبيبة ولخرى تقرا فالجامعة ما يحركوش مغرف بصح ندير كيما قالتلك يماك مانغسلهم حوايجهم مانقيلهم الغرف تاعهم كيما مايكونش بابا مانطيبلهمش كي ندير قاطو ولا خبز الدار مانمدلهمش يدو معاهم للخدمة ولا الجامعة اذا طلبو مني حاجة مانقضيهالهمش بصح مانسبهم ما نكثر الهدرة معاهم.
والنتيجة لي تقرا فالجامعة عدلت روحها ولخرا مازالت بصح بدات تحس.
وربي يهديهم ويهدي لبنات كل ديما نقول خواتاتي مانحبلهم غير الخير بصح خلي نميزرهم شوية باش يفيقو قبل مايزوجوا ويعايروهم الناس.


صح اختي حتى امي عيات وتقولهم اخدموا راكم من بعد توليو متقدروش قالولها احنا خدامات وكي نديروا الدار نديروها بالخدامة منقيسوا والوا والله تقول كاش انسان عقدهم من الخدمة تاع الدار والا هو ولف كي والفوا ميقيسوا والوا
بارك الله فيكي اختي واعانني واعانك الله

[ام ملاك.]

هذاك التفنيين قتلهم ولقاو شكون اللي يخدم عليهم سي نو رمال يزيدو يطلعو
ماتزيديش تخدمي حوايجهم وخليهم يدبرو راسهم كيما قالولك البنات
الله يهديهم ويعينك

[amirateljazayer]

ان شاء الله ربي يعينك اختي
راني حاسة بيك ..بصح الاهم انو يماك راها تشوف بعينيها وعارفة كل شيء
تاكدي في جميع الاحوال والله غير ربي يعطيك ويحرمهم ..كل انسان في هاذ الدنيا ياخذ على حساب نيتو وقلبو
قد ما تصفّيها مع الناس ربي يصفيّهالك ..
انت اخدمي يمّاك وافرزي الاماكن اللي يدخلوها الناس
واتركي غرفهم كيما هي ..وغسيلهم وتطباق حوايجهم ...الخ ماتعوديهمش يتكلو عليك في كل شيء
واش راهم يديرو في خدمتهم ؟ هاذو راهم عازبات وراهم هكذا غدوا ان شاء الله يتزوجو واش يصرا
هاذا تفنيين حقيقة واللي ماقدراش تخدم نفسها كيفاش تخدم راجلها واولادها من بعد
--------
راكي رابحة عليهم في جميع الاحوال اختي ..راكي قريتي وزدتي تحملتي المسؤولية وتعلمتي شغل الدار
+
هوما راهم يعلمو فيك حاجة مليحة تاني تحتاجيها في حياتك وهي الصبر
ربي يجيبلك ولد الحلال وهنيئا له بفتاة مثلك
وهوما ربي يهديهم

[perla16]

هذاك التفنيين قتلهم ولقاو شكون اللي يخدم عليهم سي نو رمال يزيدو يطلعو
ماتزيديش تخدمي حوايجهم وخليهم يدبرو راسهم كيما قالولك البنات
الله يهديهم ويعينك

شكرا اختي العزيزة بارك الله فيك


ان شاء الله ربي يعينك اختي
راني حاسة بيك ..بصح الاهم انو يماك راها تشوف بعينيها وعارفة كل شيء
تاكدي في جميع الاحوال والله غير ربي يعطيك ويحرمهم ..كل انسان في هاذ الدنيا ياخذ على حساب نيتو وقلبو
قد ما تصفّيها مع الناس ربي يصفيّهالك ..
انت اخدمي يمّاك وافرزي الاماكن اللي يدخلوها الناس
واتركي غرفهم كيما هي ..وغسيلهم وتطباق حوايجهم ...الخ ماتعوديهمش يتكلو عليك في كل شيء
واش راهم يديرو في خدمتهم ؟ هاذو راهم عازبات وراهم هكذا غدوا ان شاء الله يتزوجو واش يصرا
هاذا تفنيين حقيقة واللي ماقدراش تخدم نفسها كيفاش تخدم راجلها واولادها من بعد
--------
راكي رابحة عليهم في جميع الاحوال اختي ..راكي قريتي وزدتي تحملتي المسؤولية وتعلمتي شغل الدار
+
هوما راهم يعلمو فيك حاجة مليحة تاني تحتاجيها في حياتك وهي الصبر
ربي يجيبلك ولد الحلال وهنيئا له بفتاة مثلك
وهوما ربي يهديهم




صباح الخير اختي وانا اقوم بذلك واتبعت مشورة امي والاخوات هنا جزاكم الله كل خير

[اميرة 022]

ا نا نقلك ربي يجازيك راكي مراة ربي يبارك مرة وعليها الكلام صحححح كاين من هاذو الناس يلي قلوبهم مصنوعين بالحجر انا ننصحك نقي ماماك و نظفي غرفتك و غرفتها وديري عشاء غير ليك وليها يعني كونتيتي قليلة وخليهم بلا عشاء يوم ولا يومين و خلي شنابرهم تفوح بالريحة المسخة تشوفي الفرق ورديلي الخبر
نتيجة مضمونة