المساعد الشخصي الرقمي

مشاهدة النسخة كاملة : هل مازالت الرياضيات مطلوبة في التعليم ؟

محمد عبد الحميد
2012-11-09, 19:56
بسم الله
إخواني الكرام في السنوات السابقة كان أصحاب تخصص لسانس رياضيات مطلوبون جدا في التعليم فكل من عرفتهم لديهم تخصص رياضيات هم الآن أساتذة ولكن أحسست هذا العام أن الطلب عليهم قل جدا وخاصة في ولاية الجلفة وأنا الآن في السنة الأولى رياضيات وإعلام آلي وأتوقع أنه بعد سنة أو سنتين سيصبح لسانس رياضيات لا حاجة إليه في التعليم
لذلك أرجو مساعدتي في التفكير في تخصص له حض كبير في مجال العمل وخاصة التعليم
في إنتظار آرائكم
سطايفية بكل فخر
2012-11-09, 20:33
ياخي وعلاه عليك اترك عنك هدي الافكار اقرا ولما تخلص القرياة يرحمها ربي
وزيد الرياضيات لو حتى بعد الف سنة يبقى مطلوب لانو الباز تاع كل المواد
استعد بالشيطان وصلي ثلاة الاستخارة واتكل على ربي واقراها والله تخصص ميلح حبو باش تستطيع الاستمرار فيه وتبدع فيه
محمد عبد الحميد
2012-11-09, 21:05
أختي الكريمة انا باكي 2004 يعني راني كبير في السن نحتاج قرايا لي نلقى فيها خدمة مانبقاش نسنا
والرياضيات قرايا صعيبة اذا مانتش مطلوبة علاش مانروحش لحاجة ساهلة اذا كانو كامل يخرجو للشارع
هذا الي حبيت نعرفو هل مازالت مطلوبة ولا لا ؟
على خاطر السنة برك دخلو اكثر من 500 طالب
محمد عبد الحميد
2012-11-09, 21:06
أرجو التوضيح
سطايفية بكل فخر
2012-11-09, 21:18
الله يبارك اخي الان فهمت علاه راك متخوف من الجامعة متاسفة انا كنت حاطاتك طالب جديد وعلى دلك الاساس كنت ننصح فيك
المهم اخي
ليكن في علمك شعبة الرياضيات والاعلام الالي فيها تخصصين الرياضيات وتخرجك تقري ومنكدبش عليك مش رايح تلقا الخدمة في اول عام تتخرج فيه خاصة لمكملتش ماستر راك تعرف حال ل م د في بلادنا
+
الاعلام الالي ايضا مطلوب بزاف فالشركات فالتعليم عند الحكومة راهو مجال العصر كيما يقولو وهي ايضا تلقا بيها الخدمة لو عندك ماستر
+
في حالة عدم رغبتك في دراسة هده الشعبة نحب نقلك بلي فترة التحويلا انتهت ومستحيل يبدلولك الشعبة حتى للعام القادم بادن الله
لدلك اخي نصيحتي ليك اقرا التخصص هدا العام واجتهد ادا احببت المجال اكمل فيه وادا لا حول لشعبة اخرى
وانا بدوري رايحة نساعدك فالتحويلات لاني عندي الحمد لله معلومات عن الكيفية وعن معظم التخصصات الجامعية لي موجودة ف ل م د

ونزيد ناكمدلاك المعلومة ليسانس ل م د متلقاش به الخدمة بسرعة لو يكون عندك ماستر ودوكتوراه سيكون افضل لك لدلك اخي اجتهد وليوفقك الله
+
اي تساول راني هنا تفضل رايحة نجاوبك
محمد عبد الحميد
2012-11-09, 21:29
أختي الكريمة نظن الدراسة ماعندهاش وقت كبير ملي بدات وبشوي معرفيا يقدر لواحد يتبدل
سؤالي لكي اختي الكريمة ماهو أحسن تخصص أدبي مطلوب في المسابقات ؟
agm1991
2012-11-09, 21:30
السلام عليكم ورحمة الله وبركاته
العمل موجود بإذن الله
اثنان ممن درسا معي وقد تخرجا تخصص ليسانس رياضيات, حصلا على عمل في التعليم المتوسط والثانوي .
و يوجد معي من درس اعلام الي و حصل على عملفي عامه الاول.
محمد عبد الحميد
2012-11-09, 21:35
من اي ولاية اخي انت؟
وانت هل تحصلت على عمل ؟
محمد عبد الحميد
2012-11-09, 21:38
أخي الكريم والذين تخرجا رياضيات كم سنة وتحصلا على عمل بعد التخرج
agm1991
2012-11-09, 21:38
من اي ولاية اخي انت؟
وانت هل تحصلت على عمل ؟
وعليكم السلام ورحمة الله وبركاته
انا من الجلفة
لم احصل على عمل بعد لأني لم ابحث عنه.
سطايفية بكل فخر
2012-11-09, 21:44
أختي الكريمة نظن الدراسة ماعندهاش وقت كبير ملي بدات وبشوي معرفيا يقدر لواحد يتبدل
سؤالي لكي اختي الكريمة ماهو أحسن تخصص أدبي مطلوب في المسابقات ؟

متقدرش الا بمعريفة قادرة لانو قانون الجامعة ينص على انو التحويل لازم يكون فالفترة المحددة وللاسف الفترة انتهت مند وقت طويل
+
اخي شعبة الرياضيات احسن من التخصصات الادبية وزيد علاه مقلق روحك القسم على ربي وحتى لو اردت تحول حول للشعب العلمية مثلا كاينة هندسة مدنية تابعة للتيكنو وتلقا فيها الخدمة فاسيلمون لانو مطلوبة ونزيدك معلومة ادا نجحت في عامك الاول فالرياضيات وطلبت تتحول ليها مش رايحين يقلبوك سنة اولى تطلع طول سنة ثانية على عكس الشعب الادبية رايحة تبدا من الاول
+
فالتخصصات الادبية كايين تخصصات ملاح اهمهم
لغة انجليزية
لغة فرنسية
علم مكتبيات شعبة علوم انسانية
علم نفس عيادي علوم اجتماعية
ارطوفونيا علوم اجتماعية
محمد عبد الحميد
2012-11-09, 21:45
الرجاء الإجابة اخي
محمد عبد الحميد
2012-11-09, 21:50
أختي الكريمة أنا منذ 8 سنوات لم احل تمرين واحد وأحسست ان دراسة الرياضيات والغعلام الآلي صعبة وتحتاج إلى متابعة ومراجعة يومية لذلك عندي شعور اني لن أقدر على دراستها أريد شعبة أدبية سهلة وفيها إمكانية العمل كبيرة طبعا غير اللغات لأن نقاط فيها لا تأهلني للإلتحاق بها
سطايفية بكل فخر
2012-11-09, 21:53
اخي ادا كنت حاب تقرا رياضيات رايح تتجاوز هدي المشكلة وبشوية جهد رايح تتعود وتوالف وتسترجع قدراتك
اما ادا كنت مش حابة هدي حاجة اخرى
+
راني قلتلك على احسن التخصصات حاليا والشعب الدبية فيها الحفظ بزاف ادا كنت قادر
محمد عبد الحميد
2012-11-09, 21:54
الحقيقة أنها لو كانت شعبة رياضيات تظمن لي العمل بعد التخرج مباشرة أو على الأكثر بعد عام من التخرج فاستطيع بغذن الله التحامل على نفسي ودراستها ولكن حسب ما ارى أن الاعوام القادمة سوف يتكدس اصحابها ولن يجدوا عملا
هذه هي المشكلة
سطايفية بكل فخر
2012-11-09, 22:03
انا التمس حبك للشعبة يعني راك قطعت نصف الطريق
+
اخي الخدمة رزق من عند ربي انت اقرا وحاول تدخل ماستر وان شاء الله منين تخلص تلقا خدمة
صلي صلاة الاستخارة واتكل على ربي اخي والله شعبة مليحة
وباش تزيد تقنع روحك بحكاية الخدمة روح لقسم تاع التوظيف وسقسيهم ثما وهوما يجاوبوك
انا عندي معلومات فالمجال الجامعي اكثر منها الوظيفي هكا باش تقتنع لوحدك ومتقولش غرو بيا
محمد عبد الحميد
2012-11-09, 22:15
أنا فعلا أحب الشعبة ولكن أحس أنها صعبة جدا وهذه هي المشكلة
سطايفية بكل فخر
2012-11-09, 22:26
لا يوجد شيء صعب اخي ادا اجتهدت
خاصة ف ل م د مكانش حاجة ساهلة ونمكانش حاجة واعرة االطلبة ولاو يقراو باش يجيبو ال 10
محمد عبد الحميد
2012-11-10, 14:22
المشكلة أختي الكريمة أني غير قادر على المراجعة في البيت
في الحصة نعم لا مشكلة ولكن في البيت لا استطيع فقد حاولت كثيرا ولكني أحس بملل شديد جدا
محمد عبد الحميد
2012-11-10, 14:31
ويبقى السؤال لجميع الإخوة هل مازالت الرياضيات مطلوبة في التعليم بكثرة ام ولى زمانها وسارت كغيرها من المواد ؟