حامل ونفسيتي تعبانة

[panpouna]

السلام عليكم
انا حامل في الاسابيع الاولى و اتوحم ..انا مكتئبة تنتابني احاسيس غريبة و انفجر بالبكاء احس ان لا احد يهتم بي فامي و و ام زوجي التي اسكن معها(انا في طابق وهي في طابق وعلاقتي معها جيدة جدا فمند تزوجت لم تحدث بيننا ولو مشكلة واحدة) لا يهتمان بي ابدا رغم ان هادا اول حمل وانتظرته طويلا..لم يكلفو انفسهم حتى عناء سؤالي ادا كنت بخير او ارغب في اكلة معينة او قدمو لي حتى نصائح..اقوم باطهو لزوجي لكن لا اكل كرهت اكل بيتي وتمنيت لو ان احدا بعث لي شيئا اشتهيته مثل الكسكس الدي رايته حتى في المنام لشدة اشتهائه ..احس انني وحيدة و حزينة وليس لدي من افضفض له غيركم

[أم احمد3]

والله قطعت قلبي والكسكس لوكان كنتى من منطقتى كنت بعثت لك
اما عن الاهتمام هذا بسبب الخمل فقط خساسة فوق اللزوم انتظري لما تلدين في الاربعين يوم الاولى كيف تبكين وكيف تحسين بعدم اللامبالات الاخرين في المقابل اقرئء القران ولا تهتمي كي تكون عندك شجاعة واحمدي الله على هذه النعمة

[النجمة القطبية]

اعتقد انها احاسيس طبيعية مع التغير فى الهرمونات
اولا نقولك الف مبروك وربى يرزقك طفل صالح وبصحة جيدة :)
اما عن الكسكس لم تطلبى المستحيل لو كنتى قريبة انا نعملهولك
بصح عن عجوزتك وامك حفظهم الله اعتقد ما جاتش فى بالهم برك انتى اطلبى مفيها والوا ياك امك ليست غريبة عنك وعجوزتك على قولك لا يفصلك عنها سوى طابق
اطلبى منها بما انها طيبة كما ذكرتى واموركم جيدة انصحك بذلك لان طبخ الكبارات لا يعلى عليه
موفقة وربى يسهلك

[الصحة النفسية]

ألف ألف مبروك اختي العزيزة ، و ان شاء الله تقر عينك برأية مولودك و يجعله الله من عباده الصالحين ،لو كنت قريبة منك لطهوت لك ما تشتهين.... أختي ما تمرين به شيء عادي إنه توتر الأشهر الأولى من الحمل سببه الإضطرابات الهرمونية التي تحدث في هذه الفترة ،لذا أختي أنصحك بالإستقرار النفسي الذي يساعد الجنين على النمو بشكل سليم ، حاولي التحدث مع أمك فمستحيل أنها لا تشعر بك ربما أنت حساسة زيادة على اللزوم خاصة في هذه الفترة ، حاولي أن توصلي لها فكرة أنك تحتاجينها خاصة في هذه الثلاث الأشهر الأولى ، حاولي التحدث مع زوجك ،إن لم يستمع لك فتحدثي مع أختك إن كان لك أخت ، فلتنظري أقرب شخص لك ، حاولي التحاور معه إن لم تجدي أذنا صاغية فأفضل حل هو اللجوء لكتاب الله سبحانه ، حاولي قراءة القرآن و الإكثار من ذكر الله و الدعاء أن ييسر الله لك حملك ،و لا تنسي أن تتعاملي مع حملك انه شيء طبيعي و تزيلي جميع المخاوف إن كانت هناك مخاوف ولتعيشي كل مراحله بسعادة ، فالمهم بعدك الآن هو طفلك تذكري تماما صحته و عافيته من صحتك و عافيتك ، لديك النت إبحثي و ثقفي نفسك ، و حاولي الإستفسار عن كل الأمور التي تفيدك كوني واثقة من نفسك و أن كل الأمور ستكون بخير بإذن الله.....وفقك الله و رعاك أختي و نحن هنا أخواتك و أذن صاغية لك في أي وقت.

[كاميلا]

والله راهي نورمال هكدا تكون لمرا في فترة الحمل وزيد اول حمل ليك الله يبارك والف مبروك والله انا تاني نحب الكسكس كون جيتي قريبا ليا نبعتلك تاكلي صباعك وراه هههه
متقلقيش روحك ودركا حطي صور اطفال جميلة وماظر طبيعية من قوقل باش ان شاء الله تجيبي ولدك والا بنتك اون كولور هههه موفقة

[سارة البوسعادية]

يابنتي ماهوش الوقت الي تبداي تقيميلي دركي في الناس
انتي انتظرتي الحمل هذا بفارغ الصبر ملا كي جاك ماتبدايش تخميلي في الناس
ربي يهنيك اختي

[panpouna]

يعطيكم الصحة لبنات علابالي كون جيتو قراب ما تقصروش و فرحت كي لقيت لي يسمعني..راني حابة اهلي يحسسوني بلي راهم فرحانين بحملي و يعطوني نصائح كيما لي اعطيتوهلي لاخاطرش ما عنديش تجربة كاين غير راجلي ربي يخليهولي لي راهو يتهلى فيا

[aihemsara]

مبروووووووووووووووك الحمل ربي يحفظلك وليدك او بنتك
احاسيسك جد طبيعية و سببها تغير الهرمونات (اختي كذلك في شهرها التاني من الحمل و هبلتنا ههههههه)
بالنسبة لماماكي او عجوزتك يمكن ماعندهم تجربة من قبل .. الاحسن انك تطلبي منهم يديروهولك هكا يتولهو يوليو يسقيوك
و ما تقلقيش روحك,, و كثري من الحوت فهو جد مفييييد في خاصة في الاشهر الاولى من الحمل (ينمي الذكاء للجنين)
و ابتعدي قد ما تقدري من المعلبات و الماكولات الجاهزة...
وين راهم بنات الجلفة يديرولها الكسكسي؟؟؟

[staifia]

رانا هنااااااااااااااا نديرو لختي العزيزة الكسكس ......
ربي يسلكك بخير و هدا شي طبيعي مدامك حامل ....
ربي يرزقك بالذرية الصالحة

[ahlam2060]

اولا اختي مبروك عليك ربي يكملك .
بحكم انا مجربة ومريت بهذا الفترة ننصحك بالصبر لانها فترة وتفوت ولازم تتفكري بلي كامل الحوامل يمرو بهذ المرحلة هكذا تقولي مانيش وحدي
ثانيا اهدري مع يماك تخفف عليك شوي واطلبي منها وش تحبي تاكلي بلاك مهيش متولهة برك وزيدي اهدري مع حماتك مادام علاقتكم مليحة.
ربي يوفقك اختي.

[تيماء الله]

:dj_17:سلام عزيزتي يا عمري الف الف الف مبرووووك يا ربي يجي الي يعمرليك حياتك تعرفي بلي نفسيتك عندها اثر علا وليدك وراكي دجا ضري فيه الا ادا حبيتيه يجيك مكتاب ر روحي يا فحلا اقريلو القران باش يجي حافط ليه وزيدي خمي فيه وفي حياتك الجاية شوفي تصاور ملاح وقش ربي معاك واله وكان جيتي تسكني في منطقتي نوض جدرك ونديرلك الكسكسي وكل حاجة ساعات العبد ما يكونش علا بالو اطلبي من عجوزتك وصدقيني مش راح تبخلك هي مرا وتحس ربي يحفضكم
:19:

[panpouna]

عندك الحق يا تيماء القلق نتاعي ياثر على البيبي بصح الحمد للله دركا راني حاسة روحي مليحة و كليت الكسكس لس دارتهولي عجوزتي و راهم متهليينفيا..نشكركم كامل لي نصحتوني و سمعتولي والله ريحت كي حكيتلكم وكي جاوبتوني

[faty05]

السلام عليكم
مبروك عليك و ربي يتمملك عل خير
اختي ساهلة ماهلة
اتصلي بامك و ادللي عليها و قوليلها بلي راكي مشتهية ماكلتها قولها تبعثلك او آنتي روحي عندها اذا قدرتي
هذي امك و غير هي لي تحن عليك ما ظنيتش تبخلك
هذا فقط من عدم انتباههم لهذا الامر
و زيد عجوزتك كيف كيف اذا طبخت أكلة و شتهيتيها قوليلها عادي
راكي بنتها دركا
و زيد زوجك يقدر بجيبلك اي حاجة تستهيها
يا اختي تعلمي ان تطلبي ما تريدين
لا تنتظري من الناس ان يعلموا ما تشتهيه نفسك
عليك بالطلب و لن يبخلوك بإذن الله
سلام

[it's me]

يعطيكم الصحة لبنات علابالي كون جيتو قراب ما تقصروش و فرحت كي لقيت لي يسمعني..راني حابة اهلي يحسسوني بلي راهم فرحانين بحملي و يعطوني نصائح كيما لي اعطيتوهلي لاخاطرش ما عنديش تجربة كاين غير راجلي ربي يخليهولي لي راهو يتهلى فيا
حنا اهلك الثانيين رانا هنا معاك
نوصيك على حوايج و تبعيني و بربي ان شاء الله يخف عليك
اكثري من الاستغفار(ثبت علميا ان الاستغفار يهدى نفسية الجنين)
ضعي يدك اليسري على بطنك و اقراي قران بتامل في اياته او اقراي شعر و لا اسمعي موسيقى هادئة
حطي بابونج و نعناع تحت الوسادة اللي ترقدي عليها رايحين يساعدوك على النوم العمييييق و المريح و اخدمي الشغل تع الدار عادي جدا مش شرط تتعبي لدرجة الارهاق و هذا يساعدك على تسهيل الولادة
موفقة

[panpouna]

شكرا it's me لكان على الرقاد وليت شكارة نتاع نعاس والشغل تاني نخدم نورمال و نطبق النصائح لخرين ان شاء الله

[بسمة العمر]

عادي كي ما كرهتيش راجلك راكي مليحة.........و مازال انشاء الله حتى الرابع باش تتحسني انشاء الله.....مبروك عليك.......

[sali-sali]

مبرررررررروك عليك الحمل
يا اختي هديك غير في الافلام نتاع يسقسو عليك وماتحملي والو،واحنا نديرو كل شي
راكي في dz
نقولك واله و الله جيتي قريبة ليا انا ندير لاختي الكسكس و اي حاجة تحبيها
لكن ادا ماتحبيش اكل البيت قولي لزوجك يجيبلك من برا
فترة و راح تمر

ربي يهنيك

[رُقية]

ربي يكن فالعون ختي

[لحن الفرح]

مبرووووووووك عليك اختي هذه هدية من الله سبحانه
افرحي بالبيبي . لوكان جيت قريبة ليا نطيبلك الكسكس كيما يحب خاطرك .
افرحي رايحة تولي ام ويعيطلك ماما . وتتونسي بيه .
ان شاء الله نتزوج ونولي ام نموت على الامومة .

[imi25]

السلام عليكم
الف الف الف مبروك بنبونة ربي يقدمك للخير يا رب ويتربى في طاعة ربي وطاعة والديها ولا والديه ويباركلكم فيها ولا فيه
متقلقيش روحك اختاه واصبري حتى الشهر الرابع شوية ترتحي وتبداي تخمي واش تشري للبيبي بعد متعرفي جنسو ان شاء الله وتبدأ كرشك في البروز وتبدلي لباسك على جال كرشك والله احاسيس مليحة ......
وحمد ربي ليماجاكش الوحم بالقيء وتكرهي الراجل والدار والماكلة و الروائح ..................(كيما انا الموت شفتها بعيني من الاعراض هادو لهدرتهملك)
ربي يكمل ان شاء الله وكاش استفسار راني هنا وتمنيت كون طيبتلك الكسكسي
طمنينا عليك وقولينا من بعد متعرفي جنس بيبي
ربي يهنيك ومتقلقيش روحك بزاف وحاولي ترقدي وكتري من الفواكه والعصائر

[شيء من رجاء !]

ألف ألف مبروك عزيزتي ، إن شاء الله يتم حملك بسلام ..
بسبب الحمل أصبحتِ حساسة قليلا فقط ، وهذا شعور طبيعي ..
إذا اشتهيت شيء يمكنك طلبه من حماتك قلتِ علاقتكما جيدا ، أو طلبه من أمك إن كنتِ لا تودي إزعاج حماتك ..

أو يوجد حل آخر ، تعالي زيارة للوادي تغيري جو ونديرلك واش تحبي وحتى اللي ماتحبيهوش :) "

[hadjira195]

السلام عليكم
انا حامل في الاسابيع الاولى و اتوحم ..انا مكتئبة تنتابني احاسيس غريبة و انفجر بالبكاء احس ان لا احد يهتم بي فامي و و ام زوجي التي اسكن معها(انا في طابق وهي في طابق وعلاقتي معها جيدة جدا فمند تزوجت لم تحدث بيننا ولو مشكلة واحدة) لا يهتمان بي ابدا رغم ان هادا اول حمل وانتظرته طويلا..لم يكلفو انفسهم حتى عناء سؤالي ادا كنت بخير او ارغب في اكلة معينة او قدمو لي حتى نصائح..اقوم باطهو لزوجي لكن لا اكل كرهت اكل بيتي وتمنيت لو ان احدا بعث لي شيئا اشتهيته مثل الكسكس الدي رايته حتى في المنام لشدة اشتهائه ..احس انني وحيدة و حزينة وليس لدي من افضفض له غيركم

BouuuuuuuuuuuuuuuuuuuuuuuuuuH c est rien du tt
Moi aussi j etais comme toi a difference que meme pour mon mari je prepare rien :D
je pleurais jours et nuit krahet dnia et mafrahtche b la grossesse au 3 iem mois j ai esperer que le bebe itihli
je rentre dans des bains chaud et pourtant je savais que c des conseil mais je m en fiche
Mais quand j ai eu ma fille entre mes mains j ai tt oublie et j ai envie d un autre ^^

[oprah]

حبيبتي متزيديش على روحك واش نديرو الناس ولات مترحمش
و تاني كي راكي حامل راكي تتحسي
قوليلي وين ساكنه والله مستعده نجيب لأختي واش تحبي ان شاء الله قريبه مني