الاعلان عن افتتاح الطبعة العاشرة من دورة الرقي

[sondse1]

السلام عليكم و رحمة الله تعالى و بركاته

اسعد الله مسائكم /صباحكم

كيف احوالكم ان شاء الله بالف خير

اليوم سنعلن عن افتتاح دورة الرقي في طبعتها العاشرة على التوالي

بعد ان تخرجت الدفعة التاسعة من دورة الرقي
سنبدا ان شاء الله الطبعة العاشرة بنفس الحماس و اكثر
وان شاء الله ستعم الفائدة و الافادة على الجميع

وذلك بتاريخ :
17 / 11 / 2012
ونفرح بتخرج دفعة جديدة من هذه الدورة الرائعة
وننشئ مزيدا من ربات البيوت الملمات بجميع الجوانب
واللاتي بدورهن سيربين جيل المستقبل الواعد جيل من اجيال الجزائر الغالية

فمرحبا بكل من تنظم اليا اختا و صديقة غالية علينا

ومن تنظم الينا تضع هذا التصميم في توقيعها

http://im16.gulfup.com/1YYo1.gif


بالتوفيق للجميع

[oummalak]

راني معاك ربي يوفقنا

[sondse1]

راني معاك ربي يوفقنا

اهلا وسهلا بحبيبتنا ام ملوكة
ححللت اهلا و نزلت سهلا
بالتوفيق ليك

[Minnnaaa]

معاكم ان شاء الله وكلنا نشاط وحماس,
الله لا يحرمنا من هاد اللمة امين يا رب العالمين

[ام مريم الجزائرية]

وانا ايضا معكن باذن الله

[بتول8]

الف شكر و مبروووووووووووك الدورة
ممكن تصغير فقط الصورة تاع التوقيع؟

[~ حراير ~]

السلام عليكم و رحمة الله تعالى و بركاته
حبيبتي سندوسة أكيد أكيد راني معاكم
لكني راني نظم صوتي لأختي بتول ... يالوكان تصغريه أو لا تلزميننا بوضعه في التوقيع و يكفي أن نسجل في الدورة هكذا .... مجرد رأي آآآه؟؟؟؟؟
إيه حبيبتي هاد البداية و مازال مازال ديجا راهم بداو التشراط عليك امبعد في النص تاع الدورة وش انديرو فيك هيهيهيهيه انخرجوك من عقلك
وحدة اتقولك جاتني جارتي قعدت نحكي معاها ما درتش واجباتي المنزلية ..... و لخرى اتقولك ما نضتش بكري زربت للشغل و انسيت الديني ..... و سارة باين وش راح اتقولك عندي امتحانات ..... و ام أمجد دات عجوزتها للحمام .... سعاد و أم ملاك و أم مريم عاقلين و ياخذو الراي ما يغلبوكش هيهيهيهيه

حق لوكان توضعي رابط الإعلان عن الدورة العاشرة في الطبعة التاسعة و في لبنات الي حابين .... هك يسهل تواجدهم بالنسبة لينا لأني بالصدفة برك عرفت

[sondse1]

معاكم ان شاء الله وكلنا نشاط وحماس,
الله لا يحرمنا من هاد اللمة امين يا رب العالمين

اهلا وسهلا بالغالية مينوشة
وبالاكي تتغيبي كيما موالفة ههههه

بالتوفيق ليك

[sondse1]

وانا ايضا معكن باذن الله

اهلا اهلا بماماتي
بالتوفيق ليك

[sondse1]

الف شكر و مبروووووووووووك الدورة
ممكن تصغير فقط الصورة تاع التوقيع؟

العفو حنونة
الله يباركلك في عمرك
نتمنالك الفايدة
رح نحاول نصغرو

[sondse1]

السلام عليكم و رحمة الله تعالى و بركاته
حبيبتي سندوسة أكيد أكيد راني معاكم
لكني راني نظم صوتي لأختي بتول ... يالوكان تصغريه أو لا تلزميننا بوضعه في التوقيع و يكفي أن نسجل في الدورة هكذا .... مجرد رأي آآآه؟؟؟؟؟
إيه حبيبتي هاد البداية و مازال مازال ديجا راهم بداو التشراط عليك امبعد في النص تاع الدورة وش انديرو فيك هيهيهيهيه انخرجوك من عقلك
ههههههه
معليهش مي بالشوي عليا برك والا نروح و نخليهالكم هههههه
وحدة اتقولك جاتني جارتي قعدت نحكي معاها ما درتش واجباتي المنزلية ..... و لخرى اتقولك ما نضتش بكري زربت للشغل و انسيت الديني ..... و سارة باين وش راح اتقولك عندي امتحانات ..... و ام أمجد دات عجوزتها للحمام .... سعاد و أم ملاك و أم مريم عاقلين و ياخذو الراي ما يغلبوكش هيهيهيهيه
اواه كامل عاقلين و يلتزمو بالبرنامج
و اللي ما تلتزمش ما نمدلهاش الوسام المرة الجاية


حق لوكان توضعي رابط الإعلان عن الدورة العاشرة في الطبعة التاسعة و في لبنات الي حابين .... هك يسهل تواجدهم بالنسبة لينا لأني بالصدفة برك عرفت

خلاص راني درتو
مشكورة على التنبيه



اهلا اهلا بام اريج العزيزة

ان شاء الله رح نعاودو نصغروها و تديروها في التوقيع
لانو لما تديروها في التوقيع راكم ضمن الاسرة نتاعنا

[وفاء سعاد]

اسعد الله صباحكم راني معاكم وا شاء الله هده الدورة تكو ن احسن من الدورة السابقة ويشاركو معانا اعضاء جدد

[فراشات العمر]

راني معاكم
الانترنات ماهيش عندي راني نطليها من المكتبة تاع زوجي يعني لما تسمحلي الفرصة راني حاضرة http://im16.gulfup.com/1YYo1.gif

[فراشات العمر]

:dj_17:
لحراير السلام عليكم ورحمة الله وبركاته
هذا اول مزضوع ليا حبيت نكون زوجة وام كيما انتوما
المهم حبيت تكتب كل واحدة واش طيبت امس وكيفاش
والف شكر ليكم

[cherilety]

je suis avec vous , c'est la premiere fois que je participe et j'espere quevous maccepterez parmis vous

[نبض الفؤاد]

الله يصبحكم بالربح.................البارح الصباح نضت درت الفطير لحليب الصباح بعدين الفطور درت العدس شربة وسلاطة في الليل درت فريت اوملات وسلطة مشكلة

[cherilety]

je suis avec vous , c'est la premiere fois que je participe et j'espere quevous maccepterez parmis vous
http://im16.gulfup.com/1YYo1.gif

[فراشات العمر]

شكرا جزيلالالالالالالالالالالالالا

[sondse1]

اسعد الله صباحكن

يومكن موفق

[ام امجد14]

السلام عليكم و انا ان شاء الله نكون معكم فى الدورة و يلا نبذلو مجهود باش نحسنو من انفسنا لللاحسن و نكونو ربات بيوت من نوع الناجح
ربة بيت تهتم بصحتها و جمالها و مضهرهها يشرف اسرتها
ربة بيت تهتم باولادها بصحتهم و نضافتهم و دراستهمم لانهم زينةحياتها
ربة بيت تغذى دائما عقلها وتحاول دائما تثقف نفسها باش تنفع روحها و تنفع اولادها و اسرتها
ربة بيت محافضة على نضافة بيتها و نضامه لانه عش الذى يتربى فيه اولادها

[~ حراير ~]

السلام عليكم و رحمة الله تعالى و بركاته
ماشاء الله لا قوة لا بالله راني انحس بالنشاط و العزيمة و الهمم العالية و المرتفعة بارتفاع النجمة و الهلال
الله يحفظكم يا حراير الجزاير و انشاء الله نبقاو ديما يضربو بينا المثل في الشطارة

عجبتني بزاف الله يصبحكم بالربح يعطيك الصحة يا نبض الفؤاد و ياريت ساع على ساع نتكلمو بلهجتنا الجزائرية انتاع زمان لأنها والله خير بياسر من اللهجات الجديدة

أختي العزيزة بنت خليل ماشاء الله لا قوة إلا بالله عليك هكدا انحبك تكوني متفائلة و رايحة تجري للحياة و للسعادة لأنه مثل ما نقول لكل مجتهد نصيب.... بالنسبة لولدك سنة ثانية وش هو في المراجعة راهو قريب الإمتحانات ... و إن شاء الله اليوم في الليل أو غدوة راح نوضع بعض التمرينات في جميع المواد تصلح كامتحانات اضربي طلة على همزة وصل و كي تلقايهم حمليهم و اطبعيهم و اعطيهملو يراجع بيهم
أنا امبارح طيبت جلبانة كوكوطة كبيرة طيبتها بيضاء و قسمتها على زوج اوحدة زدتلها الطماطم و الحار للغداء و الأخرى غير شوية زدتلها البيض يعني فقستهم كل حبة وحدها و درت معاها سلاطة أمي حورية جات بنة عظيمة للعشاء
و اليوم راني طيبت شخشوخة بالكابوية و العشاء درت جاري فريك لحت كلشي في الكوكوطة راهي تصفر و لغدوة راني رنخت شوية لوبيا للغداء و العشاء راني نستنى كاش دبارة.... هاه كشما لقيتي فكرة من عندي

أم أمجد يا أم أمجد تبارك الرحمن كلامك درر و جواهر تعرفي تذكريني بنفسي في الصغر كنت مانقولش لكلام حتان نوزنو و كي نقول كلمة الناس كامل تقعد تسمع فيا الصغير بالكبير ... حبيبتي ربي يكملك بالعقل و الدين و يرزقك بر وليداتك و صلاحهم آمين

سعاد وينك توحشنا هدرتك

أم ملاك واشراك لعزيزة من رقبتك درتي وش قلنالك؟؟؟

[فراشات العمر]

شكرا ويصحتكم
والله ماعرفت حتى وحدة (تربيت اسرة فقيرة) الله غالب يعني لوكان تكتبيلي اطريقة شفي انا نعرف غير العدس سباقيتي كل ما نحاول ندير لاصوص مانعرفش هي والروز الكسكاس نفتلو ونطيبو مليح خاصة باللحم خضرة مفورة (سلاطة) كلينة لعجين حتى بوطنا 3كروش من القدام ومن الوراء خلي برك ههههههههههه
كنت زعم ندير موضوع جديد في القسم لقيتو في الرددددددددود ههههههه

[فراشات العمر]

حقى نسيت ماقلتلكمش راجلي جابلي كوسى او جريب فروت او جريوات مانيش عارفة كبفاش نطيبها

[فراشات العمر]

:dj_17: اختي راني ما نعرف والو ارجوكي ساعديني
من ناحية الجمال ماكياج ونظافة وريحة
من ناحية البيت المطبخ الترتيب الطياب
من ناحية الاولاد كيفاش نتعامل معاهم على ابسط شئ اتقلق ونضربهم راهم يكسرو ويفسدو

[وفاء سعاد]

اسعد الله مسائكم واش راكم ياحباباتي ام ملاك رتحتي من رقبتك ولا مازلتي ام امجد انا نموت على المطالعة كون تشوفي واش جبت من كتابات معايا كي زوجت في جميع المجالات الدين الطب حتى الحيوانات ونقرى عليهم والجرائد كل شهر نبعت للحاوت ساشي معمرة اما بالنسبة للصحة نشرب الماء بزاف خاصة مع الصباح وعلى الفراغ لما له فائدة عضيمة لجميع اعضاء الجسم اما الاكل راني نحاول نقص العجين والحلويات خاصة الكرواسو والميلفاى والمظهر راني مدايرة ليماش وعدت نلبس لي سيرفات في الدار والاولاد الحمد لله راني معاهم في الحفظ ونزيدو نوظو على 4صباحا يراجعووالبيت الحمد لله يشعل واختي اريج يتوحشك الخير واش هاد الصلاطة انتاع ام حورية قصدك حورية المطبخ انتاع قناة فتافيت

[وفاء سعاد]

اختي بنت الخليل راكي عندك قسم الطبخ في المنتدى انتاعا راهو معمر وصفات وانا عدت من الطياب بزاف نخترع احيانا اكل من الشئ اللي عندي في الدار خاصة في لقراتان كيما الجريوات اختي ديريها قراتان مع البطاطا والبيض والفرماج روج ولكان تحبو الدبشة مانعرف كيفاه تسميوها حشيش تشبه المعدنوس ديريها وبالسبة لاولادك راهم كي عادو دكور هادى هى الطبيعة انتاعهم اعطي لواحد فيهم يلعب بالميكرو والاخر 2ابتدائى راهو عندو تحضير للدروس وتماري مايجي يخلصهم يتعشى ويرقد وراني قريت المشاركة انتاعك من قبل راكي فحلة تطيبى العشاء والغداء مع بعض يعني المساء ديري الحليب وابقاى معاه تقريه يوالف على هدا الريتم واختي بالنسبة للضلمة اللي عندك قولي للزوج انتاعك يشريلك مصابيح نيو ن الضوء انتاعهم روعة ومنهااقتصادية ماتكلش التريسيتى

[وفاء سعاد]

الله يصبحكم بالربح.................البارح الصباح نضت درت الفطير لحليب الصباح بعدين الفطور درت العدس شربة وسلاطة في الليل درت فريت اوملات وسلطة مشكلة
درت الفطير كو ن فقت جيت فطرت لعندك راكي فحلة ومرا من تاع زمان انا والله جامي درت على الصباح ندير غير السفنج يجينى لازمو وقت ونخاف يروح الحال على الاولاد يعني لازم يشربو بيه الحليب قبل 7.30

[فراشات العمر]

راني رايحة لقسم الطبخ حاااااااااااضر
هاكو قبلة حارة لكل وحدة تعبت معايا والله بدا يروحلي الاحساس بالوحدة انتم هن صحاباتي

[~ حراير ~]

أختي لعزيزة بنت اخليل والله غير راكي قتلتيني بالضحك على 3كروش من القدام و لورى راهي جاتني بنتي يجري قاتلي وش بيك تضحكي وحدك هيهيهيهيهيه

المهم راح نبدالك منين كملت سعاد يعني لقراتان شوفي أي نوع تاع قراتان "تقريبا" لازملها الباشاميل و نقراوها باشامال
مثلا اليوم ديري قراتان بطاطا ....أول حاجة قشري البطاطا و قطعيها دوائر خشينة شوية و اقليها و لكن ما طيبيهاش طول خليها ناقصة شوية طياب و حطيها في صحن يدخل للكوشة "عند كوشة يخي؟؟؟" أو حطيها في سينية صغيرة تاع الكوشة و كان ماعندكش حتى مقلة طاير ذراعها تكفي هيهيهييه ما نقدرش انسهل أكثر من هك

المهم كي تقلي كل البطاطا على قد ما يكفيكم صبي عليها الباشاميل
و شوفي كيفاش نصنعوه أول حاجة سخني الحليب حتى الغليان و بجهة أخرى ذوبي مغرف زبدة و قطرة زيت و زيديلهم 2 مغارف فرينة و حركيهم و امبعد صبي الحليب السخون غير بالشوية مع التحريك باش ما تكتلكش المرة الأولة تعود عاقدة و جريها بالحليب غير بالشوية حتان تعود جارية و زيديلها بيضة و حركي امليح و بالزربة باش ما تكللش و امبعد زيدي الملح و الفلفل الأسود على حسب الذوق و هنا أصبح عندك باشاميل لاكان ما فهمتيش أدخلي youtube.com و ابحثي عليها تلقاي اليديو انتاعها
صبي الباشاميل على البطاطا و دخليهم للكوشة حتان تحكم روحها الباشاميل و تصير مثل الفرماج زيدي حمريها من الفوق و صار عندك قراتان بالباشاميل
و منا وجاي كي نقولك قراتان تاع أي خضرة أعرفي بلي درت الخضرة هاديك مع الباشاميل
بالنسبة للجريوات يا أما ديريها مع البطاطا و الحمص زعم مرقة تاع الكسكسي أو شوفي هاد الطريقة السهلة جدا
كرفجي الجريوات يعني حكيها في لاراب أو الحكاكاة مانعرف وش تسموها و زيديلها سنة ثوم و ملح و قطرة زيت و فلفل أكحل و اقليها شوية في المقلة راهي في سع اطيب و زيديلها 3 بيض أو وش عندك و حركيها حتان يطيب البيض تجي بنة عظيمة مع شوية بطاطا فريت يعني مقلية و طماطم يجيو عشاء خفيف روعة
علابالك أختي بنت اخليل نحكي معاك و شادة في روحي من الضحك راني تفكرت منين جا رب البيت في العيد و لقاني نتكلم امعاكم قالي ما تدريش بلاك راهم رجالا و يتمسخرو بيك هيهيهيهييه و درك و انت تحكي خفت يكون كلامو صح هيهيهيه يخي راكي امرى و لا تتمسخر بينا اخويا هيهيهيه راني غير نتمسخر

حبيبتي سعاد أمي حورية هي سلاطة تقريبا تونسية و حدود الجزائر التونسية يعني سوف و عنابة كامل يعرفوها و هي ساهلة و لذيذة و مفيدة جدا و تقدري اطيبي منها ياسر و تخبيه في الفريجيدار كي تستحقي تجبدهاو هي

تنقي الزرودية يعني السنارية يعني الجزر و تقصيه رنديلات يعني دوائر و تفوريه هاد من جهة و من جهة توجدي لاصوص انتاعها و فيها شوية زيت سنتين ثوم حبات طماطم مكرفجة أو محكوكة بـ لاراب و شووووووووية طماطم باطة و قرن فلفل حار "كان حبيتي" و ملح و فلفل أحمر حار و كروية و ركزي على الكروية لأنها تركب عليها اتقليهم شوية حتان يتكتكو و تزيديلهم الجزر انتاعك يتقلى غير شوية امعاهم و امبعد طفي النار و زيديلها عصرة قارص و شوية دبشة أو قصبر أو حشيش كل واحد وش يسميه و زينيها بالبيض و الزيتون الأخضر جربي غير شوية و رديلي الخبر
أنا كي نجي نجرب حاجة اندير شوية
و ما قلتيليش على العصير جربتيه و إلا خفتي يا الخوافة ؟؟؟؟؟ هيهيهيه حق على النسكافي راني درتهالهم كابوتشينو و عجبتهم هاداك حدهم و لكن التركيز ربي يجيب هيهيهيه خاصة و أنه كثرو عليهم بالواجبات
هيا كثرت بالهدرة انخليكم على خير و بسلامة

[فراشات العمر]

ما يلفظ من قول إلا لديه رقيب عتيد
والله انايا غير ام لولدين مانيش راجل

[~ حراير ~]

ما يلفظ من قول إلا لديه رقيب عتيد
والله انايا غير ام لولدين مانيش راجل


والله غير نتمسخر عندك تقوليلي زعفتي
حبيت انجاوبك على الضرب انتاع وليداتك و انقولك على تجربة انتاع اختي
كانت تضرب ولدها لدرجة أنه مرة كسرت عليه لوحة و هو يدرس في التحضيري و كنا مانحبوش انروحلوها بهذا السبب لأنها ما تاخذش راينا كي ننهيويها على الضرب
المهم ولدها كي والف بالضرب صار كي يتضرب يزيد يقلق العبد و يقولو ما حسيتش ... زيد وحدة ... عجبتني و هك يعني يقسي في راسو و صار راسو قاسي كي الحجرة و حتى لقراية انتاعو ماهوش جايب روحو فيها و راهو لحد الآن و هو يدرس في المتوسطة ما يسمعش لكلام و متمرد و اختي مسكينة صارت نادمة على هاداك الضرب و بكل صراحة احنا خالاتو ما نخلوش ولادنا يلعبو معاه من قساوة راسو
وش معناها كلامي حبوبتي بنت اخليل اخطيك من الضرب و ابدأي بالعقوبة
و العقوبة أنواع كثيرة و لكن ليس المهم كيفش تعاقبي المهم كيفاش تعاقبي و هاد الحاجة لازملك الصبر و ما تكونيش انت امقلقة يعني في الوقت الي يغلط فيه ولدك تحكمي في أعصابك و بيني الحزم و الصرامة من عينيك لوجهك كامل و امبعد طبقي العقوبة المناسبة ... و ياإما ابحثي عن طرق العقوبة أو قولينا كل وحدة فينا تعطيك طريقتها و ما تقوليش الوقت فات .... راهم وليداتك بسلامتهم مازالو صغار يعني عجينة في يدك تشكليها كيما حبيتي و لكن غير بالشوية و بالصبر و الحكمة كلشي يتحل و يفوت
ربي يكون في عونك عزيزتي و ارجوك كبري بالك معايا و اقبلي مني هاد الكلمة لأني نتكلم امعاك بحب و الله عالم بنيتي .... شوفي حبوبة ..... ابداي انت "ربيو ولفي " روحك على الصبر و على التحكم بالأعصاب راني عارفة بلي مش ساهلة بصح غير بالشوية و اتمسكي بالله و بالإستغفار و احنا ثاني ماراحش انخلوك وحدك و درك اتشوفي كيفاش كلشي يفوت
نعطيك مثال أنا كي نعود ندرس في وليداتي ساعات انحس روحي راح نخنق الطفل تاع السنة الرابعة و نبدأ باش انعيط زعم ..... نعاود انقولو استنى دقيقة و انوض من حذاه و نروح لبلاصة أخرى و نصرخ "و لكن بالشوية" كأنه طوموبيل راح تفريني هيهيهيهيه و نعاود انشهد و نستغفر و نرجعلو
المهم بالشوية بالشوية عدت نتحكم ي اعصابي و كي يغلط و إلا ايدير حاجة غالطة نعاملو ببرودة و نصلحها بالشوية أو نعاقبو و فرات
إن شاء الله ما تكونيش زعفتي مني و اتكلمي معايا أرجوك راني ننتظر فيك

[نافلة]

السلام عليكم انا تاني ضمونى ليكم ان شاء الله نكون من المتخرجات

[~ حراير ~]

http://im28.gulfup.com/cNKf2.jpg (http://www.gulfup.com/?LmLoj8)



صباحكم بالخير و الهناء
اييوووووووووووووونننننن أوووووووووووولالالالالالالالالا
أنا راني رابحة و ما علاباليش
وعلاش عليك سندوسة ما قلتيليش
راني راح انطيييييييييييير بالفرحة
يتسمى رضيتو عل أعمالي و نجحتوني والله غير شرف اكبير و اكبير بزاف عليا
إن شاء الله المرة الجاية ديري أوسمة مختلفة و بالرتب هكدا راح يزيد التنافس أكثر و إلا وش قلتو يا البنات؟؟؟؟
سندوسة ربي يبارك فيك حبيبتي و يجيبلك سعد امسقم يهنيك و يرضيك و يعليك فوق راسو قولو آمين



http://im28.gulfup.com/K92n2.jpg (http://www.gulfup.com/?lrWooR)

[cherilety]

http://im28.gulfup.com/cnkf2.jpg (http://www.gulfup.com/?lmloj8)



صباحكم بالخير و الهناء
اييوووووووووووووونننننن أوووووووووووولالالالالالالالالا
أنا راني رابحة و ما علاباليش
وعلاش عليك سندوسة ما قلتيليش
راني راح انطيييييييييييير بالفرحة
يتسمى رضيتو عل أعمالي و نجحتوني والله غير شرف اكبير و اكبير بزاف عليا
إن شاء الله المرة الجاية ديري أوسمة مختلفة و بالرتب هكدا راح يزيد التنافس أكثر و إلا وش قلتو يا البنات؟؟؟؟
سندوسة ربي يبارك فيك حبيبتي و يجيبلك سعد امسقم يهنيك و يرضيك و يعليك فوق راسو قولو آمين



http://im28.gulfup.com/k92n2.jpg (http://www.gulfup.com/?lrwoor)

مابرووك عليك و لعقوبة لينا ..... هاهاها ، ان شاء الله ( نُفِيدُ و نَسْتَفِيدُ):19:

[نبض الفؤاد]

مبروك عليك اختي وتستاهلي ماكثر.............ربي يخليكوكل الاخوات

[ام امجد14]

الف مبروك اختى اريج المسك و الله والله تستاهليها
و لو كان جيت نعرف نديرك وسام اخر و هو وسام احسن ام متابعا ولادها درسيا منبش عارف كيفاش نسميه لكن تستحقى هذا الوسام
الف الف مبروك مرة اخرى
ورانى معاك المرة الجاية يكون اوسمة مختلفة

[~ حراير ~]

السلام عليكم و رحمة الله تعالى و بركاته
الله يبارك فيكم حباباتي و ربي يخليكم و لعقوبة لعندكم و نجيو انهنيكم بالأفراح

حبيبتي cherilety "صراحة والله ما عرفت نقرا اسمك هيهيهيه"
راني قريت بعض المواضيع اتاعك و ماشاء الله لا قوة إلا بالله تبارك الرحمن راكي دخلتي للمنتدى دخلة مشرفة جدا والله استفدت منهم و راني بكل صراحة جربت وحدة من نصايحك و نفعتني بزاف يعني لحد الآن.و باين عليك راح تفيدينا بزاف..... ربي يبارك فيك و ربي ينفع بيك أمة محمد
ولكن عندي ملاحظة أرجو أن تتقبليها بصدر رحب فهي مجرد نصيحة أو تذكرة من باب و ذكر إن الدكرى تنفع المؤمنين ..... الملاحظة هي كتابة "منقول" إذا نقلت الموضوع و هذا للأمانة فقط و شكرا مجددا حبوبة

أختي نبض الفؤاد مرحبا بيك امعانا والله يسترك راكي عجبتيني بزاف لما القيتي علينا التحية الدزيرية يا ريت كل وحدة فينا تْصَـــبَـح على خواتاتها بهاديك الطريقة باش نتعلمو من بعضنا كلمات الترحيب الجزائرية

أم أمجد الله يبارك فيك و مبروك عليك انت تاني الوسام والله أنه سمك امنور فيه لعقوبة للوسام الجاي و احنا مع بعض متحابيين و متوادين اللهم آمين

أم ملاك والله غير راني متحيرة عليك عزيزتي .... إن شاء الله تكوني بخير و على خير

وينك يا بنت اخليل وش طبختي اليوم

أيا خليتكم بالراحة و الهناء و امبعد انشاء الله

[sondse1]

السلام عليكم و رحمة الله تعالى و بركاته
كي عشيتو لبنات ان شاء الله بالف خير

اهلا و مرحبا بالبنات الجدد معانا

اسمحولي مانيش قاعدة ليوم رانا دايرين العشا نتاع الحجاج على ذيك ماكنتش ندخل بزاف
المهم راكم معروضين عندكم ما تجوش ههههه
ايا انا نروح نعاونهم و كي نكملو راني نجي نطل عليكم

ربي يزين نهاركم

[نبض الفؤاد]

السلام عليكم ورحمة الله وبركاته.
اخواتي العزيزات .....ان شاءالله راكم كلكم بخير وعافية.....جاتني صعيبة الكتبة بالدارجة والله ، كنت دايما ضد اولادي في هذا القضية
وثاني كتابة الميساجات بالدارجة والحروف اللاتينية...ما عليناش مايكون الا خاطرك حنونة اريج المسك .
احت سندس الله يكون في العون الملمة واعرة.
وفاء سعاد اهلاوسهلا بيك ونظن الفطير بزيت الزيتون اصح من السفنج كنت نديرو لكنه معمر زيت.
الدبشة نقولولها القسبر.
اما اختي ام ملاك لازم تشوفي الطبيب على رقبتك اذا طال الحال خاطر ممكن تكون برد كيما ممكن تكون arthrose لا قدر الله كيما انا
حتى نروح نعمل حصة ماساجعند الاخصائي لاباس عليك.....

[cherilety]

شكرا على النصيحة (اريج المسك) ، كما قلت من قبل رانا هنا بش نفيدو و نستفدو ، و الله اخلينا لبعضانا

و لنشاء الله نقبلوني بيناتكم و نولي وحدة منكم ،

[نبض الفؤاد]

السلام عليكم ... راني عشيتهم العصبان بالمردود ( بركوكس أو العيش ) لأنوا اليوم راه البرد تقول الثلج يطيح
أختي أريج المسك السلطة تاع أمي حورية حنا نقولولها شرمولة زرودية أو شطيطحة زرودية بنفس الكيفية والكزبر
أيا تصبحو على خير غدوة ان شاء الله اليوم نهار كااااااامل وانا قدام الميكرو وضرك راهي دالت بنتي الله يحفظها باش تقعد في الفيس بوك يا علابالكم هبلونا بيه ... الله يهدينا ويهديهم

[نافلة]

السلام عليكم
الف مبروك اختي اريج المسك يويويويويويويويويويوويويويو
اختي نبض الفؤاد يعطيك الصحة على العشاء انا ثاني كنت نفكر باش دير البركوكس عدا ان شاء الله للغداء مع هذ البرد كنت حابة نديرو باللحم مبصح راكي عطيتيني فكرو العصبان ربي يجازيك.

[نافلة]

طريقتي هي انني نفور البركوكس مثل الكسكس و المرق كذالك و في التقديم نسقوه بالمرق و الحليب يجي هايل على فكرة هذ الطريقة تعلمتها من والدتي ربي يخليهالي ........................................

[oummalak]

صباح الخير والربح والخبز دالقمح صباح الفل والياسمين على حباباتي الغاليات والله راني شوية خير ملي كنت رحت عند الطبيبة الاسبوع الي فات لكن شربت غير النص انتاع الدواء خاطر اعطاتني celestenne وانا انخاف لعظم يزيد يهشاشلي من كثر ما استعملت الكوغتيكوويد اسمحولي لبنات كسرتلكم راسكم يمشاكلي
البارح نهار كامل والضوء ماكانش الميكرو ما يشعلش بالشمع هههههههههههههه
قبل البارح الكوناكسيون راحت احنا في الغرب عندنا مشاكل كثيرة مع الكهرباء
واليوم جيت نصبح على حباباتي سندوسة .ام امجد .وفاء سعاد .اريج المسك. امجد 14.ام مريم.نبض الفؤاد .بنت خليل.شيريلتي .فاطمة بشار اتمنى ما نسيت حتى وحدة والي نسيتها تسامحنى ونقول للي التحقو بنا على الرحب والسعى والله غير شرف لينا يكون لينا صديقات جدد
رانى فنيانة ما رانى ندير والو والمورال هادو الثلاث ايام الي فاتو كان فالزيرو وكنت غير نبكي اليوم كي دخلت وشفتكم سقسيتوا علي والله طلعلي للالف الحمد لله وراني رايحة نبدا على بركة الله القش راه عندى على الاقل 6ماشينات مع المطر الي كان ما غسلتهمش والدار راهي مروبلة نستنى الدورة تبدا ونردها منزل باربي ههههههكل شيء في بلاصتو كدلك ما دابي نبدا نخيط اثناء هده الدورة ادعيولي ربي يوفقنى والان رليحة نقي الخرشوف انديرها الى كتاب للغدا في امان الله يالغزلات ربي يحفظكم

[oummalak]

شكرا على النصيحة (اريج المسك) ، كما قلت من قبل رانا هنا بش نفيدو و نستفدو ، و الله اخلينا لبعضانا

و لنشاء الله نقبلوني بيناتكم و نولي وحدة منكم ،

مرحبا مرحبا بالاخت الغالية هدا شرف لينا

[~ حراير ~]

صباحكم بالخير و الهناء
وش اصبحتو خياتي
أم ملاك ياله بركاي من لعبة الغميضة و اضهري علينا و طلي علينا كي طلة القمر يا قمر

أختي نبض الفؤاد راكي شهيتيني .... أنا في الحقيقة هاد العيد مادرتش العصبانة لكني رايحة نشريلها حوايجها و نخدمها رغم أنه المطر دايرة حالة
و راني ديجا نصبت العيش يعني البركوكس درتو بالقديد عطاتهولي حبيبتي و راني نطيب ثاني في الشخشوخة القسمطينية لليل اليوم راهو موسمو ما تنساوش ... ربي يهنينا و يباركلنا في وليداتنا و يعمر قلبنا بالدين و اليقين في هاد العام الجاي آمين
أختي فاطمة مرحبا مرحبا بيك جوزي حبيبتي و قربي عندنا فرحت بززززززززززززززااااااااااااااااااف بيك
راني أول مرة نتعرف بوحدة بشارية ..... أنا نعرف معظم مدن الجزاير الحبيبة لكني عمري في حياتي ما صادفت ناس بشار الطيبين يا ريت يا حبوبة تعاودي تعطيني بالتفصيل طريقة البركوكس بلاك نقدر انديرو و نقولهم دوقو ماكلة البشارية ... و زيد يا ريت تقوليلي وش هي عاداتكم باش نتعرفو عليها و انهزو منها

صحيباتي احنا ما عندناش بزاف عادات في أول محرم عندنا عادات في عاشورة و انتوما احكولي و قولولي خلوني نعاند اعليكم
هيا درك راني رايحة انطفي على النار و خارجة امبعد إن شاء الله

[oummalak]

السلام عليكم ورحمة الله وبركاته.
اخواتي العزيزات .....ان شاءالله راكم كلكم بخير وعافية.....جاتني صعيبة الكتبة بالدارجة والله ، كنت دايما ضد اولادي في هذا القضية
وثاني كتابة الميساجات بالدارجة والحروف اللاتينية...ما عليناش مايكون الا خاطرك حنونة اريج المسك .
احت سندس الله يكون في العون الملمة واعرة.
وفاء سعاد اهلاوسهلا بيك ونظن الفطير بزيت الزيتون اصح من السفنج كنت نديرو لكنه معمر زيت.
الدبشة نقولولها القسبر.
اما اختي ام ملاك لازم تشوفي الطبيب على رقبتك اذا طال الحال خاطر ممكن تكون برد كيما ممكن تكون arthrose لا قدر الله كيما انا
حتى نروح نعمل حصة ماساجعند الاخصائي لاباس عليك.....

شكرا حبيبتى ربي يشافيني ويشافيك قالتلي الطبيبة بلاك زعفتى وانا انشك ماللارنى دسكال لي في ظهري على خاطر حتى رجلي توجعني معاه ربي يجيب الشفاء برك وشكرا مرة اخرى على السؤال :19:

[oummalak]

السلام عليكم انا تاني ضمونى ليكم ان شاء الله نكون من المتخرجات


مرحبا مرحبا راكي معانا انشاء الله ورانا نستناو مشاركاتك

[oummalak]

صباحكم بالخير و الهناء
وش اصبحتو خياتي
أم ملاك ياله بركاي من لعبة الغميضة و اضهري علينا و طلي علينا كي طلة القمر يا قمر

أختي نبض الفؤاد راكي شهيتيني .... أنا في الحقيقة هاد العيد مادرتش العصبانة لكني رايحة نشريلها حوايجها و نخدمها رغم أنه المطر دايرة حالة
و راني ديجا نصبت العيش يعني البركوكس درتو بالقديد عطاتهولي حبيبتي و راني نطيب ثاني في الشخشوخة القسمطينية لليل اليوم راهو موسمو ما تنساوش ... ربي يهنينا و يباركلنا في وليداتنا و يعمر قلبنا بالدين و اليقين في هاد العام الجاي آمين
أختي فاطمة مرحبا مرحبا بيك جوزي حبيبتي و قربي عندنا فرحت بززززززززززززززااااااااااااااااااف بيك
راني أول مرة نتعرف بوحدة بشارية ..... أنا نعرف معظم مدن الجزاير الحبيبة لكني عمري في حياتي ما صادفت ناس بشار الطيبين يا ريت يا حبوبة تعاودي تعطيني بالتفصيل طريقة البركوكس بلاك نقدر انديرو و نقولهم دوقو ماكلة البشارية ... و زيد يا ريت تقوليلي وش هي عاداتكم باش نتعرفو عليها و انهزو منها

صحيباتي احنا ما عندناش بزاف عادات في أول محرم عندنا عادات في عاشورة و انتوما احكولي و قولولي خلوني نعاند اعليكم
هيا درك راني رايحة انطفي على النار و خارجة امبعد إن شاء الله

رانى هنا واء الكنبة ايا حكمينى هيهيهيه ربي يحفظك والله فرحت بسالك علي حتى ان توحشتكم:1::mh31:

[ام امجد14]

صباح الوردة المفتحة و العسل المكفحة على اغلى حبيات عل قلبى
على سلامتك اختى ام ملك و الحمد لله كى طلعلك المورال و انا ايضا الدار راهى محتاجة النتوياج لكن قلت نبدا مع الدورة
وعلى فكرة كاين ام امجد واحدة فقط هههههههههههههه ماشى اثنين

[oummalak]

صباح الوردة المفتحة و العسل المكفحة على اغلى حبيات عل قلبى
على سلامتك اختى ام ملك و الحمد لله كى طلعلك المورال و انا ايضا الدار راهى محتاجة النتوياج لكن قلت نبدا مع الدورة
وعلى فكرة كاين ام امجد واحدة فقط هههههههههههههه ماشى اثنين

سامحينى حتى ان فقت لروحي بلي غلطت سامحينى هههههههه رانى باغية نضرب تحويسة هاد الويكاند ونرجع ان شاء الله سوبار مان الاسبوع القادم والله اصبحت متفائلة كي شفتكم

[وفاء سعاد]

صباح الخير عليكم واش راكم معليكمش يارب تكونو بخير اختي ام ملاك عندك الحق على السيليستان راهم الي كور تيكويد بزاف يديرو الكونسار عفانا الله واحنا ماناش ناقسين وانا تاني كيفك راني غير مع المطبخ نطيب والتسياق عندى الاولاد في فترة الفروض راني معاهم ونستنى في البرنامج باه نبدى معاه وىاام امجد كيفاه مدايرة مع الاولاد في الفروض واختي اريج احنا عاداتنا في محرم نديرو العشاء انا حندير شخشوخة الظفر وفي عاشورة نصومو ونديرو العشاء ايضا ونشريو القشقشة يعني لوز وجوز وكاوكاو وبيسطاش ونوات كاجو وتمر وحلوى اختي فاطمة البركوكس انتاعكم ادريه زي انتاع جدتي ربي يرحمها بالحليب والمرق واختي نبض الفؤاد اولادى معوجين كون ديرلهم الفطير بزيت الزيتون ماياكلوهش وعندك الحق السفنج مراهوش صحي اختي شريليتي نتمنى نستفادو منك باين عندك مواضيع قمة وياسندس نتمنى خلص العشاء ولميتو عليكم الدنيا وتتهناو راهى صعيبة الملمة بصح لازم المعاونة ماتحسولهاش وشكرا

[oummalak]

صباح الخير عليكم واش راكم معليكمش يارب تكونو بخير اختي ام ملاك عندك الحق على السيليستان راهم الي كور تيكويد بزاف يديرو الكونسار عفانا الله واحنا ماناش ناقسين وانا تاني كيفك راني غير مع المطبخ نطيب والتسياق عندى الاولاد في فترة الفروض راني معاهم ونستنى في البرنامج باه نبدى معاه وىاام امجد كيفاه مدايرة مع الاولاد في الفروض واختي اريج احنا عاداتنا في محرم نديرو العشاء انا حندير شخشوخة الظفر وفي عاشورة نصومو ونديرو العشاء ايضا ونشريو القشقشة يعني لوز وجوز وكاوكاو وبيسطاش ونوات كاجو وتمر وحلوى اختي فاطمة البركوكس انتاعكم ادريه زي انتاع جدتي ربي يرحمها بالحليب والمرق واختي نبض الفؤاد اولادى معوجين كون ديرلهم الفطير بزيت الزيتون ماياكلوهش وعندك الحق السفنج مراهوش صحي اختي شريليتي نتمنى نستفادو منك باين عندك مواضيع قمة وياسندس نتمنى خلص العشاء ولميتو عليكم الدنيا وتتهناو راهى صعيبة الملمة بصح لازم المعاونة ماتحسولهاش وشكرا

كيفك اختي وفاء اما عن الاولاد انا راني سامحة فيهم غير الخبز حامى والزيت الزيتون واغلبهم ما يبغيو ياكلو حتى حاجة الصباح
قولولي الشخشوخة كيفاه اديرولها مانعرفش طريقة طبخها ان من اقصى الغرب الجزائري يعنى 40كلم على الحدود المغربية ما عندناش عادة عاشوراء انصوموا التاسع والعاشر برك نتمنى تفيدوني بعاداتكم باه انقول لاولادي وراجلي شفتوا اصحاباتى واش علموني ههههه

[it's me]

ma3lich ta9blouni m3akom ?? w fahmoui wch nakder ndir bch ncharek m3akom w kawanine l dawra
merciiiiiii

[oummalak]

سندوستي توحشتك كملتي شقاك ولا ما زال لو جيت قريبة ليك والله غير عاونتك ولو بغسيل القش وكويه او اي شيء تتحتاجيه راكي غايضتنى لكن ربي يجازيك راك فحلة علابالي

[oummalak]

ma3lich ta9blouni m3akom ?? W fahmoui wch nakder ndir bch ncharek m3akom w kawanine l dawra
merciiiiiii

مرحبا بيك اختي تدخلي معانا عادي وتشاركي مثلنا والدورة رايحة تبدا ان شاء الله يوم17 نوفمبر ان شاء الله تكوني معانا

[فراشات العمر]

السلام عليكم كتن مع همزة وصل
راني خلست الجريوات درتها كيما قلتيلي اختي اريج وكلاوها ولادي اول مرة ياكلولي الجريوات شششششششككككرررررا
البارح كانت الكهرباء ناقصة قالي زةجب ما تشعليش الميكرو
المهم درت البارح الشخشوخة ماكنتش نعرف بلي تدي الوقت رانا تعشينا بعد العيشاء كلبناها على الجوع مممممممممممممممممم بصحتنا
الصباح غيرت في الديككككككور زعم شوية راني شريت كورداكس اتاجار ازرق وابيض وين نديرو
مطلب من كل ام تعطيلي كبفاش تعاقب ولادها راني كرهت الضرب كي كسرو كي يتهاوشو كي يفسدو كي ما يطيعوش (يبسوراسهم ).............الخ
خاه راني نسيت الغدى راهي 9.30 صح غداكم وعشاكم الانترنات ماهيش نتاعي



http://im16.gulfup.com/1YYo1.gif

[it's me]

مرحبا بيك اختي تدخلي معانا عادي وتشاركي مثلنا والدورة رايحة تبدا ان شاء الله يوم17 نوفمبر ان شاء الله تكوني معانا
شكرا على الرد لكن لو تزيدي تفهميني اكثر على قوانين الدورة ماعندي حتى فكرة و حبيت نشارك
يعني نسلك راسي في الدار فحلة و الطياب كيما تعرفي ساعة يصلح ساعة يبهدل بيا هههه المهم حبيت ندي تجربة من عند الفحلات تع المنتدى و نتخرج حتى انا
سلااااااااام

[فراشات العمر]

اختي اتس مي عندي طريقة باه تكتبي بالعربية روحي للشروق اون لاين اكليكي على اي موضوع اهبطي للتحت تلقاي اضافة تعليق اكليكي مرتين تخرجلك الكلافيي الكتبي واش تحبي ديري قص ولصق في الرد النتاع المنتدى نتاعك هههههههههه اتمنى ان اكون وصلت الفكرة

[oummalak]

شكرا على الرد لكن لو تزيدي تفهميني اكثر على قوانين الدورة ماعندي حتى فكرة و حبيت نشارك
يعني نسلك راسي في الدار فحلة و الطياب كيما تعرفي ساعة يصلح ساعة يبهدل بيا هههه المهم حبيت ندي تجربة من عند الفحلات تع المنتدى و نتخرج حتى انا
سلااااااااام

والله يا اختى ما كان حتى قوانين غير تبعي معانا وشاركي بتطبيقاتك ورايحة توالفي والله تولي ما تقدري تستغناي على لبنات الي فالدورة

[oummalak]

اختي اتس مي عندي طريقة باه تكتبي بالعربية روحي للشروق اون لاين اكليكي على اي موضوع اهبطي للتحت تلقاي اضافة تعليق اكليكي مرتين تخرجلك الكلافيي الكتبي واش تحبي ديري قص ولصق في الرد النتاع المنتدى نتاعك هههههههههه اتمنى ان اكون وصلت الفكرة

بنت خليل لو ترجعي للرد انتعى الي كتبتهولك اول مرة دخلتي وحكيتيلنا المشكل انتاعك رايحة تلقاي نصيحتى ليك عن اولادك وردي علي لخبر

[oummalak]

السلام عليكم كتن مع همزة وصل
راني خلست الجريوات درتها كيما قلتيلي اختي اريج وكلاوها ولادي اول مرة ياكلولي الجريوات شششششششككككرررررا
البارح كانت الكهرباء ناقصة قالي زةجب ما تشعليش الميكرو
المهم درت البارح الشخشوخة ماكنتش نعرف بلي تدي الوقت رانا تعشينا بعد العيشاء كلبناها على الجوع مممممممممممممممممم بصحتنا
الصباح غيرت في الديككككككور زعم شوية راني شريت كورداكس اتاجار ازرق وابيض وين نديرو
مطلب من كل ام تعطيلي كبفاش تعاقب ولادها راني كرهت الضرب كي كسرو كي يتهاوشو كي يفسدو كي ما يطيعوش (يبسوراسهم ).............الخ
خاه راني نسيت الغدى راهي 9.30 صح غداكم وعشاكم الانترنات ماهيش نتاعي



http://im16.gulfup.com/1yyo1.gif


سامحينى هنا كان لازم نرد عليك

[it's me]

السلام عليكم كتن مع همزة وصل
راني خلست الجريوات درتها كيما قلتيلي اختي اريج وكلاوها ولادي اول مرة ياكلولي الجريوات شششششششككككرررررا
البارح كانت الكهرباء ناقصة قالي زةجب ما تشعليش الميكرو
المهم درت البارح الشخشوخة ماكنتش نعرف بلي تدي الوقت رانا تعشينا بعد العيشاء كلبناها على الجوع مممممممممممممممممم بصحتنا
الصباح غيرت في الديككككككور زعم شوية راني شريت كورداكس اتاجار ازرق وابيض وين نديرو
مطلب من كل ام تعطيلي كبفاش تعاقب ولادها راني كرهت الضرب كي كسرو كي يتهاوشو كي يفسدو كي ما يطيعوش (يبسوراسهم ).............الخ
خاه راني نسيت الغدى راهي 9.30 صح غداكم وعشاكم الانترنات ماهيش نتاعي



http://im16.gulfup.com/1yyo1.gif

احسنت واصلي رايحة ترجعي فنانة ان شاء الله
بركااااي ماتضربي ولادك هاذ الشي رايح يقسيلو قلبو مع الوقت و حاولي ماديريش تفرقة بينهم و اشريلهم كل واحد مكافاة كي يدير حاجة مليحة لغرض التحفيز
ربي معاااك

[it's me]

بنت خليل بما انك تحبي تتعلمي حابة نعطيك طريقة تحضير غذاء خفيف و سهل و اقتصادي
تغسلي البطاطا و تقطعيها دوائر متوسطة و تقطعي عليها الثوم و تحطيها تفور في نفس الوقت تحضري البيشاميل و كي طفي عليها زيديلها مغرفة كبيرة فرماج le chef و حركي مليييح حتى يذوب ..ستفي البطاطا المفورة و فوقها اليشاميل و الفرماج المرحي من الافضل يكون fromage rouge بزاف بنين في الغراتان
حطيها تتحمر في الفور و خرجيها قطعيها مربعام و زيدي حطي معاها سلطة مشكلة مع حميس و بصحححتكم

[Minnnaaa]

صباحكم مسك وعنبر
كيراكم ؟ ان شاء الله كامل بخير
احنا رانا مع الامطار والحملة. الله يجعلها امطار خير وبركة
صح عواشيركم ويدخل علينا وعليكم هاد العام بالصحة والهنا
والله راني نكتب وخايفة الترسينتي تروح راها غير ماشية جاية
ودرك اسمحولي نرح نعجن لبريوش ونعاود نولي يلا كتب ربي:mh31::mh31:

[it's me]

صباحكم مسك وعنبر
كيراكم ؟ ان شاء الله كامل بخير
احنا رانا مع الامطار والحملة. الله يجعلها امطار خير وبركة
صح عواشيركم ويدخل علينا وعليكم هاد العام بالصحة والهنا
والله راني نكتب وخايفة الترسينتي تروح راها غير ماشية جاية
ودرك اسمحولي نرح نعجن لبريوش ونعاود نولي يلا كتب ربي:mh31::mh31:
صباح النور اختي نورتي الصفحة
اعجني البريوش و كي يطيب خبيلي حبة ولا 2 نفطر بيهم راني صايمة
الله يعينك

[Minnnaaa]

صباح النور اختي نورتي الصفحة
اعجني البريوش و كي يطيب خبيلي حبة ولا 2 نفطر بيهم راني صايمة
الله يعينك
هاهاها
حقك فالجنة ان شاء الله حبيبتي
مين راكي صايمة ارواحي افطري عندي المغرب راني ناوية ندير عشا شباب يلا قدرنا ربي

[it's me]

هاهاها
حقك فالجنة ان شاء الله حبيبتي
مين راكي صايمة ارواحي افطري عندي المغرب راني ناوية ندير عشا شباب يلا قدرنا ربي
امين يا رب
ربي يخليك الحبيبة و يطرح البركة عندك
وش ناوية دير الفحلة تاعنا

[oummalak]

حبيبتي مينة كيراكي توحشناك ما تزيديش تغيبي علينا اش بيك واش صرالكههههههههههههه
واش عشاك راك شهيتيني

[~ حراير ~]

صباحكم مسك وعنبر
كيراكم ؟ ان شاء الله كامل بخير
احنا رانا مع الامطار والحملة. الله يجعلها امطار خير وبركة
صح عواشيركم ويدخل علينا وعليكم هاد العام بالصحة والهنا
والله راني نكتب وخايفة الترسينتي تروح راها غير ماشية جاية
ودرك اسمحولي نرح نعجن لبريوش ونعاود نولي يلا كتب ربي:mh31::mh31:

مينا حتى أنا خبيلي حيتين راني نشتيه انموت عليه مع القهوة و الحليب

أم ملاك الحمدووووووووووووولله حبيبيتي كي عدتي لاباس ربي يهز ضرك و يمكتعك بالصحة و الراحة

يا ود عمي رحت للسوق و جيت لقيتكم هدرتو على كل شي ما خليتوني وش انقول

أم أمجد الورد لمفتح فهمتها بصح لعسل انحبك تشرحيهولي ..... عجبتني التصبيحة بزاف أزربي اشرحيهالي امبعد وقت المغرب باش يكلمنا رب البيت و راني نويت انقولهالو لأنها عجبتني خفتو يسقسيني وش هي ؟؟؟؟ هيهيهيهيه راني نستنى فيك آه؟؟؟؟

أختي إتزمي مرحبا بيك ماشاء الله عليك باينة شاطرة و حرة حراير ...راني موالفة اندير لقراتان بالباطاطا نقليها و لكن عجبتني مفورة بصح ما فهمتش الثوم كيفاش انديرو ... و ما نعرف إذا الباشاميل يواتيها الثوم و إلا لا جاوبيني حبوبة بلاك انديرها غدوة إذا كنا من الحيين

أيا نخليكم درك لولاد قريب يجيو
تبقاو بخير

[it's me]

أختي إتزمي مرحبا بيك ماشاء الله عليك باينة شاطرة و حرة حراير ...راني موالفة اندير لقراتان بالباطاطا نقليها و لكن عجبتني مفورة بصح ما فهمتش الثوم كيفاش انديرو ... و ما نعرف إذا الباشاميل يواتيها الثوم و إلا لا جاوبيني حبوبة بلاك انديرها غدوة إذا كنا من الحيين


شكرا ربي يخليك حبيبتي
لالا تجي مفورة احسن لانو تحافظ على قيمتها الغذائية اكثر
كي تقطعي البطاطا قطعي فوقها الثوم و حطيهم يفورو و ماتخافيش الذوق رااااائع عن تجربة

[sarra5]

صباح الخير تواحشتكم يا لفحلات

ايا راني اليوم مفعمة بالنشاط على غير العادة ههههه رايحة نضرب روحي بلعين

كيما تعرفوا انا طالبة لكن في نفس الوقت نحب نتعلم حوايج الطبخ التنظيف التدبير المنزلي عامة

حبيت نندمج مع دورة الموظفات لكن ماقدرتش لاني لازم يكون عندي وقت لمراجعة الدرةس ماشي كي نجي غير الخدمة

و خاصة ان شعبتي معمرة و شارجي اسبوع كامل

لذلك عاونوني كيفاه نقسم وقتي مع العلم ديما نخرج جوايه 12.30

راني نستنى في مساعاداتكم

[Lili Rose]

مساء الخير حبيباتي إن شاء الله
راكم نخير هاني جيت نطل عليكم
وجبتلكم شوية قاتو
مواح لكل وحدة فيكم
http://p0.storage.canalblog.com/06/32/417812/62333255.jpg


http://3.bp.blogspot.com/_JXfq2h5HlYo/SGve5-2u9oI/AAAAAAAABo0/vmnqWqhNhck/s400/S1033196.JPG

[Lili Rose]

ونقلكم كل عام وأنتم بخير:mh31:


https://fbcdn-sphotos-g-a.akamaihd.net/hphotos-ak-snc6/184826_386039841470984_1321667673_n.jpg

[it's me]

راني جييييييييييت و جبتلكم معايا طبسي تع ليبينيي
http://t1.gstatic.com/images?q=tbn:ANd9GcT7V8PIOeD1S7c1KmTb6Fbu2plUXFojb 4aQtzGBWFaWwxKhDfZf

بربي ان شاء الله نعمل اللي عليا بش نتبع البرنامج و نمشي على نظام الدورة
شكككرا

[Minnnaaa]

حبيبتي مينة كيراكي توحشناك ما تزيديش تغيبي علينا اش بيك واش صرالكههههههههههههه
واش عشاك راك شهيتيني

ربي يخليك ليا حنونة ما صرالي والو النت والتريسينتي اللي بيا
والعشا ناوية ندير الرقاق يلا كتب ربي (الشخشوخة) واكيد معاها حاجة حلوة يا برقوق يا سفرجل والسوفلي (للفال) والسلاطة طبعا
واش تجي تتعشي؟

مينا حتى أنا خبيلي حيتين راني نشتيه انموت عليه مع القهوة و الحليب

يا ود عمي رحت للسوق و جيت لقيتكم هدرتو على كل شي ما خليتوني وش انقول


ما يكون غير خاطرك
واش نقولك يا اريج المسك والله يلا المشاركات نتاوعك وجعولي جنابي من كترة الضحك ما شاء الله نحسك راكي قدامي وتحكي صدقيني غير راني نقراهم ونعاود باش نشبع ضحك
الله يعطيك الصحة ويدوم هناك

صباح الخير تواحشتكم يا لفحلات

ايا راني اليوم مفعمة بالنشاط على غير العادة ههههه رايحة نضرب روحي بلعين

كيما تعرفوا انا طالبة لكن في نفس الوقت نحب نتعلم حوايج الطبخ التنظيف التدبير المنزلي عامة

حبيت نندمج مع دورة الموظفات لكن ماقدرتش لاني لازم يكون عندي وقت لمراجعة الدرةس ماشي كي نجي غير الخدمة

و خاصة ان شعبتي معمرة و شارجي اسبوع كامل

لذلك عاونوني كيفاه نقسم وقتي مع العلم ديما نخرج جوايه 12.30

راني نستنى في مساعاداتكم


اختي سارة ان شاء الله الدورة هادي تفيدك
وننصحك بحاجة "لا افراط ولا تفريط "
وقت للبيت ووقت للدراسة واكيد في فترة الامتحانت راح تكون الاولوية للدراسة
بصح قوليلي راكي متزوجة وتقري ؟
ونقلكم كل عام وأنتم بخير:mh31:


https://fbcdn-sphotos-g-a.akamaihd.net/hphotos-ak-snc6/184826_386039841470984_1321667673_n.jpg

وانت بالف خير لعزيزة يدخل عليك بالصحة والستر
وشكرا والله غير حطة هايلة

[Minnnaaa]

شكرا ربي يخليك حبيبتي
لالا تجي مفورة احسن لانو تحافظ على قيمتها الغذائية اكثر
كي تقطعي البطاطا قطعي فوقها الثوم و حطيهم يفورو و ماتخافيش الذوق رااااائع عن تجربة

واش نقولك ربي يعطيك ماتتمناي
الغوسات نتاعك زدتها للفطور في اخر لحظة(كنت دايرة الروز وسلاطة وانا لوكان مايكونش معاه الحوت مانقدرش ناكله ايا قلت نجرب الغوسات نتاعك وفوق البنة الرايعة سريعة التحضير ) حتى مول الدار اللي يموت على الروز سمح فيه وكلا معايا الgratin
ربي يخليك حنونة:19::19::19:

[it's me]

واش نقولك ربي يعطيك ماتتمناي
الغوسات نتاعك زدتها للفطور في اخر لحظة(كنت دايرة الروز وسلاطة وانا لوكان مايكونش معاه الحوت مانقدرش ناكله ايا قلت نجرب الغوسات نتاعك وفوق البنة الرايعة سريعة التحضير ) حتى مول الدار اللي يموت على الروز سمح فيه وكلا معايا الgratin
ربي يخليك حنونة:19::19::19:
الحمد لله كي صلحتلك و ماحشمتنيش هههه انا نحبها نموووت عليها
ربي يحفظك اختي و ماتنسايش حقي تع البريوش

[sarra5]

ربي يخليك ليا حنونة ما صرالي والو النت والتريسينتي اللي بيا
والعشا ناوية ندير الرقاق يلا كتب ربي (الشخشوخة) واكيد معاها حاجة حلوة يا برقوق يا سفرجل والسوفلي (للفال) والسلاطة طبعا
واش تجي تتعشي؟


ما يكون غير خاطرك
واش نقولك يا اريج المسك والله يلا المشاركات نتاوعك وجعولي جنابي من كترة الضحك ما شاء الله نحسك راكي قدامي وتحكي صدقيني غير راني نقراهم ونعاود باش نشبع ضحك
الله يعطيك الصحة ويدوم هناك




اختي سارة ان شاء الله الدورة هادي تفيدك
وننصحك بحاجة "لا افراط ولا تفريط "
وقت للبيت ووقت للدراسة واكيد في فترة الامتحانت راح تكون الاولوية للدراسة
بصح قوليلي راكي متزوجة وتقري ؟


وانت بالف خير لعزيزة يدخل عليك بالصحة والستر
وشكرا والله غير حطة هايلة

لا يا مينا ماشي متزوجة

طالبة برك

[نافلة]

كيراكم يا الفحلات هذا وين فرغت راني فرحت كي لقيت ردودكم وترحيبكم بيا
ياريت كل وحدة تقول لنا الشغل الي راهي تعمل فيه مثل الكروشي اوالخياطة
و هل هي مخصصة له وقت معين؟

[it's me]

كيراكم يا الفحلات هذا وين فرغت راني فرحت كي لقيت ردودكم وترحيبكم بيا

ياريت كل وحدة تقول لنا الشغل الي راهي تعمل فيه مثل الكروشي اوالخياطة
و هل هي مخصصة له وقت معين؟

مرحبا مرحبا على السلامة
انا نحب ندير الكروشي بصح ماشي كلش يخرجلي كيما راني حابة ههه
الخياطة كل مرة كيفاشكي يكون عندي الوقت برك نخدم كل يوم من 8 حتى 17, نعرف نفصل حوايج خفاف بصح مانعرفش نخيط مليح :o
معليش بشوي راني نتعلمها

[Minnnaaa]

لا يا مينا ماشي متزوجة

طالبة برك
الله يجيبلك سعد الهنا امين يا رب العالمين
كيراكم يا الفحلات هذا وين فرغت راني فرحت كي لقيت ردودكم وترحيبكم بيا
ياريت كل وحدة تقول لنا الشغل الي راهي تعمل فيه مثل الكروشي اوالخياطة
و هل هي مخصصة له وقت معين؟


مرحبا بيك اختي "فاطمة "
انا للاسف منغير الشغل البيت والاولاد مانعرف ندير والو .والله غير يغيروني اللي عندهم حرفة الخياطة ولا الكروشي ولا ماكرامي ولا ... لكن حاولت نعاندهم فالخياطة مي الله غالب ما فاحتش بالاك على ايدك نولي خياطة ماهرة هاهاها

[it's me]

انا للاسف منغير الشغل البيت والاولاد مانعرف ندير والو .والله غير يغيروني اللي عندهم حرفة الخياطة ولا الكروشي ولا ماكرامي ولا ... لكن حاولت نعاندهم فالخياطة مي الله غالب ما فاحتش بالاك على ايدك نولي خياطة ماهرة هاهاها[/size]
علاش لالا ان شاء الله كي اليوم تولي خياطة و عندكي برك تتكسلي على الغاشي كيما راهم خياطات هاذ الوقت ههههههههههه

[نبض الفؤاد]

السلام عليكم ورحمة الله تعالى وبركاته............
الله يجمعنا عند حوض النبي ان شاء الله . احنا في الوسط عندنا كل الاطباق في المناسبات بحكم وجود شرائح من الغرب والشرق والجنوب ، توجدو البربوشة ،الشخشوخة ، الرشتة ....انا ندير الرشتة ....على بالي خلطت الدارجة مع الفصحى سامحوني...
ان شالله كل عام وانتما بخير وكل الامة الاسلامية ويارب يرفع عليها هذا البلاء

[نافلة]

الحالة راهى ناعسة واش هاذ الخمول ولا راه غالبكم البرد
اناعن نفسي كي نكمل شغل البيت نخدم شوية كروشي راني ندير في صوكات و ان شاء الله رايحة ندير قفازات اللي داروهم الاخوات في قسم الكروشي
اختي اتز مي يعطيك الصحة لازم الوحدة منا تكون مالئا فراغها اكيد كل وحدة عندها وقت فراغ
اختي مينة لازمك ديري حاجة في وقت فراغك و تفرحينا
وين راكم يا الفحلات

[sarra5]

http://fc04.deviantart.com/fs30/f/2008/064/a/d/Caramelldansen_Kim_and_Shego_by_Normansanzo.gif


ههههههههه

http://upload.arabia4serv.com/images/10912793865623207992.gif

خلاااص حكمني لهبااال

[نافلة]

واش بيك يا سارة ياك لابس

[~ حراير ~]

السلام عليكم و رحمة الله تعالى و بركاته
أختي فاطمة الظاهرة راكي ناوية تبينيلي عواري هيهيهيه أنا ما نعرف من الكروشي غير السنسلة و الوردة تعلمتهم كي كنت صغييييييييييييييرة و ما زدتش فوقهم أما الخياطة فقوليلي اقتلي روحك و ما تحدثينيش على الخياطة راني لانكرها مووووت رغم أنه والدتي ربي يحفظها كانت خياطة و أختي ثاني تعرف تخيط و هي أستاذة و أنا الله غالب جيت ........ إلا إذا كنت مضطرةمثلا كي كنت بالحمل ببنتي الكبيرة ما نحكيلكش وش خدمت من بساطات وش خدمت من دراوات حتى السرير عملتلو زينة هو بعض العلب و سلة تاع أدوات التنظيف جاو تحفة .... و هك ساع على ساع نظطر مضطرة اضطرارا باه انهز لبرة و الخيط مثلا في الصيف الي فات كنا نوجدو لعرس بنت اختي وجدتلها كامل تروسو تاع الحمام ثاني جا تحفة الناس كامل حلو فمهم فيه ... و لكن للأسف ما صورتوش و لكن صورت حوايج أخرين مثلا هاد العلب باش تحط فيهم أدوات الزينة "الكوسميتيك" شوفي و قوليلي وش رايك و لكن ما تكثريش التعليق لأنه الصورة الإضاءة تاعها شوية شوية و زيد مانعرفش نعدلها امليح المهم .......

http://im28.gulfup.com/86wX2.jpg (http://www.gulfup.com/?COmYWN)

http://im20.gulfup.com/ugaQ2.jpg (http://www.gulfup.com/?23hqPX)



http://im30.gulfup.com/4gk02.jpg (http://www.gulfup.com/?eVX1xa)

http://im14.gulfup.com/HSgy2.jpg (http://www.gulfup.com/?WQG69s)



http://im27.gulfup.com/riBO2.jpg (http://www.gulfup.com/?ZibLgf)

http://im29.gulfup.com/wuaH2.jpg (http://www.gulfup.com/?jg5UYL)



http://im18.gulfup.com/cmHV2.jpg (http://www.gulfup.com/?eNGl4X)

http://im28.gulfup.com/kuX52.jpg (http://www.gulfup.com/?pm6xXm)

هاه وش رايك

سارة ياك لاباس كاشما عرس انجيو نزهاو معاك

أختي مينا ربي يدوم لمحبة إن شاء الله ...... أنا حيرتك من الضحك و انتي حيرتيني منين راكي راني دايما نعرف العبد من لهجته خاصة كي يتكلم بالعامية ..... أما انت فدوختيني حسيتك من المروك لاخاطر دايما تقولي "يلا" ..... بصح ما عليهش ما تقوليليش منين انت و راني راح نعرفك و لكن كثريلي من الكلام بالعامية
و درك سامحوني عندي مكالمة مع رب البيت و رانا نزيدو نتلقاو إن شاء الله

ليلي يعطيك الصحة على التهنئة و عام سعيد علينا و على كل أمة محمد صلى الله عليه و سلم

[sarra5]

و الله والو حابة شوية ندير لومبيونس في الدورة

ههههه

بصح زعفتوني واحدة ماحبت تعاوني في المشكلة الي طرحتهاا

[sarra5]

ارييج يهبلوا يعطيك الصحة انا عندي علبة للاحدية فارغة وحابة نزوقها بصح مانيش عارفة واش نشري باه نزينها

[~ حراير ~]

السلام عليكم و رحمة الله تعالى و بركاته
سارة حبيبتي أولا انحب انقولك راني ما شريت والو راني درتهم كيما قلتي بعلب الأحذية و شوية بقايا قماش من قنادرنا و شوية خمارات اقدم شريت اشوية دنتال و شوية دبول فقط و شريت ثانيتك الشمع الي نستعملوهم بالبيسطولي لكني كنت انسخنهم على النار فقط

بالنسبة لبرنامجك حبوبتي راني كنت راح اجاوبك و لكن ما قدرتش انجاوبك حتان نسألك على طبيعة قرايتك يعني تاع فهامة و إلا تاع احفاظة ..... و على برنامجك الأسبوعي بالتفصيل ... و شكون يعاونك في الدار .....ممكن نعطيك كيفاش كنا انديرو احنا زمان .... لكن و بكل صراحة ماعرفتش كيفاش انقولك خفتك تضنيني اتطفل عليك

[sondse1]

اسعد الله مسائكم حبيباتي
توحشتكم بزااااااااااف
اسمحولي برك
ان شاء الله تكونو كامل بالف خير

[sondse1]

ربي يخليكم لبنات على السؤال
كملنا لعشا مي الخاطر مازال رايح جاي مارتحتش خلاص و زيد مارانيش نرقد خلاص راح نموت
مي الحمد لله على كل شي
حنونتي ام ملوكة الحمد لله على سلامتك انشاء الله تكوني ريحتي

حنونتي ام اريج
حنا في محرم نديرو لعشا اللي يكون شربة فريك +خبز الدار+زيتون بالجاج+سلاطة مشكلة وسلاطة روز+الجو نحبو تاع البنان يجي روعة و ديفوا نزيدو معاه الجو تاع القارص و اكيد مع الديسار
وفي الليل نديرو سهرة مع العايلة يكون فيها الحلوى و التاي و المكسرات
وتقريبا نفس الشي في عاشورة مي في عاشورة نصومو و العشا يكون شخشوخة مسيلية حرة باللحم ولا الجاج كل واحد ومقدورو
وفي اللي كيف كيف

[نافلة]

السلام عليكم
عزيزتي اريج المسك راكي اذهلتيني باعمالك يعطيك الصحة يالفحلة
لكن جاوبيني في اوقات فراغك واش ديري
عزيزتي سندس ربي يعاونك ويثبت لك الاجر راه كل شي باجره
بالنسبة للعادة في ليلة اول محرم يديور الكسكس بلحم نتاع العيد بالنسبة ليا انا نحب التنويع كل مرة واش ندير شخشوخة .تريدة .رشتة...........

[it's me]

صباح الخير عليكم البنات وش حوالكم يالشاطرات وش دايرين فيها؟؟
البارح كيما تعرفو كنت صايمة كي روحت فطرت و من بعد ريحت حوالي نصف ساعة و نضت فرزت الدار و من بعد درتلهم بريوش يفطرو بيه اليوم اسمو الشهدة المغربية علابالي بلي تعرفوه يجي روووعة حبيت نصورو و نحطولكم بصح خسارة ماعنديش كاميرا ..
و من بعد كملت الشغل نورمال و رحت نرررقد كنت تعبانة بزاف
اسمحولي هذا وش قدرت ندير ربي يقدرني و نجتهد اكثر

[sarra5]

السلام عليكم و رحمة الله تعالى و بركاته
سارة حبيبتي أولا انحب انقولك راني ما شريت والو راني درتهم كيما قلتي بعلب الأحذية و شوية بقايا قماش من قنادرنا و شوية خمارات اقدم شريت اشوية دنتال و شوية دبول فقط و شريت ثانيتك الشمع الي نستعملوهم بالبيسطولي لكني كنت انسخنهم على النار فقط

بالنسبة لبرنامجك حبوبتي راني كنت راح اجاوبك و لكن ما قدرتش انجاوبك حتان نسألك على طبيعة قرايتك يعني تاع فهامة و إلا تاع احفاظة ..... و على برنامجك الأسبوعي بالتفصيل ... و شكون يعاونك في الدار .....ممكن نعطيك كيفاش كنا انديرو احنا زمان .... لكن و بكل صراحة ماعرفتش كيفاش انقولك خفتك تضنيني اتطفل عليك

الشمع هو la cole؟؟؟

مانقدرش ندير بالpatex؟؟؟

و بالنسبة لدراستي هي فهامة برك فيزياء وكيمياء

واحنا كامل ندرسو في الدار و الي تعاوني هي اختي تدرس ايضا و الطبخ ماما الي تطبخ

وماكاين حتة تطفل والله رانا عائلة واحدة اسالو واش تحبوا نورماااااال

حابة نسقسي على ساعات المراجعة كيفاه نقسمها

[Minnnaaa]

السلام عليكم ورحمة الله تعالى وبركاته............
الله يجمعنا عند حوض النبي ان شاء الله . احنا في الوسط عندنا كل الاطباق في المناسبات بحكم وجود شرائح من الغرب والشرق والجنوب ، توجدو البربوشة ،الشخشوخة ، الرشتة ....انا ندير الرشتة ....على بالي خلطت الدارجة مع الفصحى سامحوني...
ان شالله كل عام وانتما بخير وكل الامة الاسلامية ويارب يرفع عليها هذا البلاء

اهلا بنبض الفؤاد
وانت بالف خير حنونة ينعاد علينا وعليكم بالصحة والهنا
الحالة راهى ناعسة واش هاذ الخمول ولا راه غالبكم البرد
اناعن نفسي كي نكمل شغل البيت نخدم شوية كروشي راني ندير في صوكات و ان شاء الله رايحة ندير قفازات اللي داروهم الاخوات في قسم الكروشي
اختي اتز مي يعطيك الصحة لازم الوحدة منا تكون مالئا فراغها اكيد كل وحدة عندها وقت فراغ
اختي مينة لازمك ديري حاجة في وقت فراغك و تفرحينا
وين راكم يا الفحلات

ربي يخليك فطومة عندك الحق لازم نستغلو كل دقيقة من عمارنا في الفايدة ان شاء الله
http://fc04.deviantart.com/fs30/f/2008/064/a/d/caramelldansen_kim_and_shego_by_normansanzo.gif


ههههههههه

http://upload.arabia4serv.com/images/10912793865623207992.gif

خلاااص حكمني لهبااال


هاهاها الله يعطيك الخير
السلام عليكم و رحمة الله تعالى و بركاته


أختي مينا ربي يدوم لمحبة إن شاء الله ...... أنا حيرتك من الضحك و انتي حيرتيني منين راكي راني دايما نعرف العبد من لهجته خاصة كي يتكلم بالعامية ..... أما انت فدوختيني حسيتك من المروك لاخاطر دايما تقولي "يلا" ..... بصح ما عليهش ما تقوليليش منين انت و راني راح نعرفك و لكن كثريلي من الكلام بالعامية
و درك سامحوني عندي مكالمة مع رب البيت و رانا نزيدو نتلقاو إن شاء الله



يا يما يا يما على ام اريج ما دارت فيا والله غير قتلتيني بالضحك صار انا مروكية هاهاها
كي عاد هاكا غادي نكترلك ونخبلك كامل لخيوط وانت يا الشاطرة اجبديني منين هاهاها
بصح الله يعطيك الصحة كل صبع بصنعة ما شاء الله خدمتك شابة ياسر مدابيك ختي تعلميني شوية انا في الخياطة والابداع "0"
اسعد الله مسائكم حبيباتي
توحشتكم بزااااااااااف
اسمحولي برك
ان شاء الله تكونو كامل بالف خير
يا عمري وانت اكثر
راكي مسامحة حبيبتي الحمد الله كي رجعو الغايبين بخير وتهلاي في روحك وفي صحتك عندنا غير مريومة وحدة مشي عشرة
ربي يخليكم لبنات على السؤال
كملنا لعشا مي الخاطر مازال رايح جاي مارتحتش خلاص و زيد مارانيش نرقد خلاص راح نموت
مي الحمد لله على كل شي
حنونتي ام ملوكة الحمد لله على سلامتك انشاء الله تكوني ريحتي

حنونتي ام اريج
حنا في محرم نديرو لعشا اللي يكون شربة فريك +خبز الدار+زيتون بالجاج+سلاطة مشكلة وسلاطة روز+الجو نحبو تاع البنان يجي روعة و ديفوا نزيدو معاه الجو تاع القارص و اكيد مع الديسار
وفي الليل نديرو سهرة مع العايلة يكون فيها الحلوى و التاي و المكسرات
وتقريبا نفس الشي في عاشورة مي في عاشورة نصومو و العشا يكون شخشوخة مسيلية حرة باللحم ولا الجاج كل واحد ومقدورو
وفي اللي كيف كيف

بصحتكم نعرفك شاطرة وما ينخافش عليك
في عاشورة ان شاء الله نجي نتعشى عندكمهاهاها راكي شهيتيني

[Minnnaaa]

صباح الخير عليكم البنات وش حوالكم يالشاطرات وش دايرين فيها؟؟
البارح كيما تعرفو كنت صايمة كي روحت فطرت و من بعد ريحت حوالي نصف ساعة و نضت فرزت الدار و من بعد درتلهم بريوش يفطرو بيه اليوم اسمو الشهدة المغربية علابالي بلي تعرفوه يجي روووعة حبيت نصورو و نحطولكم بصح خسارة ماعنديش كاميرا ..
و من بعد كملت الشغل نورمال و رحت نرررقد كنت تعبانة بزاف
اسمحولي هذا وش قدرت ندير ربي يقدرني و نجتهد اكثر

والله رانا حامدين ربي وشاكرينه
الله الله على السجاوة ما خليتيش (انا منين نصوم مور اللي نفطر ما نقدر ندير والو غير نغسل الماعين وندرب طلة خفيفة على الدار والى النننننوووووووممممممم)

[نبض الفؤاد]

مساء الخير عليكم كلكم حباباتي .............
اليوم عييت غسلت الحوايج وبما انه عطلة ما طارت ليش الدالة ..راني ضربت طلة عليكم وراني رايحة ندير العشاء الثريد بلحم العيييد.هذا النهارات راني غير مع العجاجن الله يستر معلي ناخذ دوا الضغط .
مزية مالنهار باقيلي شوية بويون
احنا نعكسو الوجبات الصحية الخضار في النهار والعجين في الليل ههههههه
انا ثان كيما انت الاخت فاطمة بشار راني نخدم في القفازات والصبيبطات نتاع المنتدى لبناتي كل واحدة واش خيرت....كنشري كاميرا نصورهم لكم .....هذا مشروعي القادم القريب

[~ حراير ~]

السلام عليكم و رحمة الله تعالى و بركاته
مساكم بالخير و الهنا يا البنات
راني مزروبة شوية غير ادخلت نطمن عليكم
أختي فاطمة والله ما عندي وقت فراغ خاصة في وقت الدراسة و لما يكون عندي وقت فراغ راني أخصصه للقراءة لأني انحب نقرا بزاف بزاف ... و هاد الشي يمكن بسبب ان الأولاد مازالو صغار و لاصقين فيا..... أما الفي العطلة الصيفية فأنا استغله للتنظيف العميق و تحضير "العولة" لأننا في دارنا مازلنا نتلمو من أجل ذلك

مينا ربي يدوم فرحك و يجعل ضحكتك ضحكة خير و هناء ..... و دايرة روحك تتحدي فيا مالا درك تشوفي ... نجبدك نجبدك .... عندك تنكري برك ؟؟؟؟؟؟

سارة حبوبتي الباتاكس حتى كان لصقتي بيها تعيا اطير و أنا نهدرلك على حاجة تقعدلك على الدوم
شوفي عند الكنكايري يعطيك الشمع "و خيري الرقيقون" أو يعطيك لصقة في قرعة كيما تاع الباتاكس و لكنها خاصة بالقماش ثانيتك هي تلصق امليح و لكنها تبان في الكتان و هذا عيبها

سعاد و أم ملاك و بنت اخليل توحشناكم وينكم

سندوسة حبوبتي راني توحشتك بزاف بزاف والله غير خليتي بلاصتك.... راح نطلب منك حاجة بالنسبة للبرنامج اتهلاي في الجمعة و السبت ما تكثريش علينا الأشغال راهم الأولاد و حتى الرجال والإخوة قاعدين و أنا جايبة عادة دارنا نهار الجمعة للعبادة و السبت "الخميس بكري" نتهلاو في رواحنا

شوفو خواتاتي فاطمة الله يذكرها بالخير و الهناء تحب تعلمكم الشطارة وش رايكم يا لوكان نعلمكم أنا "التفنييين"
و هدا الأمر تفكرتو من كلامي ببنت اخليل .... شوفو كل وحدة فينا يجيها النهار الي تكون نفسيتها فيه شوية شوية .... يعني قلقها أمر ما أو تعبت بزاف أو سمعت خبر مش امليح لاقدر الله ...... المهم في علم النفس على الإنسان أن يكافئ نقسه في آخر اليوم على أي حاجة مليحة دارها و باش يتجدد النشاط عنده .... و حبيتكم تقولولي باش تكافؤو رويحاتكم ؟؟؟؟ جاااااااااااااااااوبوني

[sondse1]

يمسيكم الله بالخير حباباتي
كيف احوالكم ان شاء الله بالف خير
توحشتك بزااااااف
ان شاء الله غدوا في الليل باذن الله رح نحطلكم البرنامج الجديد ان شاء الله يعجبكم برك
حنونتي ام اريج بالنسبة لطلبك راني نفذت نصو ههههه يعني الجمعة درتها شغل خفيف + الجانب الديني و التنظيفي والاعتناء بالاولاد +زيارات عائلية اما السبت صعيبة شوي ههههه راهي فيها خدمة كحلة هههههههه
نحاول كيفاه نعدلها برك نديرها شغل خفيف في خاطرك حنونة

تحياتي للجميع

[وفاء سعاد]

اسعد الله صباحكم واش حوالكم يالبنات يارب تكونو لاباس انا والله ماقعدتش راني غسلت الحيوط تاع بيت الاولاد كاملة غير السقف مادرتوش وزدت سيقت الطاج كامل صبيت فيه قريب 100لتر انتاع الماء خرج يشعل ريحت النطافة والصانيبو بقات نهار كامل وغسلت القش نص في المشينة ونص بيدي وقريت شوية الاولاد وجات اختى ضيفة لعندي بقيت معاها نحكي ودرت العشاء راس انتاع العيد حمرتو في الفور جايهبل ودرت طاجين الجبن اللي يجي طاج بطاطا وطاج كفتة وفي الاخير ديريلو العظام والفرماج روج واليوم رايحة ندير الغداء قرصة اوبغرير او غرايف كل واحدة كيفاه يسميوها وزيد الاولاد هبلوني بالمزرعة السعيدة في الفايسبوك على هاديك مادخلتش بزاف ويااختي اريج راني رايحة نقولك على مينة راهى جاتنى وهرانية اومن الغرب على خاطر قالت غادى وهده الكلمة يقولوها ناس وهران

[Minnnaaa]

البسملة1
جمعة مباركة للجميع
اليوم الجو راه مسمش يواتي غير الخرجة والتحواس بصح انا سمشت كامل لي ماتلا كي عاد راجلي وولادي ما همش فالدار وغسلت "عرام" نتاع لحوايج وقعدت ننشر فيهم par groupesهاهاها
ومبعد دخلت الماتلا ورتبت الاسرة وعمرت ترتيب سريع لكامل لبيوت في انتظار البرنامج
:mh31::mh31:
الخاتمة1

[Minnnaaa]

يمسيكم الله بالخير حباباتي
كيف احوالكم ان شاء الله بالف خير
توحشتك بزااااااف
ان شاء الله غدوا في الليل باذن الله رح نحطلكم البرنامج الجديد ان شاء الله يعجبكم برك
حنونتي ام اريج بالنسبة لطلبك راني نفذت نصو ههههه يعني الجمعة درتها شغل خفيف + الجانب الديني و التنظيفي والاعتناء بالاولاد +زيارات عائلية اما السبت صعيبة شوي ههههه راهي فيها خدمة كحلة هههههههه
نحاول كيفاه نعدلها برك نديرها شغل خفيف في خاطرك حنونة

تحياتي للجميع

ربي يقدرك على شغالك حنونة
شوقتينا للبرنامج الجديد:rolleyes: "يا درا يا مندرا يا شكاير الدرا"؟
اسعد الله صباحكم واش حوالكم يالبنات يارب تكونو لاباس انا والله ماقعدتش راني غسلت الحيوط تاع بيت الاولاد كاملة غير السقف مادرتوش وزدت سيقت الطاج كامل صبيت فيه قريب 100لتر انتاع الماء خرج يشعل ريحت النطافة والصانيبو بقات نهار كامل وغسلت القش نص في المشينة ونص بيدي وقريت شوية الاولاد وجات اختى ضيفة لعندي بقيت معاها نحكي ودرت العشاء راس انتاع العيد حمرتو في الفور جايهبل ودرت طاجين الجبن اللي يجي طاج بطاطا وطاج كفتة وفي الاخير ديريلو العظام والفرماج روج واليوم رايحة ندير الغداء قرصة اوبغرير او غرايف كل واحدة كيفاه يسميوها وزيد الاولاد هبلوني بالمزرعة السعيدة في الفايسبوك على هاديك مادخلتش بزاف ويااختي اريج راني رايحة نقولك على مينة راهى جاتنى وهرانية اومن الغرب على خاطر قالت غادى وهده الكلمة يقولوها ناس وهران


هاهاها راكم تتحاماو
كي عاد هاكا خلاص رايحة نقلبها فصحى والشاطرة تجبدني هاهاها
معلومة فقط في ايام الدراسة الجامعية كانو معايا بنات من الجهات الاربعة للوطن شرق غرب الشمال والجنوب وقدرت ندي من كل بستان زهرة هاهاها
ربي يعطيك الصحة ريحة النظافة راها دايرة حالة بصح 100ليترا شا نشفهالك؟ :confused:

[وفاء سعاد]

ربي يقدرك على شغالك حنونة
شوقتينا للبرنامج الجديد:rolleyes: "يا درا يا مندرا يا شكاير الدرا"؟


هاهاها راكم تتحاماو
كي عاد هاكا خلاص رايحة نقلبها فصحى والشاطرة تجبدني هاهاها
معلومة فقط في ايام الدراسة الجامعية كانو معايا بنات من الجهات الاربعة للوطن شرق غرب الشمال والجنوب وقدرت ندي من كل بستان زهرة هاهاها
ربي يعطيك الصحة ريحة النظافة راها دايرة حالة بصح 100ليترا شا نشفهالك؟ :confused:
مساء الخيرات عليكم والله درك واي خلصت من الكوزينة كنت نطيب وهوما ياكلو قلت رتح شوية ونوض ليها مع اللماعن والعشاء ويااختي مينة يتسمى ماكيش من وهران انا رفعت الراية البيضاء نخليك مع اريج تجبدك راهي واعرة في دراسة الشخصيات انا فاقت بيا من الاول وعلى التسياق الماء نخرجو من البالكو وهده نديرها مرة في 15يوم وفي كل يوم نسيق نورمال بالنشافة

[ام مريم الجزائرية]

السلام عليكم واش راكم انتما هنا وانا لاخبر
راكم دايرين حالة ربي يوفقنا للخير
انا راني مع البنات راهم يمرضو بالوحدة ربي يشفيهم ويقدرني
الى قدرت نبدا معاكم والا حتى يرتاحو راني عييت من السهرة

[Minnnaaa]

السلام عليكم واش راكم انتما هنا وانا لاخبر
راكم دايرين حالة ربي يوفقنا للخير
انا راني مع البنات راهم يمرضو بالوحدة ربي يشفيهم ويقدرني
الى قدرت نبدا معاكم والا حتى يرتاحو راني عييت من السهرة

ربي يشافيلك بناتك اختي ام مريم
ما كانش اصعب من انك تشوفي اولادك مرضى ربي معاك حنونة وعليك بالتراتمون نتاع الطبيب والرقية
وان شاء الله ربي يشافيهم وتبدي معانا الدورة الجديدةبالصحة والعافية

[ام مريم الجزائرية]

اللهم امين اختي مينة بارك الله فيك راهم بالدواء ومازال مابراوش

[~ حراير ~]

السلام عليكم و رحمة الله تعالى و بركاته

سندوسة رانا نستناو في هلال الطبعة واش اخرجلك و إلا مازال اطيبي فيه عندك تحرقيه برك و راني حاساتك هاد الراحة الي ريحناها و هاد الهدرة الي هدرناها كامل راح اتخرجيهالنا هندي هيهيهيهيهييهه

سعاد الله يعطيك الصحة و ربي يذوقك من حلويات الجنة ... و انحب نفكر خواتاتي الي تنظف دارها تنوي عملها لله راهي البلاصة الي تنظفيها تدعيلك بالخير .... و البلاصة الي صليتي فيها حتى كون مرة وحدة كي نموتو "بعد عمر طويل إن شاء الله" راهي تدعيلك بالخير .....
شوفي حبوبتي سعاد إن شاء الله اليوم في الليل كي عود عندي الوقت راني نبعثلك شوية ملفات من عندي انتاع الفرنسي و انزيد انبهك بلي الفرنسية و اللغة و الرياضيات تقدري تحملي تاع الخامسة "تقريبا 80/100" يتشابهو في البرنامج

مينة و ياااااااااا مينة دايرة روحك تصعبي فيها عليا وش راح انقولك اليوم راكي دُرتي بيا الجزاير الحبيبة حسيتك شوية من سطيف كي قلتي عرام و طريقة نشر القش ..... و لكن انتاع الغرب هوما الي يحكيو بالأمثال ... مالي عاودت رحت للغرب و امبعد حسيتك شوية صحراوية قلت هيا نضرب طلة على الجلفة .... تبانلي ماشفتكش ... ما نعرف صح ماكيش فم و إلا كي ماعدتش لابصة نواضري ماشفتش امليح..... أيا كي قعدت نسمع في ضحكتك مع سعاد حسيتك معسكرية لأنهم ناس امعسكر الي تعرفت بيهم كانو زهوانيين بزززززززززززززززززززززززاف ...... و امبعد تخيلي روحت لبسكرة وانا أجر أذيال الخيبة ورائي و أستمع لأغنية رابح درياسة أنت تقولي شرقي و تقولي غربي و أنا انقولك أأأأأأأأأنا جــزايـــــري... و لكن ما تقوليليش مازال مصرة باش نعرفك ...... هيهيهيهيه ارحميني برك و اتكلمي لهجتك الحقانية و ساع على ساع قوليلي وش طيبتي منها نعرف عوايدكم و منها نلقى دبارة اليوم هيهيهيه

أختي العزيزة أم مريم ننصحك تداوي دواء العرب أنا والله ملي صرت نعمل بالتيزانات و الدواء العرب ما صرتش ناخذهم للطبيب و الحمد لله .... قوليلي حبيبتي باش راهم مرضانين ربي يجيبلهم الشِفاء

أختي نبض الفؤاد راني لقيتك في قسم السنة الرابعة و الخامسة اتدوري... قوليلي حبيبتي زرتي ركن همزة وصل مع المعلمين أم لا ؟؟؟؟

[ام مريم الجزائرية]

يعطيك الصحة اختي اريج عندهم القراجم والحمى القئ تطلع بزاف مانفعش دواء العرب انا فان نستعمله لكن كي ماينفعش نديهم للطبيب
ربي يشافيهم
قوليلي بغيتك تعطيني تمارين للسنة اولى الفصل الاول باه نديرهم لبناتي اليوم ضربت تحويسة في التعليم

[~ حراير ~]

يعطيك الصحة اختي اريج عندهم القراجم والحمى القئ تطلع بزاف مانفعش دواء العرب انا فان نستعمله لكن كي ماينفعش نديهم للطبيب
ربي يشافيهم
قوليلي بغيتك تعطيني تمارين للسنة اولى الفصل الاول باه نديرهم لبناتي اليوم ضربت تحويسة في التعليم


السلام عليكم و رحمة الله تعالى و بركاته
أختي أم مريم ربي يشفي وليداتك و يمتعهم بالصحة و الراحة و ربي يهنيك و يرزقك برهم اللهم آمين
بالنسبة للقيئ فهو عادة يجي مع القراجم لأنه الأولاد ما يعرفوش يخرجو الخماج حاشاكم على هك كي يسرطوه يديرلهم الميكروب و يوجعلهم كرشهم
نصيحتي المجربة لهذا الأمر هو أنك تعطيهم في الليل و هوما في بلاصتهم كاس حليب اسخون محلي بالعسل و معاه شوية زبدة و على راس المغرف بيكربونات و تغطيهم امليح راح تشوفي هاداك الخماج حاشاك يعود مُمَيَه و يخرج وحدو .... و هاد الطريقة نعطوها للي تضبط صدرو ثاني نافعة و عن تجربة
أما القيئ و لأي سبب تقسمي سنة ثوم على زوج و تحطيها تترنخ في شوية ماء "حتى ربع ساعة برك" و امبعد تعطيها للصغير بالمغرف راح تشوفي يزيد يرجع مرة و يحبس بقدرة الله تعالى
و هاد الطرق في زوج عطاتهملي طبيبة روسية

بالنسبة للسنة الأولى أول حاجة تزوري ركن همزة وصل راني وضعت فيه نسخة على التقييم التشخيصي الي يجيهم في مكان الإمتحان الأول و وضعت امتحانات الفصل الثاني باش تهزو فكرة للي مش مجرب كما أن الشيخ عبد الناصر وضع بعض الإمتحانات راح تستفادي منها المهم باش ما نكثرش عليك هاد هو الرابط
http://www.djelfa.info/vb/showthread.php?t=1080102
و إذا قريتي كل الردود تأكدي أنك راح تستفادي ... أما الإمتحانات الي قتلك عليهم تجديهم في
الصفحة 25 المشاركة 366
الصفحة 26 المشاركة 383 و 385
و الصفحة 27 المشاركة 404
و كما قتلك اضربي طلة على باقي الصفحات راح تستفادي
و بالتوفيق


و يا سعاد راني حطيتلك الفرنسي روحي شوفي

[oummalak]

صباح الخير والربح والخبز ديال لقمح
كيراكم يا لبنات يا درا الدورة بدات ولا ما زال
عجبتك اريج هده التصبيحة ولا لالا
سندوستي ان شاء الله راك بخير وكامل لبنات الي معانا نتمنالهم كامل الصحة والراحة

[oummalak]

ما زال ما نهضتو رانى نستنى فالبرنامج ههههههههههههه لبست الطابلي وقعدت فالميكرو زعم شاطرة ههههههههه

[oummalak]

راكم حشمتوني حتى وحدة ما دخلت

[it's me]

صباح الخيييييييييييير على وجوه الخير
اسمحولي غبت عليكم البارح النهار كاامل مع شغل الدار و من بعد لعشية مع الكوزينة خاطر جاتني عجوزتي ف الليل راهي تسلم عليكم هههههه
ظيفتهم صالاد دو فروي +كرام باتيسيير و عصير كوكتال و من بعد حطيت تاي+حنيفيات ام كوثر من قسم الطبخ+بسبوسة و مكسرات
وش نحكيلكم فاتت السهرة هايلة اما على بقية البرنامج كاين لي قدرت عليه و كاين لي مالحقتش
الله غالب تعبت و اليوم راني خدامة
ربي يعينا كامل

[وفاء سعاد]

صباحكم بالخير واش راكم معليكمش يارب تكونو لاباس انا البارح والله غير بت ساهرة مع التعب تاع النهار غير ربي هبلت ولدى عمره 3سنوات دارتلو السخانة وقراجمو ملتهبين وكي غير واين خلص الدواء وزادت اختو تاني كيفو عمرها9سنوات بلاكش البارح الدار سخونة وانا حليت الدنيا بكل وطلقت الماء وبقاو هوما في البالكو يفناو عل الما وزيد النهار البارح كامل راحلي مع الدار وماقريتهمش واولادي من النوع اللي لازم نقعد معاهم باش يقراو والفتهم الضمير انتاعي راهو من الصباح وهو يوجع في

[وفاء سعاد]

راكم حشمتوني حتى وحدة ما دخلت
ام ملاك واش راكي معليكش رتحت من رقبتك ولا مازلت ورانا بكل نستاو في البرنامج ربي يجيب فيه الخير خاصة راهي فترة فروض واختبارات وانا حكمني وسواس النضافة

[oummalak]

صباحكم بالخير واش راكم معليكمش يارب تكونو لاباس انا البارح والله غير بت ساهرة مع التعب تاع النهار غير ربي هبلت ولدى عمره 3سنوات دارتلو السخانة وقراجمو ملتهبين وكي غير واين خلص الدواء وزادت اختو تاني كيفو عمرها9سنوات بلاكش البارح الدار سخونة وانا حليت الدنيا بكل وطلقت الماء وبقاو هوما في البالكو يفناو عل الما وزيد النهار البارح كامل راحلي مع الدار وماقريتهمش واولادي من النوع اللي لازم نقعد معاهم باش يقراو والفتهم الضمير انتاعي راهو من الصباح وهو يوجع في

ربي يشافيلك وليداتك ولا باس عليهم ويشافيك حتى انت كامل رانا مرضانين وزيد البرنامج تاخر ما نعرفش كي ندير

[oummalak]

ام ملاك واش راكي معليكش رتحت من رقبتك ولا مازلت ورانا بكل نستاو في البرنامج ربي يجيب فيه الخير خاصة راهي فترة فروض واختبارات وانا حكمني وسواس النضافة

والله والو ماريحت والو التشنج عندى فالرقبة وحتى كتفي ويدى حتى لاصابعي الوسطى من حيث النظافة انتاع الدار رانى سامحة كلشي راه مروبل
ربي يجيب الشفاء لوليداتك

[وفاء سعاد]

صباح الخيييييييييييير على وجوه الخير
اسمحولي غبت عليكم البارح النهار كاامل مع شغل الدار و من بعد لعشية مع الكوزينة خاطر جاتني عجوزتي ف الليل راهي تسلم عليكم هههههه
ظيفتهم صالاد دو فروي +كرام باتيسيير و عصير كوكتال و من بعد حطيت تاي+حنيفيات ام كوثر من قسم الطبخ+بسبوسة و مكسرات
وش نحكيلكم فاتت السهرة هايلة اما على بقية البرنامج كاين لي قدرت عليه و كاين لي مالحقتش
الله غالب تعبت و اليوم راني خدامة
ربي يعينا كامل
يعطيك الصحة اختي اتز مي راهي عجوزتك فرحانة بيك راكي خدامة وتتفني في الطبخ كون جات واحدة اخرى يارب تقول خدمة الدار وتشرى كلش من برى بارك الله فيك

[وفاء سعاد]

السلام عليكم واش راكم انتما هنا وانا لاخبر
راكم دايرين حالة ربي يوفقنا للخير
انا راني مع البنات راهم يمرضو بالوحدة ربي يشفيهم ويقدرني
الى قدرت نبدا معاكم والا حتى يرتاحو راني عييت من السهرة
اختي ام مريم ربي يشفيلك البنات راهو موسم الفيروسات انا تاني مارقدتش البارح من السخانة تاع الاولاد ولازم نستحفضو بيهم من البرد والهواء المفاجئ يعني يكونو سخونين ويخرجو للهواء البارد

[وفاء سعاد]

اختي اريج باينة عندك وصفات ملاح انتاع الاعشاب انا ولادي عندهم السخانة والقراجم لكان عندك وصفة ربي تعيشى اعطيهالي انا نعرف القارص والعسل الحر ولا الزعتر والسخانة قالولى ديري الخل في الرجلين ولبسي التقاشر او ادهني بماء كولونيا والكاتالجين الجسم كامل راني كرهت من الدواء عمبالي الفصل هدا يهبلوني بالمرض

[it's me]

يعطيك الصحة اختي اتز مي راهي عجوزتك فرحانة بيك راكي خدامة وتتفني في الطبخ كون جات واحدة اخرى يارب تقول خدمة الدار وتشرى كلش من برى بارك الله فيك
الله يسلمك الحبيبة والله ندير اللي عليا بش مانشريش تع برا حاشاك خامجة و مافيها حتى بنة و عمممري لا شريت حاجة تع برا
فيك بركة ربي يحفظك

[it's me]

ام مريم و وفاء سعاد ربي يشفي بناتكم و يعافيهم و يعينكم عليهم كثرولهم الزعتر المغلي يخف عليهم

[Minnnaaa]

اللهم بك اصبحنا وبك لمسينا وبك نحيا وبك نموت واليك النشور
اصبحنا واصبح الملك لله:dj_17::dj_17:
ما شاء الله الدعوة راها ناشطة رانا كامل نقارعو في هلال العيد يبان بصح على حساب الشوفة غادي نكملو الصيام30 يوم حتى لغدوة نعيدو هاهاها
ام مريم ووفاءسعاد ربي يشافيلكم الصغار امين رب العالمين:rolleyes:
اتي مي ما شاء الله الله يبارك في قوايمك انا الحنيفيات تاني عجبوني بصح عمري ما جربتهم نخاف ما يخرجوليش ملاح وبانولي شوية صاعبين راكي غيرتيني بالاك نجي الخطرة الجاية نقصر عندك بصح حطيلي شا حطيتي لعزوجتك:cool:
ام ملاك لا باس عليك حبيبتي وربي يشافيك بصح يليقلك تفوتي ما تخليش روحك هاك:mh31:
ام اريج ولا اريج؟المهم شكرا وبارك الله فيك على الوصفات نتاع الدوا انا تاني ولدي دايمن مريض بالحلاقم ومادرت حتى وحدة من هادو ندير غير الخل والتقاشر للحمة نافعتني2000في ال100ونقليله البيض وندرري عليه الكمون بزاف ونعطيهله للعشا حاشاك يطرطقوهادوك الحلاقم ويتقيا كامل واش كان اداخل ومبعد نعطيه حليب دافي والله يلا يصبح خير:)
ملاحظة يا ام اريج ولا اريج راني سهلتهالك اليوم راني هدرت باللهجة نتاعي الحقيقية ايا اجبديني يا الشاطرة هاهاها
مريومتي عسى المانع خير :confused:يلا كان هاك ماعليش نقلرعو ليوم وغدوة المهم تطلي علينا وانت مريحة حبيبتي ممممووووااااححححح

[it's me]

:dj_17::dj_17:[/size]

اتي مي ما شاء الله الله يبارك في قوايمك انا الحنيفيات تاني عجبوني بصح عمري ما جربتهم نخاف ما يخرجوليش ملاح وبانولي شوية صاعبين راكي غيرتيني بالاك نجي الخطرة الجاية نقصر عندك بصح حطيلي شا حطيتي لعزوجتك:cool:

اهلا و سهلا و مرحبا بيك و على الحنيفيات ساهليييييين خلاص بصح لازمك فرينة نوعية مليحة
ارواحي نحطلك وش يحب خاطرك و اكثر بصح من هدرتك ماكيش بعيدة على جوايه بسكرة/المسيلة /باتنة قولي الصح ربي يخليك هههه
مانقدرش نصبر

[~ حراير ~]

صباحكم بالخير و الهناء
والله يا مينة غير دخلتيني بالدراع عليا أولا راني أختك ليلى ، أم أريج و ياريت تقعدي تهدري معانا هك عجبتني بزاف هدرتك ....و راني اليوم متقلقة شوية و حاسة بالدموع ماليين عيني ... والله غير نتكلم امعاكم و بدراع ماني حابستهم مانيش حابة انبين قدام لبنات برك:o:o:o
المهم خلينا من الغم و ياله نروحو للتمسخير أول حاجة ماراكيش من الشرق و لا من الوسط و لا من الصحراء.... صح و إلا لا ؟؟؟ و تانيك ماضنيتش إذا راكي من تلمسان
شوفي هاد قوايمي سمعتها في مليانة و الشلف أما الحلاقم فأول مرة نسمعها و راني راح انموت بالضحك اعليها عجبتني بززززززززززززززززززززززززززززززززززززززززززززززززز زززززززززززاف
أما يليقلك اتفوتي فسمعتها في وهران و في مستغانم و في معسكر ..... و في الحقيقة هاد هوما برك بلدان الغرب الي نعرفهم إذا كنت منهم قوليلي....... و إذا ما كنتيش منهم راني راح نرفع الراية البيضاء mad::mad::mad:
و ما عليهش المهم ربي يحفظلنا الجزاير الحبيبة و و يبعد عليها الظلام و ولاد الحرام و ربي يمتعنا بالهناء و الرخاء في بلادنا آمين:
أختي سعاد إن شاء الله يكونو الإمتحانات خرجولك و راني مستعدة نعاودهملك كان ما خرجولكش
بالنسبة للحلاقم على راي مينة فأنا نعرف الزعتر و القارص و الليمون كيما قلتي .... و انحب انقولك راهوم بناتي في الصغر كانو تقريبا كل شهر عند الطبيب حتان قاتلي هاد الطبيبة الروسية بلي الزكام سواء عالجتيه أو خليتيه راح ياخذ تقريبا أسبوع باش يرتاح على هك ما عدتش ناخذهم للطبيب و نخلي جسمهم يعتمد على نفسه و على مناعته و إنما انساعدهم بالتيزانة يوميا حتى بدون مرض في الشتاء يوميا تيزانة أو شراب حليب بالشيكولا و العصائر تاع الدار فقط
مثلا درك راهو القارص رخيص و مازال يرخص ... وش اندير نشري بززززززززززززززززاف نغسلو و انحي منه 3 حوايج

أولا الزاست يعني نبرش القشرة و نحطها في علبة و على المجمد كي نحب اندير قاطو حتى في الصيف نلقى الزاست ينفعني بزاف راكي علابالك بلي قارص الصيف غالي و ما تنحي منه والو
ثانيا نعصرو
شوية انفرغهم في علبة المجمد الي نعملو بيها حبات لقلاص "عرفتيها و إلا لا" و كي يجمدو نعاود انحطهم مربعات مربعات في ساشي الكونجيلاصيون و انخبيه في المجمد نلقاه في الصيف للماكلة البيضاء روعة
و الباقي ندير بيه عصير القارص مع النعناع فايدة و بنة و نظافة

و ثاني الزرودية يعني الجزر انفورو و نرحيه مع علبة ياغورت و شوية عسل و حليب يجي عصير هيلولة كبيرة و خاثر
و ما ننساوش الشينة طبعا
لأنه المشروبات و خاصة السخونة منها مفيدة للزكام

أختي أم ملاك يعطيك الصحة على التصبيحة روووووووعة ربي يجيبلك الشفاء راكي قتلتيني بلضحك على الطابلية الي لبستيها للميكرو ... راكي فكرتيني في والدتي ربي يشفيها و يحفظها راهي أول ماتدخل للكوزينة و قبل ما تلقى وش اطيب تشعل على الطابونة و تقعد اتخمم

إتزمي يعطيك الصحة على العرضة و لكن قوليلي وش معنها الضحكة الي ضحكتيها كي قلتي عجبتها عجوزتي و تعيشي أختي أعطيني رابط هاد الحنيفيات خليني نجربهم و نحي الدمار و الغش بالقضية

مريم ياله تقولينا على البرنامج و إلا انديرو انقلاب عليك هيهيهيه

[it's me]

:

إتزمي يعطيك الصحة على العرضة و لكن قوليلي وش معنها الضحكة الي ضحكتيها كي قلتي عجبتها عجوزتي و تعيشي أختي أعطيني رابط هاد الحنيفيات خليني نجربهم و نحي الدمار و الغش بالقضية




بلا مزية الحبيبة
مافهمتكش وش تقصدي بالضحكة ياريت توضحي اكثر بش نقدر نوضحلك هههه
هاكي الرابط جربيهم و بربي يجيو هايلين
http://www.djelfa.info/vb/showthread.php?t=537538

[وفاء سعاد]

اختي اريج غير الخير واش بيك متقلقة يخى راكي الحمد لله الاولاد راهم لاباس والزوج انتاعك راهو في الخدمة امالا راهي قلقة من الشيطان استغفري وشهدي واقراي المعودات اتروح ان شاء الله غير لكان امر قلقانة منو ربي يفكهولك شوفي اختي اريج اناالسيارة انتاع زوجي فزد الخيوط تاع لبواط فيتاس مالف الميكانيسيا يخدمهم دقيقة والان قالنا 3ملاين وهوما يديرو 8الف برك وزيد الاولاد في حالة بصح والله ماحاطة والو في قلبي قاعدة نخبز في الكسرة ودرتلهم عشاء مليح باه مايحسوش بالي كاينة حاجة وقاعدة نخدم نورمال والحمد لله

[oummalak]

والله يا اريج ضحكتيني ضحكة هادي شحال ما ضحكتها جاو ولادي يجريو ماما ياك غير الخير ربي يفرج همك هاد السمانة حتى انا كنت غير نبكي من الضيقة لكن يبالي راهي بدات تروح والفضل يرجع ليكم
نقولك مينة تكون من الغزوات ولا من هاد الجوايه لان لهجتها اخت انتاعي وانا من الغزوات

[oummalak]

اختي وفاء ربي يشافيلك لوليدات وحتى السيارة ربي يجيبلها الشفاء مين تمرض دواها غالي وزيد قعدي كما راك راك تفرحي بطول بالك

[oummalak]

اللهم بك اصبحنا وبك لمسينا وبك نحيا وبك نموت واليك النشور
اصبحنا واصبح الملك لله:dj_17::dj_17:
ما شاء الله الدعوة راها ناشطة رانا كامل نقارعو في هلال العيد يبان بصح على حساب الشوفة غادي نكملو الصيام30 يوم حتى لغدوة نعيدو هاهاها
ام مريم ووفاءسعاد ربي يشافيلكم الصغار امين رب العالمين:rolleyes:
اتي مي ما شاء الله الله يبارك في قوايمك انا الحنيفيات تاني عجبوني بصح عمري ما جربتهم نخاف ما يخرجوليش ملاح وبانولي شوية صاعبين راكي غيرتيني بالاك نجي الخطرة الجاية نقصر عندك بصح حطيلي شا حطيتي لعزوجتك:cool:
ام ملاك لا باس عليك حبيبتي وربي يشافيك بصح يليقلك تفوتي ما تخليش روحك هاك:mh31:
ام اريج ولا اريج؟المهم شكرا وبارك الله فيك على الوصفات نتاع الدوا انا تاني ولدي دايمن مريض بالحلاقم ومادرت حتى وحدة من هادو ندير غير الخل والتقاشر للحمة نافعتني2000في ال100ونقليله البيض وندرري عليه الكمون بزاف ونعطيهله للعشا حاشاك يطرطقوهادوك الحلاقم ويتقيا كامل واش كان اداخل ومبعد نعطيه حليب دافي والله يلا يصبح خير:)
ملاحظة يا ام اريج ولا اريج راني سهلتهالك اليوم راني هدرت باللهجة نتاعي الحقيقية ايا اجبديني يا الشاطرة هاهاها
مريومتي عسى المانع خير :confused:يلا كان هاك ماعليش نقلرعو ليوم وغدوة المهم تطلي علينا وانت مريحة حبيبتي ممممووووااااححححح
ان شاء الله رانى عرفتك راك من اقصى الغرب نيشان هههههههههههههههههههههههههه

[cherilety]

ربي يشافيكم و وليداتكم انشاء الله ،

[Minnnaaa]

ان شاء الله رانى عرفتك راك من اقصى الغرب نيشان هههههههههههههههههههههههههه

هاهاها شاره صاري هادا كامل باش نقوللكم انا مين امالي خلي الشاطرة ليلى تجبدني هاهاها
والله غير نيشان راني مالغرب بصح وييييييييين؟؟؟؟
مرحبا بناس الغزوات خيار الناس:dj_17:

[فراشات العمر]

السلام عليكم
راني عدت ليكم كيف الاحوال قولولي وقتاه تبدا الدورة لاني بايتة في حالة واليوم رحت للسبيتار قاتلي القراجم رايحين يوعيو

[it's me]

مينا و الكل يخمم هههههههههههههههههههههههههههه

[Minnnaaa]

السلام عليكم
راني عدت ليكم كيف الاحوال قولولي وقتاه تبدا الدورة لاني بايتة في حالة واليوم رحت للسبيتار قاتلي القراجم رايحين يوعيو


لا باس عليك اختي بنت خليل
ان شاء الله ربي يشافيك شفاءا لا يغادر سقما
الدورة راها بدات شوفيها فالمواضيع المثبتة

[Minnnaaa]

مينا و الكل يخمم هههههههههههههههههههههههههههه

هادي البداية ومازال مازال
قارعي حتى نقفل1000مشاركة سايي ماباقيليش بزاف غير600 وشوية هاهاها

[وفاء سعاد]

اختي بنت الخليل الدورة راهي بدات وحطتلنا سندس البرنامج بصح في الموضوع الاخر انتاع الدورة ادخلي ليه وشاركي معانا بالتطبيقات تاعك وربي يجعلك الشفاء راهو موسم القراجم انا تاي اولادي في حالة

[it's me]

مرحبا بيك بنت خليل ربي يشفيك و يعافيك