عجانة كينود

[mina alg]

إشترى لي زوجي عجانة كينود من العلمة 4,3 لتر من أجل إستعمالها لعجن الخبز لكن إنصدمت عند قراءة الكتيب الذي معها أنها تعجن كحد أقصى 500 غ عجين أي نص كيلو و أنا كنت أظن أنها تعجن حتى 4 كيلو

أريد رأيكم هل أغيرها أم لا ؟؟ علما أن معها جميع الإكسسوارات رحي اللحم خلاط العصير الخ ,,,,,,,,,,,,,,وسعرها 36000

[ام ايمان1]

واش نقولك حتى انا اشريت وحدة من العلمة كيما تاعك وقلت نتهنى منالعجين بيديا ولكن لقيتها ماتحملش العجين تحسيها تقيلة لازم نعجنو فيها بالفارينة باش ماتتعبش بصح منبعد عجبتني نحضر فيها القاطو وخبز الدار دقيق وفارينة نرحي اللحم المهم ماراهيش في الندامة اما علي العجين لازم بيترا صوليد كيبما تاع الخبازين بصح هي صغيرة قادرة تلقايهم في سوق تاجنانت هكدا قالي راجلي نجيبلك وحدة من تم

[mina alg]

شكرا أختي على الإفادة كن تقوليلي بشحال شريتيها و بشحال العجانة لوحدها أي الي تتباع في تاجنانت

[ام ايمان1]

كينوود اللي كيما تاعك واللي اشتريتها من العلمة سعرها بزوج ملايين بصح مافيهاش رحاية اللحم اما العجانة الي متخصة مليح في العجين والي تتباع في تاجنانت مازلت ماشريتهاش وهاديك مخصة غير العجن برك

[mina alg]

شكرا أختي أم إيمان

[amouna.sem]

tbali sghira a khti wa mana3ref ana li andi ta3 3kg jatni mliha

[الجواهر]

اردت شراء " كينوود " و لكن لما رايتها تعجن بدلت رايي لانه تعجن بصعوبة . وجدت في السوق عجانة اسمها sayouna ب 27000دج اي مليونين و سبعمئة و قال البائع انها ليست اصلية و الاصلية ب 9 ملايين و هي مخصصة للعجن فقط و انا محتارة هل منكن من استعملت هذه المارك ؟؟

[ام هبه]

سايونا راهي رخيصة-الثمن- بصح ماتطولش.قداه من حاجة فسدتلي.ومالقيتش حتى اشكون يخدمهم ف ارميتهم.

[amouna.sem]

sayona khti c'est du jetable andek tachriha mich mliha

[ملاك العاصمية]

أختي العجانة المليحة تبدا من ستة ملايين فما فوق وتعجن أربعة كيلو وأكثر
انتي الي شرالك رجلك بيترا خفيف انتاع الحلوى والكريمات فقط
صعيب تعجني في الخبز أو عجين الي لازم يتدلك بزاف
كانوود علامة جيدة لكنك أشريتي النوع الصغير

[~ حراير ~]

السلام عليكم و رحمة الله تعالى و بركاته
أختي مينا أنا ثاني جابوهالي كادو عندها وحد ال 4 سنين فرحت بيها المرة الأولى و امبعد تصدمت كي حالتك و ما لقيت وش انديرلها حتان جاتني فكرة راني ماشية عليها و امساعدتني خاصة و أني عاجبتني الزيادات الي معاها
و طريقتي أني نبل بزاف عجين و نقسمو على أرباع أو أسداس أو نص على حسب وش عندي اعجين و بعدين نلوحلها بالطرف و الله تدلك روعة بلا ما نزيد الفرينة .... لأني بصراحة الفرينة انزيدها للدقيق الي ما فيهش العلك برك
يتسمى انت إدا عندك الدراهم باش تزيدي عليها و تشري كبيرة عاودي بدليها بوحدة كيبرة .... و كان ما عندكش كملي بهاد الطريقة و إن شاء الله ما راحش تندمي حتى أنها امبارح برك كنت أنا و جاراتي نعجنو بيها و نطيبو في الفطير تاع طهور

[it's me]

sayona fragiiiiiile khalikom menha c'est chinois

[mina alg]

شكرا لكي أختي درك نمشي بالطريقة لقلتلي عليها يعطيك الصحة تحياتي