يا خــاوتي قلولي وش نديــٍر مع صحـبتـي ,,

[staifia]

عندي صحبتي هي لانتيم تاعي .....
من قبل ما نطلعوا للجامعة كنا لاباس ... كأي بنات يقراو يضحكو يلعبو ويدرسوا ....
بعد ما جبــنا البــاك وطلعنا للسنة الاولى جامعي ... بدات الطفلة تتبدل و تصرف بطريقة غريــبة ,,,
متجيش تقرا تتأخر ع المحاضرة ,,, تجي غير للحصص التطبيقية واحيانا تراطيهم طوووووووول :o
المهم ...
هكدا هكدا واحد النهار حكمتها قتلها ضرك تفهميني وش راكي ديري انا كان علابالي بلي عندها حبيبها ...
بصح كانت تتكلم عليه بطريقة وانا لما شفت بعيني قسما بالله انصدمت
كي العادة نروحوا لصباح نقراو انا ندخل نقرا وكي تحكم الطريق ومتجيش حتى العشية كي نكونوا مروحين ...
واحد النهار قاتلي استنايني اني جاية برا الجامعة ,,, استنيتنا حتى جات بالسيارة مع سي خونــا ....
وتجيني الصدمة تاع الصــح ,,, شكون حبيبها :sdf: :sdf::sdf:
استاذ اللغة الفرنسية لي كان يقرينا في الليسي ..... عمروا قد باباها شايب عايبـ ومتزوج وعندو 2 اولاد منيش نضحك ونعكي على خلق ربي
مي راني نهدر في الواقع ...
قاتلي هدا هو حبيبي ...... بهاد الهدرة ,,,
اانا كاي وحدة تحب الخير والنصح لصحبتها كي اختي اواكتر ,, ياما حاولت ننصحها و نفهمها بلي راهي في الطريق الغالط وراهو غير يجيب بيك الوقت هو راهو شابع من الدنيا و غير يتمسخر بيك
المشكل هي ما خصها والو لاباس عليها ما عندهم مشاكل في الدار ما واااالو .....
مرة دارت معاه حادث في الطريق قريب ما ماتوا هكداك و ماداتش العبرة .... وشاعت بيها ووصل الخبر لدارنا وقالولي بعدي عليها ومتزيديش تمشي معاها ... مي انا مقدرتش الله غالب حشمت نقولها ..
وبقات مكملة معاه لحد االان ,,
قلولي كيفاش ندير معاها والله ماني نرقد الليل ,,, مقلقني حالها بزاف
وهي تقلي انا je ss bien avec lui ... وصلت وين قاتلي وش دخلكـ فيا ,,,,
ملقيتش وش ندير معاها ... ضرك راهي في 3 سنين وهي هكدا من الباك وضرك رانا في السنة الثانية
اسمحولي طولت عليكم مي قلبي راه معمر منهاااااااا
احــترامـــي

[كاميلا]

عندي صحبتي هي لانتيم تاعي .....
من قبل ما نطلعوا للجامعة كنا لاباس ... كأي بنات يقراو يضحكو يلعبو ويدرسوا ....
بعد ما جبــنا البــاك وطلعنا للسنة الاولى جامعي ... بدات الطفلة تتبدل و تصرف بطريقة غريــبة ,,,
متجيش تقرا تتأخر ع المحاضرة ,,, تجي غير للحصص التطبيقية واحيانا تراطيهم طوووووووول :o
المهم ...
هكدا هكدا واحد النهار حكمتها قتلها ضرك تفهميني وش راكي ديري انا كان علابالي بلي عندها حبيبها ...
بصح كانت تتكلم عليه بطريقة وانا لما شفت بعيني قسما بالله انصدمت
كي العادة نروحوا لصباح نقراو انا ندخل نقرا وكي تحكم الطريق ومتجيش حتى العشية كي نكونوا مروحين ...
واحد النهار قاتلي استنايني اني جاية برا الجامعة ,,, استنيتنا حتى جات بالسيارة مع سي خونــا ....
وتجيني الصدمة تاع الصــح ,,, شكون حبيبها :sdf: :sdf::sdf:
استاذ اللغة الفرنسية لي كان يقرينا في الليسي ..... عمروا قد باباها شايب عايبـ ومتزوج وعندو 2 اولاد منيش نضحك ونعكي على خلق ربي
مي راني نهدر في الواقع ...
قاتلي هدا هو حبيبي ...... بهاد الهدرة ,,,
اانا كاي وحدة تحب الخير والنصح لصحبتها كي اختي اواكتر ,, ياما حاولت ننصحها و نفهمها بلي راهي في الطريق الغالط وراهو غير يجيب بيك الوقت هو راهو شابع من الدنيا و غير يتمسخر بيك
المشكل هي ما خصها والو لاباس عليها ما عندهم مشاكل في الدار ما واااالو .....
مرة دارت معاه حادث في الطريق قريب ما ماتوا هكداك و ماداتش العبرة .... وشاعت بيها ووصل الخبر لدارنا وقالولي بعدي عليها ومتزيديش تمشي معاها ... مي انا مقدرتش الله غالب حشمت نقولها ..
وبقات مكملة معاه لحد االان ,,
قلولي كيفاش ندير معاها والله ماني نرقد الليل ,,, مقلقني حالها بزاف
وهي تقلي انا je ss bien avec lui ... وصلت وين قاتلي وش دخلكـ فيا ,,,,
ملقيتش وش ندير معاها ... ضرك راهي في 3 سنين وهي هكدا من الباك وضرك رانا في السنة الثانية
اسمحولي طولت عليكم مي قلبي راه معمر منهاااااااا
احــترامـــي

السلام عليكم اختي الصطايفية
انت ماعليك غير النصح والارشاد ولكان محبتش تستمع ليك اخطيك منها هادي ماشية في طريق خطر جدا وقادرة تجي ديري الخير يتقلب عليك لا حول ولا قوة الا بالله

[مريم الصابرة]

السلام عليكم اختي
وحدة تنصحيها وهي عاجبها الحال وزاد قاتلك واش دخلك اختي خليك منه ربي يسهل عليها المهم إنت ما تحرقيش روح على جالها يقولك كيفكيف خليك منها ما قدرت لا صداقة لا والو وديجا لو كانت تقدر لو قدرت ثقة والديها فيها وزيد مع استاذها العجب رانا نسمعو فيه خليك منا قلتيلها وما سمعتش خلاص خليها ربي يهديها زيدي حاولي معاها لآخر مرة ما حبتش خلي علاقتك معاها داخل الجامعة وفي حدود الدراسة ما تورحش معاها ما تجي معاها ربي يهدينا شكرا

[staifia]

السلام عليكم اختي الصطايفية
انت ماعليك غير النصح والارشاد ولكان محبتش تستمع ليك اخطيك منها هادي ماشية في طريق خطر جدا وقادرة تجي ديري الخير يتقلب عليك لا حول ولا قوة الا بالله

وعليكم السلام حبيبــتي ...
انا لي عليا درتو ونصحتها 1000 مرة لكن دون فائدة كي شغل نهدر مع حيطـ ...
فرحانة بروحها و الله ما علابالها بيها ادا طابت ولا تحرقتـ ...
ربي يهديها ان شاء الله انا غاضوني اهلها يحسبوها تروح تقرا وهي تروح دير دعاوي الشر ...
اللهم استرنا حتى يسترنا الترابـ
اسعدني مروركـ ... ربي يحفظكـ

[السي محمد]

وانتي وش ددخلك؟؟؟؟

:mad::mad::mad::mad::mad:













































امزح فقط

جزاك الله خيرا و بارك فيك

و ربي يثبتك على الحق و طريق الحق







الشيء الاول

انك انتي تحصّني نفسك و تصوني نفسك و تعتبري منها

بان لا تقترفي نفس الخطا

حتى تكوني قدوة ليها:19::19::19:

و تسمع كلامك لانك محافظة على نفسك
:rolleyes::rolleyes::rolleyes::rolleyes::rolleyes: :rolleyes:


الشيء الثاني الرفقة الصالحة

اختاري رفقة صالحة

حتى لا يجرفك التيار العنيف الي لا يبقي و لا يذر

و حاولي انك تدخليها في المجموعة الصالحة



فالذئب يأكل من الغنم .....القاصية


ثالثا ادعيها و ادعيلها

و حاولي تكوني معاها اغلب الوقت -- إذا قدرتي --و تمنعيها من اللقاء به

و بان تحكيلها قصص السابقات في طريق الخطأ

او تعرفيها ببنات فعلوا نفس الخطا وكيف كانت نهايتهم سوداء

رابعا هدديها بإخبار اهلها


و بان مصيرها سيكون التوقيف من الدراسة

و نقمة الاهل خصوصا الاخوة الذكور


خامسًا


اذا هذا الدبدوب يحبها و يحترمها--و انا اشك في هذا--

فلتطلب الخطبة و العقد الشرعي حتى تكون في السليم

او تفترق عنه

ساعود ان شاء الله

[staifia]

السلام عليكم اختي
وحدة تنصحيها وهي عاجبها الحال وزاد قاتلك واش دخلك اختي خليك منه ربي يسهل عليها المهم إنت ما تحرقيش روح على جالها يقولك كيفكيف خليك منها ما قدرت لا صداقة لا والو وديجا لو كانت تقدر لو قدرت ثقة والديها فيها وزيد مع استاذها العجب رانا نسمعو فيه خليك منا قلتيلها وما سمعتش خلاص خليها ربي يهديها زيدي حاولي معاها لآخر مرة ما حبتش خلي علاقتك معاها داخل الجامعة وفي حدود الدراسة ما تورحش معاها ما تجي معاها ربي يهدينا شكرا


وعليكم السلااام ...
راكي تشوفي يا ختي .. هداك هو الصح تخطي راسي بركـ ,,, نرومالمو دارت اكسيدون معاه تعرف لي راه اندار من عند
ربي مي هي عينيها تعماو ,,, خمت على روحها حتى تخمم على والديها ....
صارت تقلقني بزاف والله
شكرا على مرورك حبيبتي...

[sarl02]

اتخلطت بكراع قط وين رانا رايحييييييييييييييييييييين يا شعب .

[sali-sali]

هدي ماعندهاش في راسها و هو راه لاعبلها على عقلها

كون انا نحكمه نهدر معاه هو نقوله احشم
بنت في عمر بنته يلعب بيها و لا ماعلاباليش
هديها هيا قوليلها تمشي طريق صحيح و لا نخبر اهلك و حتى هو ادا تقدري عليه قوله نوصلها لدارك و خلي كيما جات تجي على خاطر يستاهل تخرب بيته

وادا ماحبتش تفهم روحها خليها حتى تجيبها في عمرها المهم انتي درتي لي عليك و ربي يجازيك كل خير

[السي محمد]

اتخلطت بكراع قط وين رانا رايحييييييييييييييييييييين يا شعب .


كراع كلب

اعزكم الله

[staifia]

ههههههههههههههه الله غالب ياكلني قلبي بزاف منقدرش نسكت :mad::mad::mad:
انا الحمد لله علابالي بروحي منروحش في طريقها ,,, علابالي اي بنت معرضة للخطا ...
لكن البنت لي تكون تخمم بعقلها وحاجة ما تغرها ,,, ديما تلقا روحها في طريق الصوابـ ...
هادي صحبتي مسنطحة في راسها :mad:
ياو علابالها بالقصص والفضائح تاع البنات مي خلاص متخاف من والو والله يا الخوف ما تعرفو طول
حنا صحابات في 4 غير هي لي خرحت الخرجة هادي
وندعيلها ديما , ونهاوشهاونجرحها وننصحها كي شغل ماهدرتش ...
وزعما زعما جا خطبها مي قالولها تاع دارهم والله ما تصرا يعني مقبلوش وباقية معاه
ما فهمتش وش في راسها...
:confused::confused::confused::confused::confused: :confused::confused:
شكرا لمرورك خيو السي محمد

[staifia]

اتخلطت بكراع قط وين رانا رايحييييييييييييييييييييين يا شعب .

بكراع كلب ... ههههههههه حشاك .. رايحيين ماشيين وخلاص

[staifia]

هدي ماعندهاش في راسها و هو راه لاعبلها على عقلها

كون انا نحكمه نهدر معاه هو نقوله احشم
بنت في عمر بنته يلعب بيها و لا ماعلاباليش
هديها هيا قوليلها تمشي طريق صحيح و لا نخبر اهلك و حتى هو ادا تقدري عليه قوله نوصلها لدارك و خلي كيما جات تجي على خاطر يستاهل تخرب بيته

وادا ماحبتش تفهم روحها خليها حتى تجيبها في عمرها المهم انتي درتي لي عليك و ربي يجازيك كل خير

هي مدايرة في بالها بلي يحبها ...
هدرت معاه خطرة وقالي انا نحبها قتلو الله يساهل ...
منقدرش نهدر انا معاه معندي ما داني ليه ...
مرتو واولادو علابالهم بيها .... وما نقدرش نقول لأهلها انا

[اكرامو26]

فهميها وقوليلها كي تكمل الجامعة تندم على هذا الوقت انت انصحيها الى ما حبتش ادعيلها في الصلاة ماكنش خير من ربي وربي يهديها ويبعد عليها هذا الشيخ

[panpouna]

يا ختي ما دامت النصيحة ما فادتش بعدي عليها خيرلك ما تولي فلمشاكل و الناس تولي تهدر عليك بسبتها..ما تقوليلهاش في وجهها بصح بعدي عليها يعني كي تعيطلك ف التليفون ما ترديش وادا تلاقيتي بيها ما تقعديش معاها قوليلها عندك شغال حتي تخطيك وحدها

[staifia]

فهميها وقوليلها كي تكمل الجامعة تندم على هذا الوقت انت انصحيها الى ما حبتش ادعيلها في الصلاة ماكنش خير من ربي وربي يهديها ويبعد عليها هذا الشيخ

هي ماهيش تاع هدرة وفهامة ,,, مفادتش معاها ,,,, اني ندعيلها هدا ما املك من اجلها
ربي يهديها ويوريلها طريق الصواب
شكرا لمرورك خيتو

[staifia]

يا ختي ما دامت النصيحة ما فادتش بعدي عليها خيرلك ما تولي فلمشاكل و الناس تولي تهدر عليك بسبتها..ما تقوليلهاش في وجهها بصح بعدي عليها يعني كي تعيطلك ف التليفون ما ترديش وادا تلاقيتي بيها ما تقعديش معاها قوليلها عندك شغال حتي تخطيك وحدها

هدا هو الحل الصح لازمني نبعد عليها حبيبتي وتعز عليا وربي عالم
نتأسف بزاف لحالهـــا ...
شكرا لمرورك اختي الغالية و انتي تاني ان شاء الله تتحسن حالتك للافضل

[meriem hanin]

انتي نصحتيها و درت الي عليك و قاتلك انتي واش دخلك فينا ايمالا اجبدي روحك و يجي نهار و تفيق بروحها -ان شاء الله برك مايمونش فات الحال- وزيد اتفكري داركم قالولك بعدي عليها ايمالا المرة الجاية كي يعرفو بلي مزلتي معاها هاذاك الوقت شوفي واش تقوليلهم
تفبلي احترامي و تحيباتي ليك و كامل ناس سطيف

[wafa16]

بعدي عليها
لايحسبوك كيما هي
انا نعرف هاد النوع من البنات ادا نصحتيها ما تسمعش و تزيد اطول لسانها معاك راكي تقولي دارت حادث و ما اعتبرتش
لازملها ضربة ربانية اخرى
راكي تقولي ماعندهاش مشاكل
امالا ماتغيضش
لازم حتى يرميها باش تفهم

[sarl02]

كراع كلب

اعزكم الله

ها راك اضربتها بالفاس يعطيك الصحا :19::19:

[nibrasse76]

يا جماعة راكم كامل قريتوا فالجامعة وتعرفوها مليح ...هذا الصنف موجود بكثرة ...ربما بنسبة خمسين بالمئة ...ايامها حبيت نعرف كيفاش يفكروا البنات هاذوك ...وحده منهم قاتلي انا نعيش اياماتي فالجامعة باللحظة والدقيقة ..ونستمتع بيهم اكبر قدرممكن ....وكي نروح لدوارنا ...لازم نحكم خدمة بأي طريقة ...وساعتها نقدر نضمن الزواج بأي كافــ...........نجيب منو اولاد وخلاص ...؟؟؟؟
ـــ هذه هي قصة هؤلاء ونظرتهم للحياة واسلوب العيش فيها .

ــ الاغرب ان بعض هؤلاء نجحن فعلا في ترتيب امورهم كما كان مخططا لها بالضبط .واليوم هن سيدات بيت واطارات في المجتمع ...والخطير ان هذا النموذج اصبح هو الاسلوب الناجح والعملي المتداول بين الفتيات لتحقيق احلامهمم .

[karim vovinam]

السلام عليكم
أختي هذي شوية خدمة و بزاف حسانات جاوك و هذي صحبتك متضيعيهاش و دعيلها و قوليلها بالاكي يفوت عليك القطار و السلام عليكم

[**د لا ل**]

ما عندي ما نقول صراحة
غير ان انصحك بالابتعاد عنها
فقد تدخلك في مشاكل انت في غنى عنها
انا اعلم بانها صديقتك المقربة لكنكِ قمتي بواجبك اتجاهها بنصحها وارشادها
ولكن يبدو ان هذا الشخص مسيطر عليها تماما
المشكلة في الموضوع انها كانت على علاقة به منذ الثانوية اي انها كانت قاصر
وقد كانت هناك فرصة لو كنت على علم بعلاقتهما
بان تبلغي عنه الادارة وهي ستتصرف
لكن فات الوقت
لذا
عليكي بالابتعاد عنها
وربي يهديها