واش رايكم

[الأمنيات]

هذا الموضوع حبيت نتشارك في نقاشه
وكل واحد يعطي فكرته وحلوله رجاءا اخذ الموضوع بجدية
واش رايكم في المراة الي تسرق بصفة عامة من اهلها او اهل زوجها؟؟
والي تسرق زوجها دون انقطاع اي تسرق له دراهم دائما؟؟
لو وجدتي واحدة من قريباتك او زوجة اخوك تسرق كيف تتصرفي معاها او انت اخي كيف تتصرف؟؟
اذا جاك ضيف وتسرق اي سرقوه في بيتك واش تكون ردت فعلك؟؟
ارجو تفاعلكم

[mohamed160]

الله واكبر

[مريم الصابرة]

السلام عليكم اختي
زمان كانت السرقة من تخصص الرجل ضرك السرقة رجعت للنسا بهدلونا
المهم انا في دارنا ماكانش الغريب انا وامي فقط كانت عندنا قريبة تسرق ومخطوبة في مناسبة خطبتي زمان سرقت لمرا سلسلة وغالية بزاف عرفناها ديركت هي رحت ليها قتلها جيبيها نروح نقول لخطيبك نكرت لكن لما اصريت رجعتها بدهلنتا وقلت لضيفة اهل خطيبي إنو لقيناها طياحة لما خملنا الدار
الصراحة والله مشكل شوفي انا السريقة نكرها ونكره اللي يمشي فالطريق هذي تحب تجي تقولي اعطيني ميم ما عنديش نتسلفهملها وما تسرقش خاصة النسا عيب كبير وضرك فالأاسواق يسرقو القفف البورتموني واي حجاة توقف قدامك وإنت تعسي فالراجل يسرقك وهوما نسا راهم يسرقو وديجا في منطقتي راهم معروفات ربي يستر شكرا

[ام امين]

هذا الموضوع حبيت نتشارك في نقاشه
وكل واحد يعطي فكرته وحلوله رجاءا اخذ الموضوع بجدية
واش رايكم في المراة الي تسرق بصفة عامة من اهلها او اهل زوجها؟؟

هذي يقولو عليها سارقة و يجب الحذر منها

والي تسرق زوجها دون انقطاع اي تسرق له دراهم دائما؟؟

هنا على حسب زوجها ..اذا كان عندو وباخلها ممكن تدي لتكفي روحها و ولادها مش حاجة اخرى

لو وجدتي واحدة من قريباتك او زوجة اخوك تسرق كيف تتصرفي معاها او انت اخي كيف تتصرف؟؟

مانتصرفش ...>>>ههههههههالله يسهل

اذا جاك ضيف وتسرق اي سرقوه في بيتك واش تكون ردت فعلك؟؟

نموت بالحشمة...و نرجعهالو من عندي و ندير لاغوشاغش على اللي سرقلو و نحاول نلقالو مبرر
ارجو تفاعلكم



شكرا على الموضوع اختي امنيات

[بريق الامل&]

قَالَ اللَّهُ تَعَالَى: {وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالاً مِنَ اللَّهِ وَاللَّهُ عَزِيزٌ حَكِيمٌ}. [المائدة: 38].

[نسائم الصباح]

هذا الموضوع حبيت نتشارك في نقاشه

وكل واحد يعطي فكرته وحلوله رجاءا اخذ الموضوع بجدية
واش رايكم في المراة الي تسرق بصفة عامة من اهلها او اهل زوجها؟؟
والي تسرق زوجها دون انقطاع اي تسرق له دراهم دائما؟؟
لو وجدتي واحدة من قريباتك او زوجة اخوك تسرق كيف تتصرفي معاها او انت اخي كيف تتصرف؟؟
اذا جاك ضيف وتسرق اي سرقوه في بيتك واش تكون ردت فعلك؟؟
ارجو تفاعلكم



شكرا أخيتي على الموضوع .
لسرقة أسباب عديدة .منها قلت التربية من الوالدين ومنها الإستهانة بجرم هذا الفعل
ومنها طبع حتى وكنت غنية

وفي كل الحالات السرقة حرام وجرم وعمل قبيح .سواء مع الأهل او العامة أو حتى الزوج
ولاكن الشريعة الإسلامية أجازت السرقة للمرة من زوجها ولاكن بشرط .إن كان بخيلا .لا ينفق على أهل بيته .وعليها أن تأخد ما يكفيها ويكفي عيالها .ولا تبالغ
وعن نفسي حتى وجوزها الشرع تبقى السرقة هي السرقة فعل مذموم ثقيل على القلب .

برك الله فيكي على هذا الموضوع

[الأمنيات]

شكرا لتفاعلكم صراحة انا كل الي ذكرتها شفتها وعايشته
لهذا طرحت الموضوع
مرة زوجي في السوق سرقته امراة دفعته بحجة اخذ مكانها في لحظة لم يحد لا بورتابل لا دراهم وحس بيها لكن كانت عندها خفة
الثانية الزوجة هاذي نعرفها مليح وتشم على دراهم زوجها وتبحث عليهم حتى رجع ما يحطش دراهمه في الدار بصح الي حيرني اعلاه راه صابر عليها
الثالثة كنت في عرس العائلة وجات واحدة مختصه في السرقة سبحان الله ويعرفوها كامل صحاب العرس واش نقول خلاتهم لكن ماداروا لها والوا
وانا قلب يحرق فيا رقدت بذهبي من الخوف

[مباركة 1961]

سلام..
اعجبنى الموضوع ...وحتى الردود كانت كافية ووافية..
الا انه لى ملاحظة صغيرة
المراءة كانت تحشم لما يقبضوها تسرق ...اللى لاحظته فى هذه الايام ماعادش يهمها
وشفت فى ايام العيد والمناسبات الكثير من هذه السلوكات فى الاسواق والبازارات ...
السبب والله لاادرى..................ربما يحتاج الى دراسة من مختصين فى علم النفس وعلم الاجتماع



اما المراءة التى تسرق زوجها ...اذا كان حارمها من الضروريات هى واولادها ...يستاهل

اما مايحدث فى الاعراس فوالله هو العجب بعينه....
فى اخر عرس حضرته كانت ابنتى تضع سلسلة من الذهب المزيف وكانت لها ذكرى خاصة( معنويا )
سقطت من عنقها بحثنا عنها فلم نجدها....قلبنا الدنيا......
فتكلمت مع احدى النساء بصوت مرتفع ....ان السلسلة ليست من ذهب واللى اخذها بصحته................
مر وقت قليل فوجدتها امام احد الابواب ملقاة...
ربى يهدينا برك.....هذا مانقول

[اريج16]

طبعا ضد هذا الامر غير مقبول السرقة بصفة عامة وكيف لزوجة ان تسرق زوجها وهو الذي امنها على منزله الولده ونفسها

[نورسين.داية]

ربي يهدينا ...........يا رب و يحفظنا من هذه الفئة

[الأمنيات]

ربي يجازيكم تبقى قضية تربية من الاول لو كانت تربية صحيحة على اساس اسلامي
لا تظهر مثل هذه السولكيات

[alger1]

كما استبيحت المحرمات في هذا الزمان استبيحت السرقة ربي يسطر والمراة اذا كانت سارقة فهي من دون شك وقحة

[aihemsara]

عجيييييييييييييييييب هو الزمان الذي نحن فيه
كاين بعض الازواج يتفاهمو انو الزوجة في كل مرة تاخذ مبلغ صغير منو و تديرو بجيه حتى يحتاجوه
مثلا بابا و ماما هكا متفاهمين يقولها ادي بلا ما تشاوريني بصح نهار نقولك سلفيلي متقوليليش ما عنديش :D
لكن انو يوصل الزوج يخاف يحط دراهمو في دارو هاذي اول مرة نسمع بيها و الله
صراتلي من قبل سرقولي دراهم في مناسبة لكن في بيتنا ولا مرة صرات
و لوكان نفيق بوحدة تسرق قدامي و الله غير تدي تبهديلة تاع العمر
و نشرشحها هكا بالاك تحشم :mad::mad::mad::mad::mad:
لانو الاكال هاذو كي يلقاو الرخف و يلقاو الناس ساكتين ليهم يزيدو يقواو اكثر
ربي يعينكم اختي و يفرج عليكم و يهدي الناس هادو يا رب

[fatrach]

انا سمعت ان الزوجة ان سرقة مال زوجها حلال متى حلال عندما يبخيل عليها و لايعطيها حقها
اما بخصوص سرقة اهل و اقارب هدا يعد من سوء التربية ولابد وضع حد لي هذه المراة ان أتناقش معها بلطف ومعرفة اسباب تدفعها لفعل هذا الامر المشين ربما لديها اسباب دفعتها لفعلتها و ان لم ترضى بتغير سلوكها حينها لن اسكت على حق لابد من قوله اخبر اهلي معاد اخي و اترك الامر لهم

[الأمنيات]

شكراااااااااااااااااالتواجدكم وردودكم يسعد ايامكم

[منهاج]

[السلام عليكم


واش رايكم في المراة الي تسرق بصفة عامة من اهلها او اهل زوجها؟؟
يا مشي مربية او هي مريضة نفسيا
والي تسرق زوجها دون انقطاع اي تسرق له دراهم دائما؟؟
الصراحة هنا هادي مراة غير موثوق فيها من المفروض تصارحه بلي خاصها دراهم بلا ما تخونه


لو وجدتي واحدة من قريباتك او زوجة اخوك تسرق كيف تتصرفي معاها او انت اخي كيف تتصرف؟؟
ننصحهاااااا مرة وزوج لانو مشي بالساهل نفضح مرا متزوجة وادا ما حبستش نهددها انو راح نقول لكل العائلة
اذا جاك ضيف وتسرق اي سرقوه في بيتك واش تكون ردت فعلك؟؟
هنا ندير حالة ونفتش كل الدار قدامه وكل العائلة لانو مشي ساهلة حد يجي لدارك وما يتلاقاش الامان وعيب كبير وحشومة
ارجو تفاعلكم

[مسلم سني]

السلام عليكم
الصراحة شيء مؤسف
شكرا لك
احترماتي

[الأمنيات]

بارك الله فيكم على ردودكم