قطع وارمي...المقطعة...ثيقزيرث أوجنوي...ادخلو ومدولي رايكم

[ام ملاك.]

السلام جبتلكم اليوم الماكلة اللي يديروها قع الجزائريين مي كل واحد واش يسميها
احنا بالعربية نقولولها قطع وارمي وكاين اللي يقوللها المقطعة والقبايل يقولولها ثيقزيرث الموس

نخليكم مع الصور اللي راح يفهموكم كل شي



انا هنا نحب ندير الخضر قع اللي متوفرة عندي كيما راكم تشوفو زرودية بطاطا لفت بصل كورجيت توم فلفل حار
http://im20.gulfup.com/nvMj1.jpg



هنا توجدي عجينة تحبي بالسميد رقيق ولا الفرينة انا خدمت بالفرينة تلميها بالما والملح برك

http://im13.gulfup.com/UkyA1.jpg



وهنا تديريها في النيلون وتخليها ترتاح

http://im13.gulfup.com/Aufl2.jpg





هنا تحذي البصل والثوم يتقلاو ومن بعد تزيدي الخضرة قع والطوماطيش نتاع بواط والتوابل راس الحانوت فلفل لكحل ملح جومبو فلفل عكري
http://im28.gulfup.com/Cdw61.jpg


وتمرقي بالما

http://im18.gulfup.com/MJlg1.jpg



تشدي العجينة وترشي تحتها بزاف فرينة وتبداي تفتحيها لازم تكون رقيقة
http://im19.gulfup.com/3H0g1.jpg




كيما هنا قد ماتكون رقيقة مليح
http://im27.gulfup.com/5CiN1.jpg





وتعمريها من الفوق بالفرينةوتقسميها شرائط كبار كيما راه باين
http://im28.gulfup.com/HKiS1.jpg




وتزيدي تديري الفرينة وترفدي كل شريط فوق خوه كيما هكذا ولازم تكون الفرين بزاف بيناتهم باش مايلصقوش

http://im28.gulfup.com/gbSy2.jpg



وتبداي تقطعي بالموس رقيق
http://im28.gulfup.com/lLqw3.jpg



كيما هكذا وتديرلها الفرينة باش يبقاو متفرقين
http://im21.gulfup.com/zFHe1.jpg



وكي تطيب المرقة نتاعك والخضرة اللي فيها ترفدي العجين اللي خدمتيه وتغربليه باش تهبط قع الفرينة اللي درتيها

http://im21.gulfup.com/9fO82.jpg


وكي تتغربل مليح ارميها داخل المرقة وحركي بسرعة باش ماتلصقش في بعضها وتخليها تطيب من 15 دقيقة لعشرين لازم يطيب ملبح العجين

http://im21.gulfup.com/ZHIS3.jpg


وهنا كي طابت
واللي تردلي تاكل مغرفة وتخلي للبقية:1:

http://im21.gulfup.com/Kf3Q4.jpg

هاذ الماكلة تحب الحار بزاف واللي حاب يديرلها اللحم يديرلها
واش رايكم؟؟؟:mh31::mh31:

نستنا ردودكم

[أم ياسين الزهراء]

اهنا يسموها المقطعة يعطيك الصحة

[حياتي نبع امل]

امممممممممممممممممممممم مونية يا مونية نموت عليها يعطيك الصحة شهيتينى
انا عجوزتي جوزها فى الماكنة تاع البقلاوة وتقطعها فى جهة الرشتة العريضة يجيو طوال
بالصح نجرب طريقتك فى اعدادها عندي بزاف ما درتهاش
بارك الله فيك

[ام ملاك.]

امممممممممممممممممممممم مونية يا مونية نموت عليها يعطيك الصحة شهيتينى
انا عجوزتي جوزها فى الماكنة تاع البقلاوة وتقطعها فى جهة الرشتة العريضة يجيو طوال
بالصح نجرب طريقتك فى اعدادها عندي بزاف ما درتهاش
بارك الله فيك
هي كل واحد كيفاش يديرها احنا ماما كانت تفتح العجينة كبيرة وتروليها ومن بعد تقطعها كي تزوجت لقيت عجوزتي تديرها هكذا عجبتني طريقتها خاطرش تجي رقيقة بزاف
والله لوكان قدامي نوكلهالك حتان تشبعي منها

[ام ملاك.]

اهنا يسموها المقطعة يعطيك الصحة
يعطيك الصحة حنونة على الرد

[أم عائشة 10]

يعطيك الصحة باينة بنينة هذه الأكلة مانعرفهاش راح نجربها
مشكورة

[ام ملاك.]

يعطيك الصحة باينة بنينة هذه الأكلة مانعرفهاش راح نجربها
مشكورة
والله بنينة سورتو كي تكون حارة

[ام ملاك.]

وين راكم يالبنات؟؟؟؟؟؟؟؟؟؟

[ryma la cool]

هايلهههههههههههههههه حنا ثاني نديروها بالصح بلا خضره لازم نجربههههههههههههههههاااااااااااااا

[لينا11]

باينة بنينة حنونة
مالفة نديرها بصح نخليها مورصوات كبار يعني مانقطعهمش وتجي بنينة تسخف ممممم
قريبة شتاء نشبعو منها وتاعك جات تشهي ممممممممم

[le chameau]

اول مرة نشوف هذه الاكلة وعد سوف نجربها يوما ما حنا فى الصحراء ما نعرفوهاش

[djamilach]

بارك الله فيك فكرتينا بزمان الجدة.وكي كناصغار

[ام ملاك.]

يعطيكم الصحة فرحتوني وطلعتولي المورال علابالي ماعجبتكمش
مي الحمدلله كي عجبتكم

[oum anas 69]

mmmmm chahatni tlik fi lberd w mliha li 3andou la gripe hna nsamouha haswa w mgat3a basah ndirouha bla khodr ya3tik asaha ya fahla w nousssssssss

[ام ملاك.]

انا نحب الخضر بزاف واي ماكلة فيها عجين نعمرها خضرة للتوازن الصحي

[ام ملاك.]

وين راكم يالبنات

[*عاشقة الجنة*]

يعطيك الصحة يا لحبيبة
شكله رائع ويسخف

لا غنى عن الاطباق التقليدية

[ام ملاك.]

الله يسلمك حنونة صح انا واحدة نموت على الطباق التقليدية واشنة نديرلهم تعديل نزيدلهم توجور الخضرة على بالك اللي تقليدي قع عجين

[kokotg]

والله فكرتيني فيها
ربي يخليك

[ام ملاك.]

طيبيها غدوة ان شالله
نقصر معاك مرسي حنونة

[عبد الناصر أمازيغ]

السلام عليكم

اسمحولي ، رغم أني رجل ، بصح أنحب ندور في الكوزينة باش نشم شوية .
صح في منطقة القبائل نسموها ثاقزارث أوجنوي thagzarth ujenwi ، لكن في قرينا العجينة نصنعوها بالدقيق ، و لما نقطعوها نفوروها مثل الكسكس ، و بعد ما تطيب ، نغليوها في المرق حتى تتشمخ مليح ( الكمية اللي رايحين نستهلكوها برك ) ، و الباقي نخبيوها للأيام الموالية .

أما المرق نضيفولها في هذا الوقت الكابوية ( اليقطين ) و اللوبيا الخضرا ، و في الربيع نديرولها الفول الأخضر ، بالإضافة للخضر البرية المتوفرة في الموسم ، ما ننساوش نطيبو في المرق بعض حبات الفلفل الأحمر الجاف (الحار) باش كل واحد يهرس وحدة في الصح نتاعو .

يعطيك الصحة كي فكرتيني فيها ، يعني غدوا عشانا رايح يكون " اقطع و ارمي "

[ام ملاك.]

يعطيك الصحة خويا صح كل واحد وكيفاش يديرها انا نحبها بالخضر قع هذاك واش كان متوفرلي
وتحب الحار بزاف
يعطيك الصحة

[ام يوسف 2737]

الله يعطيك الصحة في مدينتي يسموه بو فتاتة

[ام ملاك.]

سبحان الله ماكلة واحدو وكل واحد واش يسميها
يعطيك الصحة حنونة

[صفاء البحر]

مممممممممممممممممممم نحبها سورتو في الشتاء ماما كانت ترفدها على يدها و تقطع و ترمي مورسوات صغار و كانت ترمي فيها ورقات زعتر واش نقولكم سيرتو كي يكون الواحد زدران و الله ينوض كي لحصان برافو يعطيك الصحة زيديلها رشة حشيش مممممممممممممممممممممممممممممممممممممممممممممممممم ممممممممممممممممممممممممممممممممممممم

[بيلسان11]

بارك الله فيك أختي أنا ما نعرفهاش بصح أكيد راح نجربها لا خاطر عجبتني فكرتها باينة بنينة,

[*ام رامي*]

اممممممممممممممممممممممم سخفتيني فيها نموت عليها احنا نسموها الحسوة او المقطعة ونديروها بلا خضر
يعطيك الصحة

[jia-smile]

امممم حنا نديروها بزاف فالشتا ونسموها اورشيمت
يعطيك الصحة مونيا

[doha djaz]

احنا نسمو ها ترشة ندريه الشحم

[doha djaz]

شكرا على الوصفة

[راجية عفو الله]

يعطيك الصحة

[ام ملاك.]

صباح الخير عليكم
يعطيكم الصحة حنوناتي

[ام ملاك.]

مممممممممممممممممممم نحبها سورتو في الشتاء ماما كانت ترفدها على يدها و تقطع و ترمي مورسوات صغار و كانت ترمي فيها ورقات زعتر واش نقولكم سيرتو كي يكون الواحد زدران و الله ينوض كي لحصان برافو يعطيك الصحة زيديلها رشة حشيش مممممممممممممممممممممممممممممممممممممممممممممممممم ممممممممممممممممممممممممممممممممممممم
صحيتي ماكانش عندي الحشيش علابيها مادرتش توحشتها وقلت نديرها وبزاف حوايج ناقصيني مي جات هايلة

[soriaalg]

مانعرفهاش هذي الاكلة لكنها تستحق التجربة شكرا لك

[ام ملاك.]

بارك الله فيك أختي أنا ما نعرفهاش بصح أكيد راح نجربها لا خاطر عجبتني فكرتها باينة بنينة,
جربيها ورديلي الخبر بنينة بزاف سورتو بالحار

[ام ملاك.]

اممممممممممممممممممممممم سخفتيني فيها نموت عليها احنا نسموها الحسوة او المقطعة ونديروها بلا خضر
يعطيك الصحة
الله يسلمك حنونة

[ام ملاك.]

مانعرفهاش هذي الاكلة لكنها تستحق التجربة شكرا لك
جربيها ورديلي الخبر

[nivine05]

في باتنة نسميوها المقرطفة ،مليحة حارة مع البرد يعطيك الصحة

[ام ملاك.]

يعطيك الصحة
الله يسلمك حنونة

[ام ملاك.]

في باتنة نسميوها المقرطفة ،مليحة حارة مع البرد يعطيك الصحة
صح نتاع برد وتجي حارة امممممممم
صحيتي حنونة

[sousain]

سقسيت ماما قاعدة معايا عجبتها و قالت كالسباقيتي يعطيك الصحة

[ام ملاك.]

الله يسلمك حنونة جربيها ويوفي ياكلوها قع سورتو بالحار سلميلي على ماماك

[sassah]

Merciiiiiiiiiiiiiiiiiiiiiiiiiiiiiii

[oumraja]

يعطيك ألف عافية بصّح تحلّيها بيدك ولاّ بالحلّال ولعجينة تكون طريّة شويّة ولاكيفاش بوركت

[ام ملاك.]

شوفي اختي نفتحها بالحلال رقيقة ولابات نتاعها لازم تكون ماشي طرية بزاف تكون حاكمة روحها باش تعطيك الطوع في خدمتها

[فراشات العمر]

احنا نقولولها الحسوة

[ضحى تسابيح]

أكلة شهية.................... تسلم ايدك

[lyna2007]

هايلة بارك الله فيك حتى حنا نديروها بصح قطع اكبر من هذه

وهي فعلا اكلة شتوي لذيذة جدا

[ام ملاك.]

احنا نقولولها الحسوة
صحيتي حنونة

[ام ملاك.]

أكلة شهية.................... تسلم ايدك


الله يسلمك حنونة جربيها

[فراشات العمر]

لاكن احنا طريقتنا هي كبما درت انت بصح اما نحلوها بالحلال نذرو الرطب ونروليوها ما الجهتين يعني من الحافة الاولى حتى للنصف ثم من الحافة المقابلة حتى للنصف من بعد نفصلوهم بالموس ونقسموهم على اربع من بعد نقطعوهم

[ام ملاك.]

هايلة بارك الله فيك حتى حنا نديروها بصح قطع اكبر من هذه

وهي فعلا اكلة شتوي لذيذة جدا
الله يسلمك حنونة

[ام ملاك.]

هايلة بارك الله فيك حتى حنا نديروها بصح قطع اكبر من هذه

وهي فعلا اكلة شتوي لذيذة جدا
صحيتي حنونة

[jackin]

http://www.mkgedu.gov.sa/up//uploads/images/mkgedu-f1fcd08318.gif

[ام ملاك.]

صحيتي حنونة

[it's me]

yaaaa mounia supprimi chwia brawat hhhh bch neb3athlak

[halima574]

تبان بنينة راح نجربها ان شاء الله

[ام ملاك.]

راني سويريميت لقيتو معمر بحوايج مافيهمش فايدةههههههههههههههههه
ومرسي اختي جربيها وشوفي

[terrou]

3ejbetni yasser had lmakla ahna mana3rfohach fi echark nsseyiha nchallah merciiiiiiiiii

[ام ملاك.]

الله يسلمك حنونة جربيها ورديلي الخبر

[kokotg]

درتها البارح 4444444444444444444444444

[ام ملاك.]

بصحتك عجباتك ؟
لوكان برك حطيتي الصورة نتاع الطبق اللي درتيه

[kokotg]

بصحتك عجباتك ؟
لوكان برك حطيتي الصورة نتاع الطبق اللي درتيه

والله دخلنا فيه ونسيت ماصورتش كنا نديروها زمان وملي ماما ماولاتش تقدر تحل بالرولو ماولاتش تديرها وانت فكرتيني
كي جيت البارح من الخدمة ماريحتش دخلت طول للكوزينة وما فهموا والو ههههههههههههه
حتى الليل قالولي فكرتينا في زمان
راني معولة انشاء الله نزيد نخدمها ونيبسها
مشكورة مونية:19::19::19:

[ام ملاك.]

بصحتكم
ايه تقدري تخدميها وخليها تيبس برك فرقيهم على بعض من ذاك حتان تنشف ومن بعد خبيها في الكونجيلاتور
انا كي درتها السمانة اللي فاتت بقالي شوية وحطيتو فوق الفريجيدار ييبس ونسيتو حتى لقيتو خسرلي مزية غير شوية برك

[amel_star]

بارك الله فيك

[kokotg]

بصحتكم
ايه تقدري تخدميها وخليها تيبس برك فرقيهم على بعض من ذاك حتان تنشف ومن بعد خبيها في الكونجيلاتور
انا كي درتها السمانة اللي فاتت بقالي شوية وحطيتو فوق الفريجيدار ييبس ونسيتو حتى لقيتو خسرلي مزية غير شوية برك

بارك الله فيك

[ام ملاك.]

بارك الله فيك
الله يسلمك حنونة

[~ حراير ~]

أختي العزيزة السلام عليكم و رحمة الله تعالى و بركاته أولا
راني من شدة دهشتي و اعجابي و حيرتي ؟؟؟؟؟؟ كنت راح نبدأ الكلام دون سلام
المهم راني أول مرة انجاوب و انشارك في هاد القسم
و ردي جا من شدة اعجابي بالأكلة لكني نأكدلك يا اختي أنه مش كل الجزاير تعرف هاد الأكلة ... احنا في بسكرة ما نعرفوهاش اخلاص اخلاص

و تخيلي قبيلة برك و لما تعشينا عشاء الموسم و اعجب رب البيت به كثيرا ..... قعدت انفوخ عليه و انعاود على أكلات البساكرة و لذتها و تفردها ووووووو و إذا بي أفاجأ بهاته الأكلة الغريبة عنا حسيتها من إيطاليا
شوفي حنونة غدوة راني مدايرتلو الmenu انتاعه نهار السبت راح انديرها و نردلك الخبر .... لكن يا ريت تعطيني Les astuces انتاوعها باش تخرجلي زينة كيما انتاعك .....

[ام ملاك.]

شوفي حنونة مافيهاش بزاف حوايج اول حاجة
يعطيك الصحة على الرد اللي يطلع الراس للفوق وفرحتيني بلبزاف
شوفي لازم المرقة نتاعك تكون بنينة ديري كيما درت كامل خطوة بخطوة واشنو حبيبتي تزيدي الحار خاطرش تحب الحار مليح وحبيتي تزيدي جومبو ديري 2 في بلاصة واحدة برك والمرقة كيما درتها وتحبي تزيدي في الخضرة مثلا اللوبيا مونشتو والكابويا تخرجلك روعة جربيها ورديلي بالخبر راهي جربتها واحدة من البنات وقاتلي خرجت فور كلاوها قع بسلامتهم سورتو اذا كان راجلك يحب ماكلات نتاع العجاجن رايحة تعجبو ان شالله
قوليلي كيفاش خرجتلك وصوري الطبق النهائي وحذيلنا التصاور ماتنسايش
صح بساكرة معروفين بالماكلة البنينة سورتو الدوبارة وبومفور والشخشوخة والزرير نموت عليه

نسيت نقوللك زيديلها كسبر حشيش مقطع رقيق كي تطيب تجي امممممممممممم

[الصوامعية]

يعطيك الصحة مونية أول مرة نشوف هذا الطبق يبان هايل ويوالم في أجواء البرد والثلوج

[http://im20.gulfup.com/OB8m1.jpg (http://www.gulfup.com/?nEZ7rd)

http://im20.gulfup.com/fSWc2.jpg (http://www.gulfup.com/?fUsi7c)

[ام ملاك.]

هايل انا نموت عليه وكي تجربيه رديلي بالخبر

[scorpionoir]

يعطيك الصحة شحال عندي مادرتهاش فكرتيني فيها احنا بصح ما نديروهاش بالخضرة نديرو فيها الحمض والفول اليابس والبطاطا برك ودجي هايلة .مع البرد هذا مليح غير قصعة سخونة هههههههه

[ام ملاك.]

يعطيك الصحة حنونة هي كل منطقة كيفاش يديروها انا برك نحب الخضرة وندخلها قع في اطباقي

[ام ساجد]

يعطيك الصحة مونية ك اول مرة نشوفها بصح عجبتني باينة بنينة

[kakoucha]

المقرطفة chez nous à constantine ce plat est :el mekartfa

[ام ملاك.]

يعطيك الصحة مونية ك اول مرة نشوفها بصح عجبتني باينة بنينة
الله يسلمك حنونة

[ام ملاك.]

المقرطفة chez nous à constantine ce plat est :el mekartfa
يعطيك الصحة حنونة هي كل واحد واش يسميها

[الأمنيات]

http://www.hayah.cc/forum/hayahimgcache/1/31405hayah.jpg

[nounoudjs]

ماشاء الله احنا نسميوها المقرطفة ونخدموها بالدقيق

[~ حراير ~]

السلام عليكم و رحمة الله تعالى و بركاته
مونية اختي عييت نعرف منين نبدا الهدرة معاك
لأني دخلت باش نوريلك تطبيقي
لقيت الحراير الي ردو عليا راهم هنا
فحبيت نوري رويحتي شوية نفتخر بنفسي و نكبر من شأن صنيعي و نقولك بلي بفضل تطبيقي ***انا*** رجعتلك موضوعك للقمة
هيهيهيهيهيهيه الله غالب الغرور تملكني و ماقدرتش نقاومو
راني غير نتمسخر حبيبتي مونية عندك تزعفي
اهم حاجة ان شاء الله تكوني متفكرتني منين قتلك راني راح نطبق اكلتك التقليدية الشهية و فعلا طبقتها في حينها و عاودتها مرات عديدة و عديدة
لكن هاد وين افرجت عليها الرقابة
هاو ليك الرابط ادخلي و نقطيني بصح اقل من 10/10 مانقبلش هيهيهيهيهيهيه
http://www.djelfa.info/vb/showthread.php?t=1197417

[ام ملاك.]

السلام عليكم و رحمة الله تعالى و بركاته
مونية اختي عييت نعرف منين نبدا الهدرة معاك
لأني دخلت باش نوريلك تطبيقي
لقيت الحراير الي ردو عليا راهم هنا
فحبيت نوري رويحتي شوية نفتخر بنفسي و نكبر من شأن صنيعي و نقولك بلي بفضل تطبيقي ***انا*** رجعتلك موضوعك للقمة
هيهيهيهيهيهيه الله غالب الغرور تملكني و ماقدرتش نقاومو
راني غير نتمسخر حبيبتي مونية عندك تزعفي
اهم حاجة ان شاء الله تكوني متفكرتني منين قتلك راني راح نطبق اكلتك التقليدية الشهية و فعلا طبقتها في حينها و عاودتها مرات عديدة و عديدة
لكن هاد وين افرجت عليها الرقابة
هاو ليك الرابط ادخلي و نقطيني بصح اقل من 10/10 مانقبلش هيهيهيهيهيهيه
http://www.djelfa.info/vb/showthread.php?t=1197417

ماعليش افتخري وزيدي المهم انك جبتيها خير مني
راني دخلت وشفتو نعطيلك 11 على 10 راكي وليتي بروفيسيونال فيها
صحيتي طلعتيلي المورال على الاقل لقيت موضوعي مع الاولين:19: عمبالي خلاص واحد ماراه مهتم :mad:
صحيتي حنونة

[omaymen]

ممممممم تشهي يعطيك الصحة

[غفران 2]

يعطيك الصحة على الوصفة

[ام ملاك.]

الله يسلمكم جربوها وشوفو وذزقو

[أم هيثم محمد]

هذي عندنا نسميوها المقطعة وفي سطيف يسميوها الحسوة نعماوها بزاف في الشتاء رائعععة فعلا هذي الماكلة ولاخليك بنة ودفا بصح خدعنا الريجيم

[ام ملاك.]

ايه راكي تشوفي الريجيم كل مانجي نديرو نلقا روحي نزيد نطيب العجاجن هههه

[قطرة شكولا]

merci w ya3tik el se7a

[ام ملاك.]

الله يسلمك اختي قطرة

[سوفية فحلة]

انا مغرف متكفينيش لازم قصعه وحدي ههههههه علاخاطرها بنينة بزاف

[ام ملاك.]

شكرا اختي طيبيها وكوليها بالصحة والهنا

[ladymillion]

هااااااايلة هاااااايلة يعطيك الصحة بارك الله فيك

[touta2010]

4444444444444444444444444444444

[نور السلام 16]

ممممممممممممم شحال نحبها سخفتيني حنا نسموها ثيركيمث شكرا جزيلا

[تاج النور@]

:19::19::19:
صراحة اول مرة نسمع بيها
شكرا لك عرفتينا به هذه الوصفة
وان شاء الله نطبقها

[sellilou]

احنا نقولولها تارشتا نحبها وعندي زمان وانا نتشها فيها مشكورة

[*أم ثازيري*]

شكرا لك
و الله كنت حابة نجربها في الشتا
قتلتني السخفة بصح مالقيتش لي يعلمني
ضرك لقيت الوصفة نتاعك
الف شكر لك اختي

[ام ملاك.]

fi jijel ydirou chorba bel khodra w yerhouha tji bel jaj wel zrodia wel tomatiche wel hchich wel homos wela foul w les epices bsal chwi thoum ndirou ajina nhoulouha bel machina w ndirou rechta w narmouha fel chorba tji thebellll bnina yesser surtout maa khobz tajine wela kesra bnina bnina nmout aliha
شكرا اختي هي كل واحد وطريقتو بصح البنة كف كيف :1::dj_17:

[ام ملاك.]

هااااااايلة هاااااايلة يعطيك الصحة بارك الله فيك
الله يسلمك اختي حنونة

[ام ملاك.]

4444444444444444444444444444444
مرسي حنونة

[ام ملاك.]

ممممممممممممم شحال نحبها سخفتيني حنا نسموها ثيركيمث شكرا جزيلا
ايه صح ماما تقوللها تيركيمث
يعطيك الصحة:dj_17:

[ام ملاك.]

:19::19::19:
صراحة اول مرة نسمع بيها
شكرا لك عرفتينا به هذه الوصفة
وان شاء الله نطبقها
جربيها وشوفي شحال بنينة بصح راهي ماكلة نتاع تا واذا حبيتي تديريها درك ديري كمية قليلة اذا عجباتك زيدي

[ام ملاك.]

احنا نقولولها تارشتا نحبها وعندي زمان وانا نتشها فيها مشكورة
سبحان الله ماكلة واحدة وعندها شحال من اسم:D طيبيها ونحي السخفة:dj_17:

[ام ملاك.]

شكرا لك
و الله كنت حابة نجربها في الشتا
قتلتني السخفة بصح مالقيتش لي يعلمني
ضرك لقيت الوصفة نتاعك
الف شكر لك اختي


:19::19:
جربيها وشوفي شحال بنينة اممممممممم
ورديلي بالخبر:rolleyes:

[oum rahma19]

[SIZE="6"]
Wach ngolek
Ya3tik essaha
Rajli yhabha w ymout 3liha
Mais ana fi darna mandirouhach hakda
Donc jazaki allaho khairan
SIZE]

[أم إناس]

الله يبارك وشكرا على الوصفه

[nacimata]

جزاك الله خيرا
جربتها اليوم هايلة للبرد :19::19::19::19::19::19:

[om mita]

راجلي يضال مهبلني بيها وانا منعرفهاش ضك نديرهالوا ونردلك الخبر