كوفرولي وكاش ريدو سموكس لاختاي سها ومريومة

[fifiarch]

السلام عليكم ورحة الله

مساااء الخير اخواتي

اسمحولي على التاخير ولكنها مشاغل والله

للاخت سها جبتلك الباترون نتاع الكوفرولي لي طلبتيه
يعني شحال تحتاجي من قماش
وكيفاه تقسميه باه يكفيك للعمل

شوفي هنا الباترون وطريقة تقسيمو مع كل قطعة واش نعملو بيها
طبعا طريقة عمل غرزة نصف الضفيرة تلقايها في دروس دورة السموكس
وقياس مربع الباترون يكون ستة سنتيمتر

واما على الطرز اختاري الرشمة لي حبيتيها وروحي لدروس دورة الطرز تلقاي بالزاف انواع ورود استخدميهم كيما تحبي

واي مساعدة تحتاجيها راني هنا

بالتوفيق

http://sphotos-e.ak.fbcdn.net/hphotos-ak-prn1/550465_424889490884725_895111444_n.jpg


والان اختي مريومة لي طلبت مني الكاش ريدو نتاع السموكس
هنا الباترون وكمية القماش اللازمة
وكل الشرح موضح على الصورة
وحسب الكاش ريدو اذا حاباته كبير دوبلي عدد السطور
واذا حابة زوج الوان
اعملي ثلاث شرائط وخيطيهم في بعض بابعاد الباترون نفسها وارسمي الباترون واخدي خدمتك
بالتوفيق
واي غموض ان شاء الله نجاوبك عليه

http://sphotos-c.ak.fbcdn.net/hphotos-ak-prn1/522490_426718027368538_1186847469_n.jpg

[fifiarch]

للرفععععععععععععععععع

[OMNIAH]

بارك الله فيكي فيفي
يعطيك اللصحة

[lina213]

للرفععععععععععععععععع
راكي دايرة موضوع على كاش ريدو
عجبني بزاف المودال وخدمت منو
وجاني كيما دياك
بصح هنا القيس لي راكي دايراتو ماشي كيما الاول؟
حبت نعرف ادا يخرج كيفكيف؟
يعطيك الصحة

[maryouma 22]

bourékti habibti rabi énawrek

[serine31]

merciiiiiiiiiiiiiiii

[عنوان كتاب]

السلام عليكم
تحياتي للجميع
أختي فيفي اولا الله يفتح عليك و يرزقك كل خير على تفانيك في الرد ةو المساعدة للجميع وأسأل الله ان يثقل بعملك ميزان حسناتك يارب . و ثانيا راني حطيت موضوع نسأل فيه على الكاش ريدو و انتي رديتي عليا و زدت حطيت سؤال آخر و ان شاء الله ما نكونش كثرت عليك و راني في انتضار الجواب باه نقدر نشري و نبدا الخدمة
و للتذكير هاذا موضوعي
السلام عليكم و رحمة الله تعالى و بركاته
ان شاء الله راكم كامل لباس

عندي سؤال حول طريقة خياطة كاشريدو بالسموكس و ياريت تنوروني بالاجابة
خاصة بالنسبة للجزء العلوي كون فيه طبقتين وحدة بيضاء و الاخرى زرقاء
و كلتا الطبقتين خدمة السموكس
حبيت نعرف كفاه يتخدمو مع بعض
بالاضافة الى نوع الغرزة و الابعاد المستعملة
نظن بلي الطريقة راهي استعملتها الأخت ام كوثر

http://www.djelfa.info/vb/%5burl=http://imageshack.us/photo/my-images/132/0f0fc21dfae7.jpg/%5d%5bimg%5dhttp://imageshack.us/a/img132/6508/0f0fc21dfae7.jpg%5b/img%5d%5b/url%5d%20%20uploaded%20with%20%5burl=http://imageshack.us%5dimageshack.us%5b/url%5dhttp://imageshack.us/a/img132/6508/0f0fc21dfae7.jpg (http://imageshack.us/photo/my-images/132/0f0fc21dfae7.jpg/)
في انتضار اجاباتكم

بارك الله فيكم




و سؤالي كان..
عندي سؤال اختي فيفي و ان شاء الله ما نكونش كثرت عليك
كيما الكاش ريدو في الصورة الفوق فيه قطعتين بيضاء و زرقاء و في زوج مخدومين بالسموكس كفاه نقدر ندير هك
يعني نخيط القطعتين ونخدم ؟ولا نخدم كل وحدة وحدها؟لخاطر راهي بانتلي قطعة بيضاء كبيرة و فوقها وحدة رزقاء يعني الجزء العلوي راه مدوبلي

و نزيد حاجة أخرى ثاني هي نوع الكتان يعني اسمو لخاطر كي رحت نشري لقيت ياسر انواع و معرفتش وشكون لي تجي كيما هك
و اذا كاش معلومات على المقاسات تاع الكاش ريدو يعني بالنسبة للطول و طريقة الفصالة اكون شاكرة للجميع و بالخصوص استاذتنا فيفي
بارك الله فيكم

[عنوان كتاب]

ترى هل من مجيب؟

[fifiarch]

العفوووو بنات هذا واجبي
عن الابعاد في السموكس نديرو حسابنا انو القماش راح ينقص للنص
ونخدمو
هنا كل مرة نحط ابعاد
على حساب الاخت واش تكون ابعاد نافذتها
على بيها نرسملها باترون يتناسب مع البعد لي تحتاجو
مي كل اخت تدي فكرة الباترون وتطبقها في الطول لي تحتاجو هي وتاخذ بعين الاعتبار انو القماش ينقص للنصف


اختي عنوان كتاب اسمحيلي ماشفتش طلبك
ولما مانشوفش رد حاولن تذكرنني وان شاء الله نجاوبكم
على سؤالك
حتى تتحصلي على كاش ريدو من لونين
قبل اي شيء خيطي زوج قطع نتاع القماش في بعض
بالالوان لي حابتهم
وانقلي الباترون لكن ديري في بالك انو حواف المربعات تكون مع المكان لي خيطتي في القطعتين مع بعض
هكا وانت ترسمي في الباترون
تلقاي الحد بين القطعتين يعني مكان الخياطة هو حد للمربعات نتاع الباترون
ولما تخدمي السموكس تخرج كل غرزة في مكانها
يعني كل لون والغرز نتاعو

اما عن نوعية القماش
فانا لست خبيرة بالاقمشة
مي كي نحب نخدم نشوف المودال ونروح للحانوت ونختار اقرب نوع يشبهلو
اما اذا حبيتي اسم القماش تمام
اطرحي سؤالك على الاخت كرونو
ماشاء الله عليها خبيرة في هذه الامور
وانا كثيرا ما الجا اليها

نتمنى نكون قدرت نوصللك المعلومة
واذا اي استفسار راني هنا
بالتوفيييق

[عنوان كتاب]

بااااارك الله فيك أختي الغالية و استاذتنا فيفي الله ينورك على ردك الكافي و الوافي الله ينورك
و اوكي المعلومة وصلتني مليح ومع هذاك الباترون اللي حطيتيه ان شاء الله رايحا نبدا في الخدمة عن قريب

[fifiarch]

ان شاء الله ربي يوفقك

[عنوان كتاب]

اللهم آمين أجمعين
أختي فيفي ياريت تدخلي تشوفي الموضوع و تقوليلي رأيك
انا في الانتضار
و لكل الاخوات هاهو رابط الموضوع في انتضار تواجدكم و تشجيعاتكم
http://www.djelfa.info/vb/showthread.php?p=12179759#post12179759

[jackin]

السلام عليكم
تحياتي للجميع
أختي فيفي اولا الله يفتح عليك و يرزقك كل خير على تفانيك في الرد ةو المساعدة للجميع وأسأل الله ان يثقل بعملك ميزان حسناتك يارب . و ثانيا راني حطيت موضوع نسأل فيه على الكاش ريدو و انتي رديتي عليا و زدت حطيت سؤال آخر و ان شاء الله ما نكونش كثرت عليك و راني في انتضار الجواب باه نقدر نشري و نبدا الخدمة
و للتذكير هاذا موضوعي


و سؤالي كان..
عندي سؤال اختي فيفي و ان شاء الله ما نكونش كثرت عليك
كيما الكاش ريدو في الصورة الفوق فيه قطعتين بيضاء و زرقاء و في زوج مخدومين بالسموكس كفاه نقدر ندير هك
يعني نخيط القطعتين ونخدم ؟ولا نخدم كل وحدة وحدها؟لخاطر راهي بانتلي قطعة بيضاء كبيرة و فوقها وحدة رزقاء يعني الجزء العلوي راه مدوبلي

و نزيد حاجة أخرى ثاني هي نوع الكتان يعني اسمو لخاطر كي رحت نشري لقيت ياسر انواع و معرفتش وشكون لي تجي كيما هك
و اذا كاش معلومات على المقاسات تاع الكاش ريدو يعني بالنسبة للطول و طريقة الفصالة اكون شاكرة للجميع و بالخصوص استاذتنا فيفي
بارك الله فيكم

يعطيك الصحة
بارك الله فيك

[jackin]

يعطيك الصحة
بارك الله فيك

[ام عبود]

بارك الله فييييك

[ام عبودة]

بارك الله فيك.

[imei]

مشكوووووووووووووووورة

[رحاب القرآن]

السلام عليكم الاخت فيفي ربما هده أول مرة أتوجه إليك بطلب المساعدة أنا خياطة بسيطة جدا وقد خطبت أختي و تريد مني أن أخيط لها كاش ريدو وكوفرولي بغرزة السموكس لكني لا أعرف كم يلزم من القماش و كيفية عمله شكرا مسبقا و سامحيني على الإزعاج أختك الفقيرة و المحتاجة إلى مساعدة طيبة منك ومن أهل المنتدى و وفقكم الله على كل ما تقدمونه