طمينة بونافع؟؟؟

[أم رقية نسرين]

طمينة بونافع هدي تنقال كي يعود الأمر محتم و بالسيف
شكون لي يعرف أصل هدي الهدرة ؟؟

أنتظر التفاعل منكم و لي عندو معلومة يفيدنا
شكرا لكم

[سمو امير الكلمات]

أنا شفت طيمنة قلت طيمنة لي ناكلها حتى هي طمينة بونافع ............................صحيح على كرشو يخلي عرشو لول

[أم رقية نسرين]

شكرا لمشاركتك

[berached ahmed]

الكعبوشة هي الطمينة

[الأرض الطيبة]

الطمينة هي لي نكلوها في الزيادة يعني ثلاثة أيام الأولى للمولود الجديد

[أم رقية نسرين]

شكرا لكم على المشاركة
ربما لم يكن السؤال مفهوم أنا لست أسأل عن الطمينة بحد ذاتها و لكن أسأل عن مقولة طمينة بونافع

[zenouba]

انا نقولك على المقولة هده احنا فى قسنطينة كى يعود واحد و خاصة من الرجال و يسمحولى برك ماهوش القصد باش نهينهم او نستهزء بيهم حاشا و لكن باش نفهمو الماقولة برك المهم يقولوها على واحد كى يعود طالق روحو مع الزوجة نتاعو يعنى كيما تقولو يقلها هيييه يمالا العائلة و كل من حولو يقولو بلى و كلولو طمينة بونافع يعنى و اعود بالله مسحوووووور مسكيييييين ..........
و بونافع راهو نبتة برية تصلح يللا عندهم مرض المفاصل كانو يديروها جداتنا للركب
و هدا هو اضن انكن فهمتو قصدى و ما هى الا امثال للترفيه و الضحك خلاوهانا الجدود الله يرحمهم

[zenouba]

و اصل المقولة من الشرق الجزائرى على ما اضن

[أم رقية نسرين]

تعيشي ختي ربي يهنيك
أنا تاني من قسنطينة بصح مانعرفش هدي المعلومة
يعطيك الصحة على الإفادة

[zenouba]

مرحبا يا جارتى لا شكر على واجب اختى

نتمنى ماقالهالك حتى واحد هده المقولة و ان كان العكس راكى عندك الجواب ههههههههههههههههههههههه

[أم رقية نسرين]

هههههههههههههههههههههههههههههههههه
الحمد لله هادالساعة حتى واحد ماقالهالي تعيشي ختي