ما قلتلكش بسيف بغيني اللي في بالك ديريه

[سفير الأيام]

كي نهدر معاك حاولي تفهمينـــــــــــــــــي
و اللي راه في قلبك غير أهدريه
أنا ما قلتلكش بالسيف أبغينــــــــــــــــــــي
قلبك من حقوا يعشق اللي يبغيه
أنا طلبت منك غير تصارحينــــــــــــــــــي
و لو بخط برية واش عليــــه
جوابك كيما كان يربينـــــــــــــــــــــــــ ـــي
أو ما تهمنيش كلمة لالا ولاّ إيه
غير كلمة , تفري اللي بينك وبينـــــــــــي
و تريحني من لعذاب اللي راني فيه
يا الغالية راكي عييتينــــــــــــــــــــــــ ــــي
وقتاش قلب العاشق تفهميه
طبطبت و ناديت ما جاوبتينـــــــــــــــــــي
ما عرفتش علاش بابك بلعتيه
لو صرالك ما صرالي تعدرينـــــــــــــــــي
أنا همي غير ربي اللي عالم بيه
محقور في عشقك حقرتينــــــــــــــــــــــي
قلبي كان هاني و أنتي هولتيه
مظلوم في غرامك ظلمتينــــــــــــــــــــــي
و جميع من ظلم الدنيا دارت عليه
بريء و بسكاتك تهمتينــــــــــــــــــــــــ ـي
ربي يحاسبك على الشيء اللي درتيه
درتيني عدوك في قفصك سجنتينــــــــــي
عماتك الدنيا عقلك ودرتيــــــه
في سجن لعذاب وحدي خليتينـــــــــــــي
بلعتي لبواب و المفتاح أديتيــه
لكن ربي كريم و قادر ينجينـــــــــــــــي
و ما بقالي غير نوكل أمري ليه
قادر المولى يبليك كيما بليتينـــــــــــــــي
و يسجنك فالقفص اللي راني فيه
ما طلبتش المحال غير حاجة تكفينــــــي
صارحيني و اللي في قلبك أهدريه
أنا حتى لو كان نعرف بلي تكرهينــــــي
نحلف على وجهي ما تزيديش تشوفيه
ما نبكيلك ما تطيح دمعة من عينـــــــــــي
لو كان يبكي قلبي نقلعه نرميه
نبغيك , نبغيك أومانرضاش باش تذليــــي
و لو نموت , الذل ما نرض بيه
أنا نموت غير فالقلب اللي يبغينـــــــــــــي
و اللي باعني تدور الدنيا نشريه
أنتي صاح طفلة شابة تعجبينــــــــــــــــي
و هاد الشــــي لازم عليك تعرفيه
أو ماتقدريش تعرفي حتى تعرفينــــــــــــي
أو باش تعرفيني لازم عقلك تكاكيـــه
هامل في قلبي و زدتي همّلتينــــــــــــــي
الهامل هموم اللي عداها تكفيــــــه
راني كي الطير في قفصك سجنتينــــــــي
و اللي فديته بدمعة ربي عالم بيه.

http://sphotos-e.ak.fbcdn.net/hphotos-ak-prn1/60756_3401888986251_1073781193_n.jpg

[خولة1995]

قصيدة رائعة اجمل ما فيها ببساطة ....جميل هذه ابيات احسست لها معنى الحب الحقيقي
يا الغالية راكي عييتينــــــــــــــــــــــــ ــــي
وقتاش قلب العاشق تفهميه................نار ولوعة العشق وصبر عاشق معلول

ما نبكيلك ما تطيح دمعة من عينـــــــــــي
لو كان يبكي قلبي نقلعه نرميه..........كبرياء ...نكران ..حزن وقصة صاحبهم احزن

أنا نموت غير فالقلب اللي يبغينـــــــــــــي
و اللي باعني تدور الدنيا نشريه.............

من اروع ما رات عيني .....شكرا اقولها لاول مرة عن رضى

[سفير الأيام]

شكرااا خوليتا

ليست كلماتي لكن لكل شخصإقتناء كلمات ربما تخفف من ؟؟؟؟؟؟؟؟؟؟



http://sphotos-f.ak.fbcdn.net/hphotos-ak-ash3/550789_544586485556811_1325670818_n.jpg

[sali-sali]

راني سامعتها اغنية الله اعلم
المهم فايتا عليا

شكرااااا لك

[سفير الأيام]

راني سامعتها اغنية الله اعلم
المهم فايتا عليا

شكرااااا لك
لا أعشق الأغاني والموسيقى لكنني اعشق الكلمات

والمعاني

[aruis]

3ajbatnii BeZzaff b1 Diiiit

[khalida lana]

salam???ma3labalich chkon exactement mais hasa na3rfek "AD..." bravo!!

[سفير الأيام]

3ajbatnii BeZzaff b1 Diiiit



salam???ma3labalich chkon exactement mais hasa na3rfek "AD..." bravo!!



شكراااا

aruis

على الرد هي فعلا معبرة لكن لن يفهم معناها إلا من عاشها

تحياتي لك


أما بالنسبة لخليدة

ربي يحفظك

فعلا .................. AD????

شكرااا لك تحياتي وإمتناناتي

نتمنى ان تفيدي وتستفيدي

[daoud17]

واش نقول ... بحثت فى المعاجم و المستندات و فى الجامعات و الكليات عن عبارة تصف
اعجابي بيك يا سفير الايام فلم اجد لا املك الا ان اقوول

بارك الله فيك و يعطيك الصحة يا الشيخ

دمت لنا

[سفير الأيام]

انشودة تعجبني كثيرااا اهديها لك

ولكل عاشق للكلمات الطيبة

http://www.youtube.com/watch?v=aDZVC8Ln6q4

[omar_gs13]

شكرااااا لك

[سفير الأيام]

ربي يحفظك عمر

سرتني طلتك