اريدها زوجة

[مشكلتي]

انا شاب معجب بقتاة اريد التقدم لها ولكن اخاف من رفضها لانه رغم انني موظف الا ان ظروفي المادية متواضعة ولست من الاثرياءكما انني اخاف انها لن تحبني بعد الزواج مما سيتسبب في المشاكل .
كل هذا لانه اصبحت لدينا نظرة الى المراة بانها لا تحب غير الجميل الوسيم ولا تتزوج بغير الثري والذي يوفر لها كل المتطلبات
فهل هذا صحيح مع العلم ان هذه الفتاة جميلة ومثقفة وعلى قدر من الاخلاق ويمكنها ترفض الخطاب دون خوف لانها تعرف ربما ان الذين يتقدمون اليها كثيرون.

[كاميلا]

وعلاش دير في الفالات ممكن ترضى بيك اخي اذا لم ترد المحاولة فالغي الفكرة من راسك

[meriem hanin]

يا اخي الكريم اذا كانت الفتاة على خلق و دين و من عائلة كريمة استخر الله و توكل عليه
و ان شاء الله فيها خير يااااااااارب

[annaa]

البنت مهما كانت جميلة و مهما كانت مثقفة او من عائلة ثرية

فانها لن تخير الوسيم و لا الثري على من يحبها و يلبي متطلباتها العاطفية
لانها بمعنى اخر شبعانة

و استخر و تقدم و سيكتب الله لك كل خير

معها ان شاء او مع غيرها

[oranaise0031]

السلام عليكم
شوف يا أخي راح نتكلم معاك بكل صراحة ونتمنى تفهم كلامي وما تزعفش منه
اول شيء من خلال كلامك على نفسك تخلي الواحد يحس بلي راك مقلل من شأنك
الزين والمال ماهوش كل شي فالدنيا وخاصة فالوقت الحالي الأخلاق والدين هما أهم شي
ممكن هذه البنت ماتهتمش بالزين وزيد ماشي كل البنات تاع مادة
المهم انك دير اولا الثقة في نفسك باش حتى هي تحسك واثق من روحك وانو عندك شخصية قوية
وروح تقدملها واللي ربي كاتبه هاذاك هو
وثاني شيء حتى ولو رفضت عادي ماراهيش نهاية الدنيا كيما انت عندك الحق باش تختار اللي تبغي حتى هي عندها الحق باش تقبل بلي تبغي مش معناتها لا قدر الله ورفضت انك مش وسيم وما عندكش المال معناتها انها ماشي مكتوبك وفقط
عذرا على الاطالة المهم صلي استخارة واتكل على ربي واتقدم واللي فيه الخير ربي يجيبه
بالتوفييق

[knives55]

يا أخي روحلها وهدر معها أذ رفضت الله مسهل دنيا مشيا وأذ مرحتش يجي وحد أخر يديها وتخسر فرصتك

خايف ترفضني ومكش خايف يدوها خرب حظك


وربي يسهل

[شاملة لينة]

من حقك أن تتقدم للخطبة ومن حقها هي القبول أو الرفض. هذي سنة الحياة.
ماكش رايح تخسر حاجة

[taki eddine 12]

أخي أنت رجل طيب بالإضافة إلى أنك موظف و على خلق كريم إن كانت الفتاة ترى فتها كل شروط الزواج فتقدم و يوفقك الله لأن رسولنا الكريم اشترط ان يكون الرجل متدين و على خلق كريم :d

[aihemsara]

هادا هو الزواج كيما يقولك الفلة يخطبوها 10 و يديها واحد و يمكن تكون انت هاداك الواحد
و يمكن لالا.. ابعتلها شخصص يكون ثقة يسالها و اذا قبلت تقدملها..و اذا رففضت كاين بنات اخرين
ربي يوفقك

[mouna lmd]

سلام......
يا أخي روح اخطبها أنت وش راك خاسر.............. وزيد لاه راك مكحلها في وجهك هكذا؟؟؟؟؟؟؟؟؟؟ علاه وش يخصك خدام ولاباس بيك....
اتكل على ربي واستخيرو.... وربي يجيب اللي فيه الخير...................
ربي يكون معاك ولا كانت من مكتوبك ربي يسهللكم........... ولا ماكانتش من مكتوبك............. ربي يعوضك بأحسن منها.........

[sali-sali]

علاش هدو ليام راكم داخلينها مواضيع الزواج + تهجم على النساء
يحبو المال، يحبو الزين، بعاد على الدين، يديرو مشاكل................؟؟؟

يا خويا كل وحدة وكيفاه وكل واحد وكيفاه عقليته في البنات كاين المليح و القبيح و في الاولاد تاني
انت راهي عاجباتك روح اخطبها ودير لي عليك قبلت فيها خير و بركة ماقبلتش ربي يسهلك من جيهة اخرى

ربي يهنيك

[ايمان نور الجزائر]

السلام عليكم
تفكيرك اخي غير سليم بتاتاااا
احيانا البنت لا تضع لهاته الاشياء اعتباراااا وانما كي يجي المكتوب
تجدها تقبل بكل بساطه
فقط انتم تضخمون الامور.....وتحكمون على النساء كلهن بنفس الشيء
استخر الله مرات ومرات....ثم اطرد الافكار السيئة من عقلك وتوكل على الله
وان شاء الله ربي يسهلك

[رجاء الرحمة]

استخر أخي بدلا الجلوس والتخمينات المحبطة
وتذكر دائما أن الفتاة مهما كانت فإنها لا تتزوج إلا بمن يحبها أما الماديات فالأرزاق بيد الله
أسأل الله أن يرزقك حلالا ويجمعك بالزوجة الصالحة ويبارك لكما رزقكما

[sarl02]

بهدلتنا يا محاينك ..مدام راك ناوي الحلال علاش راك خايف ..اتكل على ربي وروح ليها مباشرة البنت اتحب الراجل الجريئ في هذو المواقف

[اسماء الشريفة]

من الطبيعي اخي ان تكون قلقا في امر مثل الزواج وتنتابك بعض الوساوس في ما يخص اختيارك شريك العمر ولكن ما دمت تريد الحلال وتسعى لاكمال نصف الدين فان الله سييسر لك الامر انشاء الله ةيوفقك
اما فيما يخص اختيار المراة فكما سبق وقالت الاخوات فهي ترضى بالرجل صاحب الاخلاق والدين الذي يخاف الله ويحبها ويقدرها واما الامور المادية فليست قضية رئيسية

نسال الله التوفيق لك وان يرزقك بهذه الفتاة كزوجة صالحة والذرية الصالحة والسلام عليكم

[meriem02]

.................اعقلها وتوكل................اي اتخذ الاسباب وتوكل على رب الارباب.

[الدر المكنون]

توكل على ربي وتقدملها وبركاك من النظرية انتاع وسيم وغني .............الخ من الخزعبلات

ما تنساش ربي خير من كل خير سواء قبلت ولا رفضت اللي خلقها خلق غيرها واحسن منها

[AMINA.Z]

اتقدم و ربي يجيب اللي فيه الخير

[حفيظة 1]

المرأة تريد الرجل الفحل رجل يحمل معنى الرجولة واخر شيئ المال وزين لانها ببساطة راح تعيش مع شخصية الرجل وليس مع المال او الجمال

[razika zouzou]

السلام عليكم

يا اخي تفائل خيرا ماادراك ممكن تكون مكتوبك

مدام نيتك صافية الله يبارك و نويتها للحلال

توكل على ربي و صلي صلاة الاستخارة





صلي صلاة الاستخارة و ان شاء الله فيها خير

[loubna2]

يا اخي درت فيلم في راسك هههه بل مسلسل تركي انت المخرج والكاتب والمنتج

شوف اتوكل على الله ممكن تكون انسانة قنوعة وترضى بالقليل لانها تبحث عن الاستقرار والستر فقط

ماشي البنات الكل كيف كيف

يا اخي انا ظروفي مثلها وكانو الخطاب علي اشكال والوان ورضيت بانسان بسيط جدا وعايشة في مستوى بسيط وقانعة والحمد لله

القناعة هي الاساس احتمال انها قنوعة وتضيع فرصة كبيرة من بين يديك

ابعث لها انسانة ثقة يعني اختك مثال تجس نبضها اذا كانت موافقة فاتكل على الله

المادة والثراء ماشي مقياس

اخلاق الانسان وقيمو اغلى الاشياء

ربي يكملك على خير وفرحنا ماش تنسانا

اختك