مشكلتي مع الفواكه

[لؤلؤة الفردوس]

السلآم عليكم
لم أتصور يوماا أن أضع مشكلتي في هذا القسم
و عليه ، نعم عندي مشكلة مع الفواكه أكرهها و لآ أحب أكلها أبدا ، كلما أحاول أكلها أشعر بقشعريرة تسري على كامل جسمي * جسمي يتشوك ههه*
خاصة البرتقال و العنب و البطيخ و البرقوق و الفراولة لآ أطييييقها ، و لآ أفكر حتى في أكلها
أفضل فاكهة عندي هي الخوخ و فقط

في رأيكم ماهي مشكلتي و لماذا لآ أطيق أكل الفاكهة

و شكرا لكم
احتراماتي

[maria100]

واااااااااااش نقولك الله يفتح عليك
لا تعليق

[Lydia istanboul]

بصحة زوجك هههههههههههههههه يشبع فاكية,,,,ماتكبريهاش,,,,عادي عوضي العناصر الغذائية الي فيهم في مأكولات او امور اخرى او اعملي عصير فواكه وجربي...سلام

[wafa16]

منك بصح
خليلي حقك امالا

[نورسين.داية]

انا الفواكه التي لا احبدها هي التين بأنواعه و البطيخ و البقية ......جبيلي قد ما تقدري و خصوصا الإجاص أو التفاح الذي يثمر في

مناطق معينة في الجزائر مثل البليدة و المدية و باتنة .....يا إلهي ....ما نشبعش منو

[panpouna]

هادي ماهيش مشكلة كل واحد وواش يحب انا عندي صحبتي كيما نتي

[imi02i]

حاجـة عاديـة
الذوق تاعك متناسبش مع ذوق الفاكـهة
المهم اللي متحبيهاش أبعثيهالي أنا نهنيك منها

[staifia]

انا عندي مشكل مع التين و الكيوي و الخوخ ,,, معندي حاجة
فيهم وكاين فواكه كي ناكلهم لساني يلهب والله .......
معليش عوضيهم بحاجة اخرى ,,, ولا ديريهم عصير هكدا تقدري تشربيه نورمال

[انغام المنى]

انا مثلك نكره تقريبا كل الفواكه اللا التوت والرمان فقط
اما الخوح كون يسلكوني منا كلوش بصح ماشي مشكل هذا يعود لذوق فقط

[ام ايمان16]

السلآم عليكم
لم أتصور يوماا أن أضع مشكلتي في هذا القسم
و عليه ، نعم عندي مشكلة مع الفواكه أكرهها و لآ أحب أكلها أبدا ، كلما أحاول أكلها أشعر بقشعريرة تسري على كامل جسمي * جسمي يتشوك ههه*
خاصة البرتقال و العنب و البطيخ و البرقوق و الفراولة لآ أطييييقها]، و لآ أفكر حتى في أكلها
أفضل فاكهة عندي هي الخوخ و فقط

في رأيكم ماهي مشكلتي و لماذا لآ أطيق أكل الفاكهة

و شكرا لكم
احتراماتي

الحمد لله ماكانش اسمي في القائمة لي ماتحبيهاش :1:يعني نقدر ندخل:mh31:

اختي الفواكه ياكلها الناس للتحلية ومن اجل الفيتامينات التي تحويها وغيرها
وكل شخص اكيد يحب فاكهة معينة ويفضلها على اخرى حسب ميوله ورغبته
فربما ماعندك هو عدم رغبة في اكلها فقط او اذا رايتها تسبب لك حساسية اذهبي للطبيب لمعالجتها
بالتوفيق

[مريم الصابرة]

السلام عليكم اختي
راني كيما إتنت تماما ما ناكل والو حتى الخوخ وما نحبوش ما ناكلش الفاكهة كامل عيت مع ادوية الشهية ووالو ما ناكلهاش نتمنى نلقاو حل هنا شكرا.

[هبة الكوثر]

هدا عادي حبيبتي فزوجي ايضا لاياكل الفواكه لكن اكتشفنا انه يستطيع ان ياكل نصف حبة قبل الاكل مثل البرتقال والتفاح والاجاص فقط

[شيء من رجاء !]

ابعثيلي البرتقال والموز والتين آكلهم نيابة عنك ، وأرسل لك الخوخ الذي لا أحبه :)
هي مسألة أذواق فقط ، ليست مشكلة خطيرة

[شاملة لينة]

أنا النقيض نتاعك ناكل كل شيء اسمه فاكهة.
حاولي تعصري الفاكهة حتى وأنه الفائدة تنقص لكن أرحم من فقدانها كلية

[haidi18]

ana 3andi sahabti matakoulch l7am kamal ,matdourch biha ni l7am ni poulet ni poisson,

[tarek1987]

هههه يا وحد المخوخة غير الخوخ برك ههه ربي يرجعلك ان شاء الله حاسة اكل الفواكه

[بنت الحجاج]

لُؤلؤة ،

جربتي ذوق الموز منْ قبلْ او لا ؟


جربيهْ ، و لنْ تندمي ;)

صدقيني




أنا أتحمل مسؤولية ما يحدُثْ :cool:

[قاتلة الصهاينة]

هههههههههههههههههههههه تضحكي
نجي ناكل عليك
أنا منحبش الكيوي ااااه والمانجا عييت ومقدرتش ناكلهم ونحير الناس وش يعجبهم فيهم
مسألة أذواق فقط أختي ماهيش مشكل

[aihemsara]

هههههههههه ربي يعينك.. ما كنتش نتصور الفواكه قادرين يسبوا مشكلة اجتماعية هههههه
راني نتمهبل برك... انا كنت ما ناكل حتى خضر غير البطاطا و الطماطم
من بعد درت قلب و بالعقل حتى وليت nramassi كلش زي الحصادة هههههه

[وفاء سعاد]

عادي يااختي احنا بكل مانحبوش نوع من الفاكهة وكاين اللي مايحبوهمش كامل عوضيهم بالعصائر