= ¦§¦ = شرح نظام lmd وكل ما يتعلق به = ¦§¦ = اي استفسارات تفضلوا بها هنا = ¦§¦ =

[kamela]

مبروك الاخت كاميلا ربي يوفقك ويكملك ماتتمناي وقصة الماجور لازمها موضوع خاص

مبرووووووك عليك الاخت .

++

بخصوص major de promo لست متاكد انه موجود في سيستام LMD ..

لكن في الكلاسيك يوجد من يحصل على شهادة تتثبت انه الاول في الدفعة التي درس فيها .

ولديها امتيازات منها استمراره في دراسات العليا المجايستير بدون مسابقة .

لا يجب ان تكون الاول في كل السنوات الليسانس ، بل تكون مع الاوائل ـ يتم احتساب معدل عام لاربع سنوات ليسانس و من لديه اكبر معدل هو major de promo ..

نحن متلا في دفعتنا ماجور دو برومو كان واضح ، كانت تجيب 18 وهناك اخرى تجيب 17 و الاخرين كلهم تحت 15 .ا
لشعب الحائر كلهم تحت 10 مانحكوش عليه ما اكترهم .:1:

Mercii :)
بارك الله فيك
كنت نظن انو في كل s يتم تحديد major de promo
:1:

[شـــهاب]

السلام عليكم و رحمة الله
كالعادة أيها الاخوة الكرام نعود الى هذا المرجع من أجل طرح استفساراتنا
سؤالي هو بخصوص الضمان الاجتماعي
هل يحق للطالب الجامعي الاستفادة من الضمان الاجتماعي مثله مثل العمال ؟
و ما هو الملف؟

[سطايفية بكل فخر]

وعلاه اخي معسكر الجحيم مكش مداير الضمان الاجتماعي
راهو حق من حقوق الطالب
ظرك نكتبلك الملف

[سطايفية بكل فخر]

الملف طبعا يختلف من جامعة لاخرى
ملف الضمان الإجتماعي:

نسخة من شهادة التسجيل مصادق عليها.
شهادة ميلاد أصلية.
شهادة شخصية للحالة المدنية أو شهادة عائلية بالنسبة للمتزوجين.
صك بريدي مشطوب.
نسخة من بطاقة التعريف الوطنية مصادق عليها.
مع ملئ الاستمارة المقدة والمصادقة عليها
تدفعها لمصلحة الضمان الاجتماعي
حنا في سطيف عدنا قسم في وسط الجامعة

[شـــهاب]

شكرا أختي السطايفية
ربي يحفظك دائما في الموعد

[سطايفية بكل فخر]

العفو واجبنا اخي واي حاجة تسحقها راني هنا
=
نزيدلك حاجة بعد ما تدفع الدوسيي رايحة تطول شوية ومن بعد يمدولك رقم الضمان الاجتماعي
كي يمدوهولك اخدم بطاقة الشفاء الخاصة بك لانو مطلوب هدات الرقم فيها اضافة لعدة اوراق اخرى لما تحتاجها نقلك عليهم

[شـــهاب]

ربي يحفظك دائما منورة المنتدى

[سطايفية بكل فخر]

امين اجمعين اخي
شكرا

[yacine-08]

السلام عليكم

علابالي نسيتوني ومكنش لي تفكرني ......

معليش كاين ربي

ههههه

[شـــهاب]

وعليكم السلام ورحمة الله
أهلا أخي ياسين
و الله متفكرينك ، لكن ، ماكاش كيفاش نوصلو لك ،
ان شاء الله تكون بخير

[سطايفية بكل فخر]

اهلا اخي ياسين ان شاء الله امورك لاباس وقرايتك لاباس قلي وشحال معدلك
+
تهنينا من حسك شوية ههه مام انا راهي حاكمتني لقراية
خليها لربي

[yacine-08]

وعليكم السلام ورحمة الله
أهلا أخي ياسين
و الله متفكرينك ، لكن ، ماكاش كيفاش نوصلو لك ،
ان شاء الله تكون بخير
الله يحفظك اخي العزيز

الحمد لله لي راكم منتفكريني :19: هداك هو المهم

عالم الافتراضي تنساه ينساك ..كأنه شيئ لم يحدث .

الحمد لله راني بخير ... ان شاء الله انتم ايضا تكونو بالف خير .

انقطاع النت رايح يهبلني :sdf:

[yacine-08]

اهلا اخي ياسين ان شاء الله امورك لاباس وقرايتك لاباس قلي وشحال معدلك
+
تهنينا من حسك شوية ههه مام انا راهي حاكمتني لقراية
خليها لربي
اهلا اختي السطايفية ....

الحمد لله الامور لاباس .. القراية هدا الاسبوع قاموا باضراب لتلاتة ايام بنفس المطالب التي طالبوا بها في الاضراب السابق قبل العطلة :mh31:

يعني لم ندرس هدا الاسبوع ...

هههه علابالي بلي ارتحتوا مني لدلك ساعود سريعا لازعاجكم اكتر :19:.

بصح كنت دايرلكم لومبيونس شويا لا لا :1:
الله يوفقك اختي في دراستك ، لم يبقى الكتير من العام الدراسي ، خمس اسابيع على الاكتر يعني زيري روحك وفرحينا في الميموار :)

[سطايفية بكل فخر]

اهلا اختي السطايفية ....

الحمد لله الامور لاباس .. القراية هدا الاسبوع قاموا باضراب لتلاتة ايام بنفس المطالب التي طالبوا بها في الاضراب السابق قبل العطلة :mh31:

يعني لم ندرس هدا الاسبوع ...

هههه علابالي بلي ارتحتوا مني لدلك ساعود سريعا لازعاجكم اكتر :19:.

بصح كنت دايرلكم لومبيونس شويا لا لا :1:
الله يوفقك اختي في دراستك ، لم يبقى الكتير من العام الدراسي ، خمس اسابيع على الاكتر يعني زيري روحك وفرحينا في الميموار :)

بصحتكم الثلاث ايام
+
وي بزاف زيد طول شوية خخخخ:1:
+
امين اجمعين ان شا ء الله
متفكرنيش الوقت قصير وانا مدرت فيها والو بسب الرابور دوستاج ودوسورتي سيونتيفيك ان شاء الله الاسبوع القادم نتفرغلها
ادعليلي معاك +
بانتظارك رجوعك لنشاطك المعهود في هدا القسم

[yacine-08]

اختي سطايفية بخصوص المعدل

مازال ماآفيشاو والوا .....

صاحبي قالي غي نساه و فكر في دوزيام سوماستر

شيئ غريب فعلا ...من حقي معرفة معدلي .

[yacine-08]

من العنوان على ما يبدو اضراب متجدد

يعني كل اسبوع غادي يكون اضراب تلاتة ايام الى حين تحقيق المطالب

رانا معاهم :19:

https://fbcdn-sphotos-d-a.akamaihd.net/hphotos-ak-frc1/15963_515675755157678_2113146042_n.png

[سطايفية بكل فخر]

اهلا بيك عبقرينو ياخي قتلك طول شوية خخخ
+
واش دير كل جامعة كيفاش تخدمل حنا الحمد لله افيشاو كامل ليفيليار لي فلمعهد
+
المهم طلعت شوف الدوزيام سيماستر كيما قالك صديقك

[yacine-08]

اهلا بيك عبقرينو ياخي قتلك طول شوية خخخ
+
واش دير كل جامعة كيفاش تخدمل حنا الحمد لله افيشاو كامل ليفيليار لي فلمعهد
+
المهم طلعت شوف الدوزيام سيماستر كيما قالك صديقك

اهلين ، راني مكونكتي من بيت صديق لي .. يعني مازال ماوليت رسميا
علابالك كون نمشي ينقص عدد رواد المنتدى الى النصف ايا خلييييينا :1:.
+

شحال ديتي معدل امالا :)
+
صديقي لي راني نكونكتي عنده ضحك عليا كي شافني ندخل المنتدى ،، قالي راك غي ضيع وقتك :mh31: .

[سطايفية بكل فخر]

اهلين ، راني مكونكتي من بيت صديق لي .. يعني مازال ماوليت رسميا
علابالك كون نمشي ينقص عدد رواد المنتدى الى النصف ايا خلييييينا :1:.
+

شحال ديتي معدل امالا :)
+
صديقي لي راني نكونكتي عنده ضحك عليا كي شافني ندخل المنتدى ،، قالك راك غي ضيع وقتك :mh31: .

اه حطيتك رجعت رسميا وكنت رايحة نخليلك الموضوع بامانتك لاني مشغولة شوية معليش ساعة ساعة طل علينا حتى يفرج ربي عليك
+
رانا علابانا بيك عضو حساس في قسم الحوار وبالمناسبة نت مشكور على دلك وربي يكثر من امثالك
+
علاه تبهدل فيا يعني محسوبني رايحة نجيب 18
+
بالنسبة لصديقك قولو معليش نضيع وقتي في منتديات الجلفة ونستفيد منها احسن ما نستغل وقتي في الفايس بوك خليه يضحك على روحو وكاش ميحتاج مرة ويلصق قولو يسجل معانا

[yacine-08]

اه حطيتك رجعت رسميا وكنت رايحة نخليلك الموضوع بامانتك لاني مشغولة شوية معليش ساعة ساعة طل علينا حتى يفرج ربي عليك
+
خخخخخ ريح طرونكيل ومتشكش بزاف في روحك :1:رانا علابانا بيك عضو حساس في قسم الحوار وبالمناسبة نت مشكور على دلك وربي يكثر من امثالك
+
علاه تبهدل فيا يعني محسوبني رايحة نجيب 18 خلي لبير بغطاه راني جبت ماتريكيل تبسة
الحقيقة كنت رايحة نجيب تلمسان مي جاتني طريق بعيدة لحقت لوهران وحبست:1: راهي جبدة من تبسة لتلمسان دور على خريطة الجزائر باش توصل
+
بالنسبة لصديقك قولو معليش نضيع وقتي في منتديات الجلفة ونستفيد منها احسن ما نستغل وقتي في الفايس بوك خليه يضحك على روحو وكاش ميحتاج مرة ويلصق قولي باش منعاونوش:1: امزح فقط قولو يسجل معانا
ان شاء الله يفرج ربي قريبا ، باسكو les cyber عندك ماتشوف ... les pc قدام و النت عيانة :mh31:.

+ ربي يحفظك و يخليك احتي السطايفية ، بصح هادي عضو حساس خاصنا نحللوها ونتناقشوا فيها و نيدرولها محاضرة .خاطرش عجبتني بزاف :1:.
+
الحمد لله ماتودرتش في الخريطة ، ايا بيان قتلك حنا المهم المشاركة اما المنافسة خلينها لصحاح :19:.لعندك راكي مليحة و الله يزيدك نجاح على نجاح .
+

راني قتله يشارك و يسجل بصح كل واحد واش يخرج عليه :)

راني رايح نتفرج الماتش بي اس جي امالا في امان الله اختي السطايفية ....

[yacine-08]

علاه بدلتي الرد يا سطايفية ........

خلينا من الوسواس وكوني عفوية

والله راني عفوي وصادق تماما معكم في المنتدى و في الاخير هدا راه مجرد عالم افتراضي .

الله المستعان ..

[سطايفية بكل فخر]

ههههه الحمد لله متودرتش ومجيتش لبشار كون خلات هههه مام انت اطلع جيهتنا ههه
+
والله راني عفوية لاقصى الحدود نخاف نجر عليكم بردودي وتديو مخالفات بسبتي لدلك ساعات لما نلقا ردود خرجت فيهم على القانون نعدلهم
+
شكرا للدعم المعنوي كنت حابة نهز ماتريكيل ويلايتي مي الله غالب صعيبة الحالة ههههههه
+
ان شاء الله تعود قريبا
بالتوفيق ليك في دراستك
تهلا في روحك

[* عبد الجليل *]

السلام عليكم
واش راكم يا لحباب
احنا مازال رانا عاد في لاجونس مافيشاولنا والوا la moyenne وكاش حاجة راني نخبر خوتي وين نروح
هههههه

[سطايفية بكل فخر]

اهلا اخي عبد الجليل وين غبرت
+
ربي يكون معاكم وان شا ءالله تجيبو معدلات ملاح

[* عبد الجليل *]

ان شاء الله اختي السطايفية ربي يحفظك ويخليك لينا دايما
+
غيابي كان لظروف صحية و انقطاع النت والحمد لله انا في حالة جيدة بفضل الله ربي يخليكم ديما منورين لنا المنتدى

[سطايفية بكل فخر]

الحمد لله لي راك لاباس

[* عبد الجليل *]

شكرا لك بورك فيكي

[yacine-08]

الحمد لله لقد عدت

i'm baaaaaaack

طبعا زكارة في واحد الناس لي مابغانيش نولي ههههه

و الله الشيئ الغريب انني كنت مخلص الهاتف و النت و كلشيئ جيد من ناحيتي

و المشكلة من عند مقدم خدمة النت و ولم يعرفوا كيف يصلحوها بففف

المهم في هاد لبلاد رانا غي نسلكوا برك .....

[yacine-08]

ههههه الحمد لله متودرتش ومجيتش لبشار كون خلات هههه مام انت اطلع جيهتنا ههه
+
والله راني عفوية لاقصى الحدود نخاف نجر عليكم بردودي وتديو مخالفات بسبتي لدلك ساعات لما نلقا ردود خرجت فيهم على القانون نعدلهم
+
شكرا للدعم المعنوي كنت حابة نهز ماتريكيل ويلايتي مي الله غالب صعيبة الحالة ههههههه
+
ان شاء الله تعود قريبا
بالتوفيق ليك في دراستك
تهلا في روحك

ههه يعطيك الصحة اختي السطايفية ، ان شاء الله ما يكون غي الخير



السلام عليكم


واش راكم يا لحباب
احنا مازال رانا عاد في لاجونس مافيشاولنا والوا la moyenne وكاش حاجة راني نخبر خوتي وين نروح
هههههه


انت كون ما تجيبش فوق 14 ، غادي نتصل بالوالد يتفاهم معاك :1:.
راني نشوفك بزاف في الفايسبوك :19:

[* عبد الجليل *]

ههههههههههههههه ان شاء الله

[سطايفية بكل فخر]

اهلا بيك ياخي قتلك طول شوية ههه
+
مزية جيت راني مشغولة
الموضوع راهو في امانتك والقسم دير طلة عليه

[yacine-08]

اهلا بيك ياخي قتلك طول شوية ههه
+
مزية جيت راني مشغولة
الموضوع راهو في امانتك والقسم دير طلة عليه

شكرا كتيرا على الترحيب اختي السطايفية

+

الموضوع راه في ايدي امينة ... راهي تبانلي نخلي جليل يتكلف بالامور :19:

يقدر يرد عليهم بلغتين الفرنسية و العربية مع هو اختصاص فرنسية :1:

[سطايفية بكل فخر]

هو ثاني عندو مشكل نت

[* عبد الجليل *]

واه مام انا راني مع النت والله هبلتنا مي خطرة على خطرة نضربوا طلة على القسم مايكون لا خاطركم

[* عبد الجليل *]

بلا مزية وكيما تحبوا اي لغة : عربية / فرنسية / انجليزية / اسبانية
راني هنا :1::1::1::1::1:

[شـــهاب]

السلام عليكم و رحمة الله
أهلا بعودتكم جميعا أيها الاخوة الكرام ،
و ان شاء الله كل واحد حقق النتائج التي يطمح اليها ، و لو أن الجامعة الجزائرية لا تنصف الكثيرين ،
عن نفسي ، بعد مجهود ليس بالقليل ، و بعد صابوطاج الأساتذة ، و تعسف الادارة ، و تخاذل الطلبة نفسهم ، حققت معدل أكثر من 12 ونصف ،
أقول الحمد لله على كل شيء ،
اليوم سيكون أخر يوم لي في عطلة دامت 21 يوم ، تخللتها أحداث سعيدة ، و حزينة ، لكن ،رغم ذلك سأعود غدا الى الدراسة على أمل أن أحقق نتائج أفضل باذن الله في سداسي لا تتجاوز مدته شهر و نصف ، كل شيء ممكن ، و كل صعب يهون ، من أجل أن نرتاح من عذاب الضمير في عطلة الصيف بحول الله.

[سطايفية بكل فخر]

اهلا اخي معسكر والله كلامك درر وحسيت روحي نقرا لاديب عندك اسلوب لغة مميز

[yacine-08]

بلا مزية وكيما تحبوا اي لغة : عربية / فرنسية / انجليزية / اسبانية

راني هنا :1::1::1::1::1:


هههههه اعقل اعقل على الاسبانية اعقل ..

ديت لاكارت وليت تهدر قاع اللغات :19:

[yacine-08]

السلام عليكم و رحمة الله
أهلا بعودتكم جميعا أيها الاخوة الكرام ،
و ان شاء الله كل واحد حقق النتائج التي يطمح اليها ، و لو أن الجامعة الجزائرية لا تنصف الكثيرين ،
عن نفسي ، بعد مجهود ليس بالقليل ، و بعد صابوطاج الأساتذة ، و تعسف الادارة ، و تخاذل الطلبة نفسهم ، حققت معدل أكثر من 12 ونصف ،
أقول الحمد لله على كل شيء ،
اليوم سيكون أخر يوم لي في عطلة دامت 21 يوم ، تخللتها أحداث سعيدة ، و حزينة ، لكن ،رغم ذلك سأعود غدا الى الدراسة على أمل أن أحقق نتائج أفضل باذن الله في سداسي لا تتجاوز مدته شهر و نصف ، كل شيء ممكن ، و كل صعب يهون ، من أجل أن نرتاح من عذاب الضمير في عطلة الصيف بحول الله.

الله يبارك فيك اخي معسكر الجحيم ..

شكرا على الكلام الواقعي ، في الحقيقة جامعتنا ليست في المستوى ونحن ايضا لسنا في المستوى ..

تخاذل كبير من بعض الطلبة و في الاخير تجدهم ينتقدون الادارة

عودة موفقة ان شاء الله الى الدراسة :19:.

في الاخير كما قلت الحمد لله على كل شيئ .

[yacine-08]

اخي العزيز من الافضل تغير اسمك الى معسكر الجنة

يا خويا علاه الجحيم ..........خاطينا حنا اخي لعزيز عاقليين

هههههههه

[شـــهاب]

اهلا اخي معسكر والله كلامك درر وحسيت روحي نقرا لاديب عندك اسلوب لغة مميز


الله يجزيك بالخير أختي السطايفية و يعطيك ما تتمناي
حتى أنتم أصدقاء ماشاء الله واقفين مع بعضكم

[شـــهاب]

الله يبارك فيك اخي معسكر الجحيم ..

شكرا على الكلام الواقعي ، في الحقيقة جامعتنا ليست في المستوى ونحن ايضا لسنا في المستوى ..

تخاذل كبير من بعض الطلبة و في الاخير تجدهم ينتقدون الادارة

عودة موفقة ان شاء الله الى الدراسة :19:.

في الاخير كما قلت الحمد لله على كل شيئ .


الله يحفظك خويا ياسين و يبارك فيك ،

[شـــهاب]

اخي العزيز من الافضل تغير اسمك الى معسكر الجنة

يا خويا علاه الجحيم ..........خاطينا حنا اخي لعزيز عاقليين

هههههههه

وي أخي هههههه ، قريبا نغيرو الى اسم اخر ،
ادعينا برك الادارة توافق في أقرب فرصة

[سطايفية بكل فخر]

الله يجزيك بالخير أختي السطايفية و يعطيك ما تتمناي
حتى أنتم أصدقاء ماشاء الله واقفين مع بعضكم

امين اجمعين
+
واش معناها انتم اصدقاء واقفين مع بعضكم

اخي رانا عائلة وحدة وانت ايضا راك منا وفينا وكي تحتاج حاجة اطلبها منا حتى لو كانت لرفع المورال

[شـــهاب]

ربي يحفظك أختي السطايفية ،
بالفعل رانا عائلة واحدة ، و ربما أنا استعملت كلمات في غير محلها ،
ربي يدومها نعمة

[سطايفية بكل فخر]

امين ان شاء الله

[Bakadis]

السلام عليكم
أختي تحصلت على 7,62 في المعدل والكريدي 6
فرضا أنني تحصلت على 10 أو معدل أقل من 12,38 في السداسي الثاني وكان الكريدي الاجمالي 36 فهل أنجح؟
ان لم يكن كذلك أي أنني لن أنجح بهذا الكريدي فهل أستطيع الدخول في الراتراباج ؟ لأنني بهذا تحصلت على الكريدي كاملا 30 في السداسي الثاني أي أنهم لن يسمحو لي بدخول الراتراباج أم أن هناك اجراء آخر ؟؟
+
إذا تحصلت على 12,38 أو أكثر يعني معدل السنة 10 فهل أنجح بغض النظر عن الكريدي وهل أنا ملزم باعادة ما لم اخرجه في السنة الثانية وشكرا

[* عبد الجليل *]

صباح الخير اخي الكريم
ربي يوفقك اخي لازم تجيب 12 ولا اكتر اخي الكريم باش تخرج عامك في النورمال
ولمزيد من المعلومات ستجيبك الاخت سطايفية
وشكرا جزيلا

[سطايفية بكل فخر]

السلام عليكم
أختي تحصلت على 7,62 في المعدل والكريدي 6
فرضا أنني تحصلت على 10 أو معدل أقل من 12,38 في السداسي الثاني وكان الكريدي الاجمالي 36 فهل أنجح؟
ان لم يكن كذلك أي أنني لن أنجح بهذا الكريدي فهل أستطيع الدخول في الراتراباج ؟ لأنني بهذا تحصلت على الكريدي كاملا 30 في السداسي الثاني أي أنهم لن يسمحو لي بدخول الراتراباج أم أن هناك اجراء آخر ؟؟
+
إذا تحصلت على 12,38 أو أكثر يعني معدل السنة 10 فهل أنجح بغض النظر عن الكريدي وهل أنا ملزم باعادة ما لم اخرجه في السنة الثانية وشكرا

كيف تحصلت على 7 وعندك كريدي 6 هدي متدخلش لعقل لكومبونساسيون كيفاش داروهالكم
ولا تافيشالك الكريدي 6؟
+
فيما يخص القروض هديك الكلية تاعكم لي تحددها وكل عام تتبدل اخي
مثلا دفعتي انا طلبو منهم 45 كريدي
لكن العام لي فات طلبوا منهم 30 كريدي وشرطولهم يكونو 10 في سيماستلر 20 في سماتر اخر
وهدا العام معلاباناش واش رايحين يديرولهم
خلاصة قولي اخي انو هدا الامر ميبانش الان
+
لازم تدخل راتراباج الفصل الاول باش طلع المعدل
+
ادا فرضنا انك دخلت للراتراباج الاول وبقيت بهدا المعدل وفالفصل الثاني جبت فوق العشرة هنا ممنوع تدخل راتراباج الفصل الثاني لانو عندك اكثر من 10 والاجراء هو ياتطلع دات ياتعاود العام وهدا اسوء احتمال
+
نعم ادا قدرت طلع باكثر من 12 تطلع بلا دات وتخرج العام كامل

[Bakadis]

هذا المعدل بعد الراطراباج أماالمعدل الأول فكان 5,25 :(
الكريدي كان 6 في المعدّل الأول أيضا ولا أعلم كيف يحسبون هذاالكريدي
لكومبونساسيون ؟ تقصدين التصحيح .. لم أحضُره للأسف

[سطايفية بكل فخر]

هذا المعدل بعد الراطراباج أماالمعدل الأول فكان 5,25 :(
الكريدي كان 6 في المعدّل الأول أيضا ولا أعلم كيف يحسبون هذاالكريدي
لكومبونساسيون ؟ تقصدين التصحيح .. لم أحضُره للأسف

معليش اخي راك اول مرة تقرا في الجامعة واكيد اثر فيك سيستامها
+
ان شاء الله الفصل الثاني ريكيبيري حاول فقط باش طلعب باكثر من 12
+
الكومبونساسيون او التعويض هو يمكنك تعويض مادة بمادة اخرى
لكن مدام افيشاولك بلي كاينين 6 كريدي ادا هي كدلك
بالتوفيق ليك شد روحك الفصل الثاني

[adoula 41]

السلام عليكم كيف حالك اختي السطايفية اكرر اعتذاري لأنني قمت بطرح الأسئلة في قسم الرياضة فلم اكن أعلم ان هذا الأمر ممنوع، بالنسبة للأسئلة بارك الله فيك على الإجابة و الله اعتقتك تدرسين الحقوق لأنني انا أيضا درست حقوق، و بالنسبة لكيفية وضع الصورة لقد تابعت الشرح في الموقع الذي المدون في ردك

بالنسبة لتقنيات المهندس لقد قمت بتحمليها من الإنترنيت لإبن خالي الذي درس هندسة معمارية وهي عبارة عن موسوعة تضم عدة تخصصات وهي كالتالي:
Chimie - Proce__de__s
Construction
Electricite__
Electronique
Energie
Ge__nie industriel
Informatique industrielle
Mate__riaux
Me__canique
Mesures - essais
Sciences fondamentales
Se__curite__ et gestion de l'environnement
Technologies de l'information
هل يوجد التخصص الذي تدرسي فيه ضمن هذه القائمة؟

صدقيني لم أسمع أبدا بتخصص بصريات وميكانيك هل هو تخصص جديد و هل يدرس في جامعة الباز أم جامعة الهضاب؟

[سطايفية بكل فخر]

السلام عليكم كيف حالك اختي السطايفية اكرر اعتذاري لأنني قمت بطرح الأسئلة في قسم الرياضة فلم اكن أعلم ان هذا الأمر ممنوع، بالنسبة للأسئلة بارك الله فيك على الإجابة و الله اعتقتك تدرسين الحقوق لأنني انا أيضا درست حقوق، و بالنسبة لكيفية وضع الصورة لقد تابعت الشرح في الموقع الذي المدون في ردك

بالنسبة لتقنيات المهندس لقد قمت بتحمليها من الإنترنيت لإبن خالي الذي درس هندسة معمارية وهي عبارة عن موسوعة تضم عدة تخصصات وهي كالتالي:
Chimie - proce__de__s
construction
electricite__
electronique
energie
ge__nie industriel
informatique industrielle
mate__riaux
me__canique
mesures - essais
sciences fondamentales
se__curite__ et gestion de l'environnement
technologies de l'information
هل يوجد التخصص الذي تدرسي فيه ضمن هذه القائمة؟

صدقيني لم أسمع أبدا بتخصص بصريات وميكانيك هل هو تخصص جديد و هل يدرس في جامعة الباز أم جامعة الهضاب؟


لا داعي للاسف اخي اعلم انك جديد النشاط هنا والقوانين تبدلت من 2010 حتى الان
+
لا اخي لم ادرس حقوق ولا صلة لي بالادب لاني درست علوم وتخصصت بصريات
+
لا يوجد تخصصي في هدوا كاملين ولكن باش نعطيك صورة اوضح انو تخصصي شعبة تقنية يعني رانا نقراو براسك كيما تيكنو
+
مكانش منها التخصص هدا قديم مند 1979 كان تابع للتيكنو ومن بعد تفصل في 2010 وصار معهد دو تسجيل وطني
فيه خمس تخصصات
+
هو ماهو اداريا تابع للباز لاكنا منقراوش ثما قرينا في الجامعة المركزية ثم نقلنا هدا العام للتارافو ممكن تعرفها بما انك تعرف الباز والهضاب

[tahasamurai]

السلام عليكم

شكرا على الموضوع المفيد

عندي بعض الاسئلة اذا كان من الممكن توضحولي الغموض في راسي و تجاوبوني عليهم

1- هل هناك امكانية كومبونساسيون بين وحدات محتلفة؟
2- هل صحيح لا يوجد كومبونساسيون بين السيماسترات في الماستر؟
3- في ال ام دي اذا كان المعدل نتاع سيماستر 10 و عندك 0 في مادة ما لا تدخل راتراباج و لكن ماذا لو كان عندك نقاط سلبية ( تحت الصفر )
4- في المرسوم الوزاري الخاص بالدكتوراه شرحوا كيفية حساب المعدل بالنسبة لطلبة ليسانس + ماسر ال ام دي كما شرحوا لطلبة مهندسين + ماستر لكن ماذا عن ليسانس كلاسيك + ماستر
5- لم احضر تيست و ما عنديش تبرير بطبيعة الحال النقطة راح تكون 0 لكن هل رغم كون المعدل العام للسيمسترفوق 10 يجب ان ادخل راتراباج؟

ارجو ان لا اكون اطلت لكن عذرا مازال نظام ال لم دي غامض نوعا ما بالنسبة لنا ككلاسيكيين
وشكرا مسبقا
و السلام عليكم

[سطايفية بكل فخر]

السلام عليكم

شكرا على الموضوع المفيد

عندي بعض الاسئلة اذا كان من الممكن توضحولي الغموض في راسي و تجاوبوني عليهم

1- هل هناك امكانية كومبونساسيون بين وحدات محتلفة؟
نعم مواد الوحدة الواحدة يكومبونسيو بعضاهم والودات ايضا يكومبونسيو بعضاهم يعني ادا جبت معدل عام 10 فمبروك عليك السوماستر حتى لو مخرجتش مادة من اللمواد

2- هل صحيح لا يوجد كومبونساسيون بين السيماسترات في الماستر؟
نعم اخي لازم كل سيماستر يخرج روحو للاسف هدا قانون يعملوا بيه في السنوات الاخيرة


3- في ال ام دي اذا كان المعدل نتاع سيماستر 10 و عندك 0 في مادة ما لا تدخل راتراباج و لكن ماذا لو كان عندك نقاط سلبية ( تحت الصفر )
في الل مد المهم عند 10 ومكانش نوت ايليميناتوار يعني ادا هديك النقطة السلبية قدرت تخرجها بمادة اخرى فمبروك عليك بلا راتراباج وجينيرالمون مكانش نقاط سلبية في ل م د الا ادا دارو السيستام نيقاتيف في التصحاح


4- في المرسوم الوزاري الخاص بالدكتوراه شرحوا كيفية حساب المعدل بالنسبة لطلبة ليسانس + ماسر ال ام دي كما شرحوا لطلبة مهندسين + ماستر لكن ماذا عن ليسانس كلاسيك + ماستر
اخي الدوكتوراه راهي تتحاسب على الماستر 50 بالمئة والمسابقة 50 بالمئة يعني متتحاسبش على الليسانس تاعك
والمنشور الوزاري راهو في الصفحات الاولى فقط راجع الموضوع ورايح تلقاه اقراه وتفهم كلش

5- لم احضر تيست و ما عنديش تبرير بطبيعة الحال النقطة راح تكون 0 لكن هل رغم كون المعدل العام للسيمسترفوق 10 يجب ان ادخل راتراباج؟

بما انو عند10 اخي فالقانون لا يسمح لك بدخول الراتراباج يعني راك معفى منو ومبروك عليك السيماستر

ارجو ان لا اكون اطلت لكن عذرا مازال نظام ال لم دي غامض نوعا ما بالنسبة لنا ككلاسيكيين

ولا عليك اخي راهو نظام شوية معقد بالنسبة ليكم راني هنا وان شاء الله يتنحالك الغموض
=
اخي ياسين راهو كان مثلك والحمد لله راهو رجع يفهمو ان شاء الله بالتعاون معه ومعي رايح تفهم كلش
واي سوال اخر تفضل بيه رانا هنا نعاونوك بالشيء لي نعرفوه
وشكرا مسبقا
و السلام عليكم

وعليكم السلام
العفو واجبنا واهلا سوهلا بيك في اي وقت
+
ساجيبك عليها كلها ان شاء الله
كل شوال تححتو جوابو

[aekader]

إخواني ما مصير المتفوقين على دفعاتهم في الماستر هل ينتقلون مباشرة للدكتوراه أم يمرون بالمقابلة و تقييم الملف دون المسابقة أم لا

فرق بينهم و بين باقي الطلبة

و شكرا

[سطايفية بكل فخر]

إخواني ما مصير المتفوقين على دفعاتهم في الماستر هل ينتقلون مباشرة للدكتوراه أم يمرون بالمقابلة و تقييم الملف دون المسابقة أم لا

فرق بينهم و بين باقي الطلبة

و شكرا
في الل ل م د لا يوجد مرور مباشر للمتفوقين للدوكتوراه لانو هنناك مسابقة
فقط معدلاتهم تسمح لهم بالترتيب الجديد وتصدر المرانب
لانو 50 بالمئة من الترتيب وزو50 بالمئة من المسابقة
بالتوفيق

[aekader]

في الل ل م د لا يوجد مرور مباشر للمتفوقين للدوكتوراه لانو هنناك مسابقة
فقط معدلاتهم تسمح لهم بالترتيب الجديد وتصدر المرانب
لانو 50 بالمئة من الترتيب وزو50 بالمئة من المسابقة
بالتوفيق


إذا ممكن الرابط الخاص بهذه التعليمة و كيفاش 50% مسابقة
على إفتراض طالب كان على رأس القائمة بحكم المعدل و في المسابقة عنده أقل من عشرة فما مصيره

[سطايفية بكل فخر]

تجدها في موقع الوزارة للتعليم العالي والبحث العلمي
بالضبط في المناشير الوزارية
بالتوفيق

[yacine-08]

دوكترا ال لام دي يشوبها الكتير من الغمووووض

ولم تفتح كتييييرا في الجامعات نظرا لـ عدة اسباب

ان شاء الله نرى موضوع يوضح هده الامور كلها

[سطايفية بكل فخر]

اي امور اخي ياسين انا تحت الخدمة

[yacine-08]

اهلا اختي السطايفية

اتحدت عن دوكتراه بشكل عام .....

ما هي متطلبات فتحها في الجامعة .

+كيفية الدراسة و التأطيير فيها ..

+عدد الامتحانات فيها و طريقة الدراسة ..

+ طريقة الحساب للدخول فيها ، متلا واحد جلب معدل اكبر من الاخر ، لكن هدا الاخير جلب معدل في الكتابي افضل من التاني ، من سيمر فيهما ..؟

+ توضيح العوائق التي لم تسمح في انتشار هدا التكوين العالي الى باقي الجامعات في الجزائر .

اعلم انك لست بالوزارة المعنية او الجامعة لكي تجيبينا على بعض هده التساؤلات لكن فقط اطرح التساؤل فهناك اشخاص احتكوا ويدرسون الدوكتراه يوضحون لنا هده الامور .

[سطايفية بكل فخر]

حسن اخي ياسين نقعدلكم ونديرلكم موضوع خاص بهدي التساؤلات

[yacine-08]

ان شاء الله شكرا بارك الله فييييييييييك .

[شـــهاب]

السلام عليكم و رحمة الله ،
دوكتوراه الألمدي حتى الأن غامضة ولا توجد توضيحات كافية حولها ،
هل يوجـــد دكاترة متخرجون من نظام ل م د ؟؟؟؟

[سطايفية بكل فخر]

اخي شهاب هل انت نفسه العضو معسكر؟؟؟
+
انا شخصيا لم اتقابل مع اي دكتور متخرج من الل م د جميع من اعرفهم سنة اولى او ثانية

[شـــهاب]

نعم أختي السطايفية و قد تم تغيير الاسم الى الاسم الحالي ،
حتى أنا لم أقابل دكتور متخرج من نظام ل م د ، كما أن فتح مسابقات الدوكتوراه أعتقد قليلة جدا و التأطير غير كافي!!

[سطايفية بكل فخر]

اه مبروك عليك الاسم اخي شهاب هكدا صار اسمك احسن
+
التاطير تاع الدكاترة غير كافي سواء ل م د او كلاسيك
باش يجيبولك اونكادرار يحبلك
ربي يجيب لخير للبلاد

[شـــهاب]

ربي يبارك فيك،
فعلا أختي التأطير في الدوكتوراه ضعيف جدا ،
حتى أن بعض الجامعات عدد الدكاترة قليل جدا فيها نجد واحد أو اثنين في التخصص ،
مع هذا هناك أمل في تحسن الظروف مع هذا النظام الجديد .

[الفضل]

هل يجمع السداسي الاول والثاني حتى في سنة التخرج ا م لا

[سطايفية بكل فخر]

هل يجمع السداسي الاول والثاني حتى في سنة التخرج ا م لا

في الليسانس نعم في الماستر لا

[Asolvip]

Thank you very much well all my modules are above 11 /20 so my Mark is going to be good o think

[thegolden]

مامعني نظام lmd

[* عبد الجليل *]

السلام عليكم اخت سطايفية

ممكن تفهميني systeme des dettes ؟؟؟؟

و عندي سؤال مثلا واحد مخرج السداسي الاول ب 10.96 والكريدي 30

شحال يلزمله باش يخرج السوماستر الزاوج ؟؟؟؟؟؟؟

[محفوظ البسكري]

نظام لم و أدي

[* عبد الجليل *]

نعم اخي نظام ال ام دي

[* عبد الجليل *]

لانه
les dettes makanch fi classique

[سطايفية بكل فخر]

thank you very much well all my modules are above 11 /20 so my mark is going to be good o think

مامعني نظام lmd

نظام الل م د معناه ليسانس ماشتر دوكتوراه راجع الصفحة الاولى تجد الشرح

السلام عليكم اخت سطايفية

ممكن تفهميني systeme des dettes ؟؟؟؟

و عندي سؤال مثلا واحد مخرج السداسي الاول ب 10.96 والكريدي 30

شحال يلزمله باش يخرج السوماستر الزاوج ؟؟؟؟؟؟؟

سيستام الدات اخي جليل هو لما احد الطلبة ميخرجش الفصول ب10 باش ميعاودش العام يشتارطو فيه بعض الشروط يطلعوه ويطلعو معاه ليموديل لي مخرجهمش يعني يقرا لقدم ويقرا العام الجديد
+
شوف باش تخرج السوماستر 2 لازمك 9,04 لانو في الليسانس يكومبونسيو بعضاهم هكا تخرج بلا راتراباج بلا دات
في حالة مخرجتش هدا المعدل هنا تبدا لحسابات امنا تدخل للراتراباج وتخرج او ادا مخرجتش يحسوبلك لكريدي تاعك
كل جامعة كيفاش مرة يقلكك لازم 45 دات ومرات يقلك لازم 30 وحدة مخرجها ب10 في فصل وال20 مخرجين في الفصل الاخر
المهم هدا الشرط كل عام يبدلوه
في حالة محققتش الشرط لي طلبوه منك هنا تعاود العام ويلزموك تخرج فقط ليموديل لي مش خارجين
فهمت ولا نزيد نفهمك
+
اخي جليل فوتلي السمانة هادي ونجاوبك بالتفصيل علابالك بلي منيش مليحة
بالتوفيق

نظام لم و أدي

هدا حسب رايك اخي

نعم اخي نظام ال ام دي


لانه
les dettes makanch fi classique


في اتلكلاسيك كاين السانتاز والراشا ويحاسبوم بالنوت اليميناتوار
اما في الل م د راترابج وقص ويعاونوهم بالدات

[* عبد الجليل *]

صباح الخير يا العزيزة

شكرا لك بارك الله فيكي اختي سطايفية على الجواب الكافي الشافي

ربي يوفقك اختي علابالي راكي في حالة

ربي معاك ان شاء الله

[سطايفية بكل فخر]

وفيك بركة اخي جليل يالله انا نروح نكمل ميمواري متنسانيش بدعواتك
واي سوال يخطر في بالك اكتبوا وانا كي نقعد نجاوبك بالتفصيل
نهارك طيب
سلام الله عليكم

[* عبد الجليل *]

واه في الكلاسيك كاين الراتراباج وال ds زوج تاع الفرص

بصح احنا اللي مابلعش يدخل الراتراباج واللي ماكتبلهش ربي يطلع دات ولا يعاود العام

هاد ال ام دي غي زادوهلنا باطل وغبنونا بيه كبما يقولوا احنا فئران تجارب حتى يسيوا فينا يطبقووووه تاع الصح

وانا من جيهتي ماخرجنيش لانه اخوتي كلهم اقراوو كلاسيك

[* عبد الجليل *]

ربي معاك والله يسهلك وان شاء الله تكمليها بالصحة والهناء

[* عبد الجليل *]

ونفرحو بيك ان شاء الله ونجوا نحضروا السوتنوس

[Algerian-boy]

السلام عليكم ورحمة الله تعالى وبركاته

أدرس سنة 2 وحصلت على معدل 11 في s3 و 9 في s4
هل هذا يعني بأني حصلت على العام الدراسي ب 10
وهل سأحصل على 60 credit لأني حصلت على معدل سنوي 10
أم هذا غير ممكن
أرجوا من الذين حصل معهم هذا الموقف أن يفيدونا وبارك الله فيكم

[سطايفية بكل فخر]

السلام عليكم ورحمة الله تعالى وبركاته

أدرس سنة 2 وحصلت على معدل 11 في s3 و 9 في s4
هل هذا يعني بأني حصلت على العام الدراسي ب 10
وهل سأحصل على 60 credit لأني حصلت على معدل سنوي 10
أم هذا غير ممكن
أرجوا من الذين حصل معهم هذا الموقف أن يفيدونا وبارك الله فيكم

نعم راك نجحت اخي وطلعت 60 كريدي نتاعك
بالتوفيق ليك في الثالثة ليسانس

[Algerian-boy]

بارك الله فيك أختي فرحتيني
سؤال فقط في relevé de note يكتبوا
المعدل مثلا 11 ويكتبوا admis session 1 credit 30
لكن في s4 يكتبوا المعدل 9 non admis و يكتبوا الكريدي
كيف سأعرف بأني حصلت على 60 لأن المجموع أقل من 60 و لأنهم لا يكتبون المعدل العام فقط les semestres

[هاجر1991]

هل إعادة السنة مرتين تحرم الطالب من فرصة الماستر ؟

[سمسار92]

ختي نسقسيك نشالله تكوني فوتي لاسوتنونس انا سنة اولى وكتا نهزو الكشوف تاع السداسيان شكراا ربي يوفقكم

[amine0007]

انا لدي الكريدي هو 40 وهو المطلوب في كليتي لكن معدل المواد الاساسية لم احصل فيه على 10.هل انتقل للسنة الثانية واعيد كل المواد التي لم احصل فيها علة 10 او اعيد السنة مع العلم ان الراترابج كملناه اليوم وعمبالي بلي كيف كيف

[amine0007]

ختي نسقسيك نشالله تكوني فوتي لاسوتنونس انا سنة اولى وكتا نهزو الكشوف تاع السداسيان شكراا ربي يوفقكم

حنا العام اللي فات هزيناهوم في بداية العام يعني كي تروح تسجل للسنة الثانية يعطوهملك

[amine0007]

هل إعادة السنة مرتين تحرم الطالب من فرصة الماستر ؟

شوفي يا اختي كاين جامعات بمجرد انكي تدخلي للراتراباج برك مايسمحولكش تكملي تقراي الماستر.كي تجيبي لليسانس حاولي تسقسيهم لانو كي يعودوا طالبين بزاف الاماكن رايحين يخليوك تكملي وكي يعود الاماكن محدودة رايحين يرجعوها على اساس المعدل +المعريفة اللي وين نروح نلقاوها بصح هادي هي بلادنا.ربي يوفقك

[dzdz38]

انا نقرا ادب نظام لمد بصح معرفتش كيفاش نحسب المعدل

[NADJIB-90]

شوفي يا اختي كاين جامعات بمجرد انكي تدخلي للراتراباج برك مايسمحولكش تكملي تقراي الماستر.كي تجيبي لليسانس حاولي تسقسيهم لانو كي يعودوا طالبين بزاف الاماكن رايحين يخليوك تكملي وكي يعود الاماكن محدودة رايحين يرجعوها على اساس المعدل +المعريفة اللي وين نروح نلقاوها بصح هادي هي بلادنا.ربي يوفقك

الراتراباج لا يمنع الماستر والقوانين وحدوهم في كافة الجامعات الانتقال من الليسانس للماستر حسب المعدل كاين معامل تخفيض كلما دخلت للراتراباج ولا فت بكريدي ولا عاودت تنقصلك المعدل النهائي الذي لم يدخل راتراباج ولم يعيد يضرب معدل السداسيات الستة في 1 وينقص هذا المعدل كلما اعدت او دخلت راتراباج كيفية الحساب موجودة في المراسيم الخاصة بنظام اللمدي في مواقع الجامعات علي الانترنت

[MuslimRider]

السلام عليكم و رحمة الله تعالى و بركاته

شكرا للقائمين على الموضوع و جزاكم لله خيرا...

عندي سؤال و احد

ان طالب بجامعة USTOran و المطلوب للانتقال الى السنة الثانية Credit 30 بشرط 20او اكثر في سداسي و 10 او اكثر في السداسي الاخر
سؤالي هو هل حقيقتا عندما تاتي بمعدل اكثر من 10 في احد السداسيان فان Credit الخاص بالسداسي يصبح 30 اوتوماتكيا دون الجمع بين Credit كل مادة

اتمنى ان اجد الاجابة و شكرا..

[tayma20]

السلام عليكم انا راني نقرا ادب انجليزي وان شاء الله العام الجاي ندي ليسانس بنظام ل م د فهل يمكن لي ندخل لمدرسة الدكتوراه

لأنو انا تاني عندي شهادة مهندس دولة بيولوجيا نظام كلاسيكي0ونقدرو نفوتو مسابقة مدرسة الدكتوراه فهل نفس الشيء ينطبق على النجليزية بنظام ل م د
ارجو ان تجيبوني وبارك الله فيكم

[* عبد الجليل *]

السلام عليكم و رحمة الله تعالى و بركاته

شكرا للقائمين على الموضوع و جزاكم لله خيرا...

عندي سؤال و احد

ان طالب بجامعة ustoran و المطلوب للانتقال الى السنة الثانية credit 30 بشرط 20او اكثر في سداسي و 10 او اكثر في السداسي الاخر
سؤالي هو هل حقيقتا عندما تاتي بمعدل اكثر من 10 في احد السداسيان فان credit الخاص بالسداسي يصبح 30 اوتوماتكيا دون الجمع بين credit كل مادة

اتمنى ان اجد الاجابة و شكرا..



اهلا اخي الكريم اولا نتمنالك حظ موفق في دراستك ان شاء الله
+
بخصوص سؤالك في الحقيقة لازم يكون عندك في السوماستر الواحد 30 كريدي وهاكا بجمع السداسيين تبلع العام ب 60 المجموع

في حالة اذا لم يسعفك الحظ كاين جامعات يطلبوا 45 مجموع فما فوق للانتقال الى السنة الثانية

واي معدل تتحصل عليه سواء كان 10 او 15 فان الكريدي يبقى 30

اتمنى نكون قد افدت باجابتي وشكرااااا

[* عبد الجليل *]

ساجيب البقية فيما بعد

[ali abid]

هل إعادة السنة مرتين تحرم الطالب من فرصة الماستر ؟

التـــــرتيب حسب المــــــــــــــــعدل هو الذي يفصــــل في قـضية الدخـول الى الـماستر

[ali abid]

السلام عليكم انا راني نقرا ادب انجليزي وان شاء الله العام الجاي ندي ليسانس بنظام ل م د فهل يمكن لي ندخل لمدرسة الدكتوراه

لأنو انا تاني عندي شهادة مهندس دولة بيولوجيا نظام كلاسيكي0ونقدرو نفوتو مسابقة مدرسة الدكتوراه فهل نفس الشيء ينطبق على النجليزية بنظام ل م د
ارجو ان تجيبوني وبارك الله فيكم


لاتستطيع فيما يخص السؤال الأول يجب ان تكمل الماستر ثم تجتاز مسابقة الدكتوراه اذا فتحت الجامعة هذ المسابقة

اما فيما يخص السؤال الثاني لا يمكن لطالب النظلم الكلاسيكس ان يجتاز مسابقة الدكتوراه نظام lmd

[tayma20]

بارك الله فيك اخي الكريم ali abid

[اسيا26]

ليسانس ل م د انجليزية ماهي فرص العمل فيه

[شهـرزآد]

السلام عليكم
من فضلكم لدي استفسار
العام الماضي لم اقم بدفع ملف المنحة الدراسية . هل هناك ملف لاستخراجها
وشكراا

[سطايفية بكل فخر]

السلام عليكم استادي الاستفسار هو:
انا تخرجت هذي السنة ليسانس بصريات وميكانيك الضبط تخصص اوبتومتري
ورغم انو معدلي مليح لكن محلوناش ماستر وعدونا يدخلونا ماستر تخصص اخر لكن جبدو بينا لبساط ورانا برا
المهم بعد هذي الخيبة تاع الامل توجهت باش نحوس على خدمة لاقريمون بلوكاوهالنا في الوزارة ومنقدروش نحلو محل اوبتومتري
سبيطارات مش مستعرفين بشعبتنا
الوظيف العمومي مش طالبينا
التعليم مرفوضين
يعني وين تروح مسكرا في وجوهنا
سوالي استاذي ادا كتب ربي العام الجاي وسجلت ماستر في ديبارتوما غير معهدنا
مثلا ديبارتومون تاع اليكترونيك او فيزيك
هل الشهادة تاع الماستر كون نديها تولي من هذي الديبارتومون ولا يبقاو يحاسبونا بليسانس
يعني نولي تابعة للديبارومون الجديدة كي نروحس على خدمة او يبقالي نفس المشكل
السوال الثاني راهو راح هدا العام يزغرت اسكو كي نسجل العام الجاي في الماستر كاين هناك معامل يهبطلي من معدلي العام بسبب اني مسجلتش في نفس عام التخرج او مكانش
وشكرا مسبقا

[hakim park]

السلام عليكم استادي الاستفسار هو:
انا تخرجت هذي السنة ليسانس بصريات وميكانيك الضبط تخصص اوبتومتري
ورغم انو معدلي مليح لكن محلوناش ماستر وعدونا يدخلونا ماستر تخصص اخر لكن جبدو بينا لبساط ورانا برا
المهم بعد هذي الخيبة تاع الامل توجهت باش نحوس على خدمة لاقريمون بلوكاوهالنا في الوزارة ومنقدروش نحلو محل اوبتومتري
سبيطارات مش مستعرفين بشعبتنا
الوظيف العمومي مش طالبينا
التعليم مرفوضين
يعني وين تروح مسكرا في وجوهنا
سوالي استاذي ادا كتب ربي العام الجاي وسجلت ماستر في ديبارتوما غير معهدنا
مثلا ديبارتومون تاع اليكترونيك او فيزيك
هل الشهادة تاع الماستر كون نديها تولي من هذي الديبارتومون ولا يبقاو يحاسبونا بليسانس
يعني نولي تابعة للديبارومون الجديدة كي نروحس على خدمة او يبقالي نفس المشكل
السوال الثاني راهو راح هدا العام يزغرت اسكو كي نسجل العام الجاي في الماستر كاين هناك معامل يهبطلي من معدلي العام بسبب اني مسجلتش في نفس عام التخرج او مكانش
وشكرا مسبقا


انا معنديش مغلومة عن الشعب التقنية لاني متخرج من المعهد العالي للادارة
و لكن اذا كان تقدرو تدخلو في شعب الالكترونيك هذيك خاصة بنوع التخصص
مثلا هل في البرنامج نتاعكم يتوافق مع برنامج الالكترونيك ... هل عندو علاقة بالالكترونيك....... و هل ادارة الالكترونيك حلت تخصص يرتبط بالبصريات و على العموم نزيد نسقسيلك انشاء الله و نفيدك اكثر
اما الشهادة بالفعل راها تتبدل عل حساب الاختصاص
معدل الماستر هو معدل الماستر و لكن دائما ما تحدد السنوات
مثال : انتي تخرجت العام هذا عندك الحق في عامين فقط تسجلي الماستر في بعض الجامعات اي 2014 و 2015
اذا كان كيما الشعب الباقية و لكن راني قتلك معنديش فكرة على الشعب التقنية لان كل ادارة تخرج القانون اللي تحبو و انا هذا ما نكره
ربي يوفق انشاء الله و اذا يخص حاجة راني هنا انشاء الله

[سطايفية بكل فخر]

انا معنديش مغلومة عن الشعب التقنية لاني متخرج من المعهد العالي للادارة
و لكن اذا كان تقدرو تدخلو في شعب الالكترونيك هذيك خاصة بنوع التخصص
مثلا هل في البرنامج نتاعكم يتوافق مع برنامج الالكترونيك ... هل عندو علاقة بالالكترونيك....... و هل ادارة الالكترونيك حلت تخصص يرتبط بالبصريات و على العموم نزيد نسقسيلك انشاء الله و نفيدك اكثر
اما الشهادة بالفعل راها تتبدل عل حساب الاختصاص
معدل الماستر هو معدل الماستر و لكن دائما ما تحدد السنوات
مثال : انتي تخرجت العام هذا عندك الحق في عامين فقط تسجلي الماستر في بعض الجامعات اي 2014 و 2015
اذا كان كيما الشعب الباقية و لكن راني قتلك معنديش فكرة على الشعب التقنية لان كل ادارة تخرج القانون اللي تحبو و انا هذا ما نكره
ربي يوفق انشاء الله و اذا يخص حاجة راني هنا انشاء الله

الف شكر ليك استاذي على الاجابة
+
نعم كاينة شعبة في الالكترونيك نقدر ندخلها ولما سقسيت عليها هدا العام لقيتها شوية بعيدة عن تخصصي ومحبيتش نسجل فيها رغم اني موهلة لاقبل حبيت ندخل في ماستر خاص بشعبتي احسن
لكن لما صرالي كل هدا الشيء خممت اني ندخلها العام لجاي حتى لو رايحة نسوفري في دراستها لسبب واحد اني نمحي بصريات وميكانيك من شهادتي باش نقدر نلقا خدمة ولكن مكانتش عندي معلومة موكدة حول هدين السوالين
خفت العام هدا بفسدلي جميع الحسابات
شكرا مجددا استادي وياريت تزيد تسقسيلي حول عدد سنوات اني خايفة نجي نسجل العام الجاي نلقاهم بدلو القانون
بلادنا تنوض بقانون ترقد بقانون
ربي يجيب لخير لبلادنا
جعلها الله في ميزان حسناتك شكرا والف شكر

[hakim park]

[quote=سطايفية بكل فخر;1054738809]الف شكر ليك استاذي على الاجابة
+
نعم كاينة شعبة في الالكترونيك نقدر ندخلها ولما سقسيت عليها هدا العام لقيتها شوية بعيدة عن تخصصي ومحبيتش نسجل فيها رغم اني موهلة لاقبل حبيت ندخل في ماستر خاص بشعبتي احسن
لكن لما صرالي كل هدا الشيء خممت اني ندخلها العام لجاي حتى لو رايحة نسوفري في دراستها لسبب واحد اني نمحي بصريات وميكانيك من شهادتي باش نقدر نلقا خدمة ولكن مكانتش عندي معلومة موكدة حول هدين السوالين
خفت العام هدا بفسدلي جميع الحسابات
شكرا مجددا استادي وياريت تزيد تسقسيلي حول عدد سنوات اني خايفة نجي نسجل العام الجاي نلقاهم بدلو القانون
بلادنا تنوض بقانون ترقد بقانون
ربي يجيب لخير لبلادنا
جعلها الله في ميزان حسناتك شكرا والف شكر[/quote

لا شكرا اختي انا ثاني كبما كنت في سنكم كنت نحتاج شكون لي يفهمني و ملقيتض
القانون في الجزائر يتبدل كيما احوال الطقس ماتخافيش لازم تكوني شجاعة و تدافعي على حقك بطرق سلمية طبعا
ربي يوفقك للخير نشاء الله

[سطايفية بكل فخر]

لا شكرا اختي انا ثاني كبما كنت في سنكم كنت نحتاج شكون لي يفهمني و ملقيتض
القانون في الجزائر يتبدل كيما احوال الطقس ماتخافيش لازم تكوني شجاعة و تدافعي على حقك بطرق سلمية طبعا
ربي يوفقك للخير نشاء الله

وهدا الشي ل يخلاني نفتح هدا الموضوع ليستفيد الجميع والحمد لله كاين نخبة مثلك مشاركة هنا وتفيد الجميع
ربي يعلي مراتبك ويكثر من امثالك ويمدلك على قد نيتك
+
ان شاء الله وان كنت منيش متفائلة بزاف الله غالب الباب لي نجي نحلو يتتخبط في وجهي
ربي يجيب الخير هدا مكان:d

[hakim park]

و الله يا اخت انا كنت معجب بالمواضيع نتاعك بزاف علاخاطر لقيتها تعاون الناس و انت مشكورة على هذا العمل الخيري
و قوة الرد انتاعك يعني ماشاء الله و انا نتبا بمستقبل مليح و زاهر للك و لكن لازم تكملي الدراسة و تتوسع ماشي غير في مجال التخصص و لكن في عدة مجالات
ما تضحكيش عليا كي قتلك معنديش معلومات على الشعب التقنية لضيق الوقت في العمل فقط
انا حقروني اساتذة بزاف في ميدان العمل و ذللك لصغر سني لكن مشيت معاهم كيما نحي انا و كارهين حياتهم
على العموم السر هذا يبقي بيني و بنيك ما نيش حاب واحد يعرف شكون انا و درجة العمل نتاعي
لاني رايح نشارك في مواضيع كثيرة
شكرا اخت سطايفة بكل فخر و انشاء الله سطيف راحا تفخر بيك و الجزائر كامل

[سطايفية بكل فخر]

و الله يا اخت انا كنت معجب بالمواضيع نتاعك بزاف علاخاطر لقيتها تعاون الناس و انت مشكورة على هذا العمل الخيري
و قوة الرد انتاعك يعني ماشاء الله و انا نتبا بمستقبل مليح و زاهر للك و لكن لازم تكملي الدراسة و تتوسع ماشي غير في مجال التخصص و لكن في عدة مجالات
ما تضحكيش عليا كي قتلك معنديش معلومات على الشعب التقنية لضيق الوقت في العمل فقط
انا حقروني اساتذة بزاف في ميدان العمل و ذللك لصغر سني لكن مشيت معاهم كيما نحي انا و كارهين حياتهم
على العموم السر هذا يبقي بيني و بنيك ما نيش حاب واحد يعرف شكون انا و درجة العمل نتاعي
لاني رايح نشارك في مواضيع كثيرة
شكرا اخت سطايفة بكل فخر و انشاء الله سطيف راحا تفخر بيك و الجزائر كامل

العفو واجبنا
+
ان شاء الله رايحة نحاول نستغل هدا العام لي عندي في دراسة كاش حاجة اخرى باذن الله
+
لا عادي اني عارفة بلي عملك خاطي الشعب التقنية ربي يقدرك عليه
+
فيما يخص موضوع عملك
اوك فقطاضغط على اسم عضويتك في الاعلى منين سجلت الدخول و ادخل لملفك الشخصي اختار الاحصائيات و روح للبحث عن كل مشاركاتك رايحة تخرجلك قائمة جميع المشاركات لي كتبتها هنا واحدف الردود او عدلها لي افصحت فيها سابقا عن عملك بما انك معندكش مشاركات كثيرة رايح يسهل عليك تراجعها رد رد وتنحي منها معلماتك الشخصية
هكا باش متسببلكش احراجات مستقبلا وباش تجاوب هنا باريحية اكبر وحتى لو اسم عضويتك يسببلك احراج تقدر تعربو وديرو اسم مستعار
راهم اغلب الاعضاء هنا مدايرين اسمتء مستعارة مني وارواح:1::1:
ربي يوفقك اخي حكيم وان كنت الفت نقلك استادي:1:

[سطايفية بكل فخر]

اخي حكيم
ربي يوفقك

[hakim park]

العفو واجبنا
+
ان شاء الله رايحة نحاول نستغل هدا العام لي عندي في دراسة كاش حاجة اخرى باذن الله
+
لا عادي اني عارفة بلي عملك خاطي الشعب التقنية ربي يقدرك عليه
+
فيما يخص موضوع عملك
اوك فقطاضغط على اسم عضويتك في الاعلى منين سجلت الدخول و ادخل لملفك الشخصي اختار الاحصائيات و روح للبحث عن كل مشاركاتك رايحة تخرجلك قائمة جميع المشاركات لي كتبتها هنا واحدف الردود او عدلها لي افصحت فيها سابقا عن عملك بما انك معندكش مشاركات كثيرة رايح يسهل عليك تراجعها رد رد وتنحي منها معلماتك الشخصية
هكا باش متسببلكش احراجات مستقبلا وباش تجاوب هنا باريحية اكبر وحتى لو اسم عضويتك يسببلك احراج تقدر تعربو وديرو اسم مستعار
راهم اغلب الاعضاء هنا مدايرين اسمتء مستعارة مني وارواح:1::1:
ربي يوفقك اخي حكيم وان كنت الفت نقلك استادي:1:

هههههههههههههههه لا اسمي هذا مستعار فعلا اسمي حكيم لكن شعب الجزائر كامل اسمو حكيم
المهم انشاء الله نسمعو غير الجديد و الجيد على اخبارك و اغتنمي الفرصة هذه في كسب المعارف باش تفيدي روحك و تفيدي الناس و تعلمي الجيل الجاي و تربي اولادك انشاء الله التربية الصالحة لانوا العلم لا يقدر بثمن و العلم ليس فيها شروط السن و لا شروط الجنس
العلم للجميع و لكن ما يسبق العلم هو الاخلاق لان العلم بلا اخلاق كااشجر بلا اوراق
و انشاء الله راكي فاهمة قصدي جيدا
بدون اطالة علابالي ديتلك وقتك بزاف و لكن الحمد استفدنا في حديث اليوم

[سطايفية بكل فخر]

نعم فهمتك اخي شكرا لنصائحك ولمساعدتك
+
لا العفو مديتليش وقتي لاني استفدت من اجوبتك
شكرا ربي يوفقك انت ايضا

[hakim park]

نعم فهمتك اخي شكرا لنصائحك ولمساعدتك
+
لا العفو مديتليش وقتي لاني استفدت من اجوبتك
شكرا ربي يوفقك انت ايضا

oooooo ma3raftech kifach nahihom walah chayboni sah
nab3atlek msg doka prive wa nti dabre rasek ok

[سطايفية بكل فخر]

اخي الرسائل ممنوعة بين الجنسين
+
اضغط عللى الرد لي حاب تعدلو ومن بعد من الاسفل تلقا فيه هدا الشريط

http://im33.gulfup.com/7MBjU.png
اضغط على تعديل تخرجلك نافدة عدل منها الرد

وان لم تستطع اخي راسل احد مشرفين القسم ننصحك بالاخت امة الرحمن او الاستاذ ابن القيم اشرحبهم الوضع واطلب منهم التعديل
بالتوفيق

[hakim park]

aya bien rani nahit el mochkila
merci okhti wa salam 3likom

[noui11]

ولي ما طلعش السداسي الاول وطلع السداسي الثاني يجمعوهم مع بعض او كيف

[اسامة مسلم]

:1:ولي ما طلعش السداسي الاول وطلع السداسي الثاني يجمعوهم مع بعض او كيف

نعم أخي يجمعوهم مع بعض
ولكن من الأحسن طلع بمعدل مليح ومن غير راتراباج باه تزيد حضوضك في الماستر
بالتوفيق لكـ :)

[Dr house ok]

هل يمكن الانتقال من طور ماستر 1 الى طور ماستر 2 بالدين

[jonzue]

شكرا والف شكر

[DEMHADART]

السلام عليكم
انا طالب سنة ثالثة ليسونس
السداسي الاول تحصلت على معدل 9 و تحصلت على 7 قروض
و السداسي الثاني تحصلت هلى 11
فهل اعتبر ناجخ و اعبر الى الماستر ام يجب ا لدخول الى الراتراباج
يمعنى ا خر نقدر نكومبونسي ولا لا
و ماهي الشروط باش تقدر تكومبونسي
لاني سمعت انة باش تكومبونسي لازم القروض اكثر من 10

[slimabdou]

السلام عليكم
أنا طالب متخرج السنة الجارية دفعة ليسانس ل م د ، ولدي بكالوريا ثانية بحيث منعت أن أدرس تخصص آخر في نفس الوقت،وأكدوا لي تجميد التخصص.
ولكن سؤالي في حالة عدم التسجيل هذا العام في الماستر . هل أعتبر مجمد للسنة، وهل تجميد السنة يعتبر معيد لها ويعيق الالتحاق بالدكتوراه ل م د أي بمعنى: ( يضرب في المعامل التصحيحي 0.8)
أفيدوني بارك الله فيكم لأنني في تخصص من جهة لا أرغب فيه، ومن جهة أخرى الحظوظ فيه كبيرة للدكتوراه ل م د.

[nan89]

شرح من فضلكم لديا صديق طالب سنة اولي جامعي
بيحث تحصل علي الوحدة الاساسية بمعدل 11 بالتعويض بين المقياسين مما مكنه من اكتساب ارصدة هذه الوحدة واكتساب الوحدة في سنة الجامعية 2014/2013 كما هو مبين=

الوحدة الاساسية 2014/2013 - مقياس (a) علامة 14 معامل 3 رصيد 7
- مقياس (b) علامة 8 معامل 3 رصيد 7
لكن في السنة الجامعية 2015/2014طرء تغير باضافة مقياس ثالث في الوحدة الاساسية وحذف 7 ارصدة من الوحدة الاساسية لسنة 2014/2013 وتم اقصائه من المقياس الذي تحصل فيه علي علامة 8 والذي اكتسبه بالتعويض بحكم الغياب في هذا المقياس

الوحدة الاساسية 2015/2014 - مقياس (a) علامة 14 معامل 2 رصيد 7
- مقياس (b) علامة 8 معامل 2 رصيد 7
- مقياس (c) علامة 7 معامل 1 رصيد 4
(لكن تم اقصائه في المقياس (b) بحكم الغياب لكن نظام lmd لا يسمح بذلك المادة 24-25-26 من القرار الوزاري 712)

هل يحق لهم فعل ذلك اي حذف 7 ارصدة من الوحدة الاساسية
للعلم فقط في نظام ال.م .د
والقرار الوزاري رقم 712 الذي يتضمن كيفيات التقيم والتدرج التوجيه
في المادة 24 و 25 و 26
القرار الوزاري 712
http://www.univ-usto.dz/v_graduation/lmd.html

[لمياح]

:dj_17::19:

[لمياح]

:19::19::19::19::19::19::19::19::19::19:

[kaikun]

شكرا ليك جازاك الله خيرا

[kaikun]

عندي سؤال مهم ياريت

[chemi mohamed]

بارك الله فيك

[aboumeriem1992]

يعطيك الصحة

[MOSTAFA14]

شكرا على المعلومات بارك الله فيك

[كادي12]

كم يلزم رصيد سنوي للانتقال للسنة الثانية ؟؟؟؟ وهل يشترط رصيد معين لكل سداسي ؟؟؟