ساعدوني كيف تعالج الحروق

[أحاسيس مرهفة]

السلام عليكم ورحمة الله تعالى و بركاته
تحرقت من l'avant bras بزيت ساخن جدا عندي 5 أيام وكل يوم أدهب الى المستشفى ينظفولي الجرح ونحاولي جزء من الجلدة باللقاط ماقدرتش نستحمل الوجع والآن فضلت ندير زيت الضرو ونخليها تيبس لأنهم كل يوم يقشروها هل انا على صواب
لونها أحمر ومادام ماتلمتش خفت ندير une crème cicatrisante أانصحوني واش ندير:sdf::sdf::sdf:

[sali-sali]

ربي يشافيك اختي

هههه انا البارح رفدت الكسرونة من فوق الناس صباعي لصقو عليا ماجيت نجبدهم حتى بسيف
راهم باقيينلي غير زوج صباع راني نكتب بيهم

قالولي ديري معجون الاسنان فقط و تاني باش تروح اثار الحرق ديريهم في فرينة انا هدي نتاع فرينة مامنت بيها مادرتها
بصح معجون الاسنان درته تمت تم غير تحرقت

نوصيك الحرق ماتغطيهش

[أحاسيس مرهفة]

شكرا اختي سالي ربي يشافيك لكن انا نعرف باللي معجون الاسنان بالعكس ماهوش مليح انا مع تحرقت درت بيافين هكداك وتشكلولي الفقاعات ان شاء الله يفيدونا واش لازم نديرو

[اية الرحمن1988]

السلام عليكم
اختي انا ثاني تحرقت بصح حرق خفيف
وشريت بومادة اسمها سيكاتريل إذا تحبي نصورهالك
دير 38000 دج نحاتلي شوي بصح ميش الُأثر كامل
ننصحك متتهاونيش روحي لطبيب الجلد لانو كون تبقالك ظاهرة مباعد تندمي مدام الجرح مزالجديد
ربي يشافيك

[koukizoo21]

b chfa alik ùma soeur.

[MARIE25]

اختي العزيزة ربي يشافيك ان شاء الله لكن انا انصحك بلمواظبة علي استعمال زيت الظرو و كتري منو انا مجربتو في نفسي تحرقت في وجهي و الحمد لله ما بقالي حتي اثر

[أحاسيس مرهفة]

بارك الله فيكم على المرور الطيب ربي يسمع دعواتكم يا رب راني نواضب على زيت الضرو وان شاء الله نروح لطبيب الجلد

[حمدا لله كثير]

بارك الله فيكم على المرور الطيب ربي يسمع دعواتكم يا رب راني نواضب على زيت الضرو وان شاء الله نروح لطبيب الجلد


kayena wahede lahchicha

kanet 3andi sahbati taharkate bal ma barek f rjalha man fkhadeha w habet

w rahet 3 foi ntoiyawelha l jareh w man ba3de daret hadik lahchicha ghadewa njiblek asamha


w hadik lahechicha tehatiha fough al jarhe " tkoun mharesa ki lmalhe "

w takhaliha w l jareh nta3ha rtah w man ba3ed tegachar w makaneche kamel l mara na3e l harka f 21 jours tekadebi

[أحاسيس مرهفة]

شكرا أخواتي على المرور
أمونتي جيبيلي اسم هادي لحشيشة راني كي رحت للطبيب قالي حبسي زيت الضرو وديري البيتادين وفوقها بوماد جديدة للحروق اسمها ميبو الحمد لله راهي يبست وبدات تتقشر

[feuilleblanche17]

انا نقلك عن تجربة خالتي
ديري زبدة مسوس بدون ملح او زيت زيتون
و ذري فوقه الشاي مطحون بودرة
تشفين من دون اي اثار

[أحاسيس مرهفة]

بارك الله فيك أختي

[أسماء 2]

الله يشافيك ويعافيك أختي لا بأس عليك "طهورا ان شاء الله"
كاين امرأة عندنا في الشلف تعالج الحروق يبعثولها المرضى المحروقين من المستشفى ، إذا كان عندك عائلة في الشلف لا تتأخري .

[el_nadiim]

السلام عليكم
أختي الكريمة أوصيك بدهن الحروق بالعسل الحر ..ضربة بضربة
جربي لتري وربي يوفقك.

[راما لجين]

انا تحرقت من يدي عندي 3 سنين . تحرقت بزيت سخون
كي روحت للسبيطار قالي الطبيب ردي بالك تزيدي تديري معجون الاسنان موش مليح و وصاني قالي كي تتحرقي ديري زيت زيتون فالبلاصة اي ترتاح في ساع

و باه تنحي la cicatrice ننصحك تشري la pomade cicatrille هايلة

و ربي يشفيك

[أحاسيس مرهفة]

الله يشافيك ويعافيك أختي لا بأس عليك "طهورا ان شاء الله"
كاين امرأة عندنا في الشلف تعالج الحروق يبعثولها المرضى المحروقين من المستشفى ، إذا كان عندك عائلة في الشلف لا تتأخري .

بارك الله فيك أختي مانعرف حتى واحد فالشلف للأسف:sdf:

[أحاسيس مرهفة]

السلام عليكم
أختي الكريمة أوصيك بدهن الحروق بالعسل الحر ..ضربة بضربة
جربي لتري وربي يوفقك.
ختي لعزيزة والله راني ندير لعسل ولكن مازال مارحتليش نفسيتي تعبت

[أحاسيس مرهفة]

انا تحرقت من يدي عندي 3 سنين . تحرقت بزيت سخون
كي روحت للسبيطار قالي الطبيب ردي بالك تزيدي تديري معجون الاسنان موش مليح و وصاني قالي كي تتحرقي ديري زيت زيتون فالبلاصة اي ترتاح في ساع

و باه تنحي la cicatrice ننصحك تشري la pomade cicatrille هايلة

و ربي يشفيك
الحمد لله كي رتحتي أختي انا الحق مادرتش زيت الزيتون وعلى لا سيكاتريس استعملت ايبارمين مادارت والو ودوكا راني نجرت فسيكاتريل قوليلي تنحي الأثر كليا ولا جزئيا

[el_nadiim]

ختي لعزيزة والله راني ندير لعسل ولكن مازال مارحتليش نفسيتي تعبت

السلام عليكم
ليست بأخت بل أخ لك
أتستعملين العسل الحر ؟

[أحاسيس مرهفة]

عفوا أخي
نعم أستعمل العسل الحر ولكن ليس بصورة دائمة

[وصال7]

اختى انا عندى الحل اختى ماعليك غير بصفار البيض وعلى ضمانتى لا معجون لا حاجة اخرى يبردلك الجرح ويبرا من دون اتار جربيه وادعيلى ان شاء الله يجيبلك الشفاء

[amirateljazayer]

شوفي اختي ديري غير العسل الحر والله معجزة في الحروق وكامل الناس اللي ننصحهم بيه يقولولي بارك الله فيك...حتى الأثر تاع الحرق مايبقاش باذن الله ..
لكن من الاحسن فور ما يتحرق الانسان يفتح حنفية على الماء البارد في مكان الحرق مدة عشر دقائق ثم الدهن بالعسل الحر واعادة اادهن كلما نشف ..
حقيقة والله قبل عرسي طرطقت علي لاكوكوط ذراعي كامل مع الابط وجزء من الصدر وكان البرد يقطع ..بقيت ذلك الجزء تحت الحنفية كما قلت لك ومن بعد درت العسل..والله لا املك اي اثر في جسدي وشفيت بسرعة
ارجو ان تجربي وشفاك الله يا رب

[arridj]

العسل سبحان الله يتجمل و داومي علي استعمال biafine h; flamazine وربي يجيب الشفاء

[khadoudj nr]

ايه اختي زيت الضرو هايلل للحريق وتاني ديري فوق الحريق بومادة نتاع العينين وذري فوقها التاي مطحون غبرة قالولي عليه هايل للحرق ومايخليش الاثار وماكالاه تروحي للطبييب غير يزيد عليك وربي يجيب الشفاء

[سماح 88]

دخلت حتى نقدم النصيحة فقط وهي طريقة اجدادنا لعلاج الحروق وهي شحم الماعز تذاب ويغمس شاش في ذاك الايدام
ويوضع على الحروق ميخليش الجلد يتكمش ويبرئ الجلد دون اثر هذه نصيحة لوجه الله