لا أعلم لماذا ؟؟؟؟؟

[مشكلتي]

السلام عليكم إخواني الأعزاء

أكتب لكم عن مشكلتي الغريبة ، ولا أعلم لماذا لدي شعور في كثير من الأحيان بالبؤس و بأنني منسية؟؟؟
أولا : لا تتخيلو أني حقا أنني منكسرة و كئيبة...و ذلك لأنني و الحمد لله لا أظهر مشاعري الذاخلية علنا و ليس ذلك لقوة شخصيتي بل لإنهماكي في العمل .
و يأتيني هذا الشعور غالبا عندما أكون متفرغة أو في فترات الليل و هو شعور يقطع قلبي ...لقد تعبت حقا ...

تعبت تعبت تعبت من كل الناس ...أنا نيتي صافية وهما ما يصدقو يلقاو سبب للزعاف
علاقاتي مع الكل رائعة ، دائمة الإبتسامة، مراعية للمشاعر،اللي يقصدني في حاجة نديرهالو ،صحيح أنني أحس بإحترامهم في بعض الأحيان...
لكن
في الوقت اللي لازم يتفكروه فيك ما يتفكروكش ، و كأنهم ما يعرفوكش ، واحد ما يتفكرني في تيليفون ،يا سيدي ميساج،حتى العيد ماكان والو
إذا صرات حاجة مليحة ليهم أنا من بين الناس اللي يعرفو من بعد..يعني ما يكلفوش رواحهم يخبروني
و اللي زاد جعلني أشعر أنه لا قيمة لي.........شخص عزيز علي و كنت نحسبو ناس ملاح و دايمن ندعيلو ربي يوفقو للخير...
ونهار اللي توفق و الحمد لله راح بدون أي كلام ، حتى كلمة سلمو عليها ماكانش ، لكن الآخرين عرف يهدر معاهم و يطمئن على أحوالهم، كم أنا بــــائسة ،لا يتذكرني أحد ربما لدرجة أنه إن مت لن يهتمو إلا بعد زمن، لمـــــــــــــاذا؟؟؟؟؟؟؟؟
بالرغم من أنني لطالما ندير الحوايج المليحة نتمسخر نضحك ندير جو رائع نقضي صوالح الناس و ما نقطع واحد ،ماعندي ضغينة مع واحد.

كم أنا وحيدة بالرغم من أنني مع الكل .
و رغم سمعتي الطيبة ، لم يتقدملي إلا إثنان :أحدهم يقول نتزوج الشهر المقبل و تخيلوا لا يعرف شكلي أصلا ...مما أدى بي إلى رفضه طبعا لأنه يريد الزواج من أجل الزواج و لا يهم من كيف أكون ...المهم في آخر الأمر كان ذلك من أجل أمه التي بقيت وحيدة بعد زواج أخته
و الثاني لأن واحدة تعرفه أخبرته أن أمي إنسانة شريفة ووووو.... و أن لها إبنة إذهب و أطلها فأتى و رآني و طلب عدم عملي و اننا سنبقى مخطوبين لمدة سنتين و هو أصلا يعمل خارج ولايتي و بعد رؤيتي ب 3 أيام تخيلوا يسأل و يقول قوليلي بسرعة عن ردك لأن إجازتي قربت على الإنتهاء و باش نقضي صالحة ....أي أنه و بعد تحرياتي يريد الزواج من أجل الزواج فقط و لايهم مادام أنو قضى صالحة

أي أنهما نفس الحالة لم يريدا شخصي أو مثلا إستغرقا مدة من التفكير و التحري عني أو حتى طلب التعرف بي عن قرب من أهلي ...أي أنهما كانا يريدان زواج مصلحة فقط ...و طبعا لست نادمة لرفضي لهما

و الآن راني قاعدة هاك واحد ما يفكر فيا ...................................
رغم أنني لا أكره أحدا و رزينة بشكل ممتاز و بشوشة و معطاءة ، و مانيش نية و ساهلة لا العكس أنا ثاني عند روحي ،المعنى مانبانش جايحة بالمعنى ،يعني عادي كيفي كيف الكل...بل و أكثر لطالما يعجب بي كل من يتعرف بي........لكن أبقى في الأخير وحـــــــــــيدة ومنسية
و ما ريحاش ندير كيف بعض لبنات و نلصق روحي أنا ثانيك عندي مبادئ ......لكني أتقطع ذاخليا

أتقطع و أتحسر و مرات بل كثيرا ما يغيظني الحال و نقول راني مسكينة و بــــــــــائسة و و حيدة و حد ماراه متفكر ولا يخمم فيك سواء في الدار ولا الخدمة و لا صحباتي و لا معارفي .......قاع غير خرطي و مراهم دايرلي قيمة رغم أني دااااااائما مليحة معاهم
و ماتقولوليش لعل فيك خطأ لأني راقبت تصرفاتي و هي عادية و أنا من النوع اللي يقيس قبل ما يغيس
و متقولوليش ديري صديقة لأنو عندي 2 صديقات مقربات لكنهما ثاني ناسييني بالرغم من أني كثيرا ما نكلمهم و نسأل عليهم
يعني إلا ماكنتش المبادرة ...ماكان والو ...قصدك مع أني أنا المبادرة إلا أنه لا صدى ...
مسكينة أنا يخي ؟؟؟؟؟؟؟
لا أهل يحسو بيا
لا أصدقاء
لا خطيب
لا زملاء
لا......
لا......
لا......

المهم طولت عليكم تقبلوا تفريغي لهمومي لديكم و ياريت ما يتغلقش الموضوع.........
شكرا لكل من قرأ إلى الأخير . أختكم البـــــــــــائسة
واقيلا عندي قرابة مع كوزات نتاع رواية البؤساء هذاك علاه راني هاك هههههههههههههه

[شقراء سوف]

انا نقول راكي وحدك حابة تكوني بائسة مبعدك عن البؤس يا اختي الي يتفكرك ويسقسي مرحبا الي مسقساش عليك ارمي وراك بناقص منهم الشدة في ربي والبقية يروحو ويجو وربي يفرج عليك ويرزقك زوج صالح

[a12abdou]

سلام عليكم...
ديري ربي في بالك ختي وما يغروكش لبنات تاع هاد الوقت تخرج دايرا حالا في روحها وتجيب عريس تسوق فيه من ودنيه صدقيني تلقيها والله ما هانية...
علابالك انتي يخصك عريس فقط .. وتتحل قاع المشاكل لان المراة تلحق درجة وين تشبع قاع الناس يخصها غير ولد الحلال ...
على العموم ديري ربي في بالك وربي يجيبلك ولد الحلال الي يهنيك ...
ومايفتنوكش هادو الي يبانولك عاشت حياتها وفكرت راجل ...
ما عند الله خير وابقى
فقط عليك بالدعاء
(قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ ..._ صدق الله العظيم

[wafa16]

يااختي انا اعيش نفس حالتك عندي صديقة واحدة برك تحوس عليا اما الباقي ربي يجيب حتى في العيد بعثتلهم مسجات كاين اللي رجع و كاين اللي ما رجعش بصح راني نعرف صلاحي وراني دايرتهم في جدول و مصنفتهم
اما الزواج كلشي بلمكتوب و نصيبك يجيك حتى عندك انشاءالله

[sengra]

السلام عليكم
هذه الحالة اختي هي معاناة الكثير من الناس و لست الوحيدة فقط. فقد انتشرت بين الناس ان من يداهن الناس و يمجد سيرتهم يكون أحب الناس
هذه هي الدنيا اختلفت المعايير. فاختلفت القلوب.
نصيحتي استمري في تواصلك بصديقاتك فقط من الاناث دون الذكور فانهم يجلبون لك المتاعب فقط. و احتسبي صداقتك و مساعدتك لهن و ذلك طمعا ماعند الله من الاجر و الثواب . و لاتنتظري مساعدة أو شكرا من أحد فان الله سبحانه و تعالى ينزل عليك أمنا و سعادة تغنيك ماعندهم
أما قضية الزواج فهم الخاسرون فمعدنك نادر خاصة من تجتمع فيه الاخلاق و الحياء و المرح . و تيقني أن ما كتبه الله لك سيكزون باذن الله و ما تقديمه او تأخيره الا لحكمة ربانية لا يعلمها الا هو عزو جل.
شكراااااااااا

[المحبُّ لأهل السُّنة]

السلام عليكم ورحمة الله وبركاته
الله المستعان ولا حول ولا قوة إلا بالله تعالى

أقول لك أختي الفاضلة :

عندما يعتريك التفكير في أنّك بائسة ومنسية من طرف المجتمع
وأنه لا زملاء ولا أصدقاء ولا خطيب ...


عندما يتبادر إليك هذا التّفكير ...
حاولي أن تقارني ما أنت عليه في لحظتك تلك
وما الذي تعيشه ( فتيات في مثل عمرك تماما) من بؤس حقيقيّ
( والله المستعان الأفضل أن نقول هو ابتلاء من ربّنا لهم ليرى هل يصبر أم يجزع عبده )

المهم :صدقيني توجد فتيات في حيّنا
الله المستعان والله لن أستطيع وصف الحالة التي هنّ عليها
من يتم ...وفقر ...ومرض....واضطرابات نفسية ...وعنوسة
حتى لجأت واحدة إلى الهروب مرات وكرات وكم عانت ومازالت تعاني.....اللهمّ عفوك يا ربّ ...

الله المستعان شيء لا يتصوره العقل إطلاقا ...والله العظيم

نحتاج لمقارنة بسيطة لما نحن عليه ولما هو عليه غيرنا
لكن بشرط أن ننظر إلى من هو أسفل منّا
ولا ننظر إلى من هو فوقنا
فهو أجدر أن لا نزدري نعم الله تعالى علينا
هكذا أخبرنا رسول الله صلّى الله عليه وآله وسلّم...



لا يمكننا أن نعاتبك فوق هذا
نقول لك للأسف الشديد : يـــا حليل
كان الله تعالى في عونك ويسر الله لك أمورك

اشتغلي أختي بالله تعالى وبعبادته عن كل مخلوق
الناس وكلامهم وما هم عليه لا يساوون شيئا
ما لم يكونوا على هدي من الله تعالى ورسوله ...
...
حاولي أن تصبري نفسك وأن تحتسبي أجر صبرك لله تعالى
اشغلي أوقاتك بالنافع المفيد من أمور دينك ودنياك
استعيني بالله تعالى ولا تعجزي
واعلمي أنّه لن يصيب المؤمن إلا ما كتبه الله تعالى له
فمن رضي فله الرضا ومن سخط فله السخط
...

أمر نافع جدا بإذن الله تعالى
تقربي لله تعالى بطاعات وقربات
واسألي الله بها تعالى فهو توسل مشروع نافع بإذن الله تعالى ...

أخيرا الدعاء الدعاء الدعاء والرجاء ممن يملك الإجابة
لا إله غيره ولا ربّ سواه..

وفقك الله أختي الفاضلة ويسر الله امورك
ورزقك الله تعالى بفضله زوجا صالحا كفؤا لك يعنينك على طاعة الله تعالى
ويكون سببا في سعادتك ....
آمين يا ربّ
والسلام عليكم ورحمة الله وبركاته ........

[monitaa]

يا اختي ماتقوليش هاكا و انت اللي راكي باغيا تكوني يائسة..و الناس والاهل انت ديري الي عليك كوني مليحة ..انا مثلا اندير المليحة و منقارعش للرد بالمثل اللي قيمني ودارلي صح الي مقيمنيش الله اسهل عليه حتى انا مانوليش انجيب عليه....الاهل كاين اب مايحوسش حتى على ولادو أكثر من 6اشهر و في مرات 8 أشهر و هدا اب أولاد اختي المغتربة لأنها تطلقت منه انسى حتى ولادو...الصديقات انا وحدة من ناس قاع صحاباتي ادورو عليا ويخدعوني و تصيبهم يكدبو عليا وانا نقلع من روحي و نزيد فيهم وليهادا قررت اندير صديقات في النت للحديث وتبادل الاراء لكن صديقة مقربة تدخل دارنا و نديرها اختي لا...بالحديث عن خطيب انا تقدمولي بزاف و رفضتهم لنفس الشيى لانو كاين الي حوس على الجمال و كاين الي حوس زواج برك و كاين الي حوس على الي تقابل ماماه وفي هدا الاسبوع تقدملي واحد يبغيني وكانت علاقة لمدة 5 سنوات ولاسف بابا مازال مايعطي ردو و راني حاسة ماغديش يقبل والله اجيب الخير..لهدا رانا في وقت كل واحد لاهي في مشاكلو و امورو....والوقت الي والينا فيه ميبغوكش تكوني عاقلة مي يبغو الي قبيح معاهم...لا انصحكي بتغير اطباعكي حتى انا فيا النية كيفك..بصح عاملي الواحد بالتي هي احسن ويلا مجابش عليك ما عندك ماديري بيه بالناقص..ومايدوم في الدنيا غير اعمالك وربي سبحانو... ربي سبحانو وصلاتك ورضا والديك وحداري تغلطي في حق الناس وحاجة اخرى خاليها ما عندك ماديري بيها..و الي خلق مايضيع..تفائلي خير و قولي الحمد لله على نعمة الصحة والهناء وربي اخاليلك والديك هدا مكان...ايا منزيدش انصيبك تشتكي حنونة لأنو هدي ليست بمشكلة هدا واقع تصبي أكثر الناس عايشينو..سلام وربي اهنيك

[abdallah1983]

اختي ربي يبارك فيك وفي تربيتك واحمد ربي على هذا القلب

و ربي يرزقك الزوج الصالح الذي يصر خاطرك

والله كيما تكوني ربي يرزقك بزوج مثل روحك الطيبة

[zalamite]

قالك ناس بكري دير الخير و استنى الشر من العباد.... القلب لحنين عندو العديان و الحسادين بزاف و الغيرة هدي لازم تفهميها مليح القاعدة واضحة ...لكن الانسان الطيب ياتيه الخير من ربه و ليس من العباد... فلا تياسي فالحالة التى انت عليها نتيجة حتمية للطيبين امثالك.

[sali-sali]

قالك لي يحبك مايبنيلك قصر ولي يكرهك مايحفرلك قبر

انت ماشاء الله قلبك كبير وتحبي كامل الناس و تسالي على احوالهم و تفرحي في فرحهم راكي خير منهم

ماتعمريش راسك وحتى عقليتك ماتبدليهاش
المهم الواحد يعرف روحو كيفاش داير ومايهموهش الباقي
هدي الثقة في النفس والمهم انتي ماتخسريش وهكدا ترقدي متهنية مش مكتئبة او وحدية

عاودي التخمام في كل حياتك لكن بطريقة ايجابية الحاجات السلبية نحيهم من بالك

ربي يهنيك

[اسعى لرضى الله]

نقولك اختي راكي عاطية الناس حكاية كثر مايستاهلو ونسيتي روحك معطيتهاش حقها

التاي بروحك وحاولي ترضي روحك وربي قبل والعباد ميهمكش فيهم كي ديري فيهم خير ديريه لوجه ربي وكشما تلقايه نهار تكوني محتاجة لحسنات

كيعاد لا كملتي هكا راح تتعبي بزاف

اللي قدرك مرحبا اللي مقدركش مرحبين وعلاه راهم يسربيو في الهوا ؟؟؟؟

انتي رضي ربي كي يكون ربي راضي عليك هداك هو الصح والله تكوني مرتاحة مع نفسك

متزيديش تخممي في العباد وتقعدي تلومي فيهم كل واحد ربي يسهل عليه

حاولي ديري حوايج يزيدو يفيدوك في حياتك وفي اخرتك خير ما تقعدي تعسي في عباد ميستاهلوش مشي عايشينلك

وتبقا في الزواج ان شاء الله ربي يرزقك بزوج صالح وذرية صالحة ادعي ربي برك هدا مكان هو اللي يعطي الارزاق

[mohamed160]

سلام عليكم الاخت ربى لى يكون امعك اصبرى بعد الشدى اتجى الفرجى الاخت

[مسلمة 345]

اهديها لنفسي ولك ولكل من هومثلنا
دع الأيام تفعــــــــل ما تشــاء ..... وطب نفسا إذا حكم القضاء
ولا تجــــــــزع لحادثة الليالي ..... فما لحـــوادث الدنيا بقـــــاء
وكن رجلا على الأهوال جلدا ..... وشيمتك السماحة والوفـــاء
وإن كثرت عيوبك في البرايا ..... وسرك أن يكون لها غطـاء
تستر بالسخاء فكـل عيــــــب ..... يغطيه كمـا قــيــل السخـــاء
ولا تــــــر للأعادي قــط ذلا ..... فإن شماتة الأعدا بـــــــــلاء
ولا ترج السماحة مــن بخيل ..... فما في النــــــار للظمآن ماء
ورزقك ليـــس ينقصه التأني ..... وليس يزيد في الرزق العناء
ولا حزن يــدوم ولا ســرور ..... ولا بؤس عليك ولا رخــــاء
إذا ما كنــــت ذا قـلب قنـوع ..... فأنت ومالك الدنيا ســــــــواء
ومــــن نزلت بساحته المنايا ..... فلا أرض تقيه ولا سمــــــاء
وأرض الله واسعة ولــــكــن ..... إذا نزل القضا ضاق الفضاء
دع الأيام تغـــــدر كل حيــن ..... فما يغني عن المــوت الدواء

[خولة1995]

لا حول ولا قوة الا بالله العلي العظيم
ربي يقويك

[شاملة لينة]

رويت أشياء تقارب لدي.... تشتكين من الأهل والأصحاب ..أنهم لا يسألون عنك .................
أنا أيضا يطلبون مني خدمات أقدمها لهم طواعية .. و أنا إن طلبت يتحججون ويمتنعون.
لا أحد اتصل بي في العيد فقط اثنين و رسالة قصيرة.
والأدهي أنهم صاروا يكتمون عني أفراحهم خوفا من الحسد.
تضايقت في البداية ... وبحثت عن الحلول
ما الحل؟
أن فدمت معروفا لا انتظر الجزاء منهم بل من الخالق.
أقدم معروف متى أشاء .... إن رأيت في الشخص مكرا أو تحايلا ( يعني مصلحجي).. قد أعاون وقد أماطل حتى لا أنعت بالنيه.
لا أنتظر سؤال أحد ولا أفتش عن أخبار أحد ... تهمني حياتي ونجاحاتي وأمور الغير تثقلني فقط.
لا أحسد ودوما في لساني الدعاء بالخير لأي انسان.
وكي أقوي ايماني أكثر من الدعاء فأجد أن بعض الأمورصارت متيسرة لي.... هذا الأمر يؤكد أن الله مع عباده
فماذا أفعل بصحبة العباد. مادام الله مع عبده.
أختي إن أردت أن تكلمي الله عليك بالصلاة.إن أردت أن يكلمك الله عليك بالقرآن.
أنت لست وحيدة لست وحيدة.

[جمال الدين الأفغاني]

لا أدري لماذا أحس أني أعرف صاحبة المشكلة

سبحان الله نفس الاسلوب وتقريبا نفس الحالة أعرفها

لفتاة وكأني بها هي نفسها من كتبت هذا المشكل هنا !!!!

هل هي الصدفة الله أعلم ؟؟

المهم اختي الكريمة مثلما يقال مصائب الناس تهون مصيبتك

فدائما عندما نتعرض لمثل هذه المشاكل الاجتماعية والتي تنعكس علينا نفسيا

فلننظر لمن يعانون أكثر منا وحالتهم أعقد منا حالتنا ومع ذلك يصبرون ويخرجون من الازمات

منتصرين بعزة النفس والشخصية القوية تهون المصاعب

فمثلا أخيتي لو كنت في مكان فتاة ليس لها حظ من صداقة او مكروهة من الجميع

فسوف يكون كل همك وقتها مجرد تكوين صداقة مع أي فتاة

ولتكرهك بعدها او فلتتجاهلك او او او المهم ان تصلي لتكوين مجرد صاقة فقط

فسيكو ذكل هو كل همك لانك تفقدين ذلك الشيء ؟؟

لكن في حالتك لديك الصديقات ولكن همك يكمن في تجاهلهم وعدم السؤال عنك

فحينها لا ترين ما تملكينه بل ما لا تملكينه فما عليك الا أن ترضي بواقعك

فمادام الامر ليس بيديك ولست أنت سبب تجاهل من حولك فكوني شجاعة

في تقبل الواقع والله المستعان

[AMINA.Z]

عادي اختي الجميع يشعر بالوحدة و لا يظهرون ذلك
لم يبق لك سوى رب العزة
اشكي همك للخالق و اهتمي بعملك و بتطوير ذاتك
و انتظري الخير من الله
اما الناس فانسي امرهم حافظي على العلاقة التي تربطك بهم و لكن لا تنتظري شيئا
ربي يخفف عليك و يوفقك ان شاء الله

[أمة محمد]

السلام عليكم ورحمة الله وبركاته
اللهم رب الناس أذهب البأس لقد لفت انتباهي شيء غريب لقد تفحصت كلماتك كلمة كلمة فلم أجد بينها كلمة الله عز وجل لذا لم اجد لك إلا هاته الآية الكريمة:
قال تعالى: {الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ }الرعد28
وهاته الأبيات:
فـلـيتـك تحلوا والحياة مريرة وليتك ترضى والأنام غضاب
وليت الذي بيني وبينك عامر وبيني وبين العالمين خراب
إذا صح منك الود فالكل هين وكل الذي فوق التراب تراب

[نـور الإيمان]

عاملي الناس بأخلاقك لا بأخلاقهم لأننا لو بدأنا محاسبتهم على كل صغيرة وكبيرة، لما لم يقوموا بكذا؟ في حين أنا قدمتلهم كذا ...وو...لوجدتي نفسك وحيدة ...ورسولنا الكريم عليه افضل الصلاة والسلام يقول: {المؤمن الذي يخالط الناس ويصبر على أذاهم خير من المؤمن الذي لا يخالط الناس ولا يصبر على أذاهم }.
وعليه أخية إذا قمتي بأي عمل طيب لهن (من سؤال عنهم او تقديم أي خدمة) احتسبي الأجر عند الله ولا تنتظري شكرهم ولا سؤالهم هكذا ترتاحي اكثر صدقيني...
ازرع جميلا و لو في غير موضعه
فـلن يضيع جميلا أينما زرعا

[TOKYO]

راني مثلك تماما هاتف معمر بالاشخاص و نقضي مصالحهم و للاسف
و نقولك حاجه صداقه راحت خلاص الدنيا راهي مصالح فقط نية تاع بكرى و صحبه و صداقه خلاص
لواحد يدير الخير و يبعد على الحرام وخلاص يعاون زوالى و لى يحتاج مساعدة و يستاهل
ربي يرزقنى بالبنت صالحه و حلال

[سلاف26]

انت شخصية حساسة و مشكلتي تريدين مقابل للاهتمامك بالناس يعني لازم يعاملوك كيما انت تعامليهم
يا اختي بهذي العقلية رايحة تتعبي بزاف انت ديري لي عليك و لي يرضي ضميرك و الناس ربي يسهل عليهم
لا تطلبي الاهتمام و لا تتسولي المشاعر لتعيشي مرتاحة
لي سقسى اهلا و سهلا بيه و لي ما سقساش غير يقعد بخير
لازم الثقة في نفس و دخليها في راسك بانك لست محتاجة لأي شخص أنا قوية و مرتاحة

[انانيس]

السلام عليكم اختي انا نشوف بلي نتي لي راكي مرضة ومباسة روحك ان صح التعبير لالا حمدي ربي عندك خدمة وتفكري بليب كاين بنات بالمقابل لاخدمة لا صحابات يروحو ويجيو ليهم ولا والو والله هذا الكلام صحيح وومزال صح عايشين بنات هكا درك نتي صح بلاك ايلا ماكانوش صحاباتك يسقسو علي ك العيب فيهم وفنفس الوقت بلاك مشغولين بحاجة الانسان مايقدرش دايما يتفكر خوه بلاك ننساو بالخدمة ولا بشي يشغلنا نتمنالك الزوج الصالح هو لي مايقدرش ينساك ويتفكر كل وقت هادي هي وحمدي ربي بزاف ودعيه هادي قاع وساوس شيطان حاولي تخرجي منها،اختي واحدة بمواصفات لي حكيتي عليهم مستحيل ماتلقاش زوج صالح على حساب قلبها ونيتها خصوصا الوقت لي رانا فسه راكي تشوفي حال لبنات الا من رحم ربي متاكدة بلي يوما ما تجي تبشرينا بخطوبتك وزواجك ان شاء الله من زوج صالح تفائلي بكل خير فستجدينة بكل تاكيد

[بلسم غرام2018]

متدي غير الي كتبلككككككككككك