كفاه ندير

[مشكلتي]

عمري 23 سنة ادرس الطب عرضتني خالتي لشخص امه تبحث له عن زوجة "ماتحوسيش بعيد اي كاينة الفلانة ومدحتني لهم "
حيث ان خالتي هي زوجة عمه وعندما سمعت امي لم تمانع وقالت لي نشوفوا هوما فاميليا مليحة و هو عندو مستوي جامعي يعمل و عندوا سكن و مايخصهوم والوا وهم موافقين عليك هو و امه ؟ انا مافهمتش كيفاه هو موافق مايعرفنيش
خالتي تلح علي بأنها عرضتني عليه وشافك في صور زفاف ابنتها وعجبتوا و بأنه موافق
خوفنتي هده الحكاية فسألت عنه ابنة خالتي اي هي بنت عمه فشكرته من كل النواحي وسألتها ان تحكيلي كيف تمت المآمرة
تبين انه جاء عندهم و كانوا النسوة مجتمعين لحفل زيادة ابنها فعرضت عليه خالتي الامر و أرته بعض الصور فوافق مبدئيا علي ان يفكر برزانة ويرد نهائيا فيما بعد, وبعدها اخبرته بأنني وامي موافقتان ولم يبقي الا هو فلم يرد الي حد الان رأيت صوره وهو عادي مقبول الشكل يبدوا صغير بالنسبة لعمره 29 سنة و بنت خالتي تقولي يخرج عليك
و البارحة اتصلت بي ابنة خالتي تقولي انه جاء عندها وسأل عليك بزاف و حاب يهدر معاك
كفاه ندير دبروا عليا

[شقراء سوف]

كي يهدر معاك واش بش يقلك خلاص ياخي هو موافق وانتي موافقة مبدئيا وين راهم اهله واهلك يجوكم ويتتفاهمو قوليلها يجيبهم لدار معندي معاه حتى هدرة وكي يجي نهدرو ونهدرو بزاف ثاني اما قبل ميجي راني منعرفاش يريحلي ونريحلو كي يجي ونتعرف عليه ويتعرف عليا كي يجي بلاك المسكين مش عارف كاين رؤية شرعية نوروه لهذا الطريق

[همسة مشاعر]

اختي عادي فاميلتكم عرفوك عليه قبل متعرفيه اذا انتي عجباتك مواصفاتو احكي معاه وقليلو يتقدم بعد الخطبة زيدي شاوري روحك شوي مع داركم
وربي يسهل ليك ويجعل لك الله زوجا صالحا ومتتقلقيش راهو ممكن يكون مكتوبك اين الخطا

[بلسم غرام2018]

يجي للدار اياك تحكي معاااااااااااااااااااااااااااه

[wafa16]

ادا راكم موافقين ما بقات غير الهدرة تع الاهل و كل شيئ لازم يكون رسمي

[أبو صهيب الجزائري]

السلام عليكم
أحذر الأخت والأخوات من طامة استخدام الهاتف وكثرة الكلام فيه أو غير ذلك قبل عقد القران لأن ذلك سوف يؤثر على علاقتكما مستقبلا ، وبغض النظر على الجانب الشرعي لذلك ولنا في رسول الله صلى الله عليه وسلم اسوة حسنة . فمن أراد الكلام فليتكلم في لقاء شرعي بمحرم .

والله أعلم

السلام عليكم

[النجمة القطبية]

انا شخصيا ضد فكرة ان تعرضك خالتك على شخص ما رغم ان ما قامت به كان بحسن نية
اما الان بما ان كل افراد الاسرة موافقين القرار الاخير يعود لك
ربى يوفقك

[نبراس الصداقة]

السلام عليكم أختي
أنا أيضا أوافق أختي نجمة على كلامها
فكما لا أرضى لنفسي لا ارضى لك اختي
فكان الأجدر بخالتك أن تدع الأمر يسير تقليديا
أو ان يسال هو عنك و يعرفك بدون أن تريه صورتك في الزفاف
والتي نعلم كلنا أنها تكون بدون حجاب
لكن ماحدث قد حدث
ومادام قد أعجب بك
ورأى صورتك
فلما يريد أن يتحدث معك
كل هذا قبل الخطبة أو الكلمة
أنت ارفضي يا اختي
فالدار يعرفها و انت يعرفك
وش فائدة الخطبة أن لم يكن التعارف
وكله يكون في النور
يعني قدام ربي و عبادو
انا رايي ان الموضوع صار في يده هو ومش مطلوب منك تعملي اي حاجة اخرى
اذا حب يقدم يقدم ماحبش ربي يسهل
عليه
وقولي لخالتك ماعادش توري صورك للرجال الاجانب
لانه يا اختي البلاء بزااااااااااااف ورغم نيتها الحسنة الا ان الحلال بين و الحرام بين
ويبقى اجنبي عليك الى غاية عقد القران الشرعي
والان اذا كان انك تقبلي بيه و لا لا
فالقرار لك و استخيري الله فهو الذي يعلم لك الخير من الشر
والهاتف ابتعدي عنه يا اخيتي
وابتعدي عن كل ما يغضب الله
وربي يوفقك لما فيه الخير و الصلاح
اسفةة على الاطالة

[abdel02]

لا أرى أن هناك مشكلة في الموضوع..
بل أمورك تسير في مسار أكثر من ممتاز
عكس العديد من الحالات...والله الموفق.

[داعي الله ياسين]

سلام الله عليكم
رب ايحسّن أموركم ويفتح باب خير

فقط لا يوجد لي تعليق ولا شيء في كلامك

أوصِكي وأخواتي (( كلامكِ الأخير ..يريد أن يكلّمني ))

إحذري من هته فقط فقط ... أراد التقدّم مرحباً === شيء آخر عاش من عرف قدره

لم نرى خيراً في المكالمات بين الخطّاب فما بالك قبلها !

[sali-sali]

ماتكلميه مايكلمك

مدامه موافق يجي للدار يا خي كاين الرؤية الشرعية

تما ساهل

ربي يهنيك

[مريم الصابرة]

السلام عليكم
اختي ياخي شافك وشفتي تصاورو والقبول كاين من الطرفين والعائلتين موافقين واش يحكي معاك كان حاب يحكي يجي للدار قوللها هكذا توصلهالو كان تهدري معاه راح يدير في بالو امور اخرى إياك موفقة اختي شكرا.

[هدى الجيجلية]

من الاحسن
تهدري
امعاه
وتعرفي
عيوبه ومحاسنه
ياك غير في الهاتف
باه ما توقعش الفاس فراس
ومنبعد اتقولي
ما اعجبنيش
هذا رايي الشخصي
تحياتي

[أبو معاذ محمد رضا]

إياك والوقوع في الخطأ الذي يتكرر دائما أعني الكلام والمشي وووو قبل العقد الشرعي.

[razane razane]

أبداي حياتك على أسس إسلامية ما تغلطيش في بداية حياتك إذا حبّ يتعرّف عليك يدخل الدار من بابها ، باش ربّي يوفق

[TOKYO]

أبو صهيب الجزائري (http://www.djelfa.info/vb/member.php?u=84523)
راني مع الكلام الاخ هذا هو بداية مشاكل

[pHo3NiX]

يا أختي هو جاء من باب الحلال تعرفي بيه لكن دون ..........................

[مومي23]

ليس شرط ان يعرفك
المهم انه يعرف انك انسانة في المستوى و ما يخصك والو و بنت عايلة

ثم عليه ان يراك حتى يحصل الرضا الداخلي و يرتاح

[biti]

يدخل الدار من الباب

[mimi souma]

اتكلي على ربي مادام راهو احوس على الحلال ربي يوفقك وبعد ماتهدري معاه ماتنسايش الاستخارة سقسي ربي ماكاش خيرمنو

[أشجان عابرة]

فليأتي من الباب و جل الاخوات حفظهم الله نصحوكي بأن يتقدم لخطبتك لا تتكلمي معه إلا بعد الخطبة في الخلوة الشرعية و لا تحتاري في أمرك و إستخيري يا غالية و ربي يقدملك لي فيه الخير إن شاء الله .