سبر الاراء

[milka40]

السلام عليكم اخوتي في الله

بزاف بنات يقبلو يزوجو مع راجل معروف عليه تاع بنات كانت حياتو كامل البنات بحجة انو هاذ النوع من الرجال يكون ضعيف الشخصية و يقدرو يمشوه كيما يحبو و انو سهل التغير لكن انا برايي انو من شب على شيئ شاب عليه و هاذ النوع يكون صعيب بزاف التعامل معاه لانو يفكر قبل اي خطوة و قاري عقلية البنات كامل

واش رايكم هل الراجل النسوي يتبدل بعد الزواج

[sali-sali]

انا بالنسبة ليا يتبدل و لا لا مانقبلش بشخص كان يلعب ببنات الناس من وحدة لوحدة

وواحد ماعندهش شخصية ماعندي ماندير بيه

[tinza]

هناك معادلة حسابية سهلة
رجل لعب ببنات الناس يجيبله ربي
مرأة لعبة بولاد الناس
الطيبيين للطيبات
إلا من تاب و أصلح

[السي محمد]

كاين مثل مصري نسيته


ذنَب الكلب اعوج و لا يستقيم



او شيء هكذا

[leila ben]

كاين شباب لعبوا ببنات الناس وفي الأخير ظنوا أنهم تزوجوا بذات الدين في الواقع البنات اللي تزوجوا بيهم محترفات في الخيانة والكذب وعرفوا الكثير قبل زواجهم في النهاية الطيبون للطيبات والخبيثون للخبيثات
أما بالنسبة لي لا يمكنني الزواج من شخص لعب ببنات الناس لأني متأكدة أن الله سيعاقبه في بناته ولن أرضى بذلك لبناتي ان رزقت بهن
واللعوب لايقتنع بزوجته لأن من شب على شيء شاب عليه .........

[nibrasse76]

ممكن يتبدل لي كان خاطيه ويولي يتبع البنات ...اما لي يتبع قبل الزواج ...شهر واحد ويرجع لاحبابو

[هدى الجيجلية]

فعلا
إلي عنده الفيس
انتاع لبنات
والله ما يتعدل
ربي يهدي الجميع

[ainsoltane]

فعلا
إلي عنده الفيس
انتاع لبنات
والله ما يتعدل
ربي يهدي الجميع
ان شاء الله لكن ماذنب المسمار ياخشبة
ليكون زير زير النساء ميتبدلش اخلاص

[baalache]

طبعا لي تدي واحد تاع بنات اكيد هي كانت ذات سوابق والا فلن تقبل

[imane-2020]

كاين صح بالنسبة لي لن اقبل بيه لكن تصدقوا او لا كاين ياسر رجال نتاع بنات لكن ما يطيحو غير في بنات فامليا يمكن الطفلة ما تقبلش لكن كاين الاهل والاخوة سرتو في الجنوب لأننا مازال الاهل هم لي يختاروا لأولادهم وبناتهم
المهم انا ما نرضاش لأولادي اب كيما هك
ربي يهدينا ويسترنا وربي يرزقنا بأزواج صالحين لأننا مسؤول أمام الله على اختيارنا لآباء ابنائنا

[panpouna]

كيما تقولي جداتي "لي فيه طبيعة ما ينطبع" و "الطبيعة جبل والجبل ما يتحول"

[سجل أنا جزائري]

عندك الحق بزاف البنات يحبو نوع الرجال
لانو اكتسب خبرة كبيرة في التعامل مع البنات يعرف كيفاه يهدر معهم

و الفتاة التي تنجذب الى نوع من الرجال اراها غبية فتظن انها ظفرت بشاب رائع التي تحلم به و لا تعرف المسكينة انها ما هي الا رقم في لائحته الطويلة .....

[رُقية]

انا نقولك حاجة ماندير الامان حتى في واحد على خاطرش الوقت راه يفرض علينا الحدر حتى من اقرب الناس لينا ومانغلطكش نقولك يتبدل على خاطرش هدي دنيا وكل يوم تجيبلك الجديد