منح العطب و التقاعد بعد المصادقة على قانون المالية 2013

[a.baghdad]

السلام عليكم و رحمة الله و براكاته.
لقد دخلت الفيرمو و لكن لا جديد يذكر

[a.baghdad]

الفيرمو دخل ولكن هو هو ماكان لا زيادة ولا هم يحزنون

[nizar10]

تعليمة جديدة حول ملف الرقمنة 25سبتمبر 2023.
ستشرع وزارة الدفاع ابتداءا من شهر اكتبر بتوقيف معاشات المتقاعدين الذين لم يدفعو ملف الرقمة ...التعليمة في الاسفل.

[Abdjalile]

السلام عليكم لباس خويا نيزار انا تكميلي وخدام في سيفيل و دفعت ملف الرقمنة هل هدا يؤثر عليا في الوظيفة لي خدام فيها ولا

[عبد الكمال]

السلام عليكم ورحمة الله وبركاته يسعد مساكم بكل خير وبركة وسعادة يا رب ورضا الرحمان
الاخ الغالي نيزار
ممكن توضيح في ما يخص ملف الرقمنة
لم ادفع لي ملف او اي شيء منذ ان استخرجت كشف الراتب منذ عامين والكفالة للزوحة منذ عام ورقم موبليس منذ عامين
والعفو كل العفو الله يكرمك ويبارك فيك وفي عمرك الطيب يارب
لكم كل الود والإحترام والتقدير جميعا

[nizar10]

السلام عليكم لباس خويا نيزار انا تكميلي وخدام في سيفيل و دفعت ملف الرقمنة هل هدا يؤثر عليا في الوظيفة لي خدام فيها ولا

لا متأثرش تخدم عادي في السيفيل ..
الرقمنة باه يعرفو احصاء المتقاعدين وبالي راك حي واجراءات التامين ومنحة الزوجة .

[nizar10]

السلام عليكم ورحمة الله وبركاته يسعد مساكم بكل خير وبركة وسعادة يا رب ورضا الرحمان
الاخ الغالي نيزار
ممكن توضيح في ما يخص ملف الرقمنة
لم ادفع لي ملف او اي شيء منذ ان استخرجت كشف الراتب منذ عامين والكفالة للزوحة منذ عام ورقم موبليس منذ عامين
والعفو كل العفو الله يكرمك ويبارك فيك وفي عمرك الطيب يارب
لكم كل الود والإحترام والتقدير جميعا

لازم تدفع سي كمال في cms ...راهم قالو يتم توقف الشهرية مؤقتا حتان تدفع ملف الرقمة ..

[فؤاد12]

سلام الاخ نيزار بالنسبة لملف الرقمنة دفعت قبل بصح وقعلي شك كيفاه نعرف روح بلي دفعت هل صحيح استخراج وثيقة التقاعد

[عبد الكمال]

لازم تدفع سي كمال في cms ...راهم قالو يتم توقف الشهرية مؤقتا حتان تدفع ملف الرقمة ..

الله يسلمك ويبارك فيك وفي عمرك الطيب يارب خويا الغالي
الملف واش فيه ياطيب القلب
ربنا ينوركم بالجنة ونعيمها يارب
والعفو كل العفو الله يكرمك ويبارك فيك وفي عمرك الطيب يارب

[ramziw]

انا دفعت ملف الرقمية مع الاوئل والمشكلة دفعت بطاقة التعريف القديمة الخضراء بالنسبة للزوجة هل الملف مقبول ولا يتم ايقاف الراتب وشكرا:confused:

[nizar10]

سلام الاخ نيزار بالنسبة لملف الرقمنة دفعت قبل بصح وقعلي شك كيفاه نعرف روح بلي دفعت هل صحيح استخراج وثيقة التقاعد

روح الى cms اعطيه رقم ccp يشوفلك راك مسيزي ولالا.

[nizar10]

انا دفعت ملف الرقمية مع الاوئل والمشكلة دفعت بطاقة التعريف القديمة الخضراء بالنسبة للزوجة هل الملف مقبول ولا يتم ايقاف الراتب وشكرا:confused:

ماشي مقبول ...جيبلهم رقم التعريف الوطني من البلدية او شهادة ملاد رقمية .

[nizar10]

الله يسلمك ويبارك فيك وفي عمرك الطيب يارب خويا الغالي
الملف واش فيه ياطيب القلب
ربنا ينوركم بالجنة ونعيمها يارب
والعفو كل العفو الله يكرمك ويبارك فيك وفي عمرك الطيب يارب

شهادة ميلاد الزوج والزوحة.
شهادة عاءلية.
عقد زواج.
بطاقة تعريف البيومترية الزوج والزوحة.
شاك باري.

[nizar10]

بالنسبة للتكميلي لي مسوري في السيفيل او خدام او زوحتو خدامة ينحولو التأمين فقط.
اما المتقاعدين ينحولو منحة الزوحة ويرجعها.

[Abdjalile]

بارك الله فيك على الرد خويا نيزار

[moh rougé]

السلام عليكم أمي نزار انا ديت سلفية تاع 30 مليون وحاليا حاب نرجعلها دفعة واحدة ادا امكن ادا يوجد حل نورنا سلام

[nizar10]

السلام عليكم أمي نزار انا ديت سلفية تاع 30 مليون وحاليا حاب نرجعلها دفعة واحدة ادا امكن ادا يوجد حل نورنا سلام

لازم تروح ليهم لدالي براهيم ..راهم دايرينلك في السيستام اقتطاع كل شه ر كي تروح ليهم ويقبلوك يعطيك ورقة باه تفارسي دراهم وترحعلهم روسي ومن بعد ينحلولك الاقتطاع. هذا والله اعلم.

[أبو سارة عبد اللطيف]

أخي نيزار....أنتظر ردك و توجيهك على الخاص بارك الله فيك

[sofiane35]

بالنسبة للتكميلي لي مسوري في السيفيل او خدام او زوحتو خدامة ينحولو التأمين فقط.
اما المتقاعدين ينحولو منحة الزوحة ويرجعها.

اليوم لقيت البطاقة مبلوكية علما إن الزوجة عاملة معنتها
خلاص حبسولي التامين؟

[farid-16]

السلام عليكم
هل ابن عسكري ماجور - أكبر من 19 سنة - لا يدرس له الحق أن يعالج في المستشفي عين النعجة ?

[Rachid 2bss]

السلام عليكم سؤالي للأخ نيزار انا احتياطي جريح في إيطار مكافحة الإرهاب و مازال ما دفعتش ملف الرقمنة بصح ما نخلصش على الزوجة و مانيش داير كفالة هل ممكن يوقفولي الراتب ؟؟

[Adel_iao]

السلام عليكم الاخوة ، انا اعمل في شركة
حبسولي بطاقة الضمان الاجتماعي العسكري و كي رحت ليهم cms قاتلي راح نبدلولكم البطاقة و تصبح تتجدد كل سنة و في الملف المطلوب لا يوجد شهادة عدم الانتساب لي و الزوجوطة ، يا جماعة هل يحبسولي الظمان الاجتماعي العسكري و خصوصا راح نجوز عملية فالمستشفى العسكري ابداية العام القادم ، شكرا

[nizar10]

السلام عليكم سؤالي للأخ نيزار انا احتياطي جريح في إيطار مكافحة الإرهاب و مازال ما دفعتش ملف الرقمنة بصح ما نخلصش على الزوجة و مانيش داير كفالة هل ممكن يوقفولي الراتب ؟؟

سؤال جيد ...اولا هاذي الرقمة داخلة في تجديد الملفات قبل كانو يدفعو شهادة الحياة..يعني بالي راك حي وتهز في الشهرية.
ثانيا كاين ناس لا اصل لهم في الوجود يخلصو عليهم ناس اخرى ..نضن فهمتني ...صرات قبل اخلاسات مقننة بملفات لاشخاص وهميين او موتى وناس تخلص عليهم.
ثالثا ..احقيية منحة الزوجة من عدمها ...والتكميلي احقية التأمين من عدمه.
رابعا تكون مراجعة دورية رقمية لصندوق المعاشات لملفك بدون ان تعلم او تذهب .
هي الرقمنة فيها فايدة اكثر حتى في الزيادات تكون مضبوطة.

[nizar10]

السلام عليكم الاخوة ، انا اعمل في شركة
حبسولي بطاقة الضمان الاجتماعي العسكري و كي رحت ليهم cms قاتلي راح نبدلولكم البطاقة و تصبح تتجدد كل سنة و في الملف المطلوب لا يوجد شهادة عدم الانتساب لي و الزوجوطة ، يا جماعة هل يحبسولي الظمان الاجتماعي العسكري و خصوصا راح نجوز عملية فالمستشفى العسكري ابداية العام القادم ، شكرا

اذا كنت خدام في السفيل او زوحتك خدامة ومأمنين تحبس البطاقة وتتوقف . اما اذا كنت غير ذالك لازم تروح ليهم وتدي معاك رونديفو ويعطولك ورقة التامين التي تتجدد كل سنة بالنسبة للتكميلي وافراد التعبئة.

[nizar10]

اليوم لقيت البطاقة مبلوكية علما إن الزوجة عاملة معنتها
خلاص حبسولي التامين؟

ههههههه باي باي البطاقة ..حبسوهالك انتهى الامر.

[sofiane35]

ههههههه باي باي البطاقة ..حبسوهالك انتهى الامر.

شكراً لكم بصحتكم

[فؤاد12]

ممكن رقم نيزار نحتاجو في امر ضروري بارك الله فيكم

[Rachid 2bss]

السلام عليكم
شكون هم لي يقدرو يدخلو لنادي الموقع للجيش؟؟
وهل بإمكان الجرحى و المعطوبين الدخول ولا غير لي مزالهم خدامين؟؟

[nizar10]

ممكن رقم نيزار نحتاجو في امر ضروري بارك الله فيكم

مكانش مشكل ..راني رديت عليك القطاع العسكري وحدو والمدني وحدو.

[فؤاد12]

مشكور الاخ نيزار

[Adel_iao]

السلام عليكم الاخوة
هل يمكنني الدخول الى النوادي العسكرية و crf ببطاقة العطب العسكري مع العلم ان نسبة العطب هي 45%، كنت ندخل سابقا ببطاقة التأمين و بما انني اعمل فالقطاع العمومي تم سحبها و توقيفها بسبب الانتساب الى cnas
لي عندو رد يجاوبنا و بارك الله فيكم

[bahi65b]

مرحبا
بالنسبة لمنح ضحايا الأرهاب
يتقاضونا شهريا ..
1 منحة التقاعد
2 منحة الجريح
3 منحة العطب
4 وهناك من يتقاضى منحة أخرى بقدر
22000 دج .. ما إسم هذه المنحة ومن له
الحق في الإستفادة منها . وما شروطها
فالرحاء إفادتنا ومشكورين

[labadi]

السلام عليكم ورحمه الله وبركاته تحياتي للجميع

[caporal chef]

سلام عليكم يا رفقاء السلاح نزار و قدوري راكم نشطين الله يبارك

[فريد قدوري]

سلام عليكم يا رفقاء السلاح نزار و قدوري راكم نشطين الله يبارك
الله اكبر ربي يبارك في عمرك أن شاء الله والله هذي غيبة caporal chef عاش من شافك اخي اتمنى تكون بالف خير انت والأهل

[dexterjackson]

السلام عليكم
هل يمكن الحصول على قرض من البنك لأصحاب المنحة التكميلية؟

[ولد قايد صالح]

السلام عليكم



كاش ماسمعتو على تسوية ؟؟؟
يقولو كاين زيادة في جانفي ومارس وجويلية

[Rafcif]

السلام عليكم



كاش ماسمعتو على تسوية ؟؟؟
يقولو كاين زيادة في جانفي ومارس وجويلية


السلام عليكم

2700 دج للشهر ضرب سنوات الخدمة التي كانت لك
من 92 الي 2011
تصب شهر فيفري او مارس 2024

[labadi]

السلام عليكم

2700 دج للشهر ضرب سنوات الخدمة التي كانت لك
من 92 الي 2011
تصب شهر فيفري او مارس 2024

ليك وحشة كبيرة خويا رفسيس
بارك الله فيك علي الأخبار السارة للمنتدي وللجميع ورفقاءالسلاح
تحياتي العطرة

[ولد قايد صالح]

اهلا خويا رفسيف ليك وحشة كبيرة ان شاء الله تكون بخير

[ben halimm]

]السلام على جميع الزملاء عبر أقطار الجزائر نتمنى أن تكونوا بصحة و عافية خاصة مؤسسي المنتدى و مرتاديه السنوات الأولي لبدايةالمنتدى

[فؤاد12]

سلام عليكم هل زيادة للمتقاعدين صف جنود 356000الف هل صحيح ولا لا نرجو من الاخوة ليعلابالهم ينورنا وجزاهم الله خيرا

[فريد قدوري]

السلام عليكم

2700 دج للشهر ضرب سنوات الخدمة التي كانت لك
من 92 الي 2011
تصب شهر فيفري او مارس 2024

السلام عليكم اخي Rafcif ممكن توضح اكثر عن الفئات المعنية وشكرا

[فريد قدوري]

غياب تام للاعضاء هل من جديد يخص المتقاعدين في سنة 2024 تدخل علينا بالصحة والستر

[nizar10]

غياب تام للاعضاء هل من جديد يخص المتقاعدين في سنة 2024 تدخل علينا بالصحة والستر

كاينة تفتوفة شهر جانفي او فيفري لاصحاب معاش التقاعد والاحتياط ضحايا الارهاب.
اما اصحاب المعاش التكميلي فلا توجد زيادة.
لحد الان المعلومات حول زيادة منحة الطفل 1500دج لا اساس لها من الصحة.

[فريد قدوري]

كاينة تفتوفة شهر جانفي او فيفري لاصحاب معاش التقاعد والاحتياط ضحايا الارهاب.
اما اصحاب المعاش التكميلي فلا توجد زيادة.
لحد الان المعلومات حول زيادة منحة الطفل 1500دج لا اساس لها من الصحة.

مشكور حبيبنا ربي يجزيك خير الجزاء على ما تقدمه من معلومات

[labadi]

الرتب السلم /المنصب القيمة المضافة
24659.86
24300.13
22366.00
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

ضابط منصب عالي 22366.00
19874.23
19874.23
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
صف ضابط
بط عامل / 8897.32
/ 6545.23
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
صف ضابط متعاقد / 4113.99
عريف اول / 3564.77
عريف / 3564.77
جندي / 3564.77
مستدعي للخدمة / 3564.77

[labadi]

مبروك عليكم الزيادة او التفتوفة القليلة المهم فيها بركة

[فريد قدوري]

مبروك عليكم الزيادة او التفتوفة القليلة المهم فيها بركة

ممكن توضيح اخي Labadie بالنسبة اصحاب منحة العطب والمعاش التكميلي معني بالزيادة مشكور اخي

[salah_1979_13]

سلام عليكم نهاركم مبروك.
سلامي اليكم جميعا حاضرا وغائبا بعيد وقريب.

[ولد قايد صالح]

قيمة الزيادة في معاش التقاعد تقرببا نفسها زيادة مارس 2023.
14 جانفي

[ولد قايد صالح]

الزيادة في معاش التقاعد مزالها تتخدم على مستوى صندوق المعاشات العسكريّة
دالي ابراهيم
كي تتخدم وتكمل نمدوها بالتدقيق

[HADJERI Bachir]

السلام عليكم
هل طرحكم هدا يخص المتقاعدين ام العاملين
ارجوا توضيح سي لابادي
تحياتي

[labadi]

السلام عليكم
هل طرحكم هدا يخص المتقاعدين ام العاملين
ارجوا توضيح سي لابادي
تحياتي
نعم للعاملين وعلي هذا الاساس يتم زيادة في منح التقاعد للمتقاعدين

[ولد قايد صالح]

السلام عليكم



كاش مابان على زيادة انتع جانفي

[ولد قايد صالح]

قالي واحد بيسيا راح ازيدولكم300الف في جانفي او المرأ تولي800الف لولاد تولي200 في جويلة

[ولد قايد صالح]

عندكم زيادة في جانفي ومارس وجويلية ان شاء الله

[فؤاد12]

سلام عليكم الاخ نيزار هل زيادة صحيحة كي قال زميل لباي اذا عند معلومات نورنا وشكرا

[ولد قايد صالح]

السلام عليكم

زيادة انتع العام لي فات هي نفسها انتع السنة


200 الف نفسها انتع السنة 200 الف

[nizar10]

سلام عليكم الاخ نيزار هل زيادة صحيحة كي قال زميل لباي اذا عند معلومات نورنا وشكرا

الزيادة مثل العام الماضي +شوي صرف.
اصحاب المعاش التكملي ضباط .ضباط صف احتياطيين لا توجد زيادة.
اصحاب معاش التقاعد الذين تحتسب معاشاتهم حسب قانون المعاشات العسكريية الحد الادنى لمعاش التقاعد لي راهم يخلصو 34000 ..عندهم زيادة ثابتة 2000دج.
اصحاب معاش التقاعد الذين تحتسب معاشاتهم بالنقاط الاستدلالية لهم زيادة مثل العام الماضي +شوي صرف.
العسكريين ضحايا الارهاب من كل الاصناف لهم زيادة في التقاعد .
منحة الزوحة بدون تغيير.
منحة الاطفال بدون تغيير.
شكرا.

[nizar10]

العسكريين العاملين من ضباط وضباط صف الذين يتقاضون معاشاتهم بالنقاط الاستدلالية لي راهم يخلصو الان فوق 37000 دج لهم زيادات حسب النقاط الاستدلالية وهي مختلفة.+شوي صرف.

[omarbenamar]

سلام اخي نيزار هل من جديد على منحة الجريح

[nizar10]

سلام اخي نيزار هل من جديد على منحة الجريح

منحة الجريح تتراوح مكانها بدون زيادة.
نتا ضحية ارهاب عندك زيادة فالتقاعد.

[nizar10]

omarbenamar تحية اخوية لناس حمام بوحجر والله شمما فيك ريحة الماضي ايام كلبوز وشمام وجزائري حتى النخاع ومعطوب وكابورال شاف والطيب ونيزار بو درجة لي دار كونت مثل اسمي وقالهم راني في فرانسا ..ونا بعد مدة غياب عن المنتدى درت حادث سيارة ..اه يا نيزار بد درجة ههههه.

[أبو سارة عبد اللطيف]

أنتظر ردك أخي نيزار على الخاص جزاك الله خيرا

[omarbenamar]

ربي يحفظكم اخي نيزار والله توحشنة الايام الزينة

[جزائرى حتى انخاع]

omarbenamar تحية اخوية لناس حمام بوحجر والله شمما فيك ريحة الماضي ايام كلبوز وشمام وجزائري حتى النخاع ومعطوب وكابورال شاف والطيب ونيزار بو درجة لي دار كونت مثل اسمي وقالهم راني في فرانسا ..ونا بعد مدة غياب عن المنتدى درت حادث سيارة ..اه يا نيزار بد درجة ههههه.
يامات 2013 ماتتنساش بلا ما ننساو أخونا رفسيف
و أنت يا خويا نزار و الله يعطيك الصحة على مجهوداتك و مساعداتك

[elwaffi73]

نفس الزياده كيما العام لي فات دخلت هذا الشهر بدون تغيير
تحياتي

[abdou17b]

مرحبا اخوتي
ملف الكفالة لزوجة بارك الله فيكم

[boudiafe]

يامات 2013 ماتتنساش بلا ما ننساو أخونا رفسيف
و أنت يا خويا نزار و الله يعطيك الصحة على مجهوداتك و مساعداتك

السلام عليكم ورحمة الله وبركاته
الايام الزينة والايام ووووو
كيف حالك رياض ليك وحشة كبيرة خويا لعزيز

[omarbenamar]

جمعة مباركة للجميع الإخوة

[HADJERI Bachir]

نعم للعاملين وعلي هذا الاساس يتم زيادة في منح التقاعد للمتقاعدين


شكرا جزيلا على الرد
حفظك الله و رعاك

[جزائرى حتى انخاع]

السلام عليكم ورحمة الله وبركاته
الايام الزينة والايام ووووو
كيف حالك رياض ليك وحشة كبيرة خويا لعزيز
يا السي بوضياف كيفك و كيف الأهل و كيف الاجواء عندكم في حاسب رمل ،و الله ليك وحشة كبيرة

[zaza13]

الزيادة مثل العام الماضي +شوي صرف.
اصحاب المعاش التكملي ضباط .ضباط صف احتياطيين لا توجد زيادة.
اصحاب معاش التقاعد الذين تحتسب معاشاتهم حسب قانون المعاشات العسكريية الحد الادنى لمعاش التقاعد لي راهم يخلصو 34000 ..عندهم زيادة ثابتة 2000دج.
اصحاب معاش التقاعد الذين تحتسب معاشاتهم بالنقاط الاستدلالية لهم زيادة مثل العام الماضي +شوي صرف.
العسكريين ضحايا الارهاب من كل الاصناف لهم زيادة في التقاعد .
منحة الزوحة بدون تغيير.
منحة الاطفال بدون تغيير.
شكرا.

هذا هو الي راه يجيب في الرسمي والصحيح ...زيادة 200 .
يا خوتي كثرو لي يطلقو في اشاعات ماعدا نيزار.

[zaza13]

السلام عليكم

2700 دج للشهر ضرب سنوات الخدمة التي كانت لك
من 92 الي 2011
تصب شهر فيفري او مارس 2024

نيزار واش راه يقول هذا ..؟؟ ههههههه

[labadi]

هذا هو الي راه يجيب في الرسمي والصحيح ...زيادة 200 .
يا خوتي كثرو لي يطلقو في اشاعات ماعدا نيزار.

هذه الزيادة تاع العام الماضي التي اقرها الرئيس تاع 47بالمئة
اما بخصوص رفع منح التقاعد انتظر شهر فيفري او مارس مازل الخير ان شاء الله

[abdou17b]

سلام عليكم خاوتي ما هي الوثائق لملف تجديد كفالة الزوجة
تحياتي

[kharchi]

الى يخرجوه منسوب تكميلي شحال يخلص

[ramziw]

الى يخرجوه منسوب تكميلي شحال يخلص

يخلص 4140000

[a.baghdad]

السلام عليكم جميعا. كيف هي الاحوال. اتمنى الخير للجميع

[Abdjalile]

السلام عليكم تحية للجميع جمعة مباركة

[الميلاد]

السلام عليكم
عندي مشكلة مع صندوق التقتعد و اريد الاتصال بمكتب الشكاوى بالصندوق
لكي احل المشكل خاصني رقم هاتف الصندوق بلكور ---
و الافضل رقم مكتبالشكاوى او النزاعات او اي كان اسمه
راني في مشكلة
الي يساعدني يرحم والديه

[ولد قايد صالح]

السلام عليكم



راهم يقولو كاينة تفتوفة مليحة في مارس ان شاء الله

[aissakaddour]

السلام عليكم ورحمة الله وبركاته خويا ولد القايد قضية معطوبي الخدمة الوطنية المنسوبين أين وصلت هل هناك انفراج فيها

[دعاء الهديل]

السلام عليكم ورحمة الله تعالى وبركاته ليس لديا اي سؤال او استفسار فقط الاطمئنان على احوال الجميع نتمنى يكون الجميع بالف خير وعافية اسفة جدا عن الغياب لسبب وفات الوالد ربي يرحمه ويجعل مثواه الجنة فكنت معه بالمستشفى لمدة مكوثه حتى الى توفى ربي يرحم جميع موتانا والبركة في البقية سلامي للجميع وربي يفرح الكل بما يتمنون ويحقق لكل واحد ما يرغب في حياته سلام

[aissakaddour]

السلام عليكم ورحمة الله تعالى وبركاته ليس لديا اي سؤال او استفسار فقط الاطمئنان على احوال الجميع نتمنى يكون الجميع بالف خير وعافية اسفة جدا عن الغياب لسبب وفات الوالد ربي يرحمه ويجعل مثواه الجنة فكنت معه بالمستشفى لمدة مكوثه حتى الى توفى ربي يرحم جميع موتانا والبركة في البقية سلامي للجميع وربي يفرح الكل بما يتمنون ويحقق لكل واحد ما يرغب في حياته سلام
بارك الله فيك الله اصبري وعظم الله اجرك

[ramziw]

السلام عليكم ورحمة الله تعالى وبركاته ليس لديا اي سؤال او استفسار فقط الاطمئنان على احوال الجميع نتمنى يكون الجميع بالف خير وعافية اسفة جدا عن الغياب لسبب وفات الوالد ربي يرحمه ويجعل مثواه الجنة فكنت معه بالمستشفى لمدة مكوثه حتى الى توفى ربي يرحم جميع موتانا والبركة في البقية سلامي للجميع وربي يفرح الكل بما يتمنون ويحقق لكل واحد ما يرغب في حياته سلام

ربي يرحم الوالد وعظم الله اجركم

[دعاء الهديل]

صباح الخير عليكم جميعا شكرا* جزيلا ليكم على التعزية وبارك الله فيكم اخي عيسى قدور ورمزيو*

[omarbenamar]

ربي يرحم الوالد وعظم الله اجركم

[a.baghdad]

ربي يرحمه ويغغر له . عظم الله اجركم ورزقكم الصبر والسلوان

[a.baghdad]

لقد دخلت الشهرية. و لكن بدون زيادة او تغيير.

[maatob]

السلام عليكم ورحمة الله وبركاته خويا ولد القايد قضية معطوبي الخدمة الوطنية المنسوبين أين وصلت هل هناك انفراج فيها


معطوب الخدمة الوطنية راه فالكميلي ويبقى فالتكميلي الى ان يتوفاه الله.

[a.baghdad]

السلام عليكم . هل من جديد حول منحة الجريح او منحة العطب

[ffati08]

اخبار متداولة عن منحة الطوارئ ننتضر الجريدة الرسمية او فيها خير ان شاء الله

[a.baghdad]

السلام عليكم . سمعنا ان هناك تفتوف راه جاي في مارس ان شاء الله

[جزائرى حتى انخاع]

السلام عليكم
ممكن حد يقولي منين نجيب réduction تع هاتف ثابت جديد و انترنت ،و ماهي الوثائق المطلوبة ؟

[فريد قدوري]

السلام عليكم ورحمة الله وبركاته وبعد ممكن من أهل الاختصاص توضيح نوع المرض للأرقام التالية من فضلكم
683/20
683/24
683/30
خاص بالأمراض العقلية وهل اذا ممكن توضيح اذا تم تسريح من الخدمة يتقاضى راتبه عادي عريف اول سنوات الخدمة 11سنة مشكورين ايها الاخوه

[nizar10]

السلام عليكم .. توضيح.
حبيت نوجه رسالة للمتقاعديين العسكريين ان ما يشاع من زيادات وصب منح ومنحة طوارئ شهر مارس مجرد اشاعات ومغالطات.
اذا تم تعويض الاسلاك الامنية خلال مرحلة الطوارئ . فهاذا يشمل كل الاسلاك الوطنية وهذا صعب جدا ويستغرق وقت .
لا يمكن ان تقدم وزارة الدفاع على تعويض منتسبيها لانها ليست مخولة لذالك. والقرار بهذا الشان رئاسي وحكومي.
لا يجب ان ننجر نحو الإشاعات والدعايات . شهرية مارس لا يوجد بها اي تغيير

[sho3la]

منحة العطب والتقاعد اصبحت 41000 دج بدل 41400 دج

[nizar10]

منحة العطب والتقاعد اصبحت 41000 دج بدل 41400 دج

ماذا تقول ؟؟؟ لا يوجد اي جديد اخي الكريم

[maatob]

المتعافدين اقل من 15 سنة وليراهم فالتكميلي في مارس ان شاء الله يعطوهم التقاعد وكأنهم ادوا سنوات الخدمة كاملة اما المنحة التكميلية فتبقى للموب و معطوبي الخدمة الوطنيةمهما كانت نسبة العطب.

[nizar10]

المتعافدين اقل من 15 سنة وليراهم فالتكميلي في مارس ان شاء الله يعطوهم التقاعد وكأنهم ادوا سنوات الخدمة كاملة اما المنحة التكميلية فتبقى للموب و معطوبي الخدمة الوطنيةمهما كانت نسبة العطب.

ههههه لا غير صحيح. كل يبقاو كيما راهم.

[dred]

السلام عليكم .. توضيح.
حبيت نوجه رسالة للمتقاعديين العسكريين ان ما يشاع من زيادات وصب منح ومنحة طوارئ شهر مارس مجرد اشاعات ومغالطات.
اذا تم تعويض الاسلاك الامنية خلال مرحلة الطوارئ . فهاذا يشمل كل الاسلاك الوطنية وهذا صعب جدا ويستغرق وقت .
لا يمكن ان تقدم وزارة الدفاع على تعويض منتسبيها لانها ليست مخولة لذالك. والقرار بهذا الشان رئاسي وحكومي.
لا يجب ان ننجر نحو الإشاعات والدعايات . شهرية مارس لا يوجد بها اي تغيير
السلام عليكم خويا نيزار والله بكلامك هذا طيحتلي
المورال كان الواحد متمني تكون هناك تسوية
قدر الله وماشاء فعل

[nizar10]

السلام عليكم ..هام. بخصوص الرقمنة.
وزارة الدفاع تفعل نضام الرقمنة على القطاع . يعني ان نضام
المعلومات الخاص بكل منتسبي الوزارة دخل حيز التنفيذ.
يعني لي راه يدي في منحة الزوجة وزوجته عاملة تتوقف. كذالك لعندو زوجته تدي في منحة البطالة .تتوقف.

[nizar10]

السلام عليكم خويا نيزار والله بكلامك هذا طيحتلي
المورال كان الواحد متمني تكون هناك تسوية
قدر الله وماشاء فعل

ماكاين والو ..شهر مارس كباقي الشهور لا يوجد جديد ..رايحين يبداو يقتطعو مستحقات منحة الزوجة لي عندو زوجته تعمل او بطالة.

[aissakaddour]

السلام عليكم ورحمة الله وبركاته نحن معطوبي الخدمة الوطنية المنسوبين المعطوبين المتقاعدين سابقا فوضنا أمرنا لله للتسوية بإذن الله تعالى هو على كل شيء قدير لقطع الطريق على الحساد الذين يرونا أن الوزارة ملكهم الخاص

[ramziw]

السلام عليكم ورحمة الله وبركاته نحن معطوبي الخدمة الوطنية المنسوبين المعطوبين المتقاعدين سابقا فوضنا أمرنا لله للتسوية بإذن الله تعالى هو على كل شيء قدير لقطع الطريق على الحساد الذين يرونا أن الوزارة ملكهم الخاص

ادي واش اعطاك الله واخطيك من التوسويس مكانش اللي راهو حاسدك كل واحد راهو لاتي في همو

[Abdjalile]

السلام عليكم خويا نيزار عندي سؤال ما المقصود بلجنة تصفية المعاش و شكرا

[abderrahmane300786]

ماالهدف من تكوين لجنة مشتركة بين وزارة الدفاع ووزارة العمل والضمان الاجتماعي
( لجنة تصفية المعاش)...؟؟؟؟؟؟؟........

[nizar10]

السلام عليكم خويا نيزار عندي سؤال ما المقصود بلجنة تصفية المعاش و شكرا

هي لجنة يعني مجموعة اشخاص يترأسهم رئيس تقضي بقرار دفع معاش اأجير.

[nizar10]

ماالهدف من تكوين لجنة مشتركة بين وزارة الدفاع ووزارة العمل والضمان الاجتماعي
( لجنة تصفية المعاش)...؟؟؟؟؟؟؟........

ممكن هاذي تحدث لاصحاب معاش تكميلي .
لان وزارة الدفاع تبث في قرار منحهم حق المعاش .اما وزارة التشغيل والضمان الاحتماعي تقوم بتصفية اي دفع معاشهم.
بمعنى يخلصو من cnr.
يعني الان التكميلي قرار منحهم وتصفية المعاش
من وزارة الدفاع .
بلاك في المستقبل يبقى القرار لوزارة الدفاع وتدي ملفك الى cnr صندوق التقاعد المدني.

[ولد قايد صالح]

السلام عليكم هناك اخبار تقول جنود الاحتياط عندهم رابال في الايام القادمة باذن الله المهم نتاكد مليح من الخبر ونقولكم

[samir200573]

اذا جنود احتياط عندهم رابال و احنا متقاعدين ما ذا نستفيد

[samir200573]

راكم تقولو جنود احتياط عندهم رابال و حنا واش عندنا مخلفات مالية

[maatob]

السلام عليكم هناك اخبار تقول جنود الاحتياط عندهم رابال في الايام القادمة باذن الله المهم نتاكد مليح من الخبر ونقولكم

جنود الاحتياط عندهم منحة تكميلبة والزيادة فيها تخضع لقرار رئاسي كبقية المنح.

[nizar10]

للاسف الشديد اصبحت الاشاعة والدعاية والكذب المتعمد يسيطر على عقول الناس ..حيث انه يضهر انسان في مواقع التواصل ويطلق اشاعات عن زيادات وربال في مارس والعشرية ..الخ. وهي مغالطات لا اساس لها من الصحة.
يا جماعة الدولة لديها قوانين وكل في الجريدة الرسمية وقرارات ومراسيم لا تنجرو وراء الخزعبلات . لا يوجد شى شهر مارس او افريل او شهر اخر .
التكميلي باقي تكميلي.
المتقاعد باقي متقاعد . انتهى.

[zaza13]

السلام عليكم

2700 دج للشهر ضرب سنوات الخدمة التي كانت لك
من 92 الي 2011
تصب شهر فيفري او مارس 2024

نيزار هذا يقول 270دج ونتا تقول مكان شى..؟؟
ياك هذا تاني ضابط مثلك يكذب ؟ وكل يقولو مارس غير نتا ؟

[nizar10]

نيزار هذا يقول 270دج ونتا تقول مكان شى..؟؟
ياك هذا تاني ضابط مثلك يكذب ؟ وكل يقولو مارس غير نتا ؟

هههههه فيفري فات ومارس فات بالنسبة لي . لا توجد وثيقة تثبت ما يقوله رفسيف . ربما رفسيف تأثر بخزعبلات المساعد الاول او البيض المفقوس الذي انتشر في مواقع التواصل الاجتماعي.

يا جماعة القانون الاخير نتاع تعويضات افراد الخدمة الوطنية والاستبقاء واعادة الاستدعاء نشرحلكم باختصار .
مثلا مواطن ادى الخدمة الوطنية وخرج لباس عليه من العسكر .لما يتوضف في السيفيل عندو الحق في الترقية والزيادة وتحسب في التقاعد يعني مثلا هذا المواطن خادم 10 سنوات ..يصبح مثل الي خادم 12سنة وشهرية تكلع شوي مثل الي خادم 12سنة ..الخ.
لما طبقو القانون هذا المواطن راح للادارة تاعو قالولو جيبلنا اثبات بالي راك متخلصش من العسكر ؟
الادارة العسكرية راهم يخدمو للمواطنيين شهادة عدم تلقي معاش عسكري هذا كل ما في الامر.
افرا الخدمة الوطنية والرابلي والمستبقي المعطوبين او ضحايا الارهاب ليس لهم الحق في شهادة عدم تلقي معاش عسكري. والقانون لا يعنيهم. فهمتو ولا مزال.
الان راهم يخرجو اشاعات لي مفوت العسكر عامين يعطوه شهرية 4ملاين هههههه وهذا هراء ونتيجة فهم خاطى للقوانين ومغالطات متعمدة من بيض المفقوس في مواقع التواصل.
قانون مرحلة الكوارى لا يوجد اصلا ولا اعتقد انه سيستحدث.
صح رمضانكم وتقبل الله منا ومنكم.

[aissakaddour]

السلام عليكم هناك اخبار تقول جنود الاحتياط عندهم رابال في الايام القادمة باذن الله المهم نتاكد مليح من الخبر ونقولكمالسلام عليكم ورحمة الله وبركاته خويا ان شاءالله تكون في ميزان حسناتك خليها على رب العالمين راهو أسير فيها لوكان جات مسؤول عليها البشر يبخلنا حتى بالاكسجين

[ولد قايد صالح]

السلام عليكم



مبروك عليكم منحة الطوارى الشهرهذا ان شاءا الله


يقولو 20 ولا 22 يصبو ها

[a.baghdad]

السلام عليكم جميعا. رمضان كريم وكل عام انتم بخير

[جزائرى حتى انخاع]

خويا لعزيز رمضان مبارك
من فضلك تقدر تقولي كيف
ندير مرافق بالتفصيل انا معطوب
100% و اصبحت لا استطيع ان
اتحرك وحدي بعد 25 سنة دياليز

[maatob]

على حسب تخميناتي افراد الخدمة الوطنية المعطوبين والموب الخلصة نتاعهم ستصب مستقبلا من صندوق التقاعد المدني وبالتالي ليعندو خلصة اخرى في السيفيل تتنحى وتبقالو خلصة وحدة ويبقى صندوق التقاعد العسكري لاصحابه الحقيقيين ليكانو يخلصو الاشتراكات ويتنقى الصندوق من الطفبلبات

[Abdjalile]

على حسب تخميناتي افراد الخدمة الوطنية المعطوبين والموب الخلصة نتاعهم ستصب مستقبلا من صندوق التقاعد المدني وبالتالي ليعندو خلصة اخرى في السيفيل تتنحى وتبقالو خلصة وحدة ويبقى صندوق التقاعد العسكري لاصحابه الحقيقيين ليكانو يخلصو الاشتراكات ويتنقى الصندوق من الطقيليات.

انت من جماعة صندوق تاعنا .الواحد يحمد ربي هدا الرزق امدو ربي لو كان قعد الانسان يبخلنا حتى في الاكسجين

[دعاء الهديل]

السلام عليكم ورحمة الله تعالى وبركاته*
صح رمضانكم وكل عام ونتوما بخير يذخل علينا وعليكم بالصحة والهناء*

[دعاء الهديل]

خاوتي في هذا الشهر الكريم بلا ما نقولوها الكل يعرف بلي شهر التوبة والغفران والصلاة والدعاء غير ربي يتقبل منا ومنكم و بلاكو تتقلقو وتزعفوا الى يعرف بلي هو هاكا يستغفر ويذكر الله بلا ما يوقع روحه في مصيبة ولا مشكلة ربي يهدينا أجمعين

[دعاء الهديل]

ثح فطوركم جماعة وربي يتقبل صيامكم وقيامكم**

[جزائرى حتى انخاع]

خويا لعزيز نيزار
رمضان مبارك
من فضلك تقدر تقولي كيف
ندير مرافق بالتفصيل انا معطوب
100% و اصبحت لا استطيع ان
اتحرك وحدي بعد 25 سنة دياليز

[nizar10]

خويا لعزيز نيزار
رمضان مبارك
من فضلك تقدر تقولي كيف
ندير مرافق بالتفصيل انا معطوب
100% و اصبحت لا استطيع ان
اتحرك وحدي بعد 25 سنة دياليز

ربي يشافيك .تروح لصندوق المعاشات العسكرية وتطلب اعادة الخبرة بسبب تفاقم المرض المؤدي لعجز جسيم.
كي يعطوك عجز جسيم غير قادر على القيام بوضائفك الحيوية يعطوك منحة المرافق .شكرا.

[فريد قدوري]

رمضان كريم مبارك علينا وعليكم أن شاء الله

[labadi]

لا جديد دخلت الشهرية

[a.baghdad]

السلام عليكم جميعا.
لايوجد جديد في الشهرية ولا في المنح هي الاخرى. عليكم بالانتظار حتى شهر افريل او شهر ماي. و رمضانكم كريم وتصومو بالصحة و العافية

[وزة]

على حسب تخميناتي افراد الخدمة الوطنية المعطوبين والموب الخلصة نتاعهم ستصب مستقبلا من صندوق التقاعد المدني وبالتالي ليعندو خلصة اخرى في السيفيل تتنحى وتبقالو خلصة وحدة ويبقى صندوق التقاعد العسكري لاصحابه الحقيقيين ليكانو يخلصو الاشتراكات ويتنقى الصندوق من الطفبلبات
إخواني السلام عليكم وصح فطوركم هدا التدخل للاخ معطوب و الذي نراه غير مسؤول و غير محترم سيجيبنا عنه بحول الله حضرة الضابط الأخ نيزار nizar الذي اعتدنا شروحاته الوافية وتوجيهاته النافعة كذلك بعض الاخوة منشطي المنتدى

[جزائرى حتى انخاع]

ربي يشافيك .تروح لصندوق المعاشات العسكرية وتطلب اعادة الخبرة بسبب تفاقم المرض المؤدي لعجز جسيم.
كي يعطوك عجز جسيم غير قادر على القيام بوضائفك الحيوية يعطوك منحة المرافق .شكرا.
شكراااااااااا

[nizar10]

إخواني السلام عليكم وصح فطوركم هدا التدخل للاخ معطوب و الذي نراه غير مسؤول و غير محترم سيجيبنا عنه بحول الله حضرة الضابط الأخ نيزار nizar الذي اعتدنا شروحاته الوافية وتوجيهاته النافعة كذلك بعض الاخوة منشطي المنتدى

هههههه ..هذا معطوب غلبو رمضان او اثرو عليه .
افراد الخدمة الوطنية المعطوبين او الرابلي او المستبقي المعطوبين الذين يتقاضون معاش تكميلي ..حتى وإن تم تغيير صندوق صب معاشهم التكميلي الى cnr او اي جهة اخرى . يحتفضون بكامل حقوقهم في الراتب المدني او تقاعد مدني .
الابلي والرابلي المعطوبين يتلقون معاش عسكري ..لهم الحق في العمل براتب مدني وتقاعد مدني وهذا راه ساري المفعول.

كاينة نقطة نوضحهالكم افراد الخدمة وطنية والرابلي الذين يتلقون معاش تكميلي عسكري ليس لهم الحق في وثيقة المسمات عدم تلقي معاش .
هاته الوثيقة يستفاد منها الابلي والرابلي والمستبقي الذين ادو الخدمة العسكرية وليسو معطوبين ...باه يستفادو من الترقية والدرجة والتقاعد المدني.

[Abdjalile]

بارك الله فيك نيزار إجابة كافية وصح فورك

[جامع سكي]

على حسب تخميناتي افراد الخدمة الوطنية المعطوبين والموب الخلصة نتاعهم ستصب مستقبلا من صندوق التقاعد المدني وبالتالي ليعندو خلصة اخرى في السيفيل تتنحى وتبقالو خلصة وحدة ويبقى صندوق التقاعد العسكري لاصحابه الحقيقيين ليكانو يخلصو الاشتراكات ويتنقى الصندوق من الطفبلبات

حسبنا الله ونعم الوكيل اللهم اني صائم

[Rachid 2bss]

السلام عليكم و صحا فطوركم خاوتي
حبيت نسقسي على مجانية تذاكر الطيران للخارج اذا مزالو يمدوهم مع العلم انا جريح ضحيا الإرهاب 60%

[ramziw]

صح فطوركم خصني رقم مديرية الصحة العسكرية بشار إذ امكن

[elwaffi73]

اعوان الأمن الوطني يستعدون
لتلقي منحة الطوارئ لعقوبة لينا
صح فطوركم

[samir200573]

اعوان الأمن الوطني يستعدون
لتلقي منحة الطوارئ لعقوبة لينا
صح فطوركم

سلام ماكاش منها عندي جاري بوليسي دخل في تسعينات قالي ما كاين والو نحير منين راكم جيبو في هدرة هذي ياك قالكم خونا نزار بلي لازم اجتماع في المجلس وطني و صادقو عليها و تنشر في الجريدة الرسمية و زيد يا خويا الاولوية لمن ياك للجيش هو لي كان في الغابات و جبال هو اولى بيها

[elwaffi73]

الخبر أكيد والبرقيات راهم وصاو عطاوهم 5 سنوات للناس الكل 18 مليون وسلم على البوليسي وقلو بصحتكم

[ولد قايد صالح]

الخبر أكيد والبرقيات راهم وصاو عطاوهم 5 سنوات للناس الكل 18 مليون وسلم على البوليسي وقلو بصحتكم


السلام عليكم ياخويا سقسينا قالونا ماوصلنا والو معليش تقولنا برقية لمن بعثوها

[samir200573]

سلام عليكم و صحا رمضانكم

[elwaffi73]

السلام عليكم ياخويا سقسينا قالونا ماوصلنا والو معليش تقولنا برقية لمن بعثوها

ما تقوليش ساقسيتك جارك حتى انت البرقيات راهي عند Les chefs sûretés de Wilaya وراهي قضيت وقت فقط ربما في القريب يبان علينا خير
تحياني صح فطوركم

[samir200573]

ما تقوليش ساقسيتك جارك حتى انت البرقيات راهي عند les chefs sûretés de wilaya وراهي قضيت وقت فقط ربما في القريب يبان علينا خير
تحياني صح فطوركم

والله ما كاين منها برك ما دير في اشاعات في هذا رمضان ماكاش منها ع¨ع انا قتلك جاري يخدم في نيابة مديرية الموظفين يعني وين يخدمو خلاص........... مهم مجرد اشاعة

[a.baghdad]

السلام عليكم
لقد دخلت الشهرية اليوم

[samir200573]

سلام عليكم و صحا عيدكم

[a.baghdad]

aidkom mourarek wa kolo ame antom bikheir

[zaza13]

السلام عليكم هناك اخبار تقول جنود الاحتياط عندهم رابال في الايام القادمة باذن الله المهم نتاكد مليح من الخبر ونقولكم

يخي مبردع يخي ...انتم بيض الفروطوار ..وكان جا عنبالي الجيش يخرج مثل هاته الحمير لما دخلته . وليتو تكذبو عيناني ...احشمو شوي.

[zaza13]

السلام عليكم



مبروك عليكم منحة الطوارى الشهرهذا ان شاءا الله


يقولو 20 ولا 22 يصبو ها













واش هي الفايدة نتاعك كي تكذب ..ولا مبردع ..وجهك باه مطلس ..جرابيع المساعد الفروطوار.. سيشهد عليكم التاريخ انكم ستبقون بغال تنقاد ويركب فوقها.

[zaza13]

كاين اعضاء مبردعين ..ولد قايد صالح ورفسيف والوافي والمعطوب قريتلهم واش كتبو ضهرو مبردعين واتباع المساعد الفروطوار ..يكذبو عالناس ربال ومعنباليش ..احشمو شوي؟؟؟!

[labadi]

����اجتماع #مجلس_الوزراء:
��#الرئيس_تبون يوافق على مراجعة منح #المتقاعدين في كل الأصناف.
��مراجعة منح المتقاعدين تأتي تقديرا لما قدمته هذه الفئة خدمة للوطن.

[nizar10]

����اجتماع #مجلس_الوزراء:
��#الرئيس_تبون يوافق على مراجعة منح #المتقاعدين في كل الأصناف.
��مراجعة منح المتقاعدين تأتي تقديرا لما قدمته هذه الفئة خدمة للوطن.

مراجعة منح التقاعد المقررة في شهر ماي المقبل لا تعني بأي حال من الاحوال مؤسسة الجيش الوطني الشعبي.
المراجعة تعني بالضرورة المدنيين . شكرا.

[labadi]

مراجعة منح التقاعد المقررة في شهر ماي المقبل لا تعني بأي حال من الاحوال مؤسسة الجيش الوطني الشعبي.
المراجعة تعني بالضرورة المدنيين . شكرا.

الاجتماع ذكر جميع أصناف المتقاعدين نقطة الي السطر

[nizar10]

الاجتماع ذكر جميع أصناف المتقاعدين نقطة الي السطر

لا اعرف كيف تتلقون اخبار زائفة . من يعطيكم هاته الاخبار الزائفة؟
يا اخي انا قلت مراجعة منحة التقاعد لا تعني المتقاعدين العسكريين ولا اصحاب المعاش التكملي.
بيان رآسة الجمهورية واضح جدا ... اقرا جيدا عبارة "نضام التقاعد الاجراء وغير الاجراء يعني متقاعدي cnas و cas nos .
اما عبارة كل الاصناف فتعني (الصنف من 1 الى 17). يعني كل اصناف المتقاعدين.
اما عبارة نقطة وارجع للسطر ..هاته سوء ادب . و14 ماي قادم اذا زادوك نحبس من المنتدى.
اقرا البيان وركز مليح ...

وافق رئيس الجمهورية "عبد المجيد تبون " في اجتماع لمجلس الوزراء اليوم الأحد على مراجعة منح المتقاعدين في جميع الأصناف. يأتي قرار مراجعة منح المتقاعدين وفق بيان الرئاسة تقديرا لما قدمته هذه الفئة خدمة للوطن كما تهدف إلى الحفاظ على الحماية الاجتماعية لهم.وحسبما جاء في بيان رئاسة الجمهورية فقد ترأس رئيس الجمهورية عبد المجيد تبون أمس الأحد اجتماع لمجلس الوزراء تم خلاله تناول خلاله إعادة تثمين معاشات ومنح التقاعد لسنة 2024 لمتقاعدي نظام التقاعد للأجراء أو غير الأجراء حيث أكد الرئيس قبول مراجعة منح المتقاعدين، في كل الأصناف بالنظر إلى تطور المستوى المعيشي مع مراعاة الإمكانيات المالية للدولة حيث يجب الحفاظ على الحماية الاجتماعية لهذه الفئة التي قدمت الكثير للوطن موجها الحكومة بإعادة دراسته بدقة في مجلس الحكومة ومباشرة دراسات معمقة لتحديد مستوى الزيادات التي سيتم إقرارها بطريقة مرحلية في مجلس الوزراء المقبل. كما وجه الحكومة بالبحث عن أساليب تمويلية جديدة إضافية للصندوق الوطني للتقاعد حتى تكون هذه الزيادات تتماشى مع تطور الاقتصاد الوطني.

[labadi]

لا اعرف كيف تتلقون اخبار زائفة . من يعطيكم هاته الاخبار الزائفة؟
يا اخي انا قلت مراجعة منحة التقاعد لا تعني المتقاعدين العسكريين ولا اصحاب المعاش التكملي.
بيان رآسة الجمهورية واضح جدا ... اقرا جيدا عبارة "نضام التقاعد الاجراء وغير الاجراء يعني متقاعدي cnas و cas nos .
اما عبارة كل الاصناف فتعني (الصنف من 1 الى 17). يعني كل اصناف المتقاعدين.
اما عبارة نقطة وارجع للسطر ..هاته سوء ادب . و14 ماي قادم اذا زادوك نحبس من المنتدى.
اقرا البيان وركز مليح ...

وافق رئيس الجمهورية "عبد المجيد تبون " في اجتماع لمجلس الوزراء اليوم الأحد على مراجعة منح المتقاعدين في جميع الأصناف. يأتي قرار مراجعة منح المتقاعدين وفق بيان الرئاسة تقديرا لما قدمته هذه الفئة خدمة للوطن كما تهدف إلى الحفاظ على الحماية الاجتماعية لهم.وحسبما جاء في بيان رئاسة الجمهورية فقد ترأس رئيس الجمهورية عبد المجيد تبون أمس الأحد اجتماع لمجلس الوزراء تم خلاله تناول خلاله إعادة تثمين معاشات ومنح التقاعد لسنة 2024 لمتقاعدي نظام التقاعد للأجراء أو غير الأجراء حيث أكد الرئيس قبول مراجعة منح المتقاعدين، في كل الأصناف بالنظر إلى تطور المستوى المعيشي مع مراعاة الإمكانيات المالية للدولة حيث يجب الحفاظ على الحماية الاجتماعية لهذه الفئة التي قدمت الكثير للوطن موجها الحكومة بإعادة دراسته بدقة في مجلس الحكومة ومباشرة دراسات معمقة لتحديد مستوى الزيادات التي سيتم إقرارها بطريقة مرحلية في مجلس الوزراء المقبل. كما وجه الحكومة بالبحث عن أساليب تمويلية جديدة إضافية للصندوق الوطني للتقاعد حتى تكون هذه الزيادات تتماشى مع تطور الاقتصاد الوطني.
تعلم تحكي بأدب نقطة الي السطر عربية فصحي صديقي
وليست كلام طايح او فيه معني او غموض تكلمت بالعربية

[maatob]

تعلم تحكي بأدب نقطة الي السطر عربية فصحي صديقي
وليست كلام طايح او فيه معني او غموض تكلمت بالعربية


نقطة الى السطر:
Un point à la ligne
كلام فصيح ليس فيه عيب .

[Baki2018]

تعلم تحكي بأدب نقطة الي السطر عربية فصحي صديقي
وليست كلام طايح او فيه معني او غموض تكلمت بالعربية

De 1:
On dit point à la ligne et non "un" .
De 2:
Cette expression se dit pour minimiser quelqu'un ou afin de mettre terme à une discussion sans avoir la peine d'écouter l'autre, ce qui la rendre une expression d'une personne impolie et orgueilleuse

بالعربية : عبارة نقطة للسطر تقال بغاية منع الاخر من الرد او التشكيك فيما قال من باب التعالي على الشخص الاخر مما يجعلها عبارة تخلو من آداب الحديث مع الناس .
ثانيا كلمة فصيح تقال على ما تداولته الاعراب وليس على ترجمة كلام بذيئ استنسخ من لغة أجنبية .
ثالثا : كون الاخ نزار متميز ومتفرد في نقل المعلومة الصادقة ، وبعيد عن اللغط الذي تقعون فيه في كل مرة ، لايبرر لكم التهجم والتهكم ، للهروب من فشل الاشاعات التي روجتم لها في كل مناسبة .

[labadi]

De 1:
On dit point à la ligne et non "un" .
De 2:
Cette expression se dit pour minimiser quelqu'un ou afin de mettre terme à une discussion sans avoir la peine d'écouter l'autre, ce qui la rendre une expression d'une personne impolie et orgueilleuse

بالعربية : عبارة نقطة للسطر تقال بغاية منع الاخر من الرد او التشكيك فيما قال من باب التعالي على الشخص الاخر مما يجعلها عبارة تخلو من آداب الحديث مع الناس .
ثانيا كلمة فصيح تقال على ما تداولته الاعراب وليس على ترجمة كلام بذيئ استنسخ من لغة أجنبية .
ثالثا : كون الاخ نزار متميز ومتفرد في نقل المعلومة الصادقة ، وبعيد عن اللغط الذي تقعون فيه في كل مرة ، لايبرر لكم التهجم والتهكم ، للهروب من فشل الاشاعات التي روجتم لها في كل مناسبة .
نقطة نهاية الجملة أو النقطة (بالإنجليزية: Full stop)‏ هي من علامات الترقيم في الكتابة وتوضع بعد انتهاء المعنى، وفي نهاية الجملة، وفي نهاية الفقرة، وتستعمل في جميع اللغات العالمية باستثناء اليابانية والصينية، وينصح بالتوقف مدة ثانية قبل مواصلة القراءة
مشى انت رايح تعلمنا الأدب

[Baki2018]

نقطة نهاية الجملة أو النقطة (بالإنجليزية: Full stop)‏ هي من علامات الترقيم في الكتابة وتوضع بعد انتهاء المعنى، وفي نهاية الجملة، وفي نهاية الفقرة، وتستعمل في جميع اللغات العالمية باستثناء اليابانية والصينية، وينصح بالتوقف مدة ثانية قبل مواصلة القراءة
مشى انت رايح تعلمنا الأدب


اكيد ماراحش نعلمك الادب
ولكن النقطة التي تتكلم عنها هي (.)
أما عبارة ( نقطة للسطر ) فهي تحمل في طياتها معنا سلبيا .
اتمنى أن أكون مخطئ في فهم المعنى المراد من استعمالها ولكن الله يعلم النوايا وماتخفي القلوب .
الله يغفرلي ويغفرلكم إن شاء الله

[labadi]

اكيد ماراحش نعلمك الادب
ولكن النقطة التي تتكلم عنها هي (.)
أما عبارة ( نقطة للسطر ) فهي تحمل في طياتها معنا سلبيا .
اتمنى أن أكون مخطئ في فهم المعنى المراد من استعمالها ولكن الله يعلم النوايا وماتخفي القلوب .
الله يغفرلي ويغفرلكم إن شاء الله

فالإنسان كالإناء إذا امتلأ بالغَيرة والحقد وتصيًد السلبيات فلا يمكن إلا أن يفيض بالسلبية- مهما حاولنا أن نحول دون ذلك. كما يرد المثل إيجابيًّا، فالفاضل لا يصدر منه إلا الفضل، و"ما بيطلع من المليح إلا المليح"، و "الثمرة لا تبعد عن الشجرة

[hakim171]

السلام عليكم ورحمة الله وبركاته ـ تحياتي لجميع منتسبي المنتدى وخاصة هذه الصفحة وحتى الزوار ـ ـ و ارى وان كانت هذه الصحفة تحتوي على رجال ـ نقدر جهدهم في إثراء المنتدى والبحث عن المعلومة وان كانت شحيحة ، فإن مرات الامور تخرج من المهنية إلى الشخصنة ـ وهذا ما يجعل مرات توتر ـ بعيدا عن المهنية في نقل او النقاش ـ
و لذا التركيز يكون في نقل المعلومة ـ في نقاش المعلومة ـ و محاولة تبيين مصدر المعلومة ، و هذا لنشر الوعي لمن يدخل الصفحة لتكون نافذة نعرف بها حقوقنا وكيف تتبعها ـ وشكرا

[Rachid 2bss]

السلام عليكم خاوتي
على حساب المشاركات الأخيرة لي راهي مكتوبة واضح بدات الأوضاع تتكهرب شوية و كاين ناس راهي تنقل بعض الأخبار المغلوطة (بحسن نية ) بلا ما تحقق منها جيدا على غرار اخبار الزيادات في معاش المتقاعدين الي هي اصلا للقطاع المدني و العسكريين غير معنيين بيها بتاتا ( ولي حب يتأكد يروح لأقرب صندوق معاشات عسكرية ليه)
والله يا خاوتي هاد المنتذى فيه اعضاء الله يبارك و يمدو المعلومة كاملة و تقدر تقول عليهم مصادر رسمية و موثوقة مثل الأخ نيزار لي راني نتبعو منذ اكثر من عشر سنوات و دايما الأخبار لي يجيبهالنا تكون صحيحة و دقيقة و ما نتفكرش مرة غلطنا ولا جاب حاجة مكانش منها لهذا نتمنى من الجميع يتحلاو بالمسؤلية و نحتارمو بعضانا و نحافضو على هاد المنبر لي انا نعتبرو خير من الفيسبوك لي معمر اشاعات و كذب و قلة احترام
بارك الله فيكم

[ramziw]

نيزار ذو مصداقية وانسان متهذب

[labadi]

نيزار ذو مصداقية وانسان متهذب
واش واحنا واش تعرف علينا

[ramziw]

واش واحنا واش تعرف علينا

انتا والله منعرفك انا نشهد على نيزار ربي يحفظو الصدقة والمصداقية:mh31:

[hakim171]

كل الناس خير وبركة ـ و هنا هدفنا وضع وتلقي المعلومة ـ و اكيد الهدف الاكبر هو ان نحترم بعضنا في هذا الفضاء ـ بعيدا عن اي لغة اخرى تفهم خطأ اوتكون سبيل لزرع الشحناء والبغضاء ، من تعامل معنا جيدا كنا له اكثر مما يضن ـ ومن تعامل معنا بالسيئ ـ لا يؤثر في واقعنا شئ
قال رسول الله صلى الله عليه وسم اتَّقِ اللَّهَ حيثُ ما كنتَ ، وأتبعِ السَّيِّئةَ الحسنةَ تمحُها ، وخالقِ النَّاسَ بخلقٍ حسنٍ
الراوي : أبو ذر الغفاري | المحدث : الألباني | المصدر : صحيح الترمذي ـ
ـ وعامل الناس بما تحب ان يعاملوك به ـــــــ
الجيش الوطني كمؤسسة و بما تحتوي من الموارد البشرية افرادا بمختلف رتبهم تحمّّلت الكثير والكثير ـ ورجال كانت لهم تحديات لصون الجزائر والحفاظ عليها ـ وتحملت المؤسسة تقاعس غيرها ، ولذا دوما نتمنى ان تسوى وضعية جميع افراد المتقاعدين ـ تثمينا لما تم منحهم من حقوق ، ومع و مطالبة بمزيد من الحقوق ــــــــ وتحيا الجزائر

[hakim171]

السلام عليك ورحمة الله وبركاته -- :dj_17:
يحق لنا ان نفتح نقاش جاد ــــــ نعدد فيه المكاسب ـــــــــ وكذا المطالب و الحقوق التي يجب ان توحد ليتم المطالبة بها او نشرها ـ وفق الواقعية بعيدا عن التهوين او التضخيم ـ ويجب ان يكون الطرح وفق الاحترام المتبادل ــــــــ
ـــ 1- بالنسبة للمتقاعدين العاملين من افراد الجيش الوطني ـ
ـــ2- بالنسبة المتقاعدين العاملين لهم ملف طبي من عجز منسوب للخدمة او غير منسبوب للخدمة
ـــ 3- بالنسبة أصحاب منح التقاعد ، ومن بينهم من كانوا عاملين ـ او أفراد التعبئة (موب) ، او حتى عناصر الاحتياط بعجز منسوب للخدمة
النقاش وفق الاحترام المتبادل

[maatob]

السلام عليك ورحمة الله وبركاته -- :dj_17:
يحق لنا ان نفتح نقاش جاد ــــــ نعدد فيه المكاسب ـــــــــ وكذا المطالب و الحقوق التي يجب ان توحد ليتم المطالبة بها او نشرها ـ وفق الواقعية بعيدا عن التهوين او التضخيم ـ ويجب ان يكون الطرح وفق الاحترام المتبادل ــــــــ
ـــ 1- بالنسبة للمتقاعدين العاملين من افراد الجيش الوطني ـ
ـــ2- بالنسبة المتقاعدين العاملين لهم ملف طبي من عجز منسوب للخدمة او غير منسبوب للخدمة
ـــ 3- بالنسبة أصحاب منح التقاعد ، ومن بينهم من كانوا عاملين ـ او أفراد التعبئة (موب) ، او حتى عناصر الاحتياط بعجز منسوب للخدمة
النقاش وفق الاحترام المتبادل

انا راني نتمنى يزيدونا في المنحة التكميلية قد ما نشري شكارة فرينة تع 25 كلغ ولله الحمد.

[hakim171]

انا راني نتمنى يزيدونا في المنحة التكميلية قد ما نشري شكارة فرينة تع 25 كلغ ولله الحمد.

رزق ربي ما عليه بواب ـ ربي يقدر الخير للجميع ـ